123smile's Profile

難怪其他comment 都讚服務呢間係我去過最好服務嘅放題餐廳放題基本上每間都差不多，呢間都係水準之上應有嘅都有，價錢同其他餐廳都差不多嘢飲嘅選擇都好多，仲有暖熱飲品可以問侍應攞而且佢哋每一位侍應嘅服務態度都好好送餐收碟都好積極仲有少見放題餐廳會主動幫客人換幾次碟一見到碟有骨就會換真係好impressive 仲會特登拎雪糕雪條俾客人揀好多選擇，泰國榴槤雪條都有侍應仲好好人俾卡片我哋話訂位會有唔同嘅優惠…Read More

芝麻糊真係好難搵到間好食，但真係未至於離譜到一個極點。用粉溝水開嘅芝麻糊好平常，但溝完出黎仲係一舊一舊嘅粉粒，個味無芝麻糊應有嘅味，反而係臭臭青青嘅味，聞落已落非常反胃，而且杰過漿糊，真係好難放到入口。另外一樣就係溫度，佢拎一碗出嚟再加一pat煲緊嘅芝麻糊落去，但我食落係比室溫仲要凍少少，所以就算我點搞佢pat粉都係溶唔到。其實佢又唔係熱住，但又唔係雪住，衛生程度成疑。所以，食左幾啖之後就放棄左。…Read More

星期六打算食好一點，入到餐廳見到啲二人枱都幾迫(其實兩張枱之間只拉開約10cm距離)，而且食客未滿一半，因為衞生問題唔想同鄰枱太近，所以問下可唔可以俾闊啲嘅卡位我地(當時卡位仲有兩至三張)，但侍應拒絕了，俾左張近職員出入口嘅二人枱我哋。其實本身都無問題嘅，因為呢張枱自成一角，都幾好。但點知坐低後睇緊餐牌時，有侍應左右手各捧一個鐵板牛扒喺我頭上經過，非常危險。所以我再同侍應要求轉枱，但佢只係俾返上述好近嘅二人枱我哋。而且侍應的態度很差，所以最後我哋決定離開。其實我都明白餐廳安排坐位有你哋嘅原則，所以都不強人所難。但都希望呢間餐廳能夠因應現時疫情喺坐位空間上有更適合嘅安排。…Read More

平安夜嘅lunch time，成個yoho都好多人，得呢間有位，其實之前食過其他分店都已經中過伏，但諗住求其食，所以都入咗嚟。叫咗個蚵仔大腸麵線午餐。嚟到係呢個樣👇🏻個盤非常污糟，仲有條葱隻蛋好乾，仲好似俾人咬咗啖個麵線無味，落好多胡椒粉同醋先食得落啲薑絲多到嚇死人，成碗嘢都唔係台式麵線個味唔知自己食緊咩如果大家有期望嘅話，千祈唔好嚟仲有杯無影相嘅珍珠奶茶，甜到不得了一次又一次，呢間小王都係無進步過…Read More

去咗黃金海岸搵食，行過一圈見得呢間企理似樣，睇menu二人餐要$788 for two，唔係特別日子食好似有點貴，但見無乜其他餐廳選擇，所以都入咗去點知非常有驚喜，每道菜都好有誠意，海鮮拼盤好新鮮，煎鵝肝外脆內軟好香，火腿配蜜瓜不錯，蘑菇湯有松露香味超好飲，主菜牛扒煎得啱啱好，連配菜都好入味，連配菜都好入味，最驚喜係意大利飯，每粒飯都有濃濃嘅香味，軟硬適中雖然價錢$788，但少有地食完不肉赤，餐廳侍應都係上年紀嘅叔叔，服務親切又專業…Read More

好耐無嚟食過，今日嚟到原來轉咗手，見到仲有得食蟲草花雞湯，就入嚟回味一下。坐位比以前寬敞舒適，亦光猛咗。叫咗個蟲草花雞湯銀針粉(午餐包飲品$42)平過單點，有四大件雞件，雞肉好滑，湯好鮮甜，無味精味，飲完不口渴。米線餐叫咗豬手，瑞士汁好入味，豬軟骨就同其他舖頭差不多，可能都是來貨質素。加個十蚊雞蒜泥白肉。十蚊有八片都ok，辣椒油好香，蒜可以再多點。值得推薦。…Read More

文華東方，是一個令人心痛的地方，由到達一刻開始，種種思念立刻湧上心頭。人始終要向前走，每年來一次，懷緬一下便已足夠。今年我和媽媽到來，點了一個tea set，慢慢細說往事，媽媽告訴我許多關於她偶像的事，有哥哥，有梅姐。很多關於他們的事我都聽媽媽說的，我倒是樂在其中，她告訴我從前的中環是怎樣，大廈比現在疏落，車比現在少得多。老實說，食物味道很一般，除了鬆餅之外，其他都不是好吃，但帶媽媽來邊吃邊回憶舊事才是重點。好好珍惜身邊的人才人生最大的意義。…Read More

約了好姊妹傾計食飯，很少到中環一帶搵食，於是用OpenRice 訂枱服務book了這間餐廳，貪佢細細間，環境適合傾計，亦無限制交枱時間。*其實個人認為餐廳限制交枱時間有點不尊重客人我們三人，點了一個沙律，兩個主菜，一個甜品食物質素不錯，份量都可以，三個女仔剛剛好，但有男生的話可能唔係幾夠食。服務都好好，有朋友生日可以order 甜品時同店員講，可以寫字喺碟上。總括嚟講，係飲嘢傾計嘅好地方，價錢適中，相比同一區嚟講算平。…Read More

早於一星期前已經打電話到牛太訂枱，同好朋友食飯。整個電話都無問題，諗住滿心歡喜同姊妹試下呢間喺OpenRice 0負評嘅燒肉店。Book咗7點正3位嘅枱，我地早咗5分鐘去到，見到舖頭已經滿座，已經心感不妙，於是即刻同門口嘅男人報到，但佢只係叫我等等，咁自己早咗5分鐘，等等都好正常。點知等了又等，等了又等，等咗20分鐘去到7點15分，我再去問同一個男人有位未同要等幾耐，呢個男人話要我等多陣，咁即係等幾耐呀，佢話唔知咖，有人走咪俾枱你囉，我問佢，咁我訂7點又有咩用，咁不如嚟㩒飛，佢就話不嬲都係咁咖啦！之後一走了之😑哈，我真係唔知道原來呢間嘢請啲人係咁巴閉咁大排，咁嘅態度同訂位安排恕我不能接受🙏🏼***真心唔知佢啲正評點樣得嚟***…Read More

星期日無乜事做，搵間近近地嘅酒店食個tea，through openrice book 枱有折喔😋有代客泊車服務，喺度食嘢可以免費泊車，都幾好我地book咗枱，所以有窗邊位坐，環境其實唔錯，遊客係多，不過唔算嘈。空間感都ok，不會太迫。我地叫咗墨西哥脆片，Fish and Chips 同Marriott Burger，份量好多，兩個人食完全食唔曬，叫兩款一定夠。好脆好香口，有牛油果醬同酸忌廉(我估係😅) ，淡淡地都可以。份量好多喔Burger 好大個，佢有得揀幾多成熟，我叫5成，不過嚟到都係7成以上，不過唔緊要，都係好味嘅，生菜蕃茄嗰啲好新鮮，唔錯。有折的話以酒店下午茶嚟講係不錯嘅選擇👍🏻…Read More

又一城選擇真係唔多，以前喺附近返學到而家都係一樣無咩揀。隨便揀咗皇后飯店，見佢有下午茶餐就入去。一坐底睇到menu 就知伏了，揀唔落手。最後揀咗炒貴刁同蟹柳大蝦炒烏冬。炒貴刁係無味的，有好多條河粉仲未炒開，痴埋一叠。好似餸頭餸尾炒埋一碟咁，$100蚊呢個質素真係想喊😭我諗任何一間茶記都好過佢炒烏冬好啲，起碼有味，係基本茶記質素，蝦都有幾粒，都叫ok，但蟹柳係用最平最難食嗰隻款，唔知係咪想有舊香港特色，用都用最貼地嘅材料。埋單二百幾食呢啲🤦🏻‍♀️好無奈…Read More

一行四人去Megabox行街，預計到星期六會多人，所以用OpenRice app 訂位，一去到就安排枱俾我地，唔洗等位。叫咗一前菜三主菜前菜係芝士薯條，有點失望，好多青色辣椒，真係有啲辣，同埋芝士份量少，Ruby Tuesday 芝士多啲，同好食啲。主菜一係Carbonara，落青豆好似怪怪地，意粉味道都ok，份量四個人差不多。主菜二係牛扒，呢個好滿意，沙律菜可以清清油膩感，薯角新鮮炸起，好脆，牛扒五成熟，剛剛好，好juicy，無痴牙，四人分剛剛好。主菜三係Pizza，雞肉少咗啲，但味道好食，餅底都香脆，所以食到一半先記得影相。幾年前嚟食過，今次好味咗好多，希望下次唔好退返步😊…Read More

星期日同姊妹嚟下午茶，價錢貴少少，平日$298，假日$328，五星級酒店嚟講呢個價錢嘆一個下午都抵。個set 份量都多，我地3個人叫兩set，職員都無白眼，反而同我地解釋點樣叫最抵又唔會浪費👍🏻每人可以揀一款茶或咖啡，茶係一人一壺，仲可以加水，唔似某啲酒店飲完要再order。主菜嚟喇，講真食物質素麻麻，無一款係推介好食的，連tea set鐵膽的scone 都做得好一般，但佢包個任食雪糕同生果反而係驚喜，有好多款揀，而且好好味😋…Read More

Weekday 夜晚嚟食飯，附近都有位置泊到車。入面裝修不錯，枱與枱之間都有空間，不會太迫。牆上面餐牌每日都會update 啲時令海鮮同串燒。我地兩個人叫咗一客炒雜菜，一客鳗魚炒飯，同一個串燒套餐，埋單大約三百幾蚊，日本菜價錢都差不多。炒菜份量ok，不算多油，幾香口。鰻魚炒飯係侍應姐姐推介，鰻份量都算多，不多油，炒得好均勻，好食。串燒都唔錯，牛舌最好食。見到餐牌有唔少剌身同壽司，下次可以再嚟試其他嘢。…Read More

可能舖頭嘅能力應付唔到假日客量，今日去到都多人多單。我等咗半個鐘，見其他遲過我地一段時間坐低的客人，食煎蛋都已經有得食，我食滷水牛肚呢啲已經準備好的餸都遲遲未有，於是我問一問呀姐有無漏單，點知呀姐好敷衍咁話多單丫嘛，你食炸嘢咩等耐啲囉🙄不過呀姐你都無問我食乜就知我係食炸嘢呢？你唔係有炸牛肚嘛😲嚟到呢，個上海麵係痴埋一舊嘅，我諗係淥得太短時間啦。所以奉勸一句，趕時間呀、介意啲嘢唔好食嘅朋友就唔好試了🤦🏻‍♀️…Read More