apvgvz56cnb8的个人专页

朋友同我慶祝生日，平日夜晚8:30pm到，早一晚已經book咗枱同埋講咗係慶祝生日飯，亦有要求坐window seat。有幾張半圓枱係望住海景去食嘢嘅，見到有張枱冇人坐，我問職員我可唔可以坐過去，佢話唔可以，嗰張枱係有人book咗，係for四人坐既。但係隔籬嗰幾張枱都係兩個人坐緊喎。（我食到餐廳11點關門，都唔見呢張所謂有人book咗嘅枱有人坐低食嘢）之後我見到有一枱走咗，我好禮貌問職員可唔可以調過去坐（嗰刻我都係啱啱坐低，連水都未有，無整亂過自己張枱），佢話有人book咗，之後我見到係有人坐，但佢哋都係兩個人咋喎，點解大家都係book咗位，但係佢哋兩個人可以坐望海景嘅位，但係我哋唔可以？我哋仲要早到過佢！重點係根本有吉枱，但係又唔俾我哋坐。完全唔明白職員係咩心理，咩安排？係唔係客人坐低咗就唔想煩唔想俾佢掉位？而其他嘅半圓枱係陸續好快就有人走咗，全部都冇人坐，如果係識安排嘅就會問我哋係咪想調過去坐，但係職員冇。成餐飯我就望住我哋好想坐嘅位，重點是冇人坐，但係又唔俾我哋坐咁樣去食飯。其實我哋都係因為個景所以先嚟食飯啫。好好的生日飯，因為職員不合理安排座位，完全扣晒分！…查看更多

心血來潮，想黎望住個景食嘢，喺我享受緊望住個景食嘢嗰陣，個阿姐無端端落窗簾完全遮住晒個景，我要求開返個窗簾，阿姐唔肯，而現場所見就冇客人話要落簾嘅，隔籬枱嘅叔叔都係咁樣講叫阿姐開返。跟住阿姐話會曬親客人背脊，所以唔開簾wor。1. 如果客人覺得曬，應該掉位坐個唔曬嘅位，而唔係要全餐廳嘅客人為咗就佢而冇得睇住個景食嘢。2. 我要求開簾，你可以選擇開我嗰個位嘅簾，唔係全部落哂簾。以上咁合理嘅嘢咁樣都做唔到，加上現場唔見有客人要求關簾，好明顯就係啲阿姐唔想接觸到陽光所以唔肯開簾，而嗰一刻根本一啲都唔曬。希望管理層睇到，職員幫你趕走緊啲為左睇景嚟食嘢嘅客人走。…查看更多