LokLo3103的个人专页

啱啱過去既禮拜二同幾個同事去試咗呢間火鍋店，咁響禮拜二之前既日子已經電話訂座，所以個日到場已經免費升級無限時及加送免費海鮮拼盤，同埋個度如果用餐人數夠5個人既話，就可以嗌2個湯底，咁啱個日有4個同事加埋我足5個人可以嗌2個湯底，講返火鍋方面，湯底質素唔錯，嗌咗脆皮雞煲同鴛鴦湯底(麻辣+莞茜皮蛋湯)，雞肉嫩滑唔韌(但雞肉無得無限添食)，牛肉質素都唔錯，連我啲同事都讚不絕口，海鮮質素就中上，咁大部份既海鮮、所有牛肉種類及其他肉類連部份火鍋配料都可以用QR CODE 落單無限添食，火鍋配料區提供既款式亦較多，飲品方面，除咗基本既汽水同果汁任飲外，亦有幾款啤酒供應都係任飲，唯一敗筆之處就係無甜品供應，連雪糕都無，有啲同事都反映話無甜品食好似爭啲咁樣，最後講吓價錢方面，個日每個人既人均消費為$328(已連加一)，咁呢個價錢屬於合理，亦係屬於可以Encore去多次既選擇…查看更多