KiKiandLaLa's Profile

之前經過新都會廣場見圍板裝修，期待開張時去食一次⋯⋯大約有10人排隊，排咗大約40分鐘入場，安排座位係玻璃隔離，啲人就喺玻璃隔離排隊，個個望住晒，超有壓迫感叫咗招牌豚肉丼，炸雞丼（見隔離食炸雞滿滿的好似好正），豚肉丼等咗25分鐘左右，炸雞丼大約等咗40分鐘，豚肉丼第一啖係好似好入味，之後食食吓蒜蓉味濃到唔想再食，仲越食越鹹⋯⋯炸雞丼啲雞油淋淋，明顯無翻炸迫出多餘油份，食到好膩，又冇調味，無下次！已經冇心情影相，所以無相…Read More

早前買咗呢間嘅晚市海鮮放題， $188 （$38 加一及$12茶錢另計），四個人去食，8-10pm，點知⋯⋯一入場預咗冇服務，第一件事送上海鮮拼盤及鰻魚，翡翠螺有啲好多沙有啲冇沙，青口同凍蝦還可以點左啲炒蟹炒蜆等，預佢唔會好快上菜，咁正路expact 應該係即做，點知第一次點嘅避風塘炒蟹，走油個蟹身竟然唔熟！扇貝唔係新鮮貨，食得出係急凍，啲肉係淡味冇海水嘅鮮甜味，貴妃蚌接受佢係細隻，有鮮甜味，賴尿蝦係細隻嗰種，味道都OK，炒通菜同滑蛋蝦仁不過不失。咕嚕肉唔夠熱，係暖，啲蝦味道OK諗住再encore，點知侍應話賣晒！但好搞笑隔咗半個鐘之後又上返蝶蝦，黃金魷魚係直頭冇味，本人已經唔係濃味人，食得好清淡，但魷魚真係完全冇鹹味（無確診COVID-19，沒有失去味覺）炒蜆最後都冇到，炒聖子追call埋咗單先有，已經收晒碗碟，聖子唔新鮮，好腥，無食到，反而最後啫喱同桂花糕最正常9:00pm已經話last order ，9:30pm已經叫我哋埋單，9:45pm已催走！好耐都未食過一間咁嘅食肆…Read More

見到新開無耐嘅越南餐廳外賣紙，餐廳主打自選湯底，粉麵同餸，價錢單拼都係$34（仲要連飲品）！！！今日叫咗生牛肉拼牛腩，牛骨湯底，金邊粉，加多個馬拉盞炒通菜（$24！你無睇錯，真係$24！！！）打開袋第一件事最驚喜同窩心因為見到送咗支韓國🇰🇷74%酒精搓手液，成50ml！睇得出係靚packing（因為小妹係做美容業）⋯⋯講返食物先⋯⋯湯底味道正宗，清甜，偏濃style，大約3片牛腩，幾腍，生牛肉無乜特別嘢寫，no comment！馬拉盞炒通菜份量以$24嚟講都算多，夠飽味道都係濃味版會再繼續幫襯…Read More

買咗HKTV mall團購，團購價$118，去到先知仲貴過即場俾錢，即場俾錢waiter話$128全包（即連加一），買團購$136.8（$118再加$18.8加一），仲貴咗$8.8！有無搞錯！又要上網搞付款，又要開printer print出嚟，買『優惠』反而仲貴，印象好差，勁唔開心！無下次！…Read More

前日第一次試呢間開咗有一段日子嘅麵店，網上評價一般，由於食到唔知食乜，所以決定入去試吓。叫咗雪菜肉湯麵，榨菜拌麵，等左好耐（大約10分鐘）先上菜，湯底好清，感覺上冇乜味道（我個人平時食得清淡的），第一啖湯真係冇乜味，要撈埋啲雪菜拌勻先叫有啲味道，拌麵都係味道比較淡，乜上海嘢唔係濃味啲嘅咩？另外我懷疑間店應該得兩個員工，一個廚師一個侍應，廚房出菜慢，侍應服務龜速，成日入咗廚房，有食客等咗3-4分鐘佢先出店面，感覺係hea住做無下次…Read More

一個月前用app book咗今日下午3:00正，去到好多朝早排隊攞籌嘅人等叫飛，反而用app book嘅叫飛反而好少（但app竟然full book!），先在店舖cheesecake 的電腦mon 輸入訂位號碼簽到，到3:00好準時叫飛人座！食物平價取勝，賣相不是太完美，但味道ok! 因為客人流量大所以魚生好新鮮，魚肉表面有光澤！豚肉拉麵湯好濃稠，麵條Q彈，hubby鍾意。我叫了牛肉烏冬，味道整體不錯。甜品卡達拉娜唔知係乜，所以叫了一件試下，味道係似法式焦糖燉蛋，不過是雪凍的版本，上面有層薄脆焦糖，硬度像cheesecake 咁。最後埋單$256，老公竟然話好飽…Read More

三日前去咗食晚餐，因為新開，當晚不算太多人。叫咗牛柳200g同300g，牛柳係1成熟，好腍，好juicy，麵豉湯唔鹹，珍珠米任裝，食到好飽，店員都有禮貌，因為好飽，無叫其他小食，下次再試肉眼扒！…Read More

最近富臨改咗名（阿姐話都係一樣富臨）⋯⋯飲茶上咗3樓，冷氣唔夠，阿姐服務態度一般，食物味道都是一般，可能是做遊客生意的關係吧⋯⋯午市叫咗幾款點心，等左大約15分鐘，由於太焗，速速食飽走人，唔會再幫襯了。…Read More

六月來做甲，來了程班長，下午兩點左右來到，餐廳約有七成坐滿。排隊有四人左右。收銀台灣店員禮貌很好，加上台灣人說話的口音好像日本一樣很輕，感覺更加有禮。佢會重複一次已點選的食物以防出錯。等左大約5分鐘，食物到了。點了滷肉便當，份量對我女生來說剛剛好，食淨少少，有肉有菜有蛋，感覺營養均衡，特意點肥少少的滷肉，因為冇肥唔好食，冬瓜茶不過不失。甜度啱我。趕快15分鐘食完，因為夠鐘做甲。永遠支持。永遠支持。永遠支持。永遠支持。…Read More

今日上咗葵盛東，天氣凍凍哋，特別想食熱野，見到呢度街市翻新咗，同以前好唔同！竟然係屋邨見到有串燒賣！買咗沙嗲雞肉豬肉，雞肉嫩滑juicy,豬肉好腍， 肉嘅味道好特別，醬汁係靈魂，甜甜哋，同鹹嘅肉好夾。等緊嘢食時，老闆窩心俾咗杯熱水我，傾傾下原來佢係印尼華僑，細個食串燒食到大，對串燒有要求。啲肉係完全唔會落任何化學野，味精，色素，鬆肉粉喎⋯⋯除咗串燒亦都有水晶涼粉，燉檸檬嘅特色食品。總括嚟講，好有細個喺街食串燒嘅味道。…Read More