Mikamikaka的个人专页

呢間店長期門口好多人等 今次特登提早啲時間 避開人流終於食到首先當然叫個炸雞試試佢啦跟住嗌左半半炸雞 🍗(即半份原味+半份酸辣汁炸雞)第一啖咬落去非常脆口 炸雞皮一啲都唔厚 而且食落啖啖肉 雞肉一啲都唔鞋身 肉汁都好多🤤而另外酸辣汁味道調校得都好好 唔算太辣 又易入口 加埋炸雞味道啱啱好👍🏻另外嗌咗一份韓式部隊鍋 🥘嚟到上枱是連埋個爐一齊上的 保證熱辣辣 味道方面 湯底較濃 不算很辣 內涵都算足料有好多蔬菜同菇類🥬總結來講 整間店服務環境同食物都不錯 尤其推薦食炸雞 非常Juice 推介😛👍🏻…查看更多

落雨唔想周圍走 於是搵左間cafe坐坐聊聊天呢間係旺角樓上店 環境都舒服 可以在鬧市中一點小寧靜食物方面 揀左兩個set lunch🍝芝士吞拿魚天使麵賣相ok 呑拿魚都多 如果醬汁多啲就更加好 食落唔算好乾 味道都有芝士味 🍔 煙三文魚番茄包味道唔錯 份量足夠 而且個包是烤過才夾餡料 所以外脆內軟 而餡料方面 煙三文魚同蕃茄都新鮮 而薯條上菜時都熱身同脆口 整體不錯不錯 😊👍🏻🥤🍫叫左兩杯野飲 一杯係朱古力咖啡 另一杯係士多啤梨朱古力夠凍 朱古力味道濃郁 幾好飲 😊總結來講 餐廳環境食物都唔錯 只係結帳時等待服務員來時間比較耐 但服務時都很有禮貌的 如果能夠有呢個小改善就更加好😊👍🏻…查看更多

每次想食韓國炸雞就諗起呢間野 ❤️已經唔係第一次食 每次食親都好期待😋知道佢又唔同地方都有分店 咁啱同朋友行完街 想食韓國嘢 於是就過咗嚟食嘢😋😋撞正假期嚟到都好多人排隊 好彩唔駛等好耐就入得 服務員都好有禮貌🍻韓國烤雞當然要配啤酒啦 天氣熱辣辣 店內有啤酒可以單點 即刻點返兩支啤酒來配搭一陣間嘅主菜啦🍻講返食物先🍴今次點左”蟹子沙律醬芝士蛋卷”同”軟芝士甜辣烤雞” 🧀首先個芝士蛋卷好滑一啲都唔鞋身 而且醬汁味道配搭得啱啱好 又有蟹子芝士味又有蛋味 讚讚👍🏻👍🏻🍗而軟芝士甜辣烤雞 一嚟到熱辣辣上菜 甜辣剛好 烤雞一啲都唔乾 食落去外脆內軟 每次食都好回味 ❤️總結來講 食物都份量充足 兩個人兩份餸啱啱好 而且烤雞配啤酒一流 很喜歡食呢間的烤雞 每次黎親食 就算唔同分店都keep住水準 值得一讚😋👍🏻…查看更多

成餐飯三個字講晒 好滿足😂首先一黎到已經比小菜你醒醒胃先 開頭真係已為得幾碟仔 點知越來越多 而且仲要唔馬虎 樣樣好好食 個人推介酸菜魚 炸蝦餅同雞翼 真係熱辣辣得來又脆口 食完想再encore 呢個時候朋友阻止左 叫我忍忍口 之後仲多嘢食😂過咗無耐 慶幸自己有聽佢話😂因為啲嘢食真係陸續有來 .......🐔首先嚟咗一盤雞煲(我哋嗌左微辣 都好入味而且雞煲仲有鮑魚🤣)🍣之後嚟咗刺身 都新鮮鮮甜 一啲都唔Hea 仲要有海膽🤤🍲再之後重頭戲黎啦 開頭以為雞煲加水嘅我 原來會再比多個靚靚煲你打海鮮邊爐 而且海鮮樣樣都好新鮮👍🏻鄉里出城嘅我真係嘩左一聲😂期間服務員姐姐仲關心我地夠唔夠食唔夠食可以再加 仲推薦我哋老火湯底好飲😂好親切嘅姐姐😂所以覺得點都要寫返個食評讚一讚😂👍🏻總結黎講 食物質素、款式、服務都唔錯 價錢方面係會比一般火鍋放題貴一點 但咁多嘢食來講性價比算抵👍🏻值得推介☺️👍🏻…查看更多

生日慶祝推介☺️❤️第一次黎食 朋友仔book既位 佢之前食過話呢間唔錯 岩晒幾個女仔坐低 摸吓酒杯底 慢慢傾下計🍸😂😂於是就揀咗呢度啦😂簡單講下個環境服務環境都衛生好舒服 燈光適中入到去服務員都好好招呼 有帶位最Surprise係咁啱生日 朋友仔叫左個生日cake 服務員拎完蛋糕出黎無走開到 仲同我哋一齊細細聲唱生日歌(如果係大聲唱就尷尬了😂😂)好 言歸正傳 講返野食先今次我地五個人叫左🥩威靈頓美國特級牛柳酥皮都做得鬆脆 比較薄身 牛柳煮得啱啱好 肉汁好多🍕夏威夷pizza係比較簿身嘅Pizza 芝士好足 鍾意食芝士嘅我食好開心😂🍟芝士薯條薯條份量都幾多 如果芝士再多啲會更開心😂🧀墨西哥香辣牛肉芝士焗粟米片分量多而且粟米片夠脆 仲有幾種醬料喺上邊比你選擇 甜品部分🎂火焰雪山 推介👍🏻唔係好多地方有火焰雪山食 呢間就有啦 仲要超好味 裏面雪糕夠晒凍 酒味唔太重 成個甜品甜度啱啱好 推介👍🏻另外仲有兩個生日甜品係tiramisu同拿破崙 都好味既 唔會甜到漏 但最鍾意都係火焰雪山🤤總結來講 呢餐真係食得好開心 可以同朋友好好聚一聚而且又有生日驚喜 唔錯唔錯🥰下次會再嚟…查看更多