CooknEat的个人专页

約咗朋友，book訂位，食個麵，就去睇Imax....去到揾唔到，行咗幾個圈，原來要再落半層行去另一邊。見到王家沙門口，有喫麵logo...都唔知岩唔岩，門口即員問，我話openrice book 咗枱，佢話無record..但照指我地入去。其實食物唔差的，幾好食，但無奈佢環境....好似員工休息室咁。無服務，無網路，唔明點解要咁做。好地地一間王家沙，點解要搞喫麵....係舖最入，無員工，連想飲水，杯都無隻。要自己用qr code落單，唔緊要，收唔到網絡。要去自助機落單俾錢，做全單8折都無用到。如約朋友食飯，千祈唔好去，自己快食都可以，但記住唔平囉！…查看更多

餐廳係1樓, 等緊𨋢時, 見到旁邊有後門, 疑惑咗一陣, 決定等𨋢啦...之後就好多人排隊搭𨋢, 原來後門都可以行樓梯, 如太多人等𨋢, 又唔介意行幾步, 建議都可以行樓梯.  上到去, 一開𨋢門, 好有驚喜, 好似另一個世界. 個裝修好有feel, 好靚. 仲係度望緊時, 已有staff 問我地有無上website book位, 我話無. 佢就帶我地埋枱靠梳化, 我地一坐低佢就去酙水同俾Menu我地, 仲問要唔要介紹, 啲service真係好好. 我哋乜都想試, 而最愛吃牛, 最後揀咗1個Lunch Set, 另外單點1份和牛他他   , 睇下佢份量如何先...Lunch Set 包2個courses, 1 small 及 1 large, 另外加$40有埋甜品. Orange-Marinated Salmon, Almond Cream, Tempura Flakes (Small)鮮嫩美味的三文魚,  添上淡淡的橙香, 軟滑的口感, 再沾上有少少脆脆奶油, 口味很特別Organic Beef Hanger Steak, Bone Marrow Chimichurri, Fries (Large)聽過封門柳好少有, 每隻牛得一條好少量。見到Menu有即叫. 果然牛肉軟嫩juicy，而牛骨髓好香又有營養,  配上阿根廷青醬緩解牛髓的油膩感，配合得很好。值得一提, 雖然薯條係配菜, 但薯條亦很夠味, 連茄汁都不用加。Wagyu Beef Tartare (a la carte)和牛好嫩滑, 上面個cream 有些泰國味道, 原來加咗basil同lemongrass, 再配埋脆卜卜的米脆片,  份量好夠, 有誠意!Pavlova with Berries & Citrus Sauce最後當然係甜品啦! 雜莓有士多啤梨, 藍莓及紅莓, 再加上柑橘果醬, 酸中帶甜, 底下是蛋白餅, 口感脆脆, 連柑橘果醬一齊食, 真係好好食, 酸甜度剛好, 好balance !! …查看更多