torochan的个人专页

朋友生日帶蛋糕唔使額外收錢，仲要幫你播生日歌同寫happy birthday店員服務態度非常好又有禮貌，嘢食上得同時，個清酒一飲就上癮，食完即刻推介比同事朋友。勁耐無寫食評都要抽時間寫返一篇贊吓。即刻去相啦～…查看更多

希望我呢個食評能夠令餐廳既食物質數可以有更大既進步😊而唔係只有價錢既進步朋友生日，一早book咗食日本野，見食評好多都話高質，價錢又親民就試首先！餐廳位置係唔錯，無乜人等𨋢，後來發現等𨋢既原來得佢係食店。環境：裝修同間距都不錯，坐既位置係舒服。服務：亦都一叫就有人，樓面人數比一般餐廳多再睇埋餐牌，咦！典解同我睇呢度既有分別呢度食評上傳日期係8月1x日，我8月29日，短短2、3個星期，估唔到個牛油果卷由88升到128我都呆了，呢間本身並唔係特別平，貴都唔緊要，貴得黎好食我無嘢講，但係佢無樣嘢好食唯二正常既就係沙律同溏心蛋我都懶得問朋友拎相，求其搵張合照cut算，呢個咁既吉列牛，一啲牛味都無，又多筋，唔點汁根本係食緊白灼橡筋，佢真係可以一點點既味都無ga wo,第一次食到咁既牛😡相上面果個係咩饅魚蛋$88/6件，莫講話饅魚味，我連蛋味都feel唔到，個鰻魚仲要係一小粒一舊咁牛油果卷128：無特別，係人都post咗，軟蟹味好似就黎燶咁牛舌58：超經典！肯定佢係烚完再係咁易燒就當炭燒，完全奀啦、無味啦、難食啦無乜特別，夾硬話佢正常都得食完都唔豬食咗啲乜燒三文魚壽司38/2件:對比橡筋，佢算係好味我地食到一肚火，本身想叫第二輪都唔叫，去食第二間仲好，朋友安慰話可能係我地叫唔啱嘢喎，可能刺身果啲好食呢～跟住我地就去咗第二間食嘢🙄呢間嘢會成為我近一個月既話題餐廳，恭喜哂～…查看更多

入面去周圍都好多油，卡位抹完都唔坐得，要迫少少咁坐叫咗韓牛1++，我地6個人揀送咗3份三文魚刺身同3份鮮牛刺身，撈蛋鮮牛既味還可以，不過我怕所以食咗好少，三文魚刺身唔鮮，不過都唔會話期待佢。即時點咗1++韓牛牛肉同埋牛肩肉，分別有醃同無醃都試吓，一上黎啲色係半啡半紅都算，食落勁鞋無牛味咩黎？！所謂韓牛就係鞋奀無味？我試埋打邊爐，一樣得個樣，好鬼鞋。反而點返美國肉眼牛肉片仲好過食佢，但都係一般貨仔，所以連相都懶得影了。另外佢終於送咗碟堅嘢黎，原來其他人影既果碟賣相同肉質都好既牛係只限1碟，平均每人2塊咁大把，再想食就要額外比錢，350蚊/人 埋單，嘢飲種類又少，啲牛黎到唔叫都唔比夾子，刺身亦唔跟鼓油，最搞笑係中途無啦啦問我地個燒肉汁係咪唔要，無人答佢跟住自己拎走埋伏到無朋友，真係寧願去x角食…查看更多

每朝都要黎買早餐，相信買開呢間既人都清楚呢度有個多口、惡、巴渣既大嬸，佢呢排都係企係執包位度，成日掛住傾偈唔執包。果日明明無人，佢都可以掛住講嘢，大佬呀朝早趕時間返工係大部分香港人既特色，你丫執完先傾得唔得？咁我咪好聲好氣問可唔可以執咗先囉，佢又勁惡咁話黎啦執緊啦！講到好似我錯咁今日佢無返⋯唔使3分鐘我就完成哂買早餐既過程。實在太明顯嘞忍唔住要上黎打返篇⋯佢對客唔客氣，對同事亦似係咁⋯阿姐，你收斂一下得唔得⋯無人想一朝比你話今日又食豬柳漢堡+熱奶茶，呢幾日啲熱奶茶辣咀咗又滿咗，唔知係咩原因。對我黎講啱啱好既溫度易入口啲…查看更多

決定寫呢篇文，唔係因為尋日既差員工，而係因為今日既好員工。因為臨時搬屋，每日都會去呢間買一個包加一杯茶走少甜返工，試過有一次午市買包買到「墨西哥奶黃包」我就愛上咗了！可惜既係朝早8點幾既時段係未出呢個包～都唔緊要，牛奶球都好味，配埋個茶走20蚊內就搞掂我個早餐嘞！尋日朝早如常過去，揀咗個腸仔沙津包，都唔差～加杯茶走，對方並唔係平常果個，佢聽到我哎「茶走少甜」就話，啲「田」自己落架吓！乜唔同咗咩，我再三同佢確定，又問佢係咪會配個煉奶比我⋯佢始終都係態度唔太友善咁指住包糖話啲田自己落！我皺哂眉頭咁問「你知唔知咩叫茶走？」佢亂噏咗2句終於肯幫我落茶走少甜⋯⋯杯奶茶出到黎平時我會自己拎袋，但尋日真係炆炆地，等佢包，佢居然包埋包糖比我！！平時唔覺意比多咗無所謂，佢分明就係度想講自己係啱既！我真係火都黎！係佢面前將包糖拎出黎比返佢！再同佢講「茶走唔使比糖架」！「唔識就唔好扮識」真係過分一句唔好意思都無！今日又過去見到係平時果個！我即刻問佢尋日係咪放假，話尋日果位員工唔識咩叫茶走！佢勁好態度咁兜話可能聽唔清楚⋯跟住又幫果位員工同我講唔好意思⋯其實我只係想分享你唔係度我係唔會黎買包⋯並唔係要你代佢sorry，因為每朝你都用唔錯既態度去面對客人～請到你真係值～…查看更多

成日幫襯呢間拉麵店！仲要介紹過唔少人黎食⋯由佢一間食到變2間⋯好食既程度可想而知，仲新出椒鹽雞翼（好重胡椒味⋯唔推介） 辛辣湯底由微辣到而家真係有辣度～所以唔多講⋯但今日去真係令我好失望好失望⋯唔知係果個阿姐 心情係咪唔好⋯首先一上去同枱有人走，個阿姐黎收碗順手收埋我地張飛仔，我地出聲佢仲要話我地做咩放係枱⋯無啦啦比佢話，杯一早到既啤酒擺到明係啱啱倒，又懶係好咁問：咁呢杯係咪你地架？再黎見佢投訴一個幾好禮貌既侍應哥哥仔，事源果個侍應哥哥以為有2個女仔只係得2人，叫咗佢地去2人枱，話有人等緊3人，果2個女仔又唔出聲，等果個阿姐上咗黎，先出聲坐返去3人位果邊，日本老闆娘上到黎，阿姐就疑似投訴話「人地3個人，果個男仔叫人地坐去2人位」，唔知係咪新入職先唔講名啦吓～個姐姐黎咗之後，都有幾個新面孔但都做唔長既～我地食野都食得好快～飲剩杯啤酒，諗住坐幾分鐘抖吓，點知個阿姐走黎叫我地走，有人等緊仲話煮咗麵𣺉咗就唔好！喂你一早同我講限時呀嘛⋯⋯仲衰過去「學校食物」，成段都唔夠60分鐘呀！真係唔該曬！個語氣仲要唔係問你可唔可以幫幫手，係通知你走，轉頭直接叫人上黎呀！我真係第一次遇！平時食飯其實見多人等或者啲姐姐好快手收野我都盡量快食快走，呢單真係谷鬼氣！今次我忍！下次我實同佢理論呀！…查看更多

第一次去，去到見一堆人等緊，邊等邊剔張點心紙，都明白係間餐廳想食客諗定食咩等可以"速戰速決"不過由於佢唔夠筆比我，比張紙我果時亦無"細心"地提示我要剔定食咩，我同友人諗一諗大概點咩就係則邊傾計叫到我地果時，佢見張紙無剔到，就好兇咁罵我地(不要懷疑，真係好兇):喂，都無剔到既!掛住係度傾計!!!哇，大姐，你做到忟都唔使咁話我地呀?又無筆比我!又無叫我一定要點左先!一"一我係懷住嬲爆爆既心情入去食，所以叫得唔係好多= =韮王鮮蝦腸︰搭配味道不差，清新家鄉咸水角︰好大陣臘腸味，皮唔算香口，個人較喜歡舊式咸水角果種味多d蘿蔔糕(唔記得全名XD)︰比一般多蘿蔔，煎得麻麻，但居然無甜醬提供.....鳯爪排骨飯︰細碗得你呀.....排骨OK鳯爪係友人食唔G..無咩特別我都預左係旺角食野係逼逼夾夾，不過佢真係用盡哂D位，4張2人枱連埋一齊...中間有人走...係要拉張枱出黎先走得..拉左出黎都未必夠位@@"好老實講，再好既食物，你搞到我心情差我食極都會覺得唔係好。反觀，服務態度好少少既，唔係真係好差我都會繼續幫襯...我唔係要你顧客至上...但至少唔使咁樣講野...去食野並唔係去受氣...…查看更多

我見e度咁多人話好食,朋友都話食過其他分店既下午茶都唔錯(話薯條超正!!)今日同朋友去尖沙咀拎月餅就順便試下,我地行完街先去食大概接近8點左右唔使等就可以哎餐同有位啦~不過就係滴水位.....仲要係滴係枱上面..所以又搵過第二個位...我同朋友都哎左同一款煙肉漢堡餐,跟住我見佢+$5有兩隻香辣雞翼都幾抵喎,咁就叫埋.一黎到我見到個包,心諗:咁細舊既@@我係大食之人..好彩我有叫雞翼同加左大碼!望下隻雞翼.......應該都係mini size@@ 不過$5咋~算啦好食就ok....首咬雞翼,味道還可但食唔到係"香辣"次咬煙肉漢堡,或者我唔鍾意佢放燒汁...無肉味...煙肉好似擺左好耐...我食左個表情係一_一尾咬薯條,我諗我食過咁多薯條最難食係今次..唔新鮮都唔緊要...最慘係點埋蕃茄醬陣油"溢"味都仲可以好大陣.....我好想知佢究竟用咩油炸....真係好難食...忍唔住先唔訓都要寫e篇食評出黎最好既..都係你...可樂....啜啜朋友同我講話e間唔係好得...或者每間分店都唔同,但我絕對唔會再去.....就算我食過d唔新鮮既薯條都只係會硬左d同無咁香口....但未試過陣油"溢"味會咁重.....唔通又係我黑仔??????定係要我去返朋友食果間食下午茶先至食到佢既原味出黎@@唉.......算...吧啦....無下次嚕...…查看更多

同3個朋友行完傢俬街諗住去食日本野,本來諗住係去平時食開果間既,但行過見到,咦!新開架?(因為太耐無經過果條街)舖面都幾好,望入去又唔錯,就入左去試,6點幾7點唔算多人亦唔使等位,4個人就比左張十分闊落既卡位我地.我地點左最常食既:-鰻魚炒飯 唔錯份量唔算少,但可能我鍾意鰻魚好多果種,覺得鰻魚唔夠三文魚刺身&壽司 好味超鍾意,刺身都夠厚天龍卷(唔知有無記錯名) 微熱ok,個蝦頭好大舊仲有飯係底,朋友甲成個蝦頭食埋赤貝刺身 好新鮮,平時我地唔會點,但係個貎似經理既男人介紹就叫左一客,食完翻點多一次其他壽司等 鰻魚唔錯,我覺得上層既size唔須要特長,搭配飯入口啱啱好就good總結:消費$400每人都係$100,朋友都話下次會再去,佢有vip房8-12人,雖然只不過係用一度門隔住,但我都想試下,另外佢有個每位食滿100+38任食三文魚既推廣,但我地覺得每人食滿100都應該飽飽地,唔划算卡位應該可以坐6人,因為3位king size既朋友都坐得好舒服…查看更多

已經第三次黎啦~頭兩次係食晚餐，覺得d意粉同西冷牛扒好味，今次就試下個下午茶朋友叫左肉醬意粉，晚餐都試過叫around$55，下午茶$26咋，雖然係細碟d，但d意粉真係唔錯，幼身好味^^值得推介我叫左公仔麵餐配豬骨湯，餸係照燒雞扒~都係$26，叫果時心諗其實食個公仔麵餐$26算貴，但黎到見到果時，又真係有$26蚊既水準豬骨湯底一般但配左半個熟蛋，嗚門卷同海苔(唔知係咪叫海苔)好似日式麵食咁~~塊雞扒size ok，塊皮亦脆，照燒汁稍咸睇左其他食評，e度真係有個阿嬋態度麻麻(3次去都覺)，另一個唔知係咪事頭婆既對客既語氣就好似命令式咁問多一問都好似唔耐煩咁.....餐廳環境都算ok，我有時食食下會望住d燈~~毛球燈(自己改)幾得意…查看更多

約朋友去尖咀行街，一早講左唔食得熱氣野，朋友就提議佢去過既e間西餐食怕夜d會多人，所以7點左右就入左去食，唔使等位but無哂卡位。點左個茄汁蝦天使麵(唔記得個名)同牛魔王焗飯，加多個芝士汁焗西蘭花，兩個主菜都加$25轉餐(菜湯或沙律,餐飲)先黎個天使麵....應該係天使碎麵...個汁都ok份量亦足夠...不過個蝦就只可以話唔好食同埋佢有個蝦頭係度，唔知係咪我唔記得拎起個蝦頭先，我食食下d麵會食到d斷左既蝦鬚(好大陣怪味).....芝士汁焗西蘭花...oh...應該係白汁伴烚西蘭花(偏黃)，再灑少許芝士= =牛魔王....食兩啖已經唔想食...餐飲熱奶茶....建議都係叫穩定d既凍檸茶好d...唯一覺得ok既係個沙律....…查看更多

之前去過旺角既pokka cafe印象唔錯所以男朋友生日就提議去九龍灣e間試下，順便睇戲哎左兩個set dinner同蒜茸包西冷牛扒牛仔骨羊扒定食男友最鍾意食蒜茸包~焗得唔錯但中間果點如果係芝士黎(?)就覺得無咩味牛扒7成熟,外熟內生,我鍾意~配飯份量適中^^啱啱好~~仲有煙肉卷豆角伴碟 ~gd男友既牛仔骨亦唔錯,羊扒試左一小口,無咩特別飲品加原價既一半轉左個凍朱古力同埋朱古力雪糕特飲~(我地都鍾意朱古力)男友既凍朱古力普普通通,我既特飲雪糕偏甜,可能係因為佢下面係類似淡咖啡沙冰既飲品,所以要用較甜既雪糕襯返整體黎講服務好好,環境唔差,可能好少去e類既餐廳,覺得舒服咁坐又唔使同人搭枱趕住走既環境特別鍾意,價錢雖然比我平時食既貴兩倍(慳家之人),但係值得既會再去第二間試…查看更多

果日打完波,聽講好多人都話E間好好食,見大埔開左間就去試下~打完波都9點幾,入到去唔係太多人,都夜啦可能.我點左酸辣墨丸腩肉米線 - D腩肉白雪雪無味(可能我食開都有醃過)..墨丸普通....個湯係最令人失望....完全FEEL唔到係酸辣湯底(輕微酸辣味)..仲要加$1....配菜得(少量)"九"菜(大量)芽菜同3塊腐竹...OK既都係土匪雞翼,確實脆皮多汁.夠惹味可能因為我地夜啦...佢地D員工又趕住收舖....叫野食果時個姐姐已經企住係度等我地落單,叫我地快D叫,要截單....又係你地不停問我地幾位,好殷勤咁招呼我地入去..如果真係咁趕住準時收工...就係我入去前講明話10點截單10點半前要落哂閘啦....…查看更多