美食軍團的个人专页

想食得清淡少少, 就同小比嚟咗菓一道之前路過好多次, 不過每次都係過門不入今日好彩唔洗等位就入得order 了雞扒五穀糙米飯同上湯仙竹卷米粉讚下個糙米飯, 好有咬口, 又香仙竹卷都唔錯, 好食過平時酒樓嗰D, 起碼唔會成完成口油菓一道真係幾唔錯, 感覺上都算少油鹽味精值得一試…查看更多

經常路過新城市, 都會被這餐廳傳來的陣陣香味所吸引可惜永遠都人頭湧湧, 排著一條長長的人龍今日約了小比一同睇<<天使與魔鬼>>開場之前我哋被這裡的香味吸引了入去, 幸運地不用等位就入得~waitress 安排了我們去一個較遠的位置, 我哋想調位, waitress 亦很快的安排了另一個位置比我哋~我哋點了2個set lunch Appetizer係水牛雞翼, 炸得非常香口, 值得一試 Main Course我哋點咗蜜糖芥末雞扒扁意粉同埋煙三文魚意大利飯意粉ok, 個汁幾濃, 雞扒幾嫩口, d 皮煎得幾脆, 不過就好似無咩芥末味個risotto好正!!! 幾軟熟, 煙煙韌韌咁, 幾有口感! 點了2杯唔記得叫咩名的特飲, 好飲! 不過太凍, 飲到個頭wing wing 哋埋單都係around $180之前睇好多comment 都係話等位等太耐, 等上菜等太耐, d 嘢食唔熱, 味道淡......可能因為今日食lunch, 唔係太多人, 所以等位上菜都好快~而且d嘢食都熱辣辣!總括嚟講Shakey Pizza ge 嘢食都唔錯, 值得推介! …查看更多

小比今日考試, 考之前我哋約好咗同佢食個tea/晚餐先我叫咗個紅燒豬軟骨肉燥飯+芒果綠茶小比就叫咗水餃紫金絲麵+茱香奶綠講下我個飯先, 整體都算唔錯肉燥份量都幾多, 而且唔太咸, 好食, 送飯一流 不過豬軟骨就得好少芒果綠茶都幾正, 幾香芒果味又唔太甜到小比個金絲麵啦唔知呢個紫金絲麵係咩做ge 呢都幾爽口彈牙個人嚟講我就鐘意呢隻金絲麵多過新竹米粉水餃d 皮好薄, 唔會食到成口粉茱香奶綠就淡咗d, 因為我哋叫咗少糖少奶, 不過d 糖就真係太少下次我會試埋佢個鹽酥雞人…查看更多

平時很少機會來到灣仔, 所以即使見到金鳳咁多好評, 都無咩機會嚟試吓. 這次同小比咁啱路過呢度, 終於有機會嚟品嚐吓佢咁出名的無冰奶荼同埋雞批好好彩唔洗排隊就有位啦, 不過間鋪都幾細, d枱都幾窄. 我哋order 了一個常餐同一個雞批.常餐有香腸奄列同菠蘿油. 因為怕肥的關係, 真係好多年無食過菠蘿油啦. 唔知係唔係肚餓的關係, 食落去竟然有一點點的感動 個包應該唔係剛剛新鮮出爐, 不過都仲熱熱哋, 中間夾著大大舊鮮油 其實無咩特別, 不過我喜歡這平凡中又帶點驚喜的菠蘿油 香腸奄列都ok, 不過呢排食得太多茶餐廳, 食得太多常餐, 所以對呢個香腸奄列印象唔太深.跟住就到雞批. 之前d食評好多都話金鳳的雞批名大於實, 今次我要比返個credit 佢! 新鮮出爐的雞批熱辣辣, 好香! 外皮好鬆化, 入邊d 餡料(火腿雞肉)甜甜哋,真係幾正! 我同小比一人一口好快就搞掂咗佢啦...為食的小比見到啱啱有盤蛋撻出爐, 就再order了一個. 我哋都係鐘意食曲奇皮多過酥皮, 不過呢度ge酥皮都幾鬆化, 個蛋都幾香濃同埋幾滑. 不過因為剛剛出爐太熱, 我哋都不幸比辣親條脷 大家要小心d, haha最後就係無冰奶茶, 無冰真係好正, 唔會愈飲愈淡 茶同奶ge比例都剛剛好, 唔會太苦又唔會太甜, 真好為呢餐下午茶畫上完美句號!灣仔呢個舊區好似周圍都有工程咁. 旁邊的那條囍帖街(利東街)正好帶出一個值得我哋反思的問題: 係唔係推倒舊文化, 換上一式一樣的高樓大廈就代表進步? 希望金鳳這樣的舊式餐廳唔好被淘汰吧!…查看更多

長洲有好多甜品鋪都好出名, eg 師妹甜品, 允升甜品, etc不過原來喺長洲有幾間分店的紅馬餅店都有個好正的甜品ga我同小比見到有只售$5 一件的黑森林蛋糕, 當然唔會錯過!!!唔好以為平嘢無好, 呢件黑森林蛋糕都好正蛋糕鬆軟, 朱古力味濃郁, 不過最正ge係中間夾住d jelly哈哈, 真係幾好食仲有個芒果蛋糕, 好後悔無試到…查看更多

早兩日同小比到長洲行吓長洲有好多小食, 不過因為我哋閒日入去, 好多店舖都無開到不過, 為食的我們當然都係咁食食食啦"泰式美食" 呢間小店真係幾細, 喺店外放咗3張檯老闆娘(應該)係泰國人, 不過係識講廣東話的行過比呢度D菠蘿炒飯吸引咗, 係真係有個菠蘿裝住嗰D菠蘿炒飯呀~不過我同小比最終都無食到菠蘿炒飯我哋叫咗個鮮蝦炒金邊粉嚟share個炒金邊粉幾香口, 有少少辣不過d 配料就少了一點好特別ge係喺碟邊有d糖喺度應該係比d怕食辣ge人撈嚟食ge見到好多人嚟買雞翼同埋串燒, 睇嚟幾吸引不過因為之前已經食咗好多嘢最尾都無食到......對呢間小店個印象都唔錯, 美中不足ge係格離檯喺度食煙…查看更多

美食軍團喺美景花園搵地方食早餐, 見到呢度有間台式餐廳就諗住嚟試下早餐都算抵食, 20蚊有多士,麵食同台式嘢飲同女友叫了一個朱古力吐司一個奶油吐司吐司很好食, 熱辣辣的, d 邊仲好脆甜甜地, 亦很香口叫了一個糖醋排骨麵同雞扒麵糖醋排骨好正, 好開胃雞扒就普通點, 無咩特別台式嘢飲都唔錯, 我點咗杯芒果紅茶, 出奇地好好飲嚟個總結先~ 我覺得喺美景嚟講, 有間茶館實在係一個唔錯的選擇!…查看更多

星期日, 返教會的日子本想喺返教會之前同女朋友嚟荃灣食個滿足的早餐不過琴晚上openrice 睇睇先發現原來嘉樂冰廳係10點鐘先開門唯有食完早餐返完教會, 美食軍團先再出發啦~返完教會, 差唔多11點幾嚟到荃灣由於我同女朋友都未嚟過嘉樂, 喺附近都要兜返幾個圈搵嚟搵去見到有條長長的人龍, 原來就喺呢度!等咗一陣之後就有2人位我哋點了:阿華田奶昔--$18非常好味!!!呢個真係值得推介! 甜得嚟仲有好香濃ge阿華田味, 好滑, 又唔似老麥咁難吸火腿奄列(小)--$16之前睇食評話大奄列$35. 落完單之後睇下, 點解個奄列$16咁平? 原來係細奄列~當碟奄列送到嚟時, 第一個感覺:"嘩, 咁大份ge!?!?"真係好大份, 同埋入邊有好多火腿絲. 都算唔錯不過我同女朋友都係覺得澳洲牛奶公司好食d澳牛d奄列滑d同埋有蛋味d五香肉丁雲吞米粉--$20本身想叫件三文治, 因為睇食評d 相好吸引!!!不過諗落三文治同奄列都有d 似(都有蛋呀~)所以就叫了個米粉.ok 啦, 無咩特別, 不過值得一提係d 料好豐富好多五香肉丁, 仲有4隻雲吞!見到格離檯食哩腩撈粗, 炸雲吞, 蛋牛治, etc 賣相好吸引!!! 呢度都算大件夾抵食我諗之後都會返嚟食過翻尋味…查看更多