宇晴's Profile

第二次幫襯午市外賣。店內一個客人都冇，很冷清，火鍋生意午市真係好難做！比我第一次新開張時入嚟堂食是見到，擺放嘅位置係唔同左，但仍然好乾淨整齊！我走入去買左個麻川辣湯鴨血米線，加一個木耳，係我嘅favorite，湯嘅味道適中。木耳$18咁細盒就似乎少咗啲，但味道係ok嘅！午餐價格都算抵，$48一個米線，外賣盒另加錢。…Read More

5月份嘅時候，放工在聯和墟正考慮買什麼作晚餐，見到呢間新開嘅壽司店，就去試吓。門面很整潔、店舖很小、只有兩位員工。他們只做外賣的，食物都是即叫即做，包裝都不錯，非常新鮮，還提供了非常多嘅豉油& wasabi 😆壽司做得好好味，餐牌上的款式雖然很多，我挑選了幾款經常會吃的壽司及手卷，試了後發現，全部都好好味，真心唔錯，一定要再幫襯…Read More

去年在囍逸樓下圍板裝修，好想知是開什麼店，終於11月開張，原來係任食火鍋，我最喜歡打邊爐，好開心！所以特登帶父母一齊去試。本來一早想留言，但open rice當時未有這鋪登記😆 試過創建第一個post,但失敗左。今日見到open rice有這店，馬上留言。經過門口貼住一個手提電話號碼，就試吓WhatsApp問可否訂檯。店主好快就回覆，訂檯很快完成。好期待試新店嘅心情😊餐廳覺得環境很舒適，食物質素很好，湯底很好味！招呼又好。取食物嘅雪櫃，簡直似一個仙境，好凍，凍到出煙😂由於新張期內，不收加一，65歲以上長者還有優惠，真係好！👍🏻由於晚市食堂限住10:00關門，兩個鐘好似好趕咁，想坐耐啲都唔得！唯有下次再幫襯！…Read More

從來不寫食評的我，都想寫寫初次體驗的感受。6個朋友的聚會，決定試粥底火鍋，我在開飯上找了6間店，最後朋友一致決定選了靚粥工房。鋪面完全不起眼，店內面積不大，大概只可同時容納20人左右。分兩個時段，我們選了第一場，6:00-9:30pm。餐單根據老闆當日安排，據聞每天不同。初來的粥底，很稀的米水，有皮蛋，但粥水完全冇味的。今日海鮮是：鮑魚、白貝、大蜆、海蝦、蟶子、泥鯭魚、三星蟹；另外還有雞、魚旦、肉丸、冬菇、南瓜、嚮鈴、油條、炸魚皮。*鮑魚忘記影，很新鮮的，一人一隻。餐單份量很足夠，位位$198，免收加一。餐單沒有牛肉及菜，要的請自費加上。飲品只有汽水，$10/罐，店內不設啤酒，如有需要，請自行攜帶入內。吃到大概7:45pm, 原來淡而無味的粥水，已煲得七七八八，南瓜溶入粥底，變成很綿，很有鮮味的海鮮南瓜粥，正！👍🏻 打到最後都吃不完，我們覺得很浪費，最後分了4個盒子把粥帶走，回家當宵夜吃了！超滿足！此店值得推介，可以再來幫襯！😘…Read More

今晚同媽咪一心諗住試下, 點知係超級失望.我地只係叫左幾樣野姐, 試一試先..1. 蔥爆牛肉客飯2. 五香牛肉担担麵3. 小籠包4. 冷熱豆漿各一杯先講個服務態度, D C9侍應超級唔Pro, 邊講手提邊同你落單, 你叫左D咩佢分分鐘唔知. 問佢個凍豆漿有冇加糖, 佢都費事答我就行左去. 環境, 都尚算光明, 整潔, 不過就冇咩人.食物既質素, 就真係麻麻, 個蔥爆牛肉d牛肉好韌, D味就仲可以. D菜飯就最離譜, 表面上好濕, 咬落去一粒粒飯好硬. 一D都唔好味.個五香牛肉担担麵就唔使講, 第一啖試個湯底, 好花生醬味, 唔怪得佢話係 "改良担担麵", D麵身煮得太淋, 牛肉又唔夠味, 整體黎講比個蔥爆牛肉更差. 結果, 我都只係食左一半就收工.個小籠包, 係最遲出既一道, D豬肉調味過甜, 雖然係食晒, 但我諗絕對唔會有下次.豆漿, 係最OK既一樣, 凍豆漿巳放糖, 唔太甜, OK, 熱豆漿係冇糖既, 要自己落糖, 適合唔鍾意甜既人飲用.呢間餐廳, 不但冇色香味, 連包裝都冇. 價錢仲要唔係平, 唔值得再光顧.…Read More