Jackey Lau的个人专页

撞啱現在有全運會項目，不期然就諗起南華會有間中菜又有大電視，可以一邊食一邊睇比賽👏🏻。因為太耐冇嚟，原來已經改頭換面，新裝修，又夠光猛，地方闊落，仲有個over100吋的大電視👍🏻。先來個經典西湖牛肉羹，嘩！器皿好似個湖的感覺，份量都幾多，普通菜式，但幾有水準👍🏻。再來有深海比目魚扒，外皮炸到金黃色，魚好嫩滑，而且非常厚肉，再用少少美極醬汁兜一兜佢，香噴噴👍🏻。古法桂花炒瑤柱這個菜色又幾得意，首先完全不油膩，炒得好乾身，除咗瑤柱蛋，中間夾雜粉絲芽菜，送飯一流。再來一碟薑汁炒芥蘭，菜一定要食🤭滿足的一餐。這間中菜係坐得幾舒服，感覺幾好🫰🏻。又撞正何詩蓓今晚攞金牌👍🏻👍🏻👍🏻。值得紀念。…查看更多

之前有經過過佐敦果間店，但要排長龍，最終食唔到，今次去了中環大館附近的泰排檔，又係米芝蓮推介，今次有口福了。裝修都比較新淨，坐得舒服，且具備泰國風味🫶🏻。點了蟹肉炒飯，睇落平平無奇，但食落口食到唔同的調味，好有層次感，炒得好香，蟹肉新鮮，非常有水準👍🏻👍🏻👍🏻。再來有粟米蝦餅，蝦餅炸到金黃色，咬落去外層非常鬆脆，裏面熱辣辣，蝦肉有彈牙的感覺，名副其實嘅外脆內軟，加配甜酸醬汁，好正👍🏻。跟住有泰式蠔餅，份量大，而且蠔好大隻，並不是蠔仔🤣，食落也是非常脆口，推介🫰🏻。最後還有飛天通菜，正常發揮，不錯。整體非常滿意，尋回泰國風味👍🏻👍🏻👍🏻。…查看更多

今晚同老婆二人去了觀塘鴻圖道一間打邊爐食放題，主打係講緊自家製無添加的花膠雞鍋🫰🏻，望落去睇到個湯已經好濃厚，先飲湯，後打邊爐😋，湯真係正，真材實料，雞湯鮮味👍🏻，再放雞肉花膠落去打邊爐，雞係嫩滑，花膠膠質好黏口，好正👍🏻。飲完熱湯，就來個刺身冷盤☺️（牡丹蝦、鮮帶子、三文魚）新鮮🫶🏻。之後又打邊爐，海鮮拼盤（鮑魚、生蠔、海蝦、大蜆、脆肉鯇）正，全部郁好新鮮🥰，加上個湯真係好正，真係無得輸👍🏻。打邊爐又點少得牛肉，來個牛肉盛（牛小排、牛肩胛、安格斯牛版腱、雪花牛肉粒）其實睇個牛的油脂分布就知好食，之後仲有荔枝蝦球、外面有得拎台灣腸、炸雞等等好多美食，仲有made in HK的杯裝雪糕，係好味的👍🏻。所以這個放題$298一位又要係冇限時，真係超抵食👍🏻👍🏻👍🏻。如果升級比$388，海鮮、刺身、靚牛肉都可以無限追加。…查看更多

今晚同老婆兩個撐枱腳，去了九龍城食海鮮為主的蒸氣鍋。揀左$419一位的尊貴海鮮套餐（寫明時令海鮮當日新鮮運到）👍🏻👍🏻。未開始蒸鍋前，先有隻南非鮑魚切下先，鮑汁好好味😋。來第一蒸，先有翡翠螺同埋加拿大海虎蝦，店員都好細心幫我地蒸，又計好時間👍🏻服務周到🫰🏻，先食螺，都好多肉，而且蒸到啱啱好，咬落去幾彈牙🫰🏻，跟住係海富蝦，大隻實肉好新鮮，蝦頭仲有膏流出黎😋好掂。之後有韓國釜山蠔，蒸得又係岩岩用，縮少少，食落脹卜卜，好多水，好鮮甜🫰🏻。再來有大元貝+自己製蟹皇醬，元貝都唔錯，醬料就好出色，好夾海鮮用🫶🏻。另一樣有驚喜就係這個奄仔蟹，劈開一半已見到好多膏，蒸完之後，蟹肉一疏疏，實肉，又甜，真新好甜，e個真係好好食☺️☺️。另一個主角就係澳洲龍蝦，蒸得又係啱啱好，龍蝦肉由蝦尾一抽就可以抽出黎（連埋d蝦頭膏）。龍蝦肉好爽，好甜，彈牙🤣好鬼正。青口就普通啦，我本身都不太食青口，最後就係粥底，海鮮精華落晒落d粥底，不過我已經食海鮮食到好飽了。下次要再encore奄仔蟹🫰🏻真係好好食。…查看更多

今晚去左間觀塘一間cafe，可以話人氣爆燈，因為上到去都座無虛席，好彩今日早少少收工，所以唔洗等位。先來個檸檬蜜糖醋鮮果沙律🥗，份量都唔少，生果好新鮮，睇都知🤣七彩繽紛，藍莓🫐大大粒，再來有鹹蛋黃薯條，夠邪惡😂但不停食🤭。跟住有柚子雞翼，啱啱烤起，超熱辣辣👍🏻雞翼脹卜卜，好味🫶🏻。來個蒜香蟹肉意粉，好大碟，意粉多到砌座山咁，蟹肉仲誇張，一大舊🤣，有無咁抵食呀，而且係好食，有水準👍🏻👍🏻。最後甜品也有很多選擇，我揀了新鮮蜜瓜配焙茶糯米窩夫，蜜瓜好甜又多，不過窩夫先係重點，表面少少脆，內裏好煙靭，配雪糕有小小冰火的口感，必食👍🏻👍🏻👍🏻。encore🤭😋…查看更多

今晚同老婆去咗觀塘區一間上樓食西餐的地方，我唔係觀塘區返工，所以覺得有啲難搵到間餐廳，但原來係apm後門轉右再上樓就到😓。更加意想不到就咁早就爆場🤣。我是好彩有張吉枱☺️。天氣熱，來杯芒果冰紅茶涼一涼先，再有凱撒沙律，菜很新鮮👍🏻，再來個招牌cobber大蝦辣蕃茄意粉，嘩！份量都幾正，少少甜一點點辣，好開胃，好食😋，pasta質感做得好，大蝦又真係好大隻👍🏻好實肉👍🏻。另一個主角出場，澳洲150日黑毛安格斯西冷，3成熟☺️，睇個樣都知好食，仲要有個熱盤熱住食🫰🏻，肉質顏色好靚，又咬口但唔韌，正🫶🏻必食🤟🏻。甜品時間到，因為份量都幾大，所以只叫一份甜品：士多啤梨拿破崙，賣相很吸眼球，切落外皮好鬆脆，真係好好食🤤，我老婆明明話飽，但心郁郁想再叫多個甜品🤣，巴斯克芝士蛋糕，間餐廳d甜品真係唔錯，這個又滑又香，氹到我老婆好開心🥰🥰，應該好快又encore🤣🤣🤣。…查看更多

今晚老婆帶我去左尖沙咀位於柯士甸道的一間韓國餐廳，店內環境簡約，以木系裝修為主，柔和燈火，比人一種舒服嘅感覺。揀了個2人的姨媽套餐，因為我是第一次嚟食，事前並唔知道原來所有食物同一時間由用另一張枱搬在眼前，個感覺好正👍🏻👍🏻👍🏻，儀式感好重，所有嘢好齊整，好靚，心情係突如其來提升了幾級🥳。先介紹吓12小碟（炒粉絲、泡菜、紫菜、菠菜、豆腐卜、芽菜、茄子、微辣青瓜、沙律、雞蛋、醃製八爪魚粒、魚仔乾）。魚仔乾甜甜地幾好味🥰醃製我嘅八爪魚粒好惹味☺️沙律好似係番薯，但少少爽口👍🏻炒粉絲好大碟，又炒得好好味🫶🏻泡菜係大片好完整，好爽口，咬落share share聲，好好食🤩。燉牛排骨 - 牛肉好林，好軟熟，蘿蔔入晒味，最緊要個湯汁好好飲😊。辣炒章魚 - 啲辣醬汁黐住每一嚿章魚，送酒小食一流。海鮮嫩豆腐火鍋 - 嘩！好多海鮮排好晒，店員仲會幫手處理海鮮，剪鮑魚、大蝦、幫手分開隻蟹👍🏻好細心。另外只有燒黃花魚係後上，因為即燒，上枱時外皮脆，可以成塊揭起，裏面啲肉熱辣辣有蒸氣噴出👍🏻好好食。整體黎講係超滿足，食得好開心，又抱住個肚走。🫶🏻🫶🏻🫶🏻。…查看更多

將軍澳Popcorn商場對面有間西餐，座位好多卡位，墨綠色皮sofa，再加上綠色植物，感覺舒服綠油油🫰🏻。Menu 有美國同澳洲肉眼西蘭牛扒，仲可以升級加牛油焗龍蝦尾。其他德國鹹豬手，燒春雞，口前美國豬鞍扒，上枱都大大份🙂炭燒澳洲肉眼牛扒外脆內軟，夠香口。以為龍蝦尾份量會少，但原來都足夠三個人大大啖🤟🏻，牛油香味滲透龍蝦肉，雖然龍蝦肉係雪藏，但肉質厚實。墨魚汁海鮮意粉，好有蒜香炒意粉配上墨魚汁嘅味道。在order咗啤酒同紅酒，三人好享受咁傾咗一個晚上🫰🏻🫰🏻🫰🏻。…查看更多

最近睇新聞的話題成日講今年開始，日本地震機率非常高，攪到有啲驚，唔敢去日本旅行，真係有啲慘慘豬的感覺😮‍💨。不過朋友就介紹左尖沙咀有間爐端燒由日本人主理，有很多博多美食，今晚去品嚐啊😋。前菜：明太子薯仔沙律-將薯仔切片配上九州名物明太子仲有脆粟米片，食落爽口清新又脆卜卜😋。凍辛辣豆腐配上乾蔥及大量脆米粒，食落口好嫩但又有韓式辛辣的刺激又脆口的感覺🤟🏻。冷蕃茄-很簡單的一個前菜，就係夠新鮮❤️。食完前菜就到主角出場啦，真正嘅九州博多名物 - 牛腸鍋（もつ鍋）香港真係第一次見到有牛腸鍋食。二人前的牛腸鍋份量都幾多😋有口福啦😚首先牛腸好乾淨，食落口彈下彈下咁，又肥又嫩😋，口感好正🙌，加上個湯味道濃郁，韭菜椰菜同豆腐都吸晒湯的精華❤️非常滿足，食到咁上下加個日本生麵，正正正。很有以前去福岡旅行時食牛腸鍋的感覺🙂‍↕️🙏🏻。最後甜品係梅枝餅、和風雪糕批😋，我記得以前去福岡太宰府有食過，好味😋。食餐飯有咁多日本旅行回憶真係開心🥳。encore🤟🏻…查看更多

今晚同朋友去左Sogo旁邊的逸園中心7/F有間日式居酒居食晚餐，店內裝修似足日本的居酒屋🏮。見到有個沖繩的Orion beer做緊優惠，$19杯330ml，真心抵飲🍺👍🏻。跟住黎個蟹籽沙律食下先😋，特上魚生卷🫰🏻，魚生新鮮，海膽好濃厚，又正又抵食。再來今日主角時令燒物😋蓮子鯛，我上網查過又叫黃鯛🤟🏻，都幾大條，燒到魚皮焦香脆口，而且肉體又結實，魚油都幾多，高級享受，超好食👍🏻👍🏻👍🏻，旁邊有柚子酸汁，亦係好夾👍🏻強烈推介🫰🏻。之後係串燒（牛舌、雞頸、雞翼）水準都唔錯。另外這個鹽燒雞皮，好脆卜卜，送啤酒好正🍺。免治雞肉串又係好啱我胃口，一來燒得香又能保持肉汁，二係點生蛋+醬汁，口感又滑又有蛋香，感覺真係極致，我好鍾意❤️。魚湯茶漬飯又係一種簡單得黎但又口感分明的日本美食，先係熱湯，鯛魚湯好清但又好香，湯淋落魚生片另到佢半生熟，口感又好了得，岩岩加入湯的飯，仍然保持原粒，好好食。所以真係好佩服日本人的烹調方式👍🏻👍🏻👍🏻。最後來個新鮮燒菠蘿🍍又係好多汁，但係熱辣辣的，我覺得全晚的食飯都係高水準。👍🏻👍🏻👍🏻…查看更多

今晚來了觀塘的工廈，fine dining，係咪好奇怪呢🤔工廈都有好野食？去到就知😏。店內裝修有日本簡約風格，係俾人一種舒服又放鬆嘅感覺🤟🏻，我坐在月亮的旁邊🌕，而今晚的餐牌在一隻黑膠唱片上。先飲welcome drink鼠尾草青提紅酒醋soda，好清爽，前菜有風乾火腿配蜜瓜果凍、冧酒車厘子鵝肝慕絲、甜粟米忌廉芝士撻鵪鶉蛋，食物水準唔錯，鵪鶉蛋配芝士撻係有驚喜，口感突出，鵝肝慕絲對我黎講就麻麻。跟住有龍蝦湯，味道濃郁，而且個湯的質感係厚，我好鍾意❤️。主食有「紅花西班牙海鮮飯🥘」係海鮮多過飯，豐富👍🏻，而且味道係好夾，蝦肉好結實👍🏻，飯亦都係吸收晒海鮮精華，係好好食，我仲想要多d 飯🙏🏻🙏🏻。甜品有朱古力紅桑子開心果脆脆，口感係唔錯，幾好食，底部係朱古力撻👍🏻，薰衣草薑檸啤，又幾好飲wo，我鍾意，最後係青檸椰子薄荷沙冰，係清新，但佢係冰粒，唔係沙冰🍧。整體嚟講好滿意。唔錯唔錯。…查看更多

朋友升職，好開心，話要請食飯，就去她公司附近有間台式人氣高的單人燒肉店😋。二話不說，豪氣少少就點了日和極上盛合套餐及smile盛合套餐👏🏻👏🏻，食物未到之前，出去沙律自助吧拎下野先，土豆泥加左柚子好好食👍🏻。套餐到啦！極上A5和牛、西班牙伊比利黑豚、無骨牛小排、龍躉石斑、鮮蝦👏🏻👏🏻，又正又靚。因為係冷藏肉，所以肉質鮮又多肉汁，燒5成熟就食得，燒肉設計做得幾好，成間店都無油煙味，好乾淨👏🏻👏🏻。另外加左個蔥花玉子飯及韓式雪蟹膏食，兩個都好食，不過我就鍾意蔥花玉子飯多啲，成碗飯好香，好食😋。另外飲品有鳳梨冰茶，夠fresh夠清新，食燒肉最佳飲品🤟🏻。最後焦糖布丁蕾甜品🍮結尾。大滿足👍🏻。…查看更多

之前在其他地區都有食過新泰，啟德這一間是第一次，餐廳裝修又真係靚靚的👍🏻，有啲金碧輝煌的感覺，而且地方大，仲有露台位置。先來個小吃-香芒軟殼蟹米紙卷，睇個賣相好fresh，因為菜很嫩，芒果又甜，食落真係有種清新的口感。之後就係冬陰功湯（小），小小辣，濃味，好多料（蝦🦐）幾岩香港人口味，如果去泰國飲冬陰功湯，通常都偏辣。再來有辣椒膏炒蛋大蜆，蜆正常，反而重點去咗個辣椒膏，超級惹味，直頭可以撈飯食👍🏻。鐵板蠔仔炒蛋，我見到台台人都有叫，而家上枱時滾熱辣，睇個樣都正😋，食落表面鬆脆，蠔仔好大隻，蠔仔蛋下面有芽菜墊住，入晒味，推介🫰🏻🫰🏻。印度薄餅一定要食，非常鬆脆，點咖喱又得，點辣椒膏又得。好好食。👏🏻👏🏻話時話。，落單張單除咗有中文，仲有泰文🤣，咁得意，同埋我見到侍應真係有用泰文溝通🤣🤣🤣。…查看更多

最近發現銅鑼灣百德新街近油站，有間日式居酒屋，可能新開不久，暫時未係咁多人發現，入到店內感覺很悠閒但又富有日本格調。見到晚飯時段都有一些應該係新開張優惠，部份串燒係$38有兩串，超級抵食👏🏻👏🏻。我都叫左日本長崎雞心、雞賢、薩摩赤雞雞皮，都燒得好好食，雞皮更加正，超級脆卜卜👍🏻。另外有燒白鱔，又係魚皮脆脆，魚身啖啖肉，仲有好多魚油添😋。月見免治雞肉棒好厚肉，配上日本蛋，好黏、好滑，好味😋。主食有稻庭冷烏冬，將鵪鶉蛋同蔥，仲有Wasabi加入醬油撈勻，正。另外還有櫻花蝦鰹魚湯泡飯，本身櫻花蝦就好香，加上鰹魚湯好夾，清得黎又有甘純口感。good😋。簡單又開心又實惠的日本小店。…查看更多

同朋友去九龍站圓方食街街，之後上了平台搵到間都幾出名的印度菜食晚餐，咁啱今日天氣好涼爽，坐在餐廳戶外，非常舒服，環境好舒適🙂。先黎一杯Mango Lassi(芒果印度乳酪）🫰🏻，另外Crispy chicken burger配有脆脆幼薯條，同朋友吹水，有脆口野食最啱🤟🏻，個包都幾大份，兩個人share食岩岩好，包好多汁😋。再來有串燒grill octopus，好香，可配生洋蔥一齊食，好爽好夾🤟🏻。跟住有nagpuri fish curry ，咖喱汁非常濃厚，魚肉都唔錯，嫩滑口感👍🏻，印度菜食咖喱一定唔少得有naan，叫左個butter味naan，好鬆軟，熱辣辣，好好食🙂‍↕️❤️🫰🏻，naan係一定要再encore👍🏻👍🏻。舒服又美好的一餐🙏🏻。…查看更多