yanmi.bibi的个人专页

約左朋友今日黎到九龍城食野，朋友話泰國野辣食唔到，行過見到呢間日式野好似吾錯咁，午市又有優惠就入去試下呢間啦！食得日本野緊係唔少得食壽司啦，一睇到個menu就已經唔洗唸啦！直接嗌左個壽司盛，跟餐重有埋沙律，湯同飲品，成個套餐都幾豐富！店員上左沙律同個湯後，重送左碟餃子黎，好欣賞而嫁重咁有人情味既鋪頭，即時係我心入面加曬分餃子重要係即炸既，熱辣辣又脆口，好夠味，唔洗點醬都好好食沙律菜夠清新開胃海鮮味噌湯唔會好咸，味道岩岩好，有蝦有蜆，味道無咁單一，好飲！主菜-壽司盛擺盤好靚，打卡一流，有8件不同款式既壽司，魚肉刺身件件厚切，份量十足，而且夠曬新鮮，最欣賞係燒左口魚，炙燒好香，入口半溶，好食呢間食物質素都幾高，食完都係唔夠喉，再嗌左d串燒同朋友傾下計慢慢食串燒拼盤同朋友咩都嗌串黎試下，嗌左大概十幾款，好多款都質素好高，串串都係即燒，上枱重係熱辣辣既，長芋口感幾特別，食落粉粉地但同時又爽口既，洋蔥牛小排，肉香而且有口感！質素幾高，下次同朋友再黎傾耐d可以嗌下串燒set，4串包埋啤酒先係$98，都幾吸引…查看更多

薯仔屋以電影院🎬主題佈置，隔離就係戲院，睇戲前後都可以食嘢～選擇眾多又有下午茶、扒餐、麵食和甜品🍮，仲有兒童餐啱曬一家大細睇戲之前食嘢🙈🙈S3 香煎美國榖飼西冷牛扒舖天薯條🍟 💰206一開始有個前菜，前菜是煙燻三文魚沙律配蒜蓉多士，沙律醬份量很足夠，個人覺得煙燻三文魚🍣幾好味，蒜蓉多士又香又脆🤤整體都幾好食。西冷牛扒要佐7成熟，可以因應個人口味同店員講幾成熟～牛扒嘅火候掌握得剛好，食落去都嫩身，淡淡嘅鹹味和胡椒味，反而更突出牛肉味道🤤唔似坊間餐廳咁濃嘅調味。另外仲有配薯條和沙律，薯條都算粗身有少少鹹味，想要茄汁可以向店員索取🙈沙律味道清新，配埋肉可以平衡下～一個人整體都好飽份量很足夠🤣雜果賓治 💰36賣相吸引，有很多水果果肉，包括水蜜桃，波羅，檸檬和蒟蒻。味道清新唔會話好甜，相當解暑🤣🚇港鐵柴灣站A出口，步行約5分鐘…查看更多

一向知道金鶴拉麵雞湯出名，見呢期promote黑松露極濃雞湯拉麵，聽落好正咁喎，當時有個迷思，到底係極濃黑松露定係極濃雞湯，試試囉，哈哈。店舖環境好正，似江戶時代既木柵門，居酒屋式嘅吧檯，俾客人睇住自己碗麵誕生，東主係設計餐廳個陣好尊重日式拉麵店嘅傳統。通常啲餐廳都只係見到一茶匙左右嘅黑松露醬， 金鶴拉麵毫不吝嗇，我諗我應該係見到兩湯匙份量嘅黑松露醬！總之就係比想像中多好多！未食已經聞到強烈的黑松露味，溝勻咗顏色好滿意，好似磨菇湯咁，證明超多黑松露（好多地方一撈勻啲黑松露就消失咗....），美味可想而之，每啖湯都有黑松露味，同雞湯配搭就似天作之合。麵中伴隨好多木耳絲，即刻感覺喺食肉嘅世界中得到平衡。雞柳好嫩。食完去一去洗手間有驚喜，十分貼心嘅女洗手間，承傳日本女士飯後要整理儀容嘅習慣，有牙線、漱口杯，小小金鶴有咁高級嘅洗手間，為整體更添日本氣息！…查看更多

本身去西灣河個朋友屋企打機，點知去到太安樓，佢先話原來女朋友放假，上咗佢屋企。大家都識做嘅，咁我咪唯有去睇下有咩食。行行下見倒呢間壽司小店，一份份嘅厚切魚生放咗係外賣櫃，仲只係$50，見佢性價比咁高，就埋去試。佢哋嘅馬糞海膽手卷($35)，性價比勁高，海膽淡黃和橙黃交雜，顏色尚算深色，食落一啲怪味都無，反而食落鮮甜，甘甜味更為突出。除咗馬糞海膽之外，佢地仲有來源至澳洲、加拿大和日本的海膽。手卷飯粒帶點微暖，醋味剛好。因為食完一個手卷仲好餓，我仲叫多咗個三味魚丼($58)，集合三文魚刺身、三文魚籽等厚切鮮甜的魚生下，係軟綿綿的白飯，加上牛油果的配料，最佳組合非佢莫屬！…查看更多

今日五一假期去河畔花園朋友家， 行經附近有間叉燒大王， 食飯時間眼見門口大排長龍， 相信這裏的燒味一定是非常吸引， 而牆廚掛滿了各式各樣的燒鵝、油雞、叉燒和燒肉， 真是垂涎欲滴，極其吸引， 決定先在這裏食午餐。分別order 了這裏的燒鵝髀飯和四季豆欖菜炒飯，正！先嚟燒鵝髀飯完隻鵝髀，色香味俱全， 未食已經流曬口水。 味道更是香濃入味， 鵝味香、 皮脆肉嫩，加上熱辣辣脂肪分佈平均， 不需要點醬汁已非常惹味，汁多味美，十分好食。至於另一碟四季豆欖菜炒飯， 估唔到材料清清地也非常入味， 最愛他們炒飯沒有多餘的油份，食得健康， 加上四季豆非常爽口嘅口感和鹹鹹地的欖菜， 非常開胃，大大碟都食清曬。難怪這餐廳經常滿座， 價錢雖不算便宜，但味道卻令人 回味滿足，正正正。…查看更多

今日同同事係油塘見先客已經六點，於是就一齊食飯，途經呢間餐廳見到有海鮮食就入去坐底左叫左兩個一人海鮮鮑魚蒸氣塔，鍋底揀左瑤柱排骨粥底，有幾舊豬骨係入面，所有野都蒸八至十二三分鐘左右先黎個海鮮盤，兩隻活鮑魚好生猛，仲識郁好新鮮；龍蝦多膏，肉質彈牙，個龍蝦剛超大隻多肉；粉絲大元貝同大蜆皇，有大量蒜蓉蓋係面，惹味非常沙巴躉，嫩滑鮮甜蟲草花蒸鮮雞，雞件份量多，又滑又入味皇帝菜，脆嫩無渣手工芝麻綠茶芋蓉餅，外脆內軟，芋蓉唔太甜，好香口既芝麻…查看更多

今晚約左朋友食飯，我想食雞煲，朋友想食小炒，呢間食店就有齊我倆想食既野，選擇都幾多老重慶奇味雞煲，上菜時好香，放係個爐上面最細火慢慢熱住食，有分大辣，中辣，小辣，BB辣，我地叫左個小辣，雞件又香又滑又嫩，冬菇同豆卜索哂啲汁，好惹味，超正。。唔夠辣可以加辣🌶🌶，雞件食完後加返雞煲個辣湯打邊爐燒汁彩椒炒白鱔，配料豐富有冬菇紅椒青椒洋蔥，白鱔鮮甜肥美，連配料醬汁一齊食惹味十足什菌炒腰花，炒得香嫩爽口，不過火，什菌豬腰比例恰當，都係大大碟鮮墨魚滑，夠新鮮，食得出墨魚既鮮味，彈牙鮮甜竹庶茅根自家製，飲落好清甜，好天然，好解渴食物好味，分量多，老板員工熱情友善，我同朋友坐下傾下食下飲下，不知不覺就坐左兩個鐘…查看更多

越式慢煮南乳豬手，慢煮既煮法真係好腍，相當入味。香辣豬肉鬆粉皮生菜包，我最中意食生菜包就係可以自己包，生菜包鋪上粉皮加肉碎淋上越式魚露，捲好一大啖咬落去，清爽可口既生菜香辣惹味既肉碎，滋味無窮。順化鮮茄牛腩河粉，牛腩煮得極度軟淋，鮮甜的蕃茄，幼細既河粉吸收了蘿蔔湯頭，口感非常豐富。天氣時冷時熱，飲返杯桂圓生薑蜜暖暖身體，甜甜辣辣，還有幾粒桂圓，邊飲邊食桂圓，有著清甜既滋味。椰青糕，充滿淡淡既椰青味。…查看更多

送左阿囡去上堂，突然好想食珍珠，見到有間歇腳亭，睇睇有乜特別飲品最近興黑糖飲品，就買左杯厚黑糖珍珠鮮奶，糖同冰都無得按個人喜好調配，珍珠帶有黑糖味很Q，但太細杯...飲哂成杯都未食哂啲珍珠，冰太多要食哂啲珍珠就要係冰堆到不停吸😑…查看更多

今日放假唔使返工，可以接阿囡放學，接放學前去附近商場食個tea先😁坐底打開meun，叫左個香辣煙鴨胸炒天使麵，再加3蚊叫左杯凍奶茶炒天使麵，我預期係乾身，但呢碟比較多汁，帶少許辣，一邊食一邊撈暈，食到尾其實已索哂啲汁，岩岩好…查看更多

今日去北角城市花園睇樓，睇完樓唔知食乜好，經過呢間貼左紅紙既餐廳，阿囡被隻乳鴿吸引住，拉左入我地入去食晚飯。黃金薰蛋，有薰過既香味，糖心蛋灑上淮鹽，入口醇香美味。妙齡乳鴿，開張優惠28蚊，點都要叫返隻黎食喇，皮脆肉嫩，又香又惹味。辣子雞丁，勁多辣椒，雞丁嫩滑，腰果香口，辣度適中，雞丁分量超多。杞子桂花糕，清甜桂花香。紅棗心太軟，呢款上海甜點，每次食上海菜都必點，紅棗去核夾住糯米粉團，甜糯香軟風味十足。…查看更多

今日去坑口探朋友bb，諗住去街市買生果少少野食上佢屋企開餐，街市隔離有條食街，入去望望有乜食。。。發現有間食壽司，不如坐底食埋先上去喇😁蔥吞拿魚腩手卷，第一淡咬落去好驚喜，鮮甜既魚香味，一食難忘，好少吞拿魚腩容仲食到鮮甜味，期待後面上台既食物。天然真鯛壽司，中間夾左塊紫蘇葉，幾特別三文魚籽軍艦，每粒三文魚籽都脹卜卜，成件放入口，好滿足😌特上海膽軍艦，紫菜脆口，海膽軟棉，沒有腥味火炙鵝肝壽司，入口鵝肝味充滿整個口腔，好香👍🏻珍寶牡丹蝦刺身，蝦肉爽甜…查看更多

秋風涼浸浸，突然想食辣野暖暖身，見到門口雞雞祝福牌掛哂係到，又幾得意。睇下有乜食，一打開Menu，嘩。。實在好多款式，冷盤，年糕，雞，石燒飯，火鍋，樣樣都好想食🤤🤤泡菜水母，水母即係海蜇。泡菜酸酸辣辣，非常開胃；海蜇入口清爽帶點麻油香，將泡菜海蜇再撈一撈，又好match喎😋鎮店之寶～辛安東元祖奶奶雞，有分唔辣、小辛、中辛、激辛。叫左半隻雞小辣夠兩個人食，有雞，薯仔，紅蘿蔔，青瓜，薯粉。食前要撈一撈暈哂成碟，令所以材料都沾到醬汁。雖然係半份，但雞份量亦不少，雞肉嫩滑，薯仔紅蘿蔔青瓜夠淋，薯粉好入味，吸收哂個汁既辣，煙韌彈牙，非常惹味，正👍🏻食辣野緊係要叫杯凍飲，這是常識吧😆桃味梳打。…查看更多

天氣涼涼地諗住食啲辣野，就點左呢個麻香排骨鍋+肉燥飯，上台時聞到有啲燶味，鍋裡有茄子，蓮藕，排骨，少麻不辣，再配肉燥飯，本身肉燥飯係好味，兩樣都係濃味一齊食，唔係咁配，有點失望台式珍珠奶茶，shake得太勁，實質得半杯泡半杯奶茶…查看更多

菠蘿燒烤醬雞柳漢堡，雞柳好juicy，配上燒烤醬，夾住一大片甜甜既菠蘿，生洋蔥，兩片蕃茄，生菜，層次非常豐富黑松露芝士薯條，分量非常多，熱辣辣既薯條，淋上非常多既芝士醬，黑松露分量剛剛好，每條薯條都有蜜味辣雞翼，有5隻，炸得香脆肉嫩，帶有蜜糖微辣，好惹味布里芝士餅賣哂轉左另一款芝士，都係即叫即炸，熱辣辣上台，一口咬落芝味非常重，可以拉絲，全口都係芝士香味。有5條，我女食左3條，原來我女同我一樣係芝士控，爭食🤨…查看更多