Lucylam的个人专页

行過見到中式糕點, 心郁郁, 買左眉豆糕, 紅豆糕同芝麻糕.芝麻糕都幾好, 幾有芝麻味, 紅豆同眉豆糕D豆硬左少少, 2者都糕還糕 豆還豆, 我都係比較鍾意撈埋一齊, 即係好似件裝紅豆沙果d, 而且D糕好似庶汁糕, 都冇紅豆味同眉豆味!…查看更多

百零蚊真係好吸引, 但係原來都唔係咁岩食.食物種類都多, 但係肉類偏多, 食物ge調味都幾好, 魚生選擇少, 海鮮又唔係太新鮮, 好彩食完冇肚痛.可能我唔太好肉, 所以唔係太岩食, 但食物D料麻麻地, 甜品可以每人一球哈仔, 另外仲有其他甜品任叫~嘩! 真係第一次見識國內ge法式燉蛋, 入面好似奶黃包D奶黃咁..., 其他甜品都冇咩好食.睇黎我都係唔係咁岩食大陸食店架喇!…查看更多

慶祝生日, 最好梗係呢類型餐廳啦, 有人唱生日歌又係蛋糕送!今次叫要每次黎一定會叫ge 海鮮飯, 多人推介的露絲瑪莉雞, 再整多個chopping salad, 仲要眼寛肚窄咁叫多左個pizza, 4個人真係食唔哂!開飯之前, 梗係有麵包+黑醋檻欖油, 真係好好味.海鮮飯好味, 但未及之前咁好味, 海鮮味道ok啦. 露絲瑪莉雞好食, 又夠嫩滑, 但係實在太漏, 真係食唔哂!chopping salad好食, d汁酸咪咪, 又有大大粒芝士wo, 幾鍾意食呢個, pizza超大份(唔記得叫咩), 味道ok ge, 但係d"茄汁"太酸太濃, 食得有D辛苦.有人生日, 梗係死唔蝕底啦, 食埋個麵包布甸! 唔~味道淡左D, 而且唔夠濕, 其實我都唔知正統應該係點, 但我鍾意食濕D.味道係幾好, 但真係比以前差左D, 所以"笑唔出"!4人埋單$800有找, 如果唔叫pizza($198), 大家夠飽之餘仲平D, 下次都係唔好貪心!…查看更多

幾年前係銅鑼灣食過一壽司, 都覺得ok. 開多左分店都冇再試過, 聽過佢地有宵夜半價優惠都幾吸引, 早2個星期8點幾行過, 又唔想等到10點, 唯有正價食.叫左冷麵沙律同柚子沙律, 2個都酸酸地, 幾fresh. 咁當然要叫壽司食啦, 試左幾款(太耐唔係好記得)都覺得唔係太有印象, D飯好得意, 明明見佢係一粒粒, 一放入口未咬就一patpat!食左幾款都唔係太滿意, 就食D大路野, 三文魚三食, 都唔記得有咩料喇, 只記得三文魚超薄, 真係好薄, 比元氣簿一半有多...男友話不如比多個機會佢, 叫左一件$35ge toro壽司, wa真係嬲囉, 又係好薄切, 好刀工!!!! 有冇攪錯呢, 我地食緊正價架wo, 男友話之前食過半價都冇咁差!好後悔當時要食個toro壽司, 我地食左$3xx, 接近4佰, 但就好似冇野落肚, 真係嬲左!…查看更多

一向對馬莎食品好有信心, 知道馬莎開左麵包部, 就梗係要試下啦!燕麥餅, 入面有南瓜籽, 提子乾同紅莓乾, 仲有少少牛油味, 好味道, 不過如果減多D糖仲好!蘋果合桃酥, 蘋果蓉清清甜甜, 加埋合桃粒, 個酥又唔會太油, 好鍾意呢個酥!藍莓鬆餅, 對呢個充滿期望, 不過好失望, 個鬆餅唔香又冇咩味, 我諗朱古力味會好D!紅莓撻, 有少少杏仁味, 又係甜左D, 不過夾埋酸酸地ge紅莓就岩岩好喇!麥包, 冇食唔知好唔好味…查看更多

食雪糕!夏天最好食雪糕!見有新野試下佢, 原來地方唔係好大, 雪糕杯有兩種size, 我要左細size, 每款要試少少啦, "禁"2秒就放手, 有朱古力, 豆腐, 乳酪, 青蘋果同蜂蜜綠茶(唔sure係咪檸蜜).隻朱古力好深色, 有D苦味, 但係朱古力味唔係好突出, 有少少似廉價朱古力ge味道, no good ar!青蘋果質地介乎雪糕同雪葩之間, 有D奇怪, 兩頭唔到岸咁, 但味道都幾fresh!蜂蜜綠茶隻色就真係幾肉酸下, 暗綠色, 味道就好似果隻檸蜜糖咁, 但其實味道真係唔討好.豆腐就幾好, 少少豆腐味, 但食過XTC之後, 好難唔被比下去~乳酪味我就最鍾意喇, 真係好似凍左ge乳酪咁, 但有朋友認為太酸!整體而言, 雪糕唔夠滑唔夠rich, 有少少覺得老麥(當然冇咁多口味啦)"好食D, 而且價錢唔係咁抵, 我要ge份量大約係3~4杯老麥軟雪糕新地, 加左少少花生碎都要$33, 明白舖租唔平, 但係作為一個消費者呢個價錢同呢個質素真係唔係咁抵!配料唔係太吸引, 如果可以改善下就更好, 店員都好主動介紹, 態度尚算有禮, 難得有間自助形式ge雪糕店, 其實真係"有得做", 希望食品質素會更好!…查看更多

食完鹿嗚春食完之後, 要食個甜品黎個完美句號, 突然腦閉塞, 諗唔起尖咀邊度有甜品食. 想食松記, 但未免太遠, 結果就去左糖朝..原先想叫木桶豆腐花, 在座又唔係個個想食, 唯有叫碗熱芝麻糊+豆花, 另朋友叫左個合桃露+豆花, 一黎到, 個芝麻應該係水唔係糊, 浠到呢, 又冇味! 我碗"糊"都已經咁浠喇, 更何況我朋友碗"露"...真係除左豆花ok D之外, 其他野都係食唔過!如果鍾意薑味ge朋友, 一定鍾意佢地ge蕃薯糖水--好辣! 本人都ok好薑味, 但係呢碗蕃薯糖水真係好夠薑, 飲兩啖真係行氣活血慶烚烚!10點幾行到去仲要等位, 一上去見D座位都係 6~7成滿....唔該唔好扮多人喇, 唔好厄遊客呀!…查看更多

想食好耐架喇, 不過好難約夠人...忍唔住4個都照去啦~見大家都讚素鵝, 一於試下, 結果大家都冇介紹錯, 真係好好食, D腐皮好香, 有少少煙燻味.跟住仲叫左XX蝦鍋巴, 我嫌佢個汁唔係好夠味, 淡過平時酒樓食錦老雲吞D汁, 仲有個鍋巴唔止香口咁簡單, 真係超熱氣, 呢個餸我麻麻...豬肉粉皮(唔記得個名), 豬肉有D鞋, 個汁唔夠惹味, 下次唔會再叫...主角黎啦~WA~隻蹄真係好大隻, 應該夠一圍枱食, 但係佢實在太誘人喇, 我地會盡我地ge力量解決佢! 一匙畢落去, 好鬼軟, 個皮又軟又滑, 加埋D好嫩ge肉, 真係超正呀.....忍唔住係咁食, 望住隻蹄雖然覺得好罪惡, 但真係好好食呀塊皮!到最後都食剩左D肉(大家都主攻皮), 下次真係起碼叫多幾個人先食~食到好飽, 之但係冇甜品呢個完美句號又點得呢, 問侍應叔叔高力豆沙有幾多件, 佢話有10粒, 冇細size....結果都係冇食到,下次(又係)一定要食!…查看更多

同班同事睇左好多間放題, 都唔知邊間好, 有人話松屋幾好, 價錢又唔貴, 咁就食松屋啦.對放題ge要求都唔會太高, 最緊要唔難食, 少漏單就過關, 呢度都有漏單情況,但絕對可接受, 話哂個個一坐低就好似發左癲咁狂剔, 十幾枱人一齊發癲, 會錯漏都好正常! 食物方面都好多選擇, 不過有D質素就麻麻, 個螺少少腥仲有沙, 沙律好肉酸, 好似擺左好耐咁,壽司燒物都OK, 最估唔到係個燒蕃薯, 係燒紫薯!!食落有D怪味, 仲要唔甜!仲有手卷又係肉酸, D料少到呢~紫菜又un.蕃薯同南瓜天婦羅唔好食, 蕃薯又乾又冇味, 南瓜唔甜仲要係爽果隻, 唔係粉果D.但係都唔係樣樣都咁差, 明太子雞奕同炸芝士年糕都OK, 仲有飲品都可以, 有鮮綠茶任飲, 之不過全晚最好竟然係雪糕, 芝麻味好最好味, 其他綠茶, 紅豆同埋菠蘿都幾好食, 我都食左4球.整體呢講, 埋單每人$178,絕對係物無所值, 我下次食放題都係去返返尖沙咀x田.…查看更多

之前見到係食健康野就覺得唔好食, 原來真係好錯, 食過一次就愛上左, 尤其個芝麻餐包同埋餐湯.今次餐包係"薄餅", 餐湯係南瓜湯...唔...都好味ge, 但係上次個咩咩薏米湯真係好好飲, 最緊要唔係度度地方有得飲嘛~主菜叫左個漢堡飯同埋西檸沙甸魚飯, 個漢堡唔係牛, 好似係雞, 我冇食所以唔知, 人地冇話難食, 味道應該ok掛,我個西檸沙甸魚都幾清, 初初以為好似西檸雞咁, D汁淋上去, 但原來係新鮮檸檬汁. 都係上次食大件魚好食D.其實最鍾意佢地D野食清得黎唔淡, 選擇又多, 同埋伴碟D菜又多又好食, 唔似其他地方好似白烚咁, 重有梗係甜品--芝麻雪糕-->好食!…查看更多

其實都已經成個月前食架喇, 因為懶所以依家先寫食評.呢度環境唔錯, 不過地方就窄左少少, 唔知係咪冷氣勁得滯, D點心上枱時明明熱到出煙, 但係好快就凍哂喇.食物就普普通通, 煎蘿蔔糕好淡, 菠蘿叉燒包冇特別, 甚至係唔算好食, 最好食算係所謂黑糖馬拉糕, 但係食唔到黑糖味.唯一要讚下就係D點心唔油膩, 可惜選擇太少,而且價錢同酒樓差唔多. 都係酒樓幾張點心紙咁剔感覺好D, 雖然食黎食去都去果幾款~…查看更多

黎到又一城搵食, 唔係pizza express就simplylife架喇, 左右2間都要排隊bor...因為今日好想飲simplylife ge湯, 所以就排左邊喇.今次又係叫左蟹肉沙律同松露菌幼麵. 雖然我唔食蟹肉, 但呢個沙律D芝麻汁好好味, 不過真係超多蟹肉, 如果可以少蟹多菜就好喇松露菌幼麵(全名係咩?)又係好食, 初初聽個名以為好寡, 點知非常正, 個汁都幾濃, 不過好似上次食好食D wor, 點解呢?原先想飲南瓜湯, 但係朋友叫左, 我就試下青豆湯, 好大膽ge嘗試啊, 因為本人係唔食青豆ge.南瓜湯都係甜美可口, 不過我發覺青豆湯都好飲, 同原粒青豆完全係兩回事, 怕青豆的人有福了! 好多地方都有南瓜湯, 但青豆湯就唔係喇, 所以我諗我下次都會叫青豆湯飲.係排隊ge時候, 就岩時間有8點半後ge特價包賣, 我都湊下熱鬧先, 一袋3個唔同款的包包賣23蚊真係幾抵wo, 不過我就隔左一日先食, 個朱古力酥就軟左少少, 但有朱古力包住的位置咬落去仲好脆, 新鮮食一定好正!香蕉合桃鬆餅就麻麻地.原來simplylife都係美心集團架, 點解美心D包同佢地差咁遠遠遠...美心D包都唔平架wor…查看更多

外賣自取半價真係好抵, 為左平一半, 唔落街自取都唔得喇~order完之後, hotline個姐姐話15分鐘有得拎, 我就慢慢行去, 諗住預多少少時間比佢地, 點知一去到(20分鐘)真係有得拎.叫左三文魚傳統大批同肉醬甘薯蓉, 個批好食, D三文魚唔會好腥, 又多芝士, 最緊要係唔油嘛, 連食3件都唔漏. 個肉醬就唔係好夠味, 甘薯蓉就好甜, 唔知有冇加糖, 不過本人好蕃薯, 一陣間就KO左佢喇.兩個人, 每人50蚊都唔使!…查看更多

又食buffet喇, 趁假期試下呢間新野先, 食lunch平D呀!入到去雖然餐廳唔係好大, 但係只有不到十枱客, 所以環境好靜, 今期主題係印度野, 所以都有幾款curry食, 其他野食就同印度扯唔上關係喇.先試下D沙律, 有幾款沙律, 我只食左薯仔沙律同菜, 仲有好好味ge大蕃茄, D沙律汁又係自己加ge, 海鮮就有生蠔, 蝦同螺, lunch黎講都算係咁喇, 不過生蠔有少少苦味wo, 所以食得唔多.刺身有三文魚, 魷魚, 熟蝦(唔係刺身), 淨係食左三文魚, 切得好大件架, 不過唔肥美.冷盤有子薑皮蛋. 素鵝, 酸辣鳳爪....等等, 仲有款叫鮑汁雪耳, 都幾好味, 真係未見過.熱ge就有即整粉麵(冇食), 燒牛肉, 咕嚕肉, 豬仔骨, 炒飯, 饅頭仔, 燒賣, 龍脷柳...個咕嚕肉竟然幾好食, 我食左一粒都忍唔住再encore多粒(食少少就冇咁易飽丫嘛), 總括黎講熱食算好食.甜品就一定試下個芒果拿破崙喇...都幾好味, 仲有朱古力mousse餅, 冧酒撻, 焦糖布甸都幾好味, 其他就普普通通, 雪糕係牛奶公司, 唔係哈仔, 如果好甜品者應該未必滿足~唔知係咪人少關係呢, 食到尾好多野食都唔會冇, 其實呢間都唔錯, 不過地點太隔渉, 所以人流唔多, 如果想靜靜地咁食野, 加上呢個價錢絕對OK(HSBC有8折)…查看更多

難得今日食完飯個胃仲有位, 食個飯後甜品都好wo, breadpapa都成年幾2年冇食過, 觀塘呢間更係第一次幫襯, 實在好懷念佢d香滑吉士. 要左個北海道牛乳puff+巴黎圈.北海道牛乳puff有一舊牛乳布甸同d cream, 個布甸冇奶味之餘又重魚膠, 個puff又淋淋地wo, 以前放係雪櫃幾個鐘都仲係脆脆地架, 個size又細左wo, 好失望呀~咁不如將寄望放係巴黎圈度, 因為佢有我最愛的吉士, 個圈一咬落去唔多脆wo, 吉士好淡又唔香又少呀!!!!真係好傷心, 究竟係呢度咁差定係間間都係咁, 比起以前實在差好好好遠呀, 唔怪得冇咩人買喇, 店員又冇禮貌, 多謝都冇句, 仲要顧住同同事傾計, 唉!…查看更多