mokslovefood的个人专页

BU入面原來有間高質嘅西餐廳，環境闊落，坐得舒服，因爲係12月，所以已經有聖誕裝飾，好適合喺度慶祝特別日子，見到有人慶祝生日🎊嗌咗個2人餐，有精緻嘅前菜，我哋最欣賞個湯，啲料有好多，調味好適中，我同朋友都讚不絕口😆主菜係三黃雞炒飯，個賣相好eye-catching！以二人分量嚟講，分量都好充足！炒飯菇菌味濃郁，每一啖飯都散發住陣陣菇香，雞皮烤得香脆，同雞肉嘅嫩滑形成一個好完美嘅對比，整體好impressive🤤…查看更多

呢間餐廳好有feel，裝修好靚😍 環境好大，坐得舒服，侍應們都係講英文為主。同個朋友食呢間嘅lunch, 個番茄湯嘅茄味都幾勁，酸味味咁，嗌咗個薯條做小食，係好脆嘅幼薯條🍟 份量都幾多。2個餐嘅主食係意粉同埋個pizza，個意粉係檸檬味好特別，個pizza超級好食，難怪呢間出名食pizza！cheese味好重，係厚批嚟，個批質地好軟熟，最後叫咗個甜品Tiramisu，酒味好重，好味，為豐富午餐畫上完美句號。…查看更多

元朗人表示琴晚先知大埔有藝術中心😂約咗個大埔朋友嚟呢度食，呢間餐廳好好feel，已經有聖誕裝飾啦～ 座位好寬敞，間餐廳好大，好岩情侶/朋友聚會。我哋嗌咗個非常豐富嘅二人餐，前菜都有三款，好正，我好鍾意食多春魚，鹹鹹地仲要有青檸味。主菜加錢嗌咗個炭燒安格斯封門柳，睇賣相就知好食，塊牛好嫩，另外一個叫咗薯糰，好少地方有得食就試吓。朋友話呢間嘅青口係必嗌，個汁都幾辣，但份量十足，怕辣嘅人可以食面頭果啲青口。…查看更多

Lunch去咗呢間樓上餐廳食～ 環境都幾靚，仲有室外座位，幾啱夜晚嚟飲酒Chill下！跟餐有得加錢嗌前菜，我嗌咗個牛肉他他同埋鵝肝多士，牛肉他他有啲酸好開胃，鵝肝多士件鵝肝好肥美，煎得好香！舒適嗌咗龍蝦湯比目魚，原來仲有薯蓉，所以都夠晒飽，個薯蓉好creamy，比目魚夾埋三文魚子嚟食更加惹味，仲有啲脆口嘅粒粒好特別！跟餐仲可以加甜品，我嗌咗個經典西班牙甜品，油條配朱古力醬，好香脆，為呢一餐畫上完美嘅句號。…查看更多

突然間想食韓國嘢，就去咗呢間買外賣返公司食😆 呢間店舖仲有其他雪藏嘢買！實在太多嘢想食，一個人嗌咗咁多嘢，真係要分開兩餐食😂 個外賣包裝都幾穩陣！個年糕拉麵有好多多汁，啲魚片好好食，味道都幾辣，鍾意食辣嘅人可以叫呢個！仲食咗個牛肉拌飯，呢個有好多餸，打開個蓋見到仲有隻蛋喺入面，食完呢個都好飽啦！蛋捲份量好多，呢個都好飽肚，素食者可以嗌呢個！仲叫咗個芝士飯卷，呢個好好食，夠晒大嚿，又好方便食，做小食或者拎去野餐一流！…查看更多

之前一直想試Rosie，知道有間好多人去嘅分店喺葵芳，好開心最近喺鰂魚涌開左分店，夜晚收工都嚟到😚Cafe行木系小清新風格，環境休閑舒適，坐得好舒服🌾 Staff服務態度不錯，會keep住refill茶~ 價錢非常親民！同朋友2人叫咗3碟，南瓜意大利飯雖然睇落細細份，但其實好足料，整體creamy，南瓜係一口size，食落都好甜🎃✨ 我最鍾意係個青口大管粉，啲汁調得好好味，鍾意食意粉嘅話一定要去呢間試吓🧡 而蟹黃天使麵嘅蟹肉有好多，淡淡都有蟹，仲好貼心咁有一杯薑茶！呢間嘅意大利粉同其他連鎖店嘅口感完全唔同🤗好欣賞佢有唔同嘅小食可以加，啱曬想試多啲野嘅人😆 慢煮無激素雞胸有成四片咁多，調味好好，唔會太鹹~ 蒜香炒蘑菇好香口，係四個小食入面我地最impressed的😍 另外流心蛋同法式薯蓉都唔錯！🤍…查看更多

同個friend去到Yoho Mall食晚餐，佢叫咗個1人餐，有湯、主食、野飲，個湯都幾大碗，佢主食叫咗煎三文魚，我試咗少少幾有油魚，塊皮煎得好脆，個薯塊好有口感。而我單叫咗碟慢煮雞胸南瓜栗子飯，雞胸個調味好食，有少少辣，啲肉好嫩滑，有成4塊咁多，份量好足，而個飯都好多，南瓜粒同栗子撈喺啲飯入面，栗子好粉好大粒，呢個飯係健康之選。野飲我哋叫咗Black Sesame Latte & Matcha Latte，拉花好靚。…查看更多

同朋友嚟到呢間酒店餐廳食lunch，環境好舒適，裝修格局都有格調，好啱同姊妹一齊嚟打卡影靚相😌Lunch有set可以嗌，我嗌咗個3 course，$268 性價比不錯，宜家仲有4人同行1人免費，優惠後食依個三個Course Lunch平均都係$201！前菜係香辣吞拿魚他他，有啲紅菜頭蓉同埋首蓿芽，味道好Fresh，好清爽開胃！Main係燴牛頰肉，配上薯蓉同埋紅酒汁，啲肉好鮮嫩，入口即化，好高水準！牛頰肉的味道濃郁，配合薯蓉嘅滑順，整體口感層次豐富，份量更係夠晒飽，令人吃得心滿意足。最後甜品係一個暖蘋果海綿布甸，有焦糖蘋果、玉桂脆脆同埋英式奶油醬，每一口都充滿了甜香，感覺好幸福！為一餐畫上完美嘅句號😍…查看更多

同朋友去咗尖沙咀一間西餐廳食，餐廳行大地色系文青風格，環境唔算好大但坐得幾舒服，同隔離枱唔會好近~店裏播住放鬆嘅café music, 成個氣氛休閒，好適合傾計同慢慢坐🙌🏻一坐低就一杯小食爆谷俾我地，太開胃，我地好快食曬🤓Dinner set包埋蒜蓉包、餐湯同飲品，性價比高！牛肝菌啡菇意大利飯好creamy，飯粒唔會過硬或者過軟！啡菇香味濃郁，整體清清地得黎又唔會好淡口☺️另一碟嗌咗魚，紫薯好好食，食魚唔會太heavy!…查看更多

元朗新開商場嘅台灣菜💁🏽‍♀️ 裝修幾靚，座位闊落！同朋友平日嚟食lunch，食物選擇多，性價比高👍🏼我嗌咗碗麻辣鴨血寬粉，唔算係好辣，鴨血超級好食，好入味，大大嚿，寬粉份量好多，成碗嘢都好惹味🫶🏼 加咗錢要糖心蛋，好滑好好食！跟餐仲有前菜，好豐富！朋友叫咗個蠔仔飯，佢話啲蠔仔都幾新鮮，份量多，啲肉好好送飯👍🏼 我哋兩個杯嘢飲都好大杯，好解渴！小食叫咗個椒鹽四季豆，炸得好脆好香口👍🏼…查看更多

餐廳雖然位於工廠大廈，不過人氣好高，平日夜晚黎到都差唔多坐滿人，環境四正，Staff都有主動俾張櫈仔我地擺野！紅燒牛肉便當分量豐富，牛肉都有好多舊，牛肉又香又軟腍，仲有滷肉、蛋同埋白菜，整體不會油膩~玉米起司蛋捲餅嘅玉米同芝士搭配得好好，鹹甜鹹甜咁，芝士半溶狀態仲有拉絲效果，本身已經切好左4件，方便食！炸花枝丸炸得好脆好香，大大粒，仲有啲椒鹽幾好食！麻辣鴨血麵個湯麵都真係幾麻煩，鴨血份量多，麵都多，食完好飽！…查看更多

金菇牛肉粉絲飯個汁好好味，啲韓式粉絲索晒啲汁，超好送飯，牛肉都好多，仲有金菇同韓式年糕，另外仲配埋3小碟前菜紫菜包飯 老闆娘話用左9種食材，要餸多先好食架，又真係好足料好好食，有好多舊，午餐$68係超抵！海鮮蔥煎餅通常食嘅都係啲蔥碎上，但佢係原棵！成條蔥混埋落啲粉度煎，我有錯覺自己食緊棵菜，但係好正！海鮮有魷魚、蠔仔、元貝等，都好足料餐廳好大坐得好舒服，老闆娘好nice好好傾，同場都見到唔少熟客嚟幫襯，夜晚嚟食燒肉飲酒應該好有氣氛！…查看更多

去咗中環一間好浪漫嘅餐廳，裝修好高級，適合慶祝生日、周年呢啲大日子，或同朋友嚟呢個舒服地地方飲下酒傾計都啱，有sofa位！店員全部都好有禮貌好nice😇我哋嗌咗2杯冇酒精嘅飲品，一杯熱情果，一杯柚子，熱情果好濃味，酸酸的，柚子果杯好特別，比熱情果果杯淡，我較喜歡柚子果杯。前菜方面食咗Seared Octopus，啲八爪魚肉好嫩滑，另外Beef Tartare & Caviar 好大碟，有埋魚子喺面，好好食，味道調得好！主食叫咗個Mezzi paccheri red snapper，第一次食呢款意粉，幾有咬口，呢碟較鹹，鍾意食濃味啲嘅朋友可以一試。甜品我推薦開心果奶凍，好特別，加上紅莓酸酸地好好食。…查看更多

同朋友去咗間喺LKF嘅西餐廳食dinner! 個裝修好靚，好浪漫，見到有好多人係度慶祝生日，會播生日歌！門口旁有部好靚嘅透明三角琴，可以彈嚟玩下或合照打卡😀同朋友各嗌咗杯Earl Grey Martini 同埋 Rose，飲開cocktail 嘅佢話呢間嘅酒好飲！我地分別嗌咗3 course dinner set，特別推介龍蝦湯，味道好濃郁，海膽忌廉闊條麵都好好食，真係有新鮮海膽係上面，闊條麵口感十足，個汁都調得好好味！…查看更多

嚟到大角咀，遠望已見到呢間咁搶眼嘅串燒舖！呢間係小店嚟，位置有啲偏僻但都差唔多坐滿，店員好nice，上菜亦快，係度食串燒、嘆啤酒幾有氣氛！首先嗌個招牌菜，胡椒豬骨湯燒肉卷粉，個湯有好濃嘅胡椒味！燒肉嘅皮脆扑扑，卷粉嘅口感有啲似陳村粉，第一次食呢款粉，好特別！食完個胃暖笠笠！串燒方面非常推介牛舌心，個調味好好味，燒得唔燶，塊肉幾厚。燒茄子有好多蒜蓉，秋葵都好新鮮！金菇嘅辣粉好惹味，食串燒要嗌啲蔬菜先感覺健康啲🤣…查看更多