or#ta67671381的个人专页

今日有事過嚟呢邊，見到呢間嘢平平哋，於是就幫襯。$25——三餸車仔麵，一開始見佢裝到咁大碗，心諗大件夾抵食。點知近距離望到條紅腸，已經覺得條紅腸唔知放咗幾多日…..溶溶爛爛….咬咗一啖覺得自己真係中咗伏⋯一陣up味…（利申：條紅腸唔係俾我咬到溶溶爛爛，而係佢本身已經係咁嘅樣）紅腸我就即刻掉咗冇食，其他餸就照食：正正常常。最慘係我仲買咗個粢飯$14，咬落去覺得自己食緊糯米雞嘅米，個粢飯又係比我感覺唔知放咗幾耐，咬深啲食埋啲料有陣酸味味嘅味道最後又係掉咗。唔係想浪費食物，但係食到咁樣，真係驚自己食壞肚。…查看更多

黎既時候店內冇人，上茶快，用qr code 點餐麵有兩種口味：招牌（偏咸，重口味）、冬陰功（正常味）。一個麵底$40，然後自選配料$6-18一個餸。其實就係泰版車仔麵。麵正正常常，不過不失。我叫咗蘿蔔同豬紅，正正常常。小食有驚喜。叫左1.燒豬肉（係juicy 既，我鐘意豬肉燒到有少少焦）最後一串唔夠 我又追加兩串。2.炸蝦餅，正常。3.冰椰汁芒果糯米飯，$15細細碗，飯夠糯，芒果同雪糕溝埋一齊，甜甜糯糯，好食。小食黎講，呢個價錢係灣仔，係室內有位坐，真係咁上下啦…查看更多

喺觀塘嚟講性價比偏低，上菜速度較慢-$22嘅蔥油拌麵真係三啖可以食得晒（最慘係有一陣洗潔精嘅味道….）-$38肉燥飯，整到好似梅菜扣肉飯咁嘅味😅😅-$42鹽酥雞，即炸出嚟熱辣辣脆口好味。-$88麻油雞，偏淡，一層雞油浮喺面，值得一讚嘅係個煲入面嗰粒貢丸真係好彈牙總括而言：冇下次…查看更多