AllyFC2425's Profile

因為搬左去佐敦，係屋企附近發現呢間茶記，食過呢間早餐同tea，有次早餐見到隔離枱有人食牛扒？所以今次我又試下牛扒（薄既）配通粉，雙蛋跟多司，要熱檸水（$32）老公叫豬扒（小小薄）跟出前一丁，奄列配多司，飲凍檸茶都係（$32）我一路等，一路上網search下大X樂，大X活，大集團賣牛扒早餐幾錢，點知2間連鎖都做唔到$32，呢間真係好平。老公係叫出前一丁，但佢話唔係出前一丁，因為個湯底唔係，但我有試過麵質係出前一丁，但唔知點解個湯底冇跟返出前一丁味精粉。…Read More

呢間面包鋪算係靠街坊生意，位置係佐敦，好近mtr，但唔係大馬路，遊客未必知。因為搬左過嚟佐敦住，所以我先發現呢間面包鋪。今次第一次嚟買。呢到有齊基本面包款，cheesecake，同曲奇，但酸種面包呢d款冇。睇左好耐，老公鍾意食甜味，所以我揀左呢款朱古力包（$18），比錢時，問店員可唔可以切埋，話冇得切，唯有返到屋企自己攪。個包我放左雪櫃雪左一晚，第2朝拎出嚟叮，朱古力味都香，個包軟熟，但個包好似唔太適合做早餐，因為甜包再夾雞蛋味道唔係咁夾。呢個價錢，呢款包我覺得正正常常，唔算太過驚人，順路經過可以試下。…Read More

返工係灣仔，所以有去開灣仔分店，灣仔店就面積比較大d。而搬左過嚟佐敦之後，無意中發現原來佢地佐敦都有鋪，但佐敦鋪位細好多，但位置都方便，mtr行過嚟都近。佐敦區算多面包鋪，但全部舊鋪多，如果想食酸種面包唔易買，因為想第2朝早餐食三文治，所以今次揀左品殼。第1次食酸種，唔想買太多，試買半份$23（原個$42）。 買返來放入冰格雪左晚，第2朝拎出嚟再叮返，感覺個包密度都幾高，唔係話佢好實，好厚，而係我想撕開個包時，拉扯果下feel到個包唔易断開，但食落口感唔係硬，係好有咬口，唔死實，我自己做碎蛋沙律配酸種包嚟食，都幾好味，同埋個包都頂到肚，冇咁快肚餓，雖然佢個包都少少貴，成本大概食1份係$10多d，但呢個價錢都還可接受…Read More

中秋節過左咁耐，今年有機會試左幾款唔同牌子月餅。幾款都有post過，今次終於輪到講下奇華。呢款迷你款，size係正常細。所以連個黃都細，細粒唔緊要，如果好食就得。我想講佢個黃，係偏乾，冇流油，好似室溫牛油咁凝固，但又唔係軟。而個白蓮蓉都唔好食，同另一間大牌子美X真係食得出有好大分別。個蓮蓉又係硬同乾，超級甜。面層塊餅皮一切就有少少散，因為塊餅皮油脂唔夠。我未試過奇華其他系列，但呢款迷你白蓮蓉整體全部都唔好食。…Read More

前排老公上網睇youtuber介紹過逸東酒店buffet好似唔錯，所以今年試買盒呢間酒店逸東軒出品既流心奶黃月餅。盒流心奶黃月餅係提早係kkday到預訂，大約$190盒。中秋節時終於開嚟試左，因為屋企冇叮叮爐既關係，冇得食前叮下佢，就咁直接開嚟切，不過係冇叮程況下，都有自然流心效果，都唔錯。面層餅皮油份還ok, 切開入面餅低就有dd乾，但成件個味道都唔錯，有蛋黃油酥味，好香。同埋酒店出品，個包裝都幾靚，幾高貴, 送比客用幾適合。…Read More

早排係klook提早訂左盒東海堂流心奶黃月餅。第一次試東海堂，以前冇試過。訂果時冇睇清楚分店地點，到準備拎時，先發現原來東海堂少左好多分店，位置冇咁方便。好彩旺角站都仲有。拎左返去，中秋節時開嚟食，因為屋企冇叮叮爐關係，冇得事前叮下佢，直接就咁切嚟食，雖然冇叮過，但都有自然流心效果，蛋黃油酥味都夠濃，個皮都唔錯，油份夠，所以唔乾，冇裂痕，造型係兔仔，又唔覺特別Q，不過都叫有造型睇下，成件個味道都唔錯，今次係提早預訂，價錢大約$220一盒左右。…Read More

有晚平日收工同屋企人嚟食飯，我地人多，有10人，所以叫圍菜，一圍都係2千幾蚊，包晒茶錢同加一，但唯一唔包汽水。所有餸菜味道都正常同份量夠。不過最印象深係碟咕嚕肉，佢用左新鮮菠蘿上，而且份量好大碟，個汁夠酸甜度，表面又少少脆口，成碟好正。因為返工係附近，我lunch嚟過呢到幾次飲茶，但lunch咕嚕肉冇咁大碟同埋冇新鮮菠蘿跟。夜市嚟食正好多，成家都一致話呢碟咕嚕肉好食👍🏻👍🏻👍🏻👍🏻…Read More

自從搬左過嚟佐敦後放假會偶然係返同區試新餐廳今次試呢間都幾多哈哈笑既牛腩鋪呢到仲有崩沙，同坑腩位賣但我鍾情牛筋，所有我就要碗牛筋河$44老公試麻辣牛筋牛腩撈麵$65牛筋湯河，湯底係正常腩汁味，味精唔重河粉份量勁多，多到好似加左底咁大碗到主角牛筋，牛筋件件真係筋位，冇溝到D肉口感好滑，但可惜炆過火，過淋，唔爽口試左老公份麻辣撈麵麻辣係辣到痺果種，辣味都重，但唔係勁辣個麵底都爽口，份量正常，唔似我份河粉咁特大牛筋一樣係滑，唔爽，煮得過淋牛腩有D鞋口，似炆過火跟個湯底都幾清，幾好味食完辣野有D清湯飲下幾好整體味道可以，份量足夠鋪頭員工都幾nice，有禮貌但主角牛筋牛腩口感就麻麻地，似炆過火…Read More

有日嚟開TST睇完e生係返附近食dinner，TST區開飯想價錢合理，唔洗排隊，又要乾淨，好食，同份量足，真係5隻手指都數完，所以我幾推薦會嚟返呢間食如果唔係因為我配開contact lens搬左嚟呢個商場，我都唔知呢個basement有得開飯，所以唔洗點排隊，都唔知好事定壞事😗去到門口，阿姐就派$10 coupon比我地，2條友一定過百用得到今次我食生牛肉湯河$62. 份量好足，生牛肉浸一陣岩岩好，個湯都幾好味，飲左少少唔覺味精男朋友食豬扒撈檬$67. 撈檬正正常常r今次我地冇特別叫野飲，因為一坐低就有茶飲，好似係荔枝茶？都幾好味，阿姐又會過嚟加茶比我地，服務好好呢到冇收加一，最後有得現場用返-$10 coupon, 感覺好抵食…Read More

今朝再到V8買早餐食, 之前有人介紹佢地奶茶正, 買左份牛油果吞拿魚三文治$15 配熱奶茶+$8試試, 雖然平時我好少飲奶茶, 但佢地奶茶都幾岩我口味, 茶味夠濃, 口感滑, 唔係溝左好多水, 吞拿魚餡算足料, 呢個價錢係灣仔區算好合理…Read More

某朝早過嚟佐敦body check，做完肚飯要搵早餐食，係mtr 附近行左個大圈，見到呢間幾光猛，就入去試下，鋪頭環境好乾淨，睇menu似粥同粉多，但lunch都有飯食，夜晚仲賣埋糖水。最後我叫左碗牛丸湯米粉$35，冇叫野飲，碗粉比得幾足料，牛丸夠大粒，味道正常唔錯，用具又乾淨，可能星期六日朝早早餐時段，堂食客唔多，我可以慢慢食，慢慢坐，阿姐又客客氣氣咁，唔會催，遲d再經過呢頭，可能再嚟幫襯試下食個粥…Read More

幫襯左呢間小店大約有1年幾，因為唔近公司位置，我都係閒時朝早早左到，先嚟幫襯，會考慮再幫襯呢間三文治因為食過好幾次，未試過食到佢地賣隔夜包。同埋佢地用料好足，我最鍾意揀麥包食，牛油果都大粒，碎蛋有填滿唔係得中間餡，街坊價嚟講，呢份牛油果碎蛋三文治都係賣$15，我覺得好抵，好正，新鮮人手做既三文治，比足料，乾淨，唔hea做，定價又唔貴，真心唔比返個好評佢地都唔得，希望呢d小店可以繼續長做長有，繼續用優惠價賣比客人…Read More

而家做60週年，港人身分證中number 主菜就有6折，坐底睇清楚佢地menu，原來主菜得意粉類先6折，仲要好少款揀，最後冇用6折，揀左個60週年2人set $416上第一份係蘑菇，以為係大蘑菇，點知係小蘑菇，得5粒，勁細粒個pizza又揀錯左，得火腿做主餡，冇辣肉腸個蜆意粉要另外+$28，d蜆有沙唔好食個甜品又要額外+$38，係普通圓形麵包仔點焦糖煉奶包野飲，最後埋單$5xx，但我返屋企要再食宵夜先飽CWB分店好多人，上菜都等得幾耐下，我地d野飲又飲晒，要等個甜品仔好耐都未嚟，又唔走得住，搵待應想比杯水飲，叫2次先比到水我地如果真係做promotion想吸多d客, 一係menu多d款類可以用6折，唔係淨係限主菜先用到，同埋餐廳既然放得水係點餐位stand by 比待應隨時倒水比客，不如一開波客人坐底就主動比水客人飲，咁至少d野食要等得勁耐，客人都可以有啖水飲下慢慢等…Read More

大家樂又出新款下午茶啦👋🏻👋🏻 今次係甜味菠蘿包遇上咸味豬柳芝士滑蛋。個菠蘿包就正常，未至於有出爐咁新鮮脆口，但就唔會係隔夜冧晒。食一啖菠蘿包，配一啖豬柳芝士滑蛋，味道係甜味加咸味，可以接受既人會覺得好食，但唔接受既人會覺得好奇怪😂😂😂 但我係屬於前者😎 覺得好好味✌🏻✌🏻呢個新下午茶，仲有另外2款口味，係午餐肉配芝士滑蛋或者港式叉燒配芝士滑蛋。呢個下午茶係$34跟野飲，下午茶嚟講，個份量已經好足夠了😎😎…Read More

灣仔分店幫襯過應該都有10次試晒佢地沙薑雞，海南雞同覇王雞我覺得沙薑雞比較最穩定同好味海南雞唔係唔好食但雞皮太肥，同埋冇咩肉食，肉切得太薄反而沙薑就好d, 次次都有肉食下每次幫襯我都會加$2轉菜飯因為真係比得好多菜落去而且個白飯應該溝左dd 雞油落去唔會好dry, 好味雞肉鋪底係一堆大豆芽同紅蘿蔔絲配菜係免費的唔鍾意可以remarks唔要我次次用openrice落order順便有得用積分平d配菜同d雞油一齊浸住好肥，但又好好食我呢盒係細(雞)份量，$36+$2（轉菜飯）女仔嚟講都好夠食ga la …Read More