AllyFC2425的个人专页

上次試左pancake 火腿蛋包幾好味，今次試個煙肉蛋pancake包跟朱古力 ($25 set), 塊煙肉就細d, 唔似上次火腿有2塊咁多肉，個pancake就一樣咁軟，冇麥當當果隻咁甜，呢個pancake幾好味。但個朱古力就勁啦，甜到好似綿花糖朱古力咁甜， 好誇張🤣 試晒2款pancake包對比下，我覺得火腿蛋款好味d, 咖啡可能叫返齋啡就算。老公試佢地咸牛肉蛋包（唔記得影相），個包似魚柳包隻包，但個包厚身少少，佢話個咸牛肉蛋好味，但細份左少少。我有試佢杯奶茶，茶味濃度正常，但落晒一包糖都好似冇落咁冇甜味🤣…查看更多

太耐冇食過拉麵，尋日同老公係利東街隨便入左呢間拉麵鋪。咁岩鋪頭有做限定粟米牛油拉麵（$98）新口味，我就試左呢款。牛油同粟米一定好夾，呢款湯底少左白雞湯果種肉味，但又唔似食粟米溶咁甜。雖然係有片牛油，但唔覺好油膩。個湯感覺幾足料，因為texture都濃，飲完少少飽肚，唔覺好口渴。麵條係正常，直身款，配左片香脆炸蓮藕，仲有件炸魚肉條。塊叉燒正常。蛋係少少流心同軟滑。燒過果塊粟米好淋，但冇香港街市買果d大陸粟米果種清甜味，但佢塊粟米都甜，同埋好似片燒過既粟米size係細粒少少，但湯底d粟米係大粒dd, 唔知係咪我錯覺🤔我地12點前埋單，有9折，當免左加一…查看更多

呢間新鋪就係公司附近，新開張果排lunch成日排晒長龍。最近排隊情況好返少少，有次就試下入去排買芋頭糯米糍。係排我前幾個人，佢地落單時我都聽到芋頭已經賣晒，不過諗住冇芋頭，應該會試左紅豆，就繼續排下先。到我落單時都多口問一句店員，係咪冇芋頭，本來繼續係冇。但鋪頭突然話送梗新貨嚟，我問等幾耐左右，佢地話等5mins, 咁我梗係等埋佢啦。買完就返公司即刻食。個糯米糍唔係凍，係微微涼。咬落去，塊皮夠薄，勁軟熟，唔會好似隔夜咁實/硬，再大力d渣落去可能會扁晒。同埋塊皮冇出水，冇熔，冇濕笠笠。入面個芋頭餡好滑，唔乾，但芋頭味就唔夠濃，甜度我個人覺得係中等，我自己就覺得岩岩好。…查看更多

蜜蜂仔個pancake包出左好耐，但今次第一次買嚟試。我揀火腿芝士蛋pancake包跟咖啡，原來咖啡係用咖啡伴侶唔係鮮奶,早知唔揀咖啡。佢地分店唔多，我係屋企附近間蜜蜂仔買外賣返公司，隔左30mins先食。塊pancake冇麥當當果款咁甜，蜜蜂仔個pancake 我覺得係少少甜，pancake都鬆軟，冇隔夜果種硬/實，同埋口感冇濕到爛。火腿有2塊，煎過嚟，芝士同蛋都正常，$25 份set 我個人覺得ok。下次會試埋煙肉款同佢地d奶茶。…查看更多

其實佐敦分店都幾遠下，大概係柯士甸同佐敦中間位。好多年前有嚟過佐敦店，記得佐敦店同油麻地店款式好似有少少唔同。今次過嚟佐敦店，冇揀開心果，冇揀布甸款，反而比呢個迷你Bagel吸引。Bagel出面賣一個正常size冇餡都要$20 up，呢到Bagel係迷你size $11/個, 我覺得似魚柳包再細dd, 但個餡都塗得幾多。貝果有3款餡，黒芝麻奶酥，藍莓芝士，同焙茶奶酥。單買$11個，細個少少，賣返平dd。買左個黑芝麻返去試，個包有少少彈性，唔硬唔乾，黑芝麻都香，個餡有少少甜，如果可以再少d微甜就更好，d黑芝麻餡都滑，唔鞋口，幾足料。$11一定唔飽，太細個，但過下口癮，口感味道都唔錯，$11都抵食。…查看更多

星期日同老公出去拍拖，lunch過嚟拍拖時嚟呢間分店到食過，呢間鋪前排開左第3間分店，新鋪大左，座位都多左，因為lunch冇得book，但新店lunch排一陣就入得。我幾鍾意呢到，全日冇交加一，夜晚試過同朋友食，價錢同lunch一樣，min charge係每人最少消費一杯野飲。佢d扒都幾好味，份量好足，而且唔貴。今次我揀西冷配淨菜，飯/意粉份量太多啦，所以今次飛晒唔要。份西冷揀黑松露菌汁，呢個汁第1次食，都唔錯。今次試埋佢地朱古力，都幾香濃，唔錯。個蒜蓉包好脆，微暖。紅湯正常。lunch成set 係$95 (因為揀朱古力要+$3)，性價繼續唔錯，會再幫襯。…查看更多

今期早餐又出新野飲，係朱古力咖啡，老公成日問我咁咪即係latte? 但我又唔覺，網上好多人都話冇咖啡味，勁甜，根本係朱古力嚟，但我試飲過又另一回事。首先佢奶味唔重，完全唔似latte。 甜度我比6/10分，係中甜。咖啡味係有少少，佔4/10。朱古力味我都飲到少少，但真係好少，我比3/10。所以呢杯咖啡，我覺得幾好飲，我唔鍾意齋啡，成日想係自己杯咖啡加d朱古力粉，飲落少少朱古力味，但自己溝唔到。呢杯咖啡味同朱古力味好岩我，係我想要既少少濃度，但如果甜度可以再低少少就極好。因為配早餐有個煙肉蛋漢堡，成份係$25.5。呢個組合我覺得唔錯，我幾鍾意。…查看更多

呢排麥當當又出左新甜品，叫朱古力肉桂脆條，知道係迷你size，但$18/3條既朱古力肉桂條真係幾貴下。首先我以為全條真係會勁脆，咬落原來係面層有dd 脆，但入面果層粉漿同朱古力係淋既，朱古力醬係有少少，3條真係好快食完，好似食左陣風咁。未食過，一試都可以，但試完唔會再買，因為我覺得都幾貴下。…查看更多

星期六有事過嚟啟德做野，平時太少嚟呢區，今次想順便係附近食埋野，成日覺得啟德站冇咩好野食，除非價錢係貴既，係街到一路咁行，見到呢間茶記，佢有張海報係荷葉蒸飯好想試，但要6pm晚市先有，我地下午茶時間嚟到，等唔到咁耐，最後我揀左個咖哩牛筋腩撈烏冬配熱杏霜。個烏冬比左勁多咖喱汁，幾好味，夾多幾下原來仲有薯仔，個薯仔係焗過先煮，所以好好味，個杏霜又正正常常冇失手。全部份量都ok，因為係下午茶時間，$48我覺得好唔錯。…查看更多

呢排涼涼地，老公話有次見到sukiya有得食壽喜燒，咁有晚我地就嚟試下，打邊爐好早已經有得供應，3pm已經有得食。我今次叫左個唔辣既，M size，$73有飯，有烏冬，有娃娃菜，蟹柳，少少肥牛，但唔包野飲。佢成鍋材料冰到勁硬，一團野咁，呢個唔算壽喜燒，我會形容係一鍋打邊爐，因為全部一穫熟。職員唔會同你加湯/加汁，所以煮到最後有機會唔夠湯，要一滾轉細火煮。成鍋野唔覺特別好味，如果同牛肉飯比，佢只係多左個烏冬，但價錢貴左，因為牛肉冇多過。不過佢碗白飯係好大碗，女仔食唔晒，呢餐係食澱粉飽。…查看更多

有次lunch經過呢到，見到呢間面包鋪特別多肉包買，即係煙肉蛋包，漢堡包，雞扒包呢類，而且睇size都大大地份。今次終於過嚟買返個試下。第1眼見到呢個菠蘿黑椒雞扒包（$18），我好鍾意食又咸又甜既包，買返去試，咬落去塊雞扒原來都大塊，同埋厚厚地，同出面賣$15果d雞扒包比較，呢到明顯食落係大件d。個包仲有塊生菜同芝士，如果換走個菠蘿包，呢個包直頭係3文治，但我好鍾意食菠蘿包，所以呢個包我覺得都幾好味。…查看更多

有次同老公係灣仔買餸，見到呢間街坊麵包鋪有朱古力味蝴蝶酥，蝴蝶酥好多餅鋪都有，但朱古力味又真係比較少見，而且呢間只係做街坊生意既舊面包鋪，呢間鋪就係灣仔街市入面，人流好旺，去貨都好快，灣仔區其實有2間，2間賣既貨都一樣，另一間一樣有朱古力味賣。今次買左半磅（$65）朱古力味返去試下，原價係$130磅，街坊鋪出品，包裝係冇咁靚，想買幾多，阿姐即時磅同入袋，同埋塊塊形狀有dd唔同，不過塊塊都幾酥脆，仲撈左d朱古力粒粒食落有d口感，最重要面層冇勁多糖，唔會勁甜，我覺得味道岩岩好，唔錯，可以再encore…查看更多

因為搬左去佐敦，係屋企附近發現呢間茶記，食過呢間早餐同tea，有次早餐見到隔離枱有人食牛扒？所以今次我又試下牛扒（薄既）配通粉，雙蛋跟多司，要熱檸水（$32）老公叫豬扒（小小薄）跟出前一丁，奄列配多司，飲凍檸茶都係（$32）我一路等，一路上網search下大X樂，大X活，大集團賣牛扒早餐幾錢，點知2間連鎖都做唔到$32，呢間真係好平。老公係叫出前一丁，但佢話唔係出前一丁，因為個湯底唔係，但我有試過麵質係出前一丁，但唔知點解個湯底冇跟返出前一丁味精粉。…查看更多

呢間面包鋪算係靠街坊生意，位置係佐敦，好近mtr，但唔係大馬路，遊客未必知。因為搬左過嚟佐敦住，所以我先發現呢間面包鋪。今次第一次嚟買。呢到有齊基本面包款，cheesecake，同曲奇，但酸種面包呢d款冇。睇左好耐，老公鍾意食甜味，所以我揀左呢款朱古力包（$18），比錢時，問店員可唔可以切埋，話冇得切，唯有返到屋企自己攪。個包我放左雪櫃雪左一晚，第2朝拎出嚟叮，朱古力味都香，個包軟熟，但個包好似唔太適合做早餐，因為甜包再夾雞蛋味道唔係咁夾。呢個價錢，呢款包我覺得正正常常，唔算太過驚人，順路經過可以試下。…查看更多

返工係灣仔，所以有去開灣仔分店，灣仔店就面積比較大d。而搬左過嚟佐敦之後，無意中發現原來佢地佐敦都有鋪，但佐敦鋪位細好多，但位置都方便，mtr行過嚟都近。佐敦區算多面包鋪，但全部舊鋪多，如果想食酸種面包唔易買，因為想第2朝早餐食三文治，所以今次揀左品殼。第1次食酸種，唔想買太多，試買半份$23（原個$42）。 買返來放入冰格雪左晚，第2朝拎出嚟再叮返，感覺個包密度都幾高，唔係話佢好實，好厚，而係我想撕開個包時，拉扯果下feel到個包唔易断開，但食落口感唔係硬，係好有咬口，唔死實，我自己做碎蛋沙律配酸種包嚟食，都幾好味，同埋個包都頂到肚，冇咁快肚餓，雖然佢個包都少少貴，成本大概食1份係$10多d，但呢個價錢都還可接受…查看更多