前排去咗呢間廚師發辦，成個體驗好驚喜！由前菜到甜品，每一道都睇到師傅嘅心思，食材新鮮到不得了，壽司飯嘅溫度同酸度都拿捏得啱啱好，真心推薦比鍾意食 omakase 嘅你！😍＜前菜：富有柿・南瓜・梅水晶＞以清甜嘅富有柿同粉糯南瓜打開味蕾，梅水晶爽脆帶微酸，好開胃！＜蜜柑雕＞帶住淡淡蜜柑香氣，魚身爽口，味道清新自然，好有驚喜！＜深海大池魚＞魚味濃郁，油份適中，口感爽彈，簡單以醬油提鮮已經好正。＜白蝦＞黏黏糯糯嘅口感好得意，鮮甜味慢慢滲出，搭配醋飯簡直一絕。＜北海道三文魚＞油脂甘香，入口即化，仲帶有北海道魚嘅獨特甜味。＜扇貝＞超大粒又厚身，鮮甜到似喺海入面直接撈起！＜野生油甘魚＞油香豐腴，配上自家製麵豉醬，鹹香帶甜，層次即刻豐富咗。＜新鮮北寄貝＞貝肉爽脆，加咗柚子皮碎，味道立即變得清新解膩。＜鮫鰈魚＞鮫鰈魚鮮甜，上面搭配灸燒過魚邊，油香爆發出嚟，同淡身嘅魚肉形成對比，好考功夫！＜金目鯛＞皮香肉嫩，魚油甘甜，淡雅得嚟好有深度。＜赤貝＞爽脆到有「嚓」一聲，海水味鮮明，絕對係新鮮貨色。＜赤身＞吞拿魚背部魚肉，口感緊實，魚味濃厚，醬油漬過更加惹味。＜油鯛魚＞輕輕火炙，逼出魚油，灑上炒香芝麻，香氣十足。＜銀鱈魚＞油脂極豐，入口即化，像食緊魚版牛油咁滑溜。＜中拖羅＞油脂比例剛剛好，唔會太膩，餘韻悠長，大滿足！＜麵豉湯＞暖笠笠，味道溫和，飲完成個胃好舒服。＜抹茶奶凍＞抹茶味濃而不苦，奶凍滑溜，為豐富嘅一餐作完美結尾。…查看更多
