aprilwong421的個人專頁

家姐三月6歲生日啦!! 開始大個女，所以丁丁媽都會俾佢決定想去邊度食生日飯。家姐就醒啦~ 話想要有兒童餐, 有得玩, 仲要有得扭蛋。於是我地由一家四口去左觀塘食啦~呢度一定係最可以滿足晒小朋友～ 呢期有個 #兔仔蛋包飯，ｄ係飯蕃茄底好開胃，仲砌左可愛兔仔造型，旁邊亦有二大件炸雞，一個壽司卷同沙律菜，份量都唔少。 #蝸牛紫菜包飯，差唔多每次都會點，平時食飯食得好慢嘅家姐同妹妹特別鍾意食呢個食呢個紫菜包飯，食得特別快。每人點左一杯 #甜蜜士多啤梨香蕉奶昔，健康得黎小朋友又中意飲。燒肉方面，今次決定試下新野~ 叫左 #和牛牛柳， #驕傲原切黑毛和牛牛肩肉，#韓式烤腹脅肉 #蒜油蜜糖雞腿肉。和牛牛柳份量十足。是牛腰肉的尾端位置，因為運動量較少，所以肉質口感好嫩滑。驕傲原切黑毛和牛牛肩肉一大片，職員會幫忙燒，以免我地燒到變成牛肉乾，燒起上黎好香牛味，肉汁豐富，入口油脂感都算幾重。韓式烤腹脅肉同蒜油蜜糖雞腿肉都好岩小朋友食，特別係蒜油蜜糖雞腿肉，甜甜地好好食~食左去個play area 玩返一陣，走個時扭埋蛋，生日小壽星超滿足呀！…查看更多

話說之前爸爸喺中環買過Homebake嘅麵包返屋企俾我哋食，大家都好鍾意。就到情人節，爸爸靜悄悄咁俾咗個驚喜我哋。成屋都係佢既情人…點敢唔買返個蛋糕慶祝呀😛。Homebake新出既情人節產品(Floral Love)，好靚又好食😋 仲係期間限定嫁~ 超靚既Floral Love玫瑰巴斯克芝士蛋糕 Floral Love (Rose Basque Burnt Cheesecake)，深受大眾歡迎嘅巴斯克芝士蛋糕上面放左一朵玫瑰花🌹。蛋糕細細但收到既人就sweet到入心。爸爸仲買左個黎送俾婆婆，婆婆話靚到唔捨得食，甘IG-able，係人見到都😍😍😍。 除咗睇得影得見得人，蛋糕用料仲採用優質日本鮮雞蛋、法國淡忌廉及澳洲忌廉芝士製成，外焦內軟，一啖食落去有陣濃郁嘅芝士香味湧上來👍🏻一試難忘!爸爸話二個小公主都中意士多啤梨🍓，梗要買返個Berry Love士多啤梨忌廉蛋糕 (Strawberry Mascarpone Cream Cake)。粉色同士多啤梨🍓就岩晒充滿少女心嘅大家，蛋糕上面有粉色系馬卡龍作裝飾，配上紅桑子味和夢幻漸變粉色外型，情人節俾個甜蜜驚喜摰愛簡直一流！ Homebake既蛋糕味道真係唔錯，海綿蛋糕夠鬆軟，配上法國士多啤梨啫喱夾心同超滑紐西蘭軟芝士忌廉夾層，口感有層次得黎，味道唔甜得黎夠晒清新。…查看更多

今日同媽咪參加女兒幼稚園活動後，齊齊去炑八燒烤親子餐廳食好嘢。入到餐廳就見到小朋友最愛的遊樂場，大大玻璃可讓大人邊食邊觀看小朋友玩耍， 旁邊更加有韓服可供小朋友免費穿上拍照， 大人需付每小時$70，講係咁講但係發現職員都好好人，過咗時其實都唔會收返🤪🤪。着住韓服去玩去燒烤，都可以係成場充滿韓風既環境打卡，已經值回票價，媽咪和女兒穿上韓服拍照都十分開心!燒烤盤可兩邊放芝士粟米和泡菜蛋漿，前菜有海帶，芽菜，海帶，泡菜，生菜，白蘿蔔和辣椒蒜頭均可無限添加。另外有沙律菜加車厘子很鮮甜，女兒十分喜愛。最開心係有小童餐牌，入邊所有餐點都非常精美，我地點左韓國公主蛋包飯城堡和蝸牛紫菜包飯，超靚嘅公主著咗黃色嘅蛋飯裙伴著雜果， 難得女兒主動吃光了。另外我們一同分享鍋牛紫菜包飯， 別緻嘅芝士眼睛， 紫菜夾雜火腿，蛋和沙律菜， 大人細路都喜愛。 女兒食飽後，我和媽咪就可以慢慢歎我們的燒烤食物，牛魔王嘅我哋，當然唔少得叫牛舌 ，同三味牛小排。 眼見肉類色澤鮮明， 賣相吸引。 只要經過輕輕燒烤，牛舌和牛小排皆肉質幼滑， 鮮嫩無比， 包上生菜進食， 感覺清新可口。每一次黎都會食厚切五花腩，五花腩要燒得好食都有啲技巧嫁，所以職員都好好，會全程協助。先換過塊鐵板，成條放上去燒，令皮燒脆後，再切成小塊，香脆易入口， 肉汁豐富既肉汁得以保留，包上白蘿蔔進食， 口感一流。邊食邊嘆杯沙涼薄荷乳酪梳打和皇牌士多啤梨乳酪梳打真是一絕。 媽咪喜愛薄荷可解消滯 ，我和女兒鍾意士多啤梨嘅酸酸甜甜，內裏更加有士多啤梨蓉， 果然真材實料。今餐大人和小朋友都食得盡興 ，女女玩得高興，我同媽咪又可以盡情享受燒烤樂趣， 真係CP值極高嘅親子餐廳。係喎，臨走姐姐仲會送個扭蛋代幣可以去扭蛋換取小禮物添！…查看更多

一個價錢包火鍋，炸物及日本小食，聽到都已經覺得好吸引，於是帶埋媽咪去試下：稻八日式火鍋炸物放題。我們選左200日澳洲穀飼牛肉放題配味噌芝麻豆乳湯，湯裹有很多昆布，好有日本feel 。 我同媽咪都係極愛食牛肉嘅， 美國特級牛頸肩肉真係油脂均勻，肉味濃郁， 另外特級美國穀飼牛肉質嫩滑，色澤鮮明， 不經不覺每款都encore咗四次。 還有白豚肉，羊肉及日本北海道雞片屬新鮮食材。接著嘗試炸物自助區有虎蝦，魚蛋，燒賣，茄子，秋葵，廚師腸和蕃薯仔， 第一次點粉漿放麵包糠去油炸，完成後再灑調味粉， 真係新奇好玩，最重要係味道不錯，值得一試。食住雪糕糯米糍等日本小食， 有牛肉薯餅，南瓜薯餅，一口芝士，吉列蠔，唐揚魷魚咀，日式餃子，八爪魚丸子，芝士年糕，燒餅和吉列帆立貝十款。 我同媽咪比較喜愛牛肉薯餅及南瓜薯餅，真係外面鬆脆內裏軟熟， 另外唐揚魷魚嘴都好特別好有口感坦白講已經係覺得好飽肚，但係見隔離枱刺身都好新鮮，而且用保鮮紙夾住冰塊，較為有心思和清潔，下次要再嚟就會點較貴嘅套餐可以食下刺身同埋海鮮盛合。…查看更多

平時去食車仔麵，最怕坐得唔舒服，又唔乾淨。甘岩接老公放工經過上海街，見到有間和民車仔麵，裝修靚靚，睇落乾淨企理，最緊要冷氣夠🤣係甘熱既天氣入去食簡直係舒服。和民招牌牛魔王，啱晒鍾意食牛嘅我哋。有牛柏葉，牛腩，牛筋，牛丸，金錢肚，肥牛。牛腩炆得夠軟冧又入味，記得要加腩汁。牛筋帶點骨膠原口感，好煙韌。呢個係包飲品，都抵食。另外仲叫咗小食：玻璃辣魷魚，咖喱三寶，泡椒鳳爪。魚蛋係陳皮魚蛋好食😋，咖喱辣得黎帶點微甜。玻璃辣魷魚，啲魷魚真係好似玻璃咁爽脆，呢個就岩晒鍾意食辣嘅朋友。泡椒鳳爪相對冇咁辣，酸辣再加涷食好岩夏天。去到車仔麵店點可以唔叫返碗車仔麵。車仔面餸都唔少選款選擇，推介豬腸，豬紅，牛骨濃汁牛丸，紅燒肉。豬腸同牛骨濃汁牛丸係必點！必點！必點！麵底方便，叫左米粉，有驚喜，係好似粉絲個隻透明米粉，好有彈性，又唔會哽喉。平時白色嗰隻米粉，我次次食開都會濁到😅而家新開業，外賣自取同堂食都有88折優優👍🏻👍🏻👍🏻正呀…查看更多

放假懶得煮飯，一於出街食下飯。知道呢排又有新menu啦~~忍唔住要去附近東薈城試下~~玫瑰醬燴雞腿肉蛋包飯& 牛肝菌蛋包飯蛋包飯係必食item~ 蛋包飯熱辣辣上枱，職員每次都會問客人要唔要先影相先，之後用刀輕輕一切，WoW啲蛋漿湧晒出嚟包住個飯呀，啲蛋香都同事湧上鼻，視覺同嗅覺同時享受😎好正！蛋真係超級嫩滑，飯粒 用上珍珠米，特別彈牙煙韌。牛肝菌雖然味道較清淡，但香味獨特，加上營養豐富，都值得一試。玫瑰醬燴雞腿肉好嫩，醬汁有少許辣，更加惹味。慢煮羊膝配薯條🍟冇諗過甘大隻羊膝呀，好抵食。大大隻又厚肉，好彩有老公切俾我食。肉質鬆軟，香得黎唔羶，值得一試。配菜有薯條🍟，沙律菜🥗同燒蒜頭🧄。韓式炸雞 （無骨半份）我地呢啲懶人當然係叫無骨，可以一口咬落去啖啖肉，好幸福。個炸雞好好食，炸粉薄，外脆內雞肉仍然嫩滑多汁，搭配少少煙韌年糕同薯條，老公食到唔停口。韓式雜莓牛角包窩夫嘩，呢個甜品認真絕，好後悔之前幾次黎都冇叫到。牛角包窩夫好特別，窩夫形狀🧇但係有牛角酥🥐既鬆脆口感。超重牛油香味，再係上面灑左啲糖粉，仲可以加埋水果同埋忌廉一齊食添。飲品：夏至士多啤梨香蕉奶昔，荔枝梳打…查看更多

早排去太古城睇戲，順便去食飯😋原來太古城商場附近都有好西食。之前已經聽過KollaBo ，來自東京的韓式料理連鎖專門店，概念➡️一間餐廳包羅了15間韓日地道餐廳中的人氣料理和配方。只需要在一個地方就能品嚐到不同地道菜式。估唔到開到黎香港呀！唔使諗即刻入去食～#芝士辣炒雞配鐵板炒飯呢個係春川名物，餐廳員工會即席在鐵板上表演「炒辣雞」，先用醬料炒個韓式辣雞。享用熱辣辣雞件，好滋味。入面除咗雞肉，仲有年糕，番薯，椰菜，好正呀。 咦，說好的鐵板炒飯呢？原來要食到剩返少少之後，店員會加入炒飯，辣雞加上炒飯煎到微焦，加上mozzarella芝士仲有拉絲效果添。#特級燒肉拼盤燒肉一定要叫！用優質的A4及A5和牛，由日本農場直接運送，保證新鮮，唔駛去大阪都食到人氣燒肉餐廳「炭火焼肉 高麗屋」。我地點左特級燒肉拼盤，呢個拼盤有6款燒肉，可以食到唔同部位的靚牛，如牛肋肉，牛里脊肉，牛橫隔膜肉，牛舌等。新鮮靚牛，大理石花紋的油花，紋理細緻。燒肉時記得要睇火侯，不需要燒太耐，否則就會失去左原來的口感。#原味炸雞食韓國嘢又點可以唔叫炸雞🍗呢？韓國極具人氣的炸雞店SabaSaba真係名不虛傳，外皮酥脆，內裏嫩滑多汁。#韓式生牛肉我最愛牛肉🐮平時去街食飯見到生牛肉一定會叫，因為地獄廚神嘅我唔敢喺屋企自己煮煮。呢個生牛肉加入左水果蓉，食晒都唔覺濟。除咗食到好重的牛肉香味，仲好fresh 。食之前記得要將頂部的鵪鶉蛋黃撈勻，生牛肉更香滑！#豬腳韓國三大著名豬腳專門店之一的豬腳，軟嫩Q彈口感。豬腳富有膠原蛋白，營養好味😋一定要試下。我哋仲點左 #韓式炒粉絲， #海鮮煎餅， #明太子芝士石頭鍋飯，都係小朋友既最愛💖帶住一家大小出街食飯👨‍👩‍👧‍👧，一定勁要揾間環境坐得舒服，又乾淨企理嘅餐廳。呢度店員都好親切細心，服務很好👍🏻。…查看更多

放假梗係要享受人生啦！名副其實嘅“燒蝦蝦”，又有得食又有得玩，大人細路都笑哈哈咁 釣住食，大大隻兼爆膏，重點係釣完可無限添加， 蝦肉彈牙又鮮甜。每位食客送一串白鱔和雪花和牛，爐燒後白鳝脆皮肥美，口感豐富。海鮮種類繁多， 較喜愛鮑魚， 肉質嫩滑， 加上蒜蓉野味， 真係食不停。 其次係貴妃蚌超大隻，但爐燒後仍爽口彈牙。特別推介生蠔放爐燒後慢慢張開，味道濃郁，充滿海水味， 唔需要添加任何調味，鮮甜美味。 另外東風螺，沙白，蜆，帆立貝都屬新鮮海產， 完全啱口味。 最後燒原條魚，外脆內嫩，肉汁豐富，好味道不得了， 真係有驚喜。美食梗係要配美酒啦！飲品都好多款，有啤酒，清酒，梅酒和教主代言嘅 OOHA, 汽水和小朋友果汁， 另外有專枱擺放花茶， 種類不少。另外串燒，肉類，丸類，熟食，炸物和糖水多種選擇。 還有女士同埋小朋友最愛嘅甜品，糖水，雪糕和雪條， 令到眼闊肚窄嘅我哋簡直有選擇困難症， 我絕對相信我會再encore燒蝦蝦。…查看更多

雖然話係土瓜灣搬走左，但間唔中都會搭去土瓜灣探下嫲嫲，順便去黃埔行下。行完吉之島，一於去附近睇吓有咩食。心血來潮想食下日本野，一於去試下新開主打廚師發辦（Omakase）既日式料理餐廳🍴- -「Sushi Tatsu 鮨竜」。我中意餐廳設計風格夠特別，簡約得黎又帶少許型格路線。色調較暗，配搭木製傢俬，更有質感。可以揀坐吧枱位置，近距離享受主廚為你製作Omakase既過程。今次試下 Omakase 竜 set 。先有茶碗蒸。本以為是平平無奇的普通蒸蛋，想不到蛋味好濃郁，好嫩滑。特別之處係加入左日本特色健康蕨菜，仲有啲香菇，口感更有層次。刺身四食，四款都好好食，厚切大大塊，一口咬落去好滿足。北海道帆立貝味道鮮甜，肉質扎實。厚切大拖羅，呢個真係好正，油脂爆豐富，有種入口即溶既感覺。店員亦會提醒刺身要由邊一邊食起，由淡味至濃味，好貼心。時令料理係汁煮磯粒貝。個汁唔算太濃味，剛剛好帶出海鮮鮮味。用日式磯煮方法慢火炆煮，可以保持肉質鮮嫩鮮甜，超正。6貫握之壽司🍣由師傅即整的手握壽司，裏面已經有調味。大尾魷魚，油甘魚，海膽，立魚，呑拿魚腩，銀鱈魚。六款都好好食😋不過我最鍾意都係海膽同呑拿魚腩。一放入口已經有一種好滿足的感覺。食完6件壽司之後仲可以享用好特別既布甸版玉子燒，酸得黎帶點清新口味本日@小丼係吞拿魚蓉丼飯，食落去感覺好似吞拿魚蓉多過飯，吃一口滿滿都是濃郁魚生味吃了這麼多東西，要飲返碗熱熱嘅味噌湯，今次試到好特別既松本䇯清湯。松本茸清湯入面有青柚子皮，加上松本茸獨有嘅香味，令這碗清湯份外出色。最後嘆返個甜品，可以揀紫薯雪糕或者靜岡赤蜜瓜。…查看更多

性價比超高午餐🥣同媽媽👩🏻行下moko 商場，見到Urban cafe commune，媽媽話好想食下喎。不過都唔少人食，要企係旁邊等一陣。叫左二個lunch set。lunch set 已包一杯飲品同龍蝦湯🦞。龍蝦湯幾好飲，唔算太鹹，入邊真係有龍蝦粒。飲品我哋都揀咗涷蜜桃茶🍑，夏天消暑解渴都唔錯。主菜方面，lunch set 都有幾多選擇，叫左慢煮法國黃油春雞同Impossible Bagel Breakfast 🥯。春雞加左啲香草🌿，燒出嚟皮脆肉嫩，又帶點香味👃🏻。伴隨春雞仲有及脆卜卜薯條同清新沙律Impossible Bagel Breakfast 🥯好吸睛，Bagel加果醬同cream cheese食，好滿足。仲有豬柳，藜麥沙律，慢煮番茄，大啡菇。係咪好奇點解我哋午餐都唔叫啲粉麵飯？偷偷話你知，因為要留肚食甜品呀～ 一到餐廳嘅時候，我哋已經俾個甜品櫃吸引住，估唔到原價$38既蛋糕，叫lunch set只係需要加$25就食到。蛋糕有好多款，紐約芝士蛋糕，拿破崙，朱古力，士多啤梨，芒果，雜莓。我地叫左芝士蛋糕同朱古力蛋糕🍰 朱古力蛋糕係一層mousse 一層海棉蛋糕，每口都充滿朱古力甜味。Cheese cake芝士味濃， 焗完好香。呢個價錢可以食到甘多野真係超值，食物質素亦真心不錯。辛苦店員於百忙中仍然保持良好服務質素👍🏻👍🏻下次黎行街決定再黎幫襯☺️…查看更多

公主近期愛上Melody，趁放假一於去 富山麵家 打下咭。入到去，都可以揾到Melody 既蹤影。黃金蟹膏牛奶沾麵 好適合夏天食，湯與麵條分開上，湯底係濃郁得黎帶點忌廉香的牛乳湯，店家仲加入了一點牛油🧈，更香。不要忘了麵上的蟹膏，可以就甘食又得，撈勻一起食又得。冠軍黑醬油拉麵🍜 黑醬油湯底好正，唔會太鹹，但又好香濃，有用多種食材熬製，如鮮魚，雞骨，豬骨等。絕對值得試👍🏻沾麵同拉麵的拉麵底真係不得了，係東京拉麵秀五連冠🏆‼️煙韌彈牙，煮的時間剛好，不會過硬過淋。二碗麵都有兩塊叉燒同半粒溏心蛋，薄薄的叉燒帶有少少肥，好軟冧😋淨係食拉麵好似有啲dry，所以我哋揀咗兩個小食。 肉汁滿滿餃子🥟同 煙燻三文魚沙律🥗。餃子好juicy，皮薄餡靚。個碟係melody樣，好可愛呀~一人叫左杯飲品，打咭岩晒既士多啤梨🍓外型靚靚嘅 涷鮮泡蜂蜜綠茶，仲有 波子汽水。餐廳近期仲有優惠🆓：2人同行➡️每人送一客沖繩入口豬軟骨或士多啤梨/抺茶布甸…查看更多

一進大門就被龍椅吸引，食客可更換宮廷衣服拍照，未食先打卡留念。因為天氣炎熱，挑選清暑冬瓜瑤柱鍋，內有金色素翅，爽口海蝦加上雞粒，蟹柳和瑤柱令湯底極為鮮甜，能增進食慾。我們選擇牛魔王拼盤，細既size二人都夠食，入面包括頂級雪花肥牛，頂格安格斯牛肉，安格斯牛柳粒，澳洲和牛，新鮮牛展牛皇喉和牛舌片。我較欣賞牛皇喉嘅爽口，夠特別。頂級雪花肥牛則花紋清澈，肉質鮮嫩。澳洲和牛大大塊，油脂均勻，肉味濃郁。另外都推介餃子，手工餃子🥟都真係值得試吓，脹卜卜，啖啖肉，皮薄餡多。蟹粉餃和松露餃都幾中意，平時較少見，又好足料。一邊煲食一邊嘆，湯底更濃更香甜。不經不覺食左三個鐘頭，環境寬敞又坐得舒適，如果想嘆返餐高質素晚飯，可以考慮去香香宮煮。…查看更多

朋友搬入東涌，極力推薦大頭蝦南風海鮮酒家，地點近逸東村及醫院, 在村屋地下.環境尚算寬敞,充滿有大排檔風味,不過都有戶外及或冷氣區選擇。香茅胡椒蝦：名副其實大頭蝦，蝦膏豐富，咬落整隻蝦極脆口，表面灑上碎胡椒粒極之惹味。蒜蓉粉絲蒸元貝:一客有四隻，放低已聞到蒜蓉香味，元貝新鮮爽口，送飯一流。不過都係中意粉絲多啲,哈哈！京蔥芥末牛柳粒：京蔥惹味，芥末刺激味蕾，再加上微辣嘅牛柳粒，絕對係啤一啤嘅好菜式。 整體食物即叫即炒有鑊氣，平日都見到有八成滿座，甚鉅街坊支持。…查看更多

老公同佢啲老死一講起大滾友就好開心，唔知係因為個名定係因為呢度嘅一流服務，同埋高質食物啦～次次都唔帶我黎食，今次慶祝結婚周年，終於黎食返餐好既。估唔到呢度裝修咁宮庭式，環境同格調都係一流。店員好細心先幫你用熱水清洗餐具QR code落單後上菜都算快。記得要係食物到齊之前先混好自己需要的醬料，連醬料都好整齊放係九宮格內。湯底好多款，諗來諗去最尾揀咗卜卜蜆湯鍋。整鍋都係蜆。湯底好濃味亦有鮮甜味，忍唔住先飲左二碗。火鍋配料方面價錢都唔貴，食物份量都比較多。價性比高。餃子拼盤同手打丸拼盤都可以一試。餃子皮薄餡料多，真係幾好。下星期已經約咗朋友收工嚟食，9:30後入座仲有全單八五折…查看更多

一向講起創興都只係諗起打邊爐，放題，雞煲。估唔到仲有間不錯既酒家- 盈館今日帶住兩位小公主👸🏻，都係坐係酒家舒服啲。一坐低，叫左野食先，丫妹中意食片皮鴨，家姐中意食乳鴿#片皮鴨好抵$168一隻，熱辣辣出爐嘅鬆軟包皮，再加上超級超級香脆又充滿油香嘅鴨皮鴨肉，加埋醬汁，青瓜條、京蔥條等配料，真係冇得輸。二個女女食得多過媽咪。#乳鴿火侯控制得剛剛好，外脆內嫩好Juicy! 個人覺得乳鴿味道偏淡，可能因為食左片皮鴨，個口味一時三刻未轉到返嚟。#黑金流沙包👍🏻👍🏻👍🏻推介指數爆晒燈💡💡💡一咬落去，啲流沙黃 咇晒出嚟，記得趁熱食，涷左冇甘好食😋…查看更多