jkjk1234的個人專頁

中午黎試呢間火鍋，餐廳坐得幾舒服，而且自助區都幾乾淨因為唔想食得太飽，就叫咗午市定量套餐，試咗西班牙栗飼豬梅肉拼美國頂級肩胛肉 ，湯底麻辣鍋拼蕃茄湯牛肉同豬肉都肥瘦均勻，雖然肉味唔係好濃，而且切得比較薄，但湯底夠味，麻辣鍋唔會好油，都食到香料味，最尾先有少少麻辣，湯底有鴨血都夠入味。蕃茄湯入面仲有蛋餃自助區有少量丸同菜類，仲有少少滷水小食，豬大腸幾入味。丸類較特別係芋心貢丸，貢丸入面有芋頭蓉飲品試咗無糖白桃烏龍茶，飲到白桃味。甜品係自製，配咗碗芋圓同仙草，仲有其他紅豆，黑糖同花奶自己加，雪糕有烏龍茶同朱古力味，唔算太濃味但唔會太甜…查看更多

上環西港城附近有好多餐廳，呢間日式餐廳裝修新淨，雖然地方唔大，但有大玻璃窗夠開揚，空間感十足午市套餐總共有6 道菜，每人可揀一款主菜，今次試咗宮崎和牛壽喜燒 $368 同精選燒物拼盤 $298先付係和風野菜紫薯沙律，沙律菜新鮮，咬落爽口清甜，配少少沙律醋同紫薯蓉好開胃刺身有拖羅•蜜柑鯛 同甜蝦， 甜蝦夠彈牙爽口，蜜柑鯛味道鮮甜，最難忘當然係拖羅，油脂充足，肥美入口即溶蒸物係松葉蟹肉•金目鯛•雞肉• 茶碗蒸 ，蒸蛋非常滑溜，加上入面嘅海鮮味道清甜吸物係大和蜆味噌湯，蜆肉雖然細，但用黎煮湯夠鮮味，仲有其他蘿蔔同菇做湯底，味道濃郁宮崎和牛壽喜燒 和牛油香十足，但唔會太膩，口感嫩滑，湯底配料豐富，吸咗和牛肉汁忍唔住連湯飲燒物拼盤有牛舌芯•鴨肉棒•明太子雞翼•豚肉•椎茸 • 青椒仔•粟米，最中意係明太子雞翼，雞翼漲卜卜入面釀滿咗咸香明太子，爽口啖啖肉甜品有抺茶雪糕，抺茶味濃，但唔會苦澀，加上甜甜紅豆粒好滿足…查看更多

九龍城除咗泰國餐廳，有呢間小店主打日式串燒同便當，行過附近已經聞到好大陣串燒香味，賣點係即叫即燒，一路等食一路望住佢燒真係好肚餓，除咗外賣，仲有少少位可以堂食，今次試咗幾串串燒京蔥雞肉串 $18表面燒到焦脆，雞肉中間夾住爽口京蔥，可以幫助解膩金菇肥牛卷串 $28金菇索哂肥牛肉汁同燒汁，夠惹味豬頸肉串 $18夠哂油分，肉質keep到嫩滑爽口 紫蘇無骨雞中翼串 $28已經預先拆咗骨，如果企喺街到食就更方便，夾咗紫蘇葉喺雞翼中間，燒後食到紫蘇香味，雞翼燒到漲卜卜，咬落會爆汁雞全翼串 $21雞皮部分更脆口，比無骨雞翼更焦香…查看更多

長期都坐滿而且要排隊既韓國餐廳，諗住入黎試一試但員工服務態度非常差，繁忙時間員工非常晦氣，雖然蛋包飯係好食，但應該不會再訪牛肋骨蛋包飯 $162蛋包飯好出色，比滿天星仲好食，蛋皮入面包住流心蛋漿，員工一界開，即刻有半熟蛋流出，非常嫩滑，飯亦加紅蘿蔔同翠玉瓜炒過，味道甜甜地好開胃，口感好豐富，牛肋骨炆得好淋，一切即開豬面肉卡邦尼意粉 $98意粉真係好難食，三個字乾硬凍，意粉硬唔係al dente, 係未煮熟，非常失望…查看更多

海港城入而有間少女風滿滿泰式餐廳，原來係來自曼谷嘅人氣餐廳，除咗傳統泰菜，仲有fusion西餐嘅新菜式未入黎已經見到餐廳環境全粉紅色，有海景，仲有藤椅，聖誕節黎仲有粉紅色聖誕樹，好適合一班女仔黎打卡燒豬頸肉配青木瓜沙律 $148豬頸肉燒得焦香，半肥瘦非常甘香，青木瓜好爽口，醬汁酸甜，中和豬頸肉油膩菠蘿炒飯 $158用原個菠蘿上碟，面頭仲有炸大蝦，份量好足，炒飯乾爽，粒粒分明，食到新鮮菠蘿粒，甜甜地好開胃泰式奶茶朱古力布朗尼 $98甜品試咗fusion嘅brownie，有雲尼拿雪糕仲有brownie非常邪惡，食到淡淡椰香味，好有泰式風情，brownie朱古力味香濃，整體唔會太甜…查看更多

將軍澳海傍附近有好多餐廳，呢間係路口位置，有室內同室外座位，有自然光好舒服，餐廳環境闊落，位之間唔會太逼，幾適合飲下酒，氣氛幾輕鬆Korean chicken wings跟set lunch每款小食加$58，雞翼用酸辣醬料醃過，本身有微酸辣味，另外有泰式酸辣醬另上，唔夠味可以自己點Calamari即叫即炸魷魚圈，表面炸粉好薄，所以咬落非常香脆，唔會成口粉Carbonara $ 96Set lunch包湯或沙律，主菜同一杯飲品，意粉好多汁，好creamy，面頭有少少芝士，麵條有咬口好掛汁burger $108個包熱辣辣新鮮出爐，麵包個底加牛油烘過好香脆，入面有好多煙肉仲有半溶芝士，漢堡本身係雞扒，漢堡都係食慣配牛肉，轉牛肉餡加$40，塊肉一切即流肉汁…查看更多

上等牛肉陽春麵 ($72)湯底主要分雞同牛2款，今次試咗牛，湯底一啲都唔肥膩，好清甜，牛肉係用安格斯牛肩胛，肥瘦適中，亦唔會好老好韌，牛肉份量都好多，麵底可轉米粉，粉絲，銀針粉，亦可加錢轉翠肉瓜麵，有好多選擇，最正係用石鍋上，食到尾仲熱辣辣…查看更多

腐乳卡邦尼意粉 $108成碟意粉好重腐乳味，聞都聞已經聞到，好適合重口味嘅人，我就食得好過癮，如果食唔慣濃味嘅會覺得鹹冬陰功大蝦意粉 $128有齊冬陰功嘅鹹，酸，辣，超級濃味，醬汁亦加咗奶油非常滑小食我加咗酸梅bbq醬雞翼$58 同蜜糖芥末雞翼$58，2款醬汁好夠味，2款麵甜甜地好開胃，熱辣辣即叫即做，雞翼外皮夠脆…查看更多

四川花椒pizza $138雖然間餐廳係主打意粉，但pizza更出色，試咗四川花椒味，雖然花椒味唔重，但鹹鹹甜甜幾惹味，仲有得拉絲，薄餅底係脆口果種，食完唔會好飽海膽意粉 $228手工意粉似烏冬，夠粗身，煙韌口感，面頭放咗3舊海膽，但個汁其實無乜海膽味，醬汁味道無特別，呢個價錢可以食其他口味意粉…查看更多

黑松露雜菌芝士大啡菇意粉 $138晏奏中環食個lunch, 呢間cafe幾靜幾舒服，望到外面街景，意粉味道唔錯，醬汁夠濃郁，好濃黑松露味同芝士味，但大啡菇比較細隻啲，配料較少蘋果芝士蛋糕 $48蛋糕就普通，食唔到好濃芝士味，只係食到雲尼拿香精味，蘋果肉得少少，蛋糕本身無蘋果味，或者其他款式會好啲…查看更多

試完mamaday覺得食物質素唔錯，順便試埋佢嘅姊妹店，呢間餐廳裝修佈置非常特別，好啱打卡麻辣凍蜆 $118有蜆仲有幾隻八爪魚仔，海鮮夠爽，麻辣汁微辣，有麻椒香味，好開胃龍蝦沾麵 $188將沾麵當意粉咁煮，麵本身煙韌彈牙，麵身夠粗，但略嫌龍蝦醬汁唔夠濃味，配沾麵嘅醬汁要再濃郁少少會好味啲…查看更多

喇沙虎蝦扁意粉 $138喇沙汁食到椰香味，有微辣，意粉爽口，蝦都夠大隻，但醬汁略淡，醬汁如果濃味少少會更啱我口味海鹽焦糖香蕉croffle $88海鹽焦糖醬同花生醬雪糕一樣鹹鹹甜甜幾夾，，croffle外脆內軟，有粒粒花生碎有咬口，仲有2塊香蕉乾幾有心思，有泰式風味…查看更多

抺茶流心千層蛋糕 $36朱古力流心千層蛋糕 $36試咗2款流心口味，忌廉非常幼滑，餅皮夠薄，整體入口即溶，2個口味都好香濃，但又唔會太甜，中間仲有濃厚流心醬，咁嘅質素都只係賣三十幾蚊，唔怪得咁受歡迎…查看更多

椰香蕃茄冬陰功意粉 $126好中意食東南亞風味嘅意粉，呢款係調味偏淡口，微微酸辣，入面有蕃茄，菇，蝦，都似冬陰功湯蜜味豬肋骨半份 $158同西餐食到嘅豬肋骨唔同，醬汁係類似泰式燒牛肉或者豬頸肉嘅味道，肉係用慢煮，所以肉質軟腍，唔係平時有咬口嘅感覺…查看更多

$548 一位前菜，卷物，刺身，串燒，炸物可以任點，主菜就每人一款，任點食物就正常質素，刺身都算新鮮，最深刻係個三文魚他他，有少少脆皮脆卜卜， 三文魚辣辣地好開胃 串燒就雞肉串最好味， 入面食到少少軟骨有唔同口感，燒汁甜甜地， 牛就比較韌難咬但主菜和牛陶板燒同鰻魚石鍋飯就好高質，， 和牛入口即溶， 自己燒有得控制生熟度，鰻魚非常肥美，好多鰻魚汁撈飯一流，可惜主菜無得encore…查看更多