太安樓間新店叫麻辣燙都有啲離譜我第一日佢哋開舖嘅時候去幫襯諗住支持吓新店，叫咗雞絲涼麵同埋無骨鳳爪，我第一次食嘅時候無骨鳳爪係成盒擺滿，數量都唔少仲要$32，兩個人食都食得係滿足嘅，我介紹咗俾好多朋友叫佢哋去食。青瓜木耳都唔錯，都做到大陸嗰啲街邊小食嗰啲香味嘅。但係佢其他嘅嘢食就唔使試啦，個雞絲勁嚡，啲面亦都好腍唔好食。但係佢新店開張，所以我都冇乜所謂，可能單純仲調整緊所有嘢。但係點會諗到過咗一個禮拜我再去買個質素參差到剩返半盒冇晒嗰啲洋蔥配料😦我收到盒嘢嘅時候，就同啲店員講我上個禮拜都買都係成盒放滿㗎，點解剩返咁少嘅？個老闆娘係勁串咁樣講 係咁多㗎啦！仲要擰轉頭拍後面其他店員講 好少咩？大佬入邊有啲係碎濕濕嚟㗎喎？？？仲要配料又冇，雞腳得幾隻🤏🏻佢原本用嘅膠盒已經係扁嘅膠盒，所以佢原本嘅容量其實已經算少，仲要係俾咗啲碎濕濕嘅我，仲要駁返我問題🤷🏻♀️我都係諗住支持啲新店，你使唔使咁嘅態度先？？所以太安樓呢間嘢基本上可以唔使再試。大家可以避雷…查看更多
以上食记乃用户个人意见 , 并不代表OpenRice之观点。
赞好
用餐日期
2025-07-22
等候时间
10 分钟 (外卖自取)
人均消费
$32
