食神大媽 Foodie Auntie的个人专页

.‼️❤️ 記得CLICK我PROFILE關注我呀 ❤️‼️.🧑‍🍳 CHILL嘆意式風情套餐 @ 🌟 Ask for Alonzo 🌟.💁‍♀️ 圖片展示美食為：Alonzo’s Set Dinner HKD 298Half & Half HKD 48Cousin Vinny's Espresso Martini HKD 88.👽 呢間意大利餐廳，最正係有露天位置，無論係食正餐，定係黎HAPPY HOUR都好CHILL。.🍹 Happy Hour嘆返杯「Cousin Vinny's Espresso Martini」，將咖啡因同酒精完美融合，飲落似液體TIRAMISU，微醺感剛剛好～「Half & Half」創意混飲凍檸茶同檸檬梳打，酸甜氣泡交織，既解渴又清爽。.🧀 頭盤一上枱就比「意式凍肉及芝士拼盤」嘅陣容嚇親！巴馬火腿鹹香柔軟、辣莎樂美腸油潤惹味、塔雷吉歐芝士同藍芝士濃烈衝擊，配埋合桃食，鹹甜交織好豐盛！.🐟 海鮮控必食「香煎吞拿魚」，好大份，外層煎到焦香，裡面保持刺身級粉紅色，檸檬醬同水瓜榴帶來地中海風情，火箭菜清新平衡！.🍝 主角一定係「蟹肉意式扁麵」，手拆蟹肉絲混合辣椒碎同羅勒葉，特級橄欖油提升整體鮮味，車厘茄爆汁平衡膩感。.🥟 經典嘅意大利菜式「佛羅倫斯意大利雲吞」，雲吞皮包裹茅屋芝士，滿瀉嘅羅勒蕃茄汁清新中帶奶香，每粒都飽滿到似迷你枕頭，好可愛精緻～.🍰 甜品「招牌提拉米蘇」充滿冧酒香氣，面頭有咖啡可可粉少少苦特別夾。.🍮 滑溜嘅「意式白巧克力奶凍」甜度啱啱好，仲有野莓醬酸酸甜甜，剛好清一清味蕾。.😋 呢度半開放式設計，用餐氣氛特別CHILL，餐牌選擇多，份量又足，絕對係約埋朋友仔傾計食飯嘅好選擇。.📍 跑馬地黃泥涌道17-19號恆豐大廈地下19號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🎠 遊樂園主題嘅西餐廳 @ 🌟 Dirty Skillet 🌟.💁‍♀️ 圖片展示美食為：Set Dinner for Two HKD 398Dragon Hat HKD 58Fresh Grape & Apple Yogurt Soda HKD 58.👽 呢間西餐廳裝修主題係係遊樂園，落地玻璃採光度高可以望街景，感覺好CHILL。晚市有二人套餐，一個價錢包括頭盤、小食、主菜、飲品，整體餐牌定價好大眾化。.🥗 頭盤揀左呢個「經典俄羅斯鮮蝦薯仔蛋沙律」，擺盤精緻到唔捨得整亂佢。嫩滑薯仔粒夾住彈牙蝦肉，沙律醬調得輕盈唔膩，好大份添。.🍗 熱辣辣上枱嘅「蒜蓉牛油雞翼」，香氣真係無得頂！雞翼炸到金黃脆皮，蒜蓉牛油汁緊緊包裹每隻雞翼，咬開肉汁四溢，忍不住連骨頭都吮乾淨！.🥩 主菜係「秘製Dirty屠夫牛扒」好大份！厚切牛排外表烤到焦黑脆殼，切開露出誘人粉紅色，肉汁混合特製香料醬，濃郁滋味衝擊味蕾，食肉獸必試！.🍹 除咗嘢食足料之外，呢度嘅飲品都非常特別。「Dragon Hat」用成個火龍果挖空做裝飾超吸睛！新鮮火龍果肉溝菠蘿汁同草莓粒，氣泡水帶來清爽口感仲有果肉沉底。.🍇 「Fresh Grape & Apple Yogurt Soda」上檯層次分明好似藝術品！乳酪同梳打交融，提子堆砌到成金字塔咁好有心機，清新感瞬間清味蕾！.😌 呢度個用餐環境夠大夠繽紛，一路飲嘢食嘢一路吹下水，呢度係約人食飯嘅好選擇。.📍 筲箕灣筲箕灣道393號形薈地下G12號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🥬 新出亞洲風味新派素菜 @ 🌟 功德林上海素食 🌟.💁‍♀️ 圖片展示美食：蜜汁紫菜火腿卷 HKD 118雜菌素碎肉炒金不換配薄餅 HKD 138咕嚕肉 HKD 128茄子南瓜排骨煲 HKD 108.🍃 朋友仔介紹呢間最近出咗新派亞洲風味嘅素食，加上餐廳位置好方便，透光度十足有靚景，一於試下。.🍯 呢個「蜜汁紫菜火腿卷」外層有蜜糖嘅光澤，素火腿同紫菜層層相間，煎到微焦嘅表面沾滿琥珀色蜜汁，咬落去先嘗到紫菜嘅鹹，再滲出素火腿嘅豆香，最後係蜜糖嘅回甘，層次好豐富！.🍄 好有創意嘅「雜菌素碎肉炒金不換」，鑊氣十足嘅雜菌同素肉碎沾滿金不換獨特香氣，用薄餅捲住餡料一啖咬落，辣中帶甜嘅醬汁同爽脆蔬菜，素食都可以咁惹味！.🍍 睇住呢碟閃住光澤嘅「咕嚕肉」已經流口水！外層炸到脆卜卜，掛滿酸甜適中嘅咕嚕汁，搭配新鮮菠蘿同青椒，每啖都以假亂真。.🎃 掀開砂鍋蓋嗰一刻，「茄子南瓜排骨煲」嘅熱氣撲面而來！南瓜煮到綿密，茄子吸盡素排骨嘅豆製品鮮味，濃稠醬汁撈飯真係無得頂，秋日暖胃首選。.🌍 睇餐牌有好多不同選擇，同埋食落唔覺得油膩，坐得舒服，難怪咁好生意啦。.📍 尖沙咀北京道1號北京道一號7樓.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🐟 好抵食嘅炸魚薯條午市套餐 @ 🌟 Fish & Chick 🌟.💁‍♀️ 圖片展示美食：午市套餐：秘製炸蟹肉球配沙律自家製蘑菇湯 + HKD 12傳統英式炸魚配薯條 HKD 128白酒汁煮鮮蜆意粉 HKD 128雜果賓治 + HKD 20海鹽檸檬梳打熱情果檸檬特飲 + HKD 20.👀 之前一路幫襯位於堅尼地城嘅總店，每次想食炸魚薯條一定諗起佢，價錢抵又好味。上環店開咗之後多咗一個選擇，太好啦！黎得呢度就當然要食佢最出名嘅炸魚薯條啦！午市時段仲有套餐，特別抵食！會包括頭盤、主菜、嘢飲。.🦀 頭盤個「秘製炸蟹肉球」一咬開就見到絲絲蟹肉！外層脆卜卜，旁邊嘅沙律菜拌咗柚子汁好清新，完美平衡炸物嘅油膩感。.🍄 佢個「自家製蘑菇湯」好足料，充滿打碎嘅菇茸帶來綿密口感，飲到淡淡松露油同蘑菇香氣，好暖胃又好味。.🐟 主菜梗係要食「傳統英式炸魚」，有好多種唔同嘅魚類選擇。見到佢新加入咗「香港花尾大龍躉」，即刻試下！魚塊炸漿薄脆，魚肉雪白嫩滑，調味洽宜，配粗切薯條同他他醬，大滿足！.🍝 另一款係店員推介，用上新鮮沙白嘅「白酒汁煮鮮蜆意粉」，果然香氣撲鼻！每隻蜆都大大隻肥嘟嘟冇沙，白酒牛油汁掛滿每條意粉，撒上歐芹碎同辣椒片，簡單卻食到舔舔脷好惹味。.🌟 午餐嘅定價性價比高，足料好味，坐得舒服，難怪咁多年屹立不倒，而家開多咗間分店更加就腳，有機會記得試吓。.📍 上環禧利街27號地下F號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.😋 夜晚想食點心好去處 @ 🌟 飲茶 🌟.💁‍♀️ 圖片展示美食為：酸薑皮蛋 HKD 49睇住流奶 HKD 49XO醬翡翠蝦球 HKD 168砂鍋蝦乾福建花菜 HKD 128欖菜肉鬆炒飯 HKD 138.👽 夜晚想食點心，但又唔想淨係食點心，呢度就係最好選擇啦。晚市時段除左幾款特色點心，仲可以一次過食勻多款小食、湯、小炒、主食，一次過滿足好多願望。.🫚 好經典嘅「酸薑皮蛋」，皮蛋一睇就係用料靚晶瑩剔透，酸薑清脆解咗溏心嘅膩，蘸少少辣油更帶出層次，開胃前菜首選。.🐣 得意到唔捨得食嘅「睇住流奶」眨住大眼睛上枱！一搣開有澎湃奶黃漿湧出，鹹甜交織如流沙，卡通造型吸睛度爆燈，相機必定要食先，每一次黎必點！.🦐 點心意外整幾款靚小炒食吓，最鍾意「XO醬翡翠蝦球」，好多隻大蝦足料，鑊氣香撲鼻而來！大隻蝦球爽彈到彈牙，自製XO醬乾蔥瑤柱香氣滿滿，淮山爽脆索盡精華，鮮辣惹味送飯無得頂，夠鑊氣。.🥦 熱辣辣鐵鍋上枱滋滋作響嘅「蝦乾福建花菜」，蝦乾鹹香逼入爽脆花菜，肉片增添邪惡香氣，簡單食材卻煮出濃郁香味。.🔥 在飯桶唔可能唔叫「欖菜肉鬆炒飯」，欖菜獨特鹹香融入飯粒，肉鬆增添酥脆口感，炒到乾身不油膩，粒粒分明！.😋 人少晚餐食中菜好難叫多幾款餸，但呢度就可以叫點心又叫小菜，坐得好舒服，難怪見佢好多海外遊客都慕名幫襯，值得試吓。.⠀📍 中環德輔道中173號南豐大廈2樓1-2號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🍍 菠蘿包 X 雞蛋仔 @ 🌟 CHICKEN EGG BOY 🌟.💁‍♀️ 圖片展示美食為：Q版菠蘿包口味雞蛋仔 HKD 59餐蛋治雞蛋仔 HKD 39凍石斛烏龍花茶 + HKD 16凍蜂蜜百香果 + HKD 16.👽 好多人都介紹呢一間將雞蛋仔做到出神入化嘅專門店，比佢超級勁嘅人氣吸引黎打卡！😆.🍍 最多人介紹就係呢個「Q版菠蘿包口味雞蛋仔」，見到實物上檯真係忍唔住尖叫！外型珍惜超級可愛，每一粒雞蛋仔上面都有一個迷你菠蘿包咁。甜甜哋嘅菠蘿包脆脆做得好好，既有脆卜卜，又有軟綿綿嘅心。店員話係用自家研發嘅雙重酥脆工法整，所以比普通雞蛋仔脆爆三倍！絕對係創意同經典味道嘅完美結合，必食！.🧇 咸食控必試「餐蛋治雞蛋仔」！將經典茶記風味注入雞蛋仔中，搣開雞蛋仔見到個心真係有煎午餐肉同蛋，食落鹹香帶微甜，佢仲有得揀三四種自選配料混合，玩味十足又好味！.🌼 買雞蛋仔可以優惠價配嘢飲，升級配咗杯「凍石斛烏龍花茶」，還特別用上石斛去襯托烏龍茶韻，剛好平衡食太多嘅膩感。.🍯 另一杯超足料嘅「凍蜂蜜百香果」瞬間喚醒味蕾！百香果籽咬落卜卜脆，蜂蜜甜香自然唔假，冰涼酸甜感絕對透心涼！.🥳 食雞蛋仔好少地方有得堂食，呢度最正就係坐得好舒服，仲有好多好可愛嘅裝設，約埋朋友仔一齊嚟呢度食嘢吹水就最啱！.⠀📍 上環永樂街148號南和行大廈地下02號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🍣 高質刺身丼飯專門店 @ 🌟 海言どんぶり専門店 🌟.💁‍♀️ 圖片展示美食為：廚師發辦江戶前手握寿司拼盤 HKD 680碎蔥吞拿魚腩魚生飯 HKD 220.👽 坊間好少餐廳主打食高質刺身丼飯，想食時令新鮮嘅靚刺身丼呢度絕對係好選擇，有好多款由廚師發辦嘅丼飯同壽司選擇，全部用上當日最新鮮嘅食材，如果以呢個份量同質素黎講就真係物有所值啦。.🍣 今次有幸得店員介紹，食到呢個隱藏餐單，全部由師傅即席握製嘅「廚師發辦江戶前寿司拼盤」，由淡至濃品嘗：赤身血合香氣深邃、中拖羅、霜降油花入口融化、鯖魚醋漬平衡鮮味、比目魚緣側炙燒出焦香、炙燒鰹魚煙燻氣奔放、海鱺爽脆清甜、鯛魚淡雅如春風、松葉蟹一絲絲超鮮甜，秋刀魚銀身光澤香濃、鰤魚脂肪豐潤、深海池魚同鰆魚濃郁收尾。十二貫壽司款款用料都非常之上乘，每件嘅刀工處理簡直係藝術品！.🌸 另外就當然要食呢度主打嘅丼飯，鋪到滿瀉嘅「碎蔥吞拿魚腩魚生飯」份量絕對震撼到！粉嫩色嘅吞拿魚腩碎混入清香蔥花，油脂甘香完全滲透每粒醋飯，夾埋醃菜同芥末一齊撈住食，入口即化嘅口感絕對大滿足。.😌 丼飯或者壽司嘅OMAKASE專門店，呢間絕對夠特別，繁忙時間好好生意，如果可以坐到BAR檯望住師傅處理食材就好啦，人多的話記得要訂位呀！.📍中環威靈頓街55號地庫.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🔥 堅抵食好味豐富二人餐 @ 🌟 padpad THAI 🌟.💁‍♀️ 圖片展示美食為：晚市二人套餐 HKD 398.😍 呢度晚市有個二人餐真係好抵食，有齊湯、前菜、主菜、蔬菜、甜品、仲要包埋嘢飲，都只係四舊水！仲要份量十足，可以自己選擇嘅選項都好吸引！.🌶️ 先上檯嘅「泰濃湯」，一上枱就聞到香茅同檸葉香！「海鮮冬陰功湯」料多大兜，大蝦彈牙、魷魚爽脆、青口肥美，酸辣度平衡得啱啱好，飲完成個人暖笠笠好開胃！.🫔 前菜雙拼「炸春卷」同「泰式魚餅」，前者脆到嗦嗦聲，餡料熱辣辣，後者彈牙又香茅味十足，點埋酸甜醬更加好味。.🐔 主食個「泰式去骨三黃海南雞」係半隻唔係例牌，雞肉滑溜，冇雪藏味，薑蔥油香而不膩，配埋牛油味超香嘅烤餅，簡直係絕配！.🦀 「原隻軟殼蟹燒菠蘿海鮮炒飯」視覺效果滿分！原隻脆炸軟殼蟹鋪面，炒飯用燒菠蘿粒同海鮮炒得乾身，菠蘿大份連皮上，香甜平衡油膩，份量絕對夠食！.🥬 可以有三種味道選擇，我地揀左「馬拉盞炒芥蘭苗」，鑊氣十足！嫩綠芥蘭苗爽脆無渣，馬拉盞鹹香帶微辣，完美平衡其他肉食感。.🥭 甜品「泰芒豆花甘露」嘅芒果好香甜無酸，仲配上柚子肉，配滑溜豆花，西米同椰汁增添口感，凍食清新解膩！.🍌 外表平凡但內在滿分嘅「香蕉煎餅」，煎餅厚身帶焦香，香蕉餡熱辣軟糯，配埋大球雲呢拿雪糕冰火交融，邪惡到值得破戒！.☕ 個套餐仲跟兩杯嘢飲，飲品方面冇揸流攤，「泰式咖啡」濃郁帶香料香，有一陣淡淡嘅炭烤味；「泰式奶茶」茶香同煉奶甜度平衡，完美配合全餐。.😋 呢個套餐可以令妳一次過享受多款食物，嘢食多元化，性價比超高，仲要坐得超舒服，冇時間限制，絕對值得一試。.⠀📍 太古太裕路7號建安閣地下G515號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🍜 當鮮味海膽遇上濃郁沾麵 @ 🌟 麺屋こころ 🌟.⠀💁‍♀️ 圖片展示美食為：海膽沾麵 HKD 168正宗全料東京老麵 HKD 1093.7抹茶雪糕抹茶拿鐵 HKD 523.7海鹽雪糕焙茶拿鐵 HKD 54.👽 第一次食過呢一間日本過江龍嘅撈麵之後，幾乎每一次一諗起想食麵就會返嚟。佢嘅麵身用多穀物麵粉自家製蕎麥麵，所以特別彈牙！.🔥 收到料佢最新出品左「海膽沾麵」，係期間季節限定，梗係要試下啦！一上枱已經覺得好興奮，金黃色嘅海膽、濃厚湯汁鮮甜到令人興奮，冷麵夾起蘸滿湯汁，每一啖都係海膽嘅暴擊。追加海膽更加係奢華到犯規！大大啖啜入口，超級豐富嘅口感！.🍜 成個配料陣容誇張到睇到眼都花！「正宗全料東京老麵」擺滿豬腩肉、辣肉碎、溏心蛋同十幾種配料，將生蛋黃撈勻濃湯，掛喺粗麵上食，鹹香濃郁仲有脆粟米增加口感，滿足感爆燈！.🍵 必嗌「抹茶雪糕抹茶拿鐵」！頂層成一大球雪糕，濃郁抹茶甘香唔死甜，北海道3.7牛乳口感正到癫！「海鹽雪糕焙茶拿鐵」嘅焙茶香氣撲鼻而來，海鹽雪糕鹹甜交織，焙茶茶底烘焙香濃厚，飲前撈勻雪糕，凍飲都有層次感，驚喜！.😇 呢度嘅撈麵味道好濃郁，非常鮮味！但食完幾個鐘之後，都完全唔會口渴，證明真材實料！趁季節限定有機會記得嚟試吓！.📍 沙田沙田正街18-19號新城市廣場一期7樓704號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🔥 地道好味嘅港式小炒 @ 🌟 名誠小廚 🌟.💁‍♀️ 圖片展示美食為：荷葉蒸雞 HKD 150蜜椒薯仔牛柳粒 HKD 80魚香茄子煲 HKD 68.👽 喺高鐵站附近有一間好地道嘅小菜館，有好多街坊幫襯，餐牌亦都好多港式小炒選擇。.🐔 今晚試咗時令嘅「荷葉蒸雞」，上枱一大盤用荷葉包住，打開之後發現份量足夠兩個人食。雞件蒸得恰到好處保持嫩滑，吸盡精華。簡單用薑蔥調味帶出鮮味，荷葉雞清香唔油膩，比想像中好味。.🐮 再嚟多個經典小炒「蜜椒薯仔牛柳粒」，牛肉軟嫩，表面煎出焦香鑊氣，火候控制佳，薯仔外脆內粉，蜜糖同黑椒比例啱啱好，加埋彩椒洋蔥增加爽脆感。.🍆 唔少得「魚香茄子煲」，一煲上枱熱辣辣。茄子煮到軟綿，肉碎增加口感，微辣醬汁撈飯一流。.🍚 晚市叫小菜仲會送白飯同嘢飲，嘢飲仲要沖得幾好味，更加抵食。.⭐️ 呢間小菜館繁忙時間幾乎坐滿晒好多街坊幫襯，有機會可以嚟試下。.⠀📍 佐敦文蔚街25-32號文耀樓地下29號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🐔 養肌做GYM至愛好味水門雞 @ 🌟 水門雞飯 🌟.💁‍♀️ 圖片展示美食為：水門半隻雞 HKD 108配雞骨湯晚市優惠追加：- 泰式無骨豬手 HKD 30- 泰式燒腩仔 HKD 30和牛串燒 HKD 20鳳尾蝦炒泰式金邊粉 HKD 75.👽 想食唔熱氣又好味兼無骨嘅雞，第一時間就會諗起呢度嘅「水門雞」，真係性價比高到爆。.🐔 必嗌「水門半隻雞」，雞皮薄、少肥膏、肉質嫩。配合鮮味雞骨湯，做完運動最友好嘅健康增肌選擇。.🐷 可以優惠價追加「泰式無骨豬手」真係超級抵，豬手超級淋，連皮浸汁食真係好好味，點埋酸辣醬汁，超級惹味！.🍖 仲有「泰式燒腩仔」，炸到好脆皮，爆油花，蘸青檸汁吊起味道更正！.🔥 估唔到主打食雞連「和牛串燒」都好味，厚切好咬口，燒香逼到出晒油，咬落去肉芯JUICY。.🍤 無可能唔食「鳳尾蝦炒泰式金邊粉」，鑊氣十足。金邊粉索晒羅望子醬酸甜帶微辣，瘋狂撈埋花生碎，口感一流。.😋 份量好足，又好味，坐得舒服，性性價比堅高，絕對值得支持。.📍 尖沙咀金馬倫道18號萬勤商業大廈地舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.😋 搬咗舖都仍然好味 @ 🌟 阿木台灣麵 🌟.💁‍♀️ 圖片展示美食為：紅燒牛肉牛筋麵 HKD 80芝士肉鬆蛋餅 HKD 55滷牛腱 HKD 62黑糖珍珠鮮奶 HKD 35芝士岩鹽奶蓋炭燒烏龍茶 HKD 45.👽 一想食地道好味嘅台灣麵，就會好自然諗起呢間，估唔到佢搬咗舖，嘢飲仲要選擇多咗同好味過之前。.🍜 「紅燒牛肉牛筋麵」絕對係至愛，牛肉同牛筋燉得好入味，湯底濃郁，湯頭濃到似啡色絲綢，酸菜脆卜卜，好味。.🫔 每次必食嘅一定係「芝士肉鬆蛋餅」！蛋皮包住澎湃肉鬆好軟熟，裡面塞滿芝士同肉鬆，熱辣辣嘅蛋餅同芝士結合，邪惡！.🥩 再加多一份「滷牛腱」，滷汁香濃滲透入每一個部份，單食定係配埋其他一齊食都正。.🧋 嘢飲多咗好多選擇，「黑糖珍珠鮮奶」啲珍珠咬落糯中帶Q，黑糖焦香撞冰凍奶香。「芝士岩鹽奶蓋炭燒烏龍」可以額外加仙草，鹹甜奶蓋配炭燒茶底湧出燻香，仙草滑溜，好爽皮。.😝 本身行到舖頭門口見到佢閂咗，嚇一嚇，好彩原來只係搬咗去隔籬舖，空間仲要大過之前，正。.📍 旺角豉油街104號A-B號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🦀 必食超好味胡椒蟹同燒鵝皇 @ 🌟 星海 星海薈 🌟.💁‍♀️ 圖片展示美食為：招牌白胡椒蟹炆飯底 HKD 368廚師精選三寶 HKD 588- 美極乾煎海捕八頭大虎蝦- 剁椒蔥油蒸虎杉斑仔- 遠年陳皮香烤燒鵝皇配陳村粉.👽 自從參加過公司起呢度舉辦春茗之後，私底下最鍾意約朋友仔黎呢度食飯。呢度嘅食物好多選擇，樣樣都好味，用餐環境舒服，有個大平台可以居高臨下影打卡靚景，食得特別開心。.🦀 揭開煲蓋嗰一刻，白胡椒嘅辛香瞬間攻佔鼻腔！呢味「招牌白胡椒蟹炆飯底」將成隻肉蟹同秘製白胡椒醬共冶一爐，蟹肉飽吸醬汁精華，底部飯焦脆中帶辣，連蟹鉗都貼心敲裂，每一勺都係鹹鮮暴擊，超讚！.🔥 餐牌最新推廣嘅「廚師精選三寶」可以一次過滿足三個願望，性價比超高。.🦆 人氣「遠年陳皮香烤燒鵝皇」上檯賣相一流，陳皮嘅甘醇滲透鵝肉，鵝皮咬下時發出清脆聲，皮下脂肪化作晶瑩汁水，搭配陳村粉吸盡鵝油後變成半透明，夾起時每條都掛住鵝香餘韻。.🦐 當「美極乾煎海捕八頭大虎蝦」鑊氣騰騰上檯，每隻虎蝦都大隻粗身，蝦殼煎得香脆，蝦肉好彈牙。美極醬油鹹鮮交融，食到舔舔脷！.🐟 原條「剁椒蔥油蒸虎杉斑仔」，嫩滑魚肉配上手剁椒醬嘅辣，斑仔魚皮膠質黏唇，剁椒嘅酸辣同滾燙嘅蔥油激發出極致反差感。.🤩 呢度樓底高，地理位置方便，食物選擇多又好味，最啱附近咁多公司搞團建聚餐，放工一定要約齊屋企人朋友仔黎擦餐勁。仲有外賣盆菜，自取又得，新年或者冬至都係時候諗吓係呢度堂食定係外賣返個盆菜返屋企好呢！.⠀📍 尖沙咀彌敦道100號The ONE 18樓📲 Whatsapp：6468-7968.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.😋 堅好味地道印度菜 @ 🌟 印度皇 🌟.💁‍♀️ 圖中展示美食為：特色馬沙拉印色芝士 HKD 118瑪薩拉燴蝦 HKD 118瑪薩拉羊膝 HKD 134椰汁咖喱牛肉 HKD 123尼泊爾餃子 HKD 88薑蔥烤餅 HKD 36印度特色芝士球 HKD 34印度米布丁 HKD 27椰青 HKD 52芒果酸奶 HKD 39.👽 如果想食正宗印度嘢，一定要嚟呢間。由正宗印度人主理，服務好有禮貌，餐牌嘢食選擇超級多。落地玻璃採光一流，空間夠大，坐得好舒服，仲要喺正地鐵站隔離超方便。.🧀 呢個用可愛小筒裝住嘅「特色馬沙拉印色芝士」，濃郁嘅芝士外層煎到微焦，蘸上濃郁香料，不論齋食定係撈飯都一流。.🦐 性價比好高嘅「瑪薩拉燴蝦」熱辣辣上桌，香氣即刻攻佔成個空間！大蝦完美吸收咗番茄同十多種香料熬成嘅醬汁，蝦肉彈牙大隻，用烤餅蘸盡醬汁不得了！.🍖 用叉輕輕一撥就骨肉分離嘅「瑪薩拉羊膝」，燉煮到膠質完全融入深褐色醬汁中。瑪薩拉特有嘅微酸果香巧妙中和羊脂豐腴，用手拎起啜體驗最地道嘅滿足感～.🥩 份量好足料嘅「椰汁咖喱牛肉」飄住誘人椰香，慢炖牛腩吸飽椰奶同十多種溫和香料，薯仔煮到半融化狀態，濃稠醬汁撈飯或者餅都一流。.🥟 特色好味嘅「尼泊爾餃子」餃皮帶嚼勁，雞肉餡混入香料點特製辣醬更醒胃，唔想食飯咁普通嘅話一定要叫呢個。.🫓 即叫即烤嘅「薑蔥烤餅」香氣四溢！烤到蓬鬆鼓起，撕開時熱氣蒸騰，但係又唔會過乾，必叫！.🍯 甜品揀左最代表到印度嘅「印度特色芝士球」！炸到金黃圓潤嘅得意小球，外層脆卜卜，咬開係軟綿綿芝士，搭配玫瑰糖漿，甜而不膩。.🍚 必試呢碗「印度米布丁」！熬煮嘅香米融入藏紅花同荳蔻，奶香綿滑得嚟帶粒粒嚼勁，傳統甜品正～.🥥 食咖喱點可以唔飲嘢，原個上枱嘅「椰青」冰涼透心！清甜椰水連埋用匙羹刮下嘅嫩滑椰肉，天然清甜正好平衡咖哩嘅濃郁，好清爽！.🥭 經典嘅「芒果酸奶」酸甜綿滑完美中和辣味，絕對係解膩又解辣嘅神器。.😋 絕對感受到呢度係好有誠意去經營嘅一間正宗印度餐廳，仲要坐得好舒服，要傾計食餐好就一定要試吓啦！.📍 上環干諾道中137-139號三台大廈1樓.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

.‼️❤️ 記得CLICK我PROFILE關注我呀 ❤️‼️.🔥 性價比高好味二人餐 @ 🌟 泰樂小排檔 🌟.💁‍♀️ 圖片展示美食為：HAPPY THAI 晚市二人套餐 HKD 298.😍 呢間餐廳真係好抵食，餐牌上面好多選擇，尤其晚市有個二人餐性價比超高，有齊主菜、主食、蔬菜、甜品、同嘢飲，選項好多夠晒自由度！.🦀 主菜揀左「黃咖喱軟殼蟹」，好大兜！原隻軟殼蟹浸透滿滿椰香嘅咖哩汁，蟹殼炸到酥化又索盡啲醬汁用嚟撈飯真係邪惡到爆！.🫔 用優惠價追加左幾款小食，「豬肉串燒」大大舊蘸埋沙嗲醬香濃惹味、「炸春卷」脆到嗦嗦聲、「炸蝦餅」大件又彈牙，未食主菜已經滿足感爆棚。.🦐 主食當然揀最經典嘅「泰式虎蝦炒金邊粉」，鑊氣十足金邊粉炒到乾身又掛滿甜酸醬，大隻虎蝦開邊煎香，大滿足。.🥬 「泰式炒通菜」爆炒香到暈，通菜鹹香中帶微辣，完美平衡成餐嘅油膩感。.🥭 甜品「芒果糯米飯」份芒果手掌咁大，糯米飯淋滿椰漿，熱暖同冰涼口感交融，為晚餐畫上完美句號。.🥤 套餐跟兩杯飲品「泰式椰汁珍多冰」同「泰式蝶豆花梳打」，前者椰香濃郁，後者酸甜清爽，食泰國嘢必點！.😋 呢個套餐性價比超高，仲要服務態度好好，裝修又有泰國地道小店FEEL，冇時間限制，絕對值得一試支持下！.⠀📍 油麻地東方街8A號地舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多