LLriw的个人专页

其實之前見過其他人食呢個有火爐heat住嘅pizza 個陣已經好想去試下 講咗咁耐我終於去得成🤣個火爐可以一直warm住的pizza 咁食到最尾個幾塊就唔怕凍晒啦 同埋保持到個薄餅底脆脆地 特別好食！另一樣特別嘅嘢係個口味 竟然會有牛骨髓pizza 仲有成條牛骨係上面 淋埋啲白酒落去真係會著火架 今次真係睇得又食得喇🤣不過佢又唔係得個樣 味道都幾唔錯架 非常特別😛呢間餐廳都有唔少gimmick嘢 同埋佢個環境幾舒服 大家得閒可以嚟試下👍👍👍…查看更多

  今日去左東涌行outlet 行到餓就求其去左間望落幾靚嘅餐廳間餐廳都幾闊落 仲要個view都算靚 都真係幾有vibe 野食都算幾新鮮 仲要唔算貴 一個意粉都係一百出頭 cp值幾高但佢啲野飲先最搞鬼 啲cocktail全部都幾igable  忍唔住影多幾張相先捨得飲最後除開人均都係2-300 下次再入東涌都應該會番兜…查看更多

之前嚟附近食泰國菜，今日想刺激下味覺，試啲椒麻辣既重口味食物。設計係年代感style，梅姐、哥哥、梁朝偉既海報貼牆身，本土電影feel。又有港食同建築物相，有少少回憶情懷既味道。講下主食先，川味滷水拼盤︰分別有豬大腸、鴨血、雞腎，以及大量紅噹噹嘅辣椒，見到都即刻醒神晒。面頭有一層辣油，三款內臟沾滿湯汁，外表亮麗十足。豬大腸相對「索」水，食個陣要小心，比較容易一啖就吸啖辣湯而搶喉。之前無食過鴨血原來幾鮮味，又無想像中咁腥，少少似豬紅，係一個好既初嘗試。雞腎就唔係太突出，正常發揮，爽口唔韌。其實整體好惹味，而且份量多，同枱Share就岩岩好。自己一個人食應該會有啲膩，性價比都幾高。得閒入嚟Chill下，醒神。…查看更多

最近遠道去東涌探朋友，到咗午餐時間佢話帶我食好嘢。朋友群之中佢都出名對食要求高，心諗依度係美食沙漠會有咩好嘢呢？原來係屋苑包圍下嘅小廣場有間「隱世泰國餐廳」。室內設計有啲泰國貴族風，以柔和色調配搭，令人感覺舒服放鬆。中央位置設置飲品沖調吧，成個觀感更增添氣派。另外食物方面，夏日炎炎個人想食濃味野開胃下，於是揀咗黃咖哩牛肉飯。牛肉份量多，肉質嫩滑，配上濃郁黃咖哩十分掛汁。微辣黃咖哩帶有清甜椰奶味，質地濃稠。以咖哩粉平衡整體咸度，配上小蕃茄天然酸甜味，入口順滑舒服，開胃下飯。朋友果然無介紹錯，下次去outlet 行街可以過嚟自私食，或者一大班朋友係度搞飯聚都係好選擇。…查看更多

疫情期間, 好耐冇同D舊同學敘一敘. 上網搵到龍皇係D類食肆, 一枱可以坐12個, 我二話不說就book左. 早幾日去食完, 我地8個人, 個個都食到捧住個肚走. 我地見天氣凍凍地, 叫左個羊腩煲暖下身, 都炆得幾入味. 最值得推介係半肥瘦蜜叉, 淋之如仲有少少燶邊, 超香口, 下次去一定會再叫! 我地仲叫左乳鴿, 炸蟹鉗, 翡翠炒球同瑤柱蛋白炒飯都發揮得唔錯, 係略嫌個翡翠炒球份量太少. 價錢都合理, 推薦大家試!…查看更多

重回荔枝角, 因為之前曾經在這區返過工.  行經Deluxe, 突然勾起以前在舊公司附近喜歡的一個女仔. 買早餐時候多數在Deluxe碰到. 但此終不敢表白而無疾而終. 但這店總係留下了一段回憶. 除了這份情緣外, 這店亦帶給我無數個美味的早餐, 下午茶及最後的散水餅. 今日重臨舊地, 點都要幫趁下緬懷昔日嘅情壞. 咁今日就揀左個栗子蛋糕. 其實百幾蚊真係唔算貴, 買返屋企氹下媽咪都好.因為佢最鐘意食. 同時當係支持下小店. …查看更多

出咗糧, 當然叫媽咪到出面食啦, 一向都有去湘川滬, 都係叫平時喜歡的小籠包, 糖醋排骨. 但今晚先留意到佢地其實都幾細心, 呀姐係會帶住手套分砂鍋雲吞雞, 感覺良好, 因為佢好細心, 媽咪食得好開心 . 比錢亦鬆手小小. …查看更多

係門口見到都有唔少人係門口等位，不過我同同行既朋友都想食中菜，於是決定去拎飛等位，因為之前食過尖沙咀個間都幾唔錯。個到個環境好吸引我，幾靚坐得舒服，裝修擺設好特別，所以我仲特登影低佢。個碗入面隻好似有啲污糟野，原來係碗既設計。又有茶提供，雖然有收茶錢，但係食物配茶都好夾。我地個晚叫左一啲涼菜、雞絲粉皮、黑色既流沙包、乳鴿，仲叫左綠色既蘋果包，外表幾得意，不過味道偏甜，其他既食物質素都好好。我朋友都話依間既野食都幾岩佢胃口。下次有機會試埋其他野。…查看更多

Deluxe散水餅，咪話我孤寒（20人），可以慢慢食，各位同事加油💪🏻介紹下呢間嘢先，我不嬲撑本土小店嘅，細細間，近公司，我成日朝早買佢地d做早餐，又平又好味，又可以同阿姐吹一水，至緊要係的西餠唔過甜，雖然我男人好狗，不過好鍾意食甜品ga,有d甜到食完會有糖尿病咁，所以我鐘意呢間deluxe,希望佢開多d分店la,不過就唔好加價lor…查看更多

之前一直聽朋友介紹有間日本料理超好食, 今日終於食到「鮨芸館」啦!!!見到出左個豊後牛料理,我依個「牛魔王」見到有和牛第一時間就點黎食!!!入口真係超級香,超級值得推介!!!同埋個佐伯池魚刺身,食落真係好鮮甜!令我超級驚喜. 店員仲教我地用蔥花同薑去辟走魚腥味.仲有呃LIKE首選既「彩虹流水素麵」, 雙色既麵在流水機中不斷來回,令我既童心番晒黎!!仲同朋友不斷比賽夾麵^^依個設計真心加分!…查看更多

喺D2 Place覓食時見到呢間「鮨芸館」，見個裝修幾靚就入咗去。（問店員店名點讀，原來係讀「紙藝館」，長知識了）間餐廳有好多紙藝製品，白雪雪咁，就咁睇落唔太似一間日本餐廳！我地叫咗兩碟壽司，一碟係刺身，另外一碟係加洲卷、一個流水麵、一個炸蝦天婦羅同埋一個玉子燒。碟剌身壽司好新鮮好好食！碟加洲卷影出黎雖然好似唔太好睇，但係食落又幾足料！之後炸蝦天婦羅幾脆幾好食！我地第一次食流水麵，睇住啲麵喺水入面浮下浮下，好過癮好好玩！玉子燒幾滑都幾好味！好滿足！…查看更多

前日係呀媽生日約左屋企人去行尖沙咀，經過呢間餐廳就入左去食一個生日中午飯，我地有３個人所以淨係叫左３樣野到，諗住可以夜晚再食餐好既。所以我地叫左３個猛虎咬豬，聽個名都知道好有霸氣，幾好食呀因為啲豬同個包都幾夾。然後再叫左黑醋雞花，其實佢係啲雞翼黎，加埋啲菠蘿一齊食真係未試過，但甜甜地又酸咁既感覺幾特別。最後一樣係呢個都幾出名既松露香茹包，諗住佢個樣真係好得意呀！而且味道同佢個ｓｉｚｅ係啱啱好可以食到啲松露味係個口腔裡面揮發出黎！下次黎一定要再叫…查看更多

琴晚放工約左班FRD去飲野,放工太攰所以唔想出去中環尖沙咀果D咁遠,好彩D frd都住係沙田區, 我地就近近地去左屋企附近既BAR PACIFIC, 因為之前未黎過, 就openrice下呢間bar 既評語, 原來 呢間野有成十幾廿間分店, 開得咁多分店證明佢d野食應該質素唔錯, 咁果晚我地大概10點鐘去到,  得2-3張台有人, 所以都幾清靜睇下個 menu 都有幾多款小食同酒. 價錢都唔算貴.我地就叫左杯mocktail.啤酒仲點左個雞翼薯條試下, 嗌完等左10幾分鐘D野飲野食就到左估唔到 D雞翼好香脆嫩滑, 有驚喜! 食完仲想再encall薯條就正正常常啦! 都係拎黎送下酒最後埋單每人都唔洗一百, 如果平時想靜靜地聽下歌吹下水我都會再黎呢到!…查看更多