chongjacky的个人专页

雖然自己並唔大食，但每次聽到任食牛扒薯片都會心郁郁。今晚終於可以挑戰。逢星期一至四都有任食牛扒同薯條供應。餐廳有齊室內同戶外位置，仲要寵物友善，活動包場仲有9折。澳洲特級安格斯牛扒8安士平時出去食一塊扒，可能都要呢個價，而家任你食到夠。而且牛扒唔會因為任食而比頹嘢你，如果揀五成熟，中間呈粉紅色，口感香嫩，有醬汁，出品並唔hea，第二round都冇變質。講真，食到兩round其實都賺番。薯條如果你本身鐘意食薯條，呢度係實現你嘅薯條自由，每次都係熱辣辣一桶比你，再配埋茄汁，記得問職員拎黑椒加埋仲好食。除咗又唔食牛扒薯條，可以加配沙律，湯同甜品。Caesar salad沙律都幾大碟，有煙肉乾，脆麵包，咬口豐富。Daily Soup追加餐湯只有一款，雜菜湯都比足料。Mount Fuji如果食牛扒想叫杯嘢飲，呢杯打咭夠晒吸引。富士山造型再加花既點綴，令人愛不釋手。Daily dessert朱古力慕絲蛋糕賣相吸引，濃香朱古力味。…查看更多

朋友話想食點心，又想食潮菜，最緊要有得打咭。要有齊三樣嘢，呢度得。啟德分店都幾旺場，中午時間坐滿人。留底高，裝修靚，環境闊落，用餐感覺非常好。點心賣點樣靚，款款都想揀，嚟到又唔捨得食。除此之外，亦有多款潮州菜供應。手打黃皮檸檬茶多肉荔枝鴨屎香烏龍未食點心，先飲手打檸檬茶，估唔到連佢都咁有造型。迷你紫砂茶壺，出晒煙，贏晒。金魚戲水（湯蝦餃）金魚造型，在水中央，魚樂無窮。紫蓉八爪魚八爪魚仔，可愛至上，大隻飽肚。雪茄春卷（水煮魚）雪茄像真，水煮口味，春卷勁脆。天鵝酥（汕頭滷水鵝肉）精緻造型，外層酥脆，鵝肉惹味，層次豐富。鳳梨雀仔雀仔雀籠，經典造型，甜中帶酸。粉紅佳人（龍蝦肉餃）粉紅通透，飽滿蝦肉，Q彈鮮味。潮汕滷水炸乳鴿炸出水準，皮脆香口，肉嫩多汁。潮汕煎蠔烙煎得金黃，外皮香酥，風味十足。酸菜龍蠆一般酸菜魚價，卻用上龍蠆肉，魚肉口感厚實，加上大量配菜，酸味辣味也到位。百花紫菜酥（蝦膠、墨魚膠、粟米粒）混合蝦膠、墨魚膠同粟米粒，酥脆又彈牙，口感十足。…查看更多

呢個優惠真係為海膽粉絲而設。北海道原板海膽配鱘龍魚子醬令人無法抗拒嘅優惠，只要提前兩日訂枱，就可以用驚喜價$100享用北海道原板海膽配鱘龍魚子醬，仲要唔係一枱一客，而係人頭計。呢個期間限定真係抵到爛，而且整到靚靚仔仔比你。除咗海膽，當然亦有好多不同的日式料理。山渣蓉伴香煎鵝肝吐司鵝肝入口即化，沒多餘油脂，山渣蓉錦上添花。鰹魚半敲燒配洋蔥汁鰹魚厚實，魚香味出眾，以洋蔥汁提鮮。慢煮鴨胸伴醬油脆脆慢煮鴨胸肉質淋滑，以醬油脆脆加洋蔥刺激味蕾。特濃蟹膏甲羅焗飯將甲羅燒塞滿飯同蟹膏，濃香蟹膏同飯結合，比起平時食嘅甲羅燒更出色。芝麻脆香雞翼 雞翼又脆又帶芝麻香，雞肉軟嫩。博多明太子掛稻庭烏冬洞庭烏冬煙靭彈牙，豐富口感，而且掛滿明太子醬。自家製醬燒墨魚腸墨魚腸口感近似台腸，口感結實，醬燒微甜。自家製免治雞肉蓋輕井澤煙燻芝土免治牛舌棒雞頸肉串雞膝軟骨串黑豚腩肉大蔥串日本冬菇京都絹豆腐秋葵講吸睛，一定要揀紅蛋黃嘅自家製免治雞肉蓋同埋輕井澤煙燻芝土免治牛舌棒，前者有澎湃肉感，後者口感爽脆，大家一樣有豐富蛋香。其他串燒款式多，亦都好高質，重點係油膩感覺並不強烈。…查看更多

年紀相約既人約食飯，揀左個好地方。雖然地方唔大，但設計用心，霓虹燈，仲有枱枱凳凳，同埋其他配置都喺懷舊港式風味。晚上一班人熱熱鬧鬧，播埋舊歌，氣氛十足。而家仲有限時$1枝啤酒，10枝起計，勁抵飲。港式打邊爐有咩食，相信唔使我多介紹，海鮮、豬牛羊同埋丸餃做膽，仲有椒鹽乜乜都可以食到。咁熱鬧嘅環境，店員招呼都好殷勤，主動加湯，又會收走碗碟。咯咯雞花膠湯金黃色嘅花膠雞湯真材實料，雞同花膠一大碟比你。雞本身已經有8成熟，口感鮮嫩，加埋花膠落湯度，成個湯底原汁原味，真係先飲為敬。牛魔王拼盤 本地手切肥牛、安格斯牛頸脊、牛脷托、封門柳、牛肉粒、黑安格斯牛板腱，用冰坐住成盤上，夠晒豪華。各款牛肉既質素平均地高，相信牛魔王都冇投訴。紫菜炸響鈴如果平時打邊爐要食響鈴真係要試試，響鈴大大個，裏面卷住紫菜，即叫即炸，輕輕一灼，紫菜香味，尤其突出，享受豐富層次。蘇格蘭蟶子 南非鮑魚 鮑魚同蟶子同樣爽口，來貨新鮮。西班牙黑毛豬 肥瘦相間，令瘦肉甘香而不硬，令人回味。招牌芫茜餃一咬開係飽滿既芫茜餡，芫茜香味直撲入鼻，絕對適合芫茜關注組人士。Q彈鮮蝦丸併Q彈墨魚丸 Q彈冇呃人，加埋蟹籽賣相更吸引。冰豆腐吸湯之選。椒鹽雞軟骨大排檔版本既椒鹽雞軟骨，港式風味，香口惹味，餸酒一流。…查看更多

香港有唔少日本過江龍拉麵，各有特色。呢間就有巨型豬軟骨，足夠令人記住佢個名。位於中環大館附近，典型過江龍拉麵店格局。招牌原條慢煮豬軟骨拉麵配糖心蛋拉麵上枱仍未感受到豬軟骨有幾巨型，但只要一夾起，咁大條豬軟骨真係有啲誇張，令人留下深刻印象。豬軟骨入口腍而不柴，軟骨位軟滑，如果你配埋糖心蛋，認真飽肚。拉麵幾彈牙，豬骨湯又不會死咸。魚介豚骨湯底沾麵重點係炙燒叉燒，唔似豬軟骨咁身材突出，但炙燒味道就好出色，一樣令人印象深刻。麵身同湯拉麵唔同，沾麵稍有嚼勁，亦掛到湯，魚介豚骨湯好夠熱，湯頭濃。食得落可以試埋花丸軒秘製餃子，一樣出色。最後埋單Shopback 付款，下次可享有 10% 回饋。…查看更多

認識佢已經超過十年，雖然唔會日日食，但提起鐵板燒，個list一定有佢。可以有個靚位望住師傅整鐵板燒，套餐內容豐富，所以咁多年都繼續有捧場客。秋田二人前套餐季節沙律季節沙律酸酸地，作為開胃前菜，簡單到位。魚籽鵝肝蒸蛋蒸蛋口感嫩滑，粒粒魚籽一咬即破，加上蒸蛋中間有鵝肝，充滿層次。鮮活時令龍蝦 即場炮製龍蝦，賞心悅目，未食先爽。龍蝦肉混入龍蝦膏，肉爽味濃，然後脆麵包沾滿龍蝦膏才是靈魂。原隻鮮活南非鮑魚鐵板鮑魚絕非單調，用上忌廉海苔汁，提升到另一個層次，充滿creamy滋味。香煎頂級鵝肝鵝肝厚又肥美，沾黑醋或連菠蘿食一樣咁精彩。鹿兒島霜降和牛薄燒卷鹿兒島霜降和牛厚燒鹿兒島和牛兩食有質素，4款配搭(鹽昆布，蒜片，岩鹽，Wasabi沙律醬)各有特色，真係要試齊。秋田炒飯煙肉、櫻花蝦同炒飯，三個口感截然不同，帶出無窮既香味。套餐另有炒野菜、龍蝦清湯同季節時令海鮮由頭食到尾，最後精選甜品送上紅豆銅鑼燒配雪糕，好圓滿。巨峰乳酸桃乳酸…查看更多

太古搵食從來唔會失望，主要原因係中產夠多，所以餐廳都有番咁上下。新貴就有佢。裝修似高質日式料理，提供吧位枱位，壽司刺身串燒乜都有，創作料理靚仔可打咭，價錢不誇張。北海道海膽、香蔥碎吞拿魚腩一口井入門版打卡丼，平衡食材同價錢，有北海道海膽，有碎吞拿魚腩，賣相靚仔。串燒盛串燒用火爐坐起，感覺絕對好過碟上，有誠意。五款串燒(大蔥燒鳥、雞膝軟骨、雞大腿肉串、北海道豚肉白蔥串、黑糖小甜薯)水準平均，肉感豐富又不柴口。精選十點手握壽司盛帆立貝、赤身、真鯛、間八、三文、八爪、火炙左口、玉子，時令x2壽司款式有平有貴，想樣樣都試吓有呢款十貫壽司盛。吞拿魚壽司盛極尚大吞拿魚腩，吞拿魚中腩，赤身吞拿魚一向質素先決，用三款吞拿魚帶來層層遞上既層次感。烏の籽雪花比目魚壽司炙燒魚油出晒嚟，口感柔潤，入口即化。火炙松葉蟹棒壽司火炙三文魚腩壽司火炙到位，再用醬料突出香味，頗有水準。…查看更多

調景嶺街市重開之後，搵食的確多好多選擇。不過要食糖水，我會揀佢。小店經營，多款糖水，中式西式都有。講真，調景嶺應該得呢度有咁齊既糖水食。朱古力醬雪糕球雞蛋仔一大球朱古力雪糕勁吸引，再加埋朱古力醬，朱古力味夠突出。雞蛋仔外脆內軟，享受冷熱滋味。芒芒白玉金露芒果、白玉，西米全部都好足料，入口香甜又清涼。薑汁桂花湯圓薑汁同桂花都係暖胃，湯圓咬開黑芝麻餡流出濃郁香氣，桂花點綴添上花香。多芒紫米 3.6牛奶Q軟紫米，芒果又多又甜，3.6牛奶口感濃郁。招牌桃膠蛋白杏仁茶蛋白滑，杏味濃郁，又有豐富桃膠，滋補又暖笠笠。薑汁撞奶好夠薑味，辛辣香甜，暖胃，口感嫩滑。…查看更多

觀塘除咗APM，裕民坊YM一樣好多餐廳。其中一間裝修靚仔，花草裝飾，食嘢同打咭都得。餐牌都有唔同口味既西餐，亦有套餐選擇。開心果疏乎厘疏乎厘有空氣感，配搭濃香開心果醬，再以脆脆加強口感。Set Dinner 煙三文凱撒沙律沙律都幾大碟，而且菜同配料都好豐富，最緊要開胃。SOUP OF THE DAY 是日餐湯係蘑菇湯，湯中有蘑菇碎，綿滑香濃。菠蘿鮮蝦冬陰功意大利飯用半個菠蘿裝住，多種不同的海鮮，賣相吸引。意大利飯有咬口，同時入晒冬陰功味，越食越醒胃。泰式燒安格斯平鐵牛扒配燒薯，蘆筍五成熟安格斯牛肉質半熟Juicy，口感香嫩。配泰式酸辣汁估唔到咁夾，係另一種既享受。泰式奶茶配泰茶奶蓋雖然並非泰茶專門店，但出品有驚喜，有泰茶既甜，再融合泰茶奶蓋清新菠蘿椰青水沙冰沙冰口感順滑，菠蘿味配椰青水味道清新。…查看更多

又到大閘蟹季節。除咗放題大閘蟹，”蠔”食大閘蟹又如何？“炭燒大閘蟹蟹粉雞湯金勾翅全宴”，見到個名咁長就知道有多款菜式比你，同時享受高質大閘蟹同蠔。火焰玫瑰大閘蟹蟹粉蟹肉雞湯金勾翅勾翅真材實料，翅針長又厚，充滿口感。然後加入大閘蟹蟹粉蟹肉，將蟹嘅精華融入每一口翅，再有火焰帶來視覺享受，奢華美味同時享有。清蒸大閘蟹（5兩）炭燒大閘蟹（5兩）除咗傳統清蒸大閘蟹，同時會有炭燒大閘蟹。從未食過炭燒大閘蟹，蟹膏多左一份炭燒香變得更吸引。煙燻花雕熟醉大閘蟹海蝦海鮮拼盤醉大閘蟹絕對不輸蒸大閘蟹，蟹膏一樣多，凍食一樣滋味，海鮮拼盤仲有生蠔同海蝦。蟹粉明太子醬炭燒珍寶蠔珍寶蠔好巨型，炭燒再加入蟹粉明太子醬，同平時赤裸裸嘅珍寶蠔對比，別有一番風味。鹿兒島A5黑毛和牛 80g+雜菜盛盒涮涮鍋鹿兒島A5黑毛和牛肉質與油花比例均衡，口感細緻，令人回味無窮。日本牡蠣牡蠣肥美，口感彈嫩，鮮味濃郁，重點一蚊一隻跳樓價，任叫無上限！炭燒串燒拼盤（廚師發板）雖然呢餐主角唔係串燒，但佢地串燒用炭火燒，香味四溢，一樣有水準。呢個套餐另一賣點係清酒啤酒汽水薑茶兩小時任飲，仲要清酒自動升級”三粒米”，飲飽食醉。…查看更多

創興呢個地方真係好神奇，由細到大佢都係一個搵食既地方。而家嘅創興有多家放題嘅餐廳，其中呢間主打火鍋放題。要突出自己，佢哋有好多唔同優惠 : 身份證有”8”就會有折扣，憑全港消費票尾每枱-$20，生日優惠6人入座一人免費，聽落都幾著數。直接比鴛鴦湯底，不另收費，唯一係每位加$30升級醉雞煲。本身佢哋主打台式麻辣鍋，麻辣味幾刺激，另一邊花雕醉雞煲，好香花雕酒味，一大碟雞又多肉。直接揀B餐已經有晒極尚無骨牛小排，手切肥牛、一口牛頂級牛梅花、特選安格斯黑牛、精選牛五花、黑豚五花肉、黑毛豬梅花、頂級小肥羊肉、白鱔片、海生蝦、脆肉鯇魚骨腩、是日海鮮、雞子、紐西蘭青口，同埋脆肉鯇魚片，淨係食晒呢度都夠做。自助區都有好多唔同嘅丸類菜類。酒水方面，任飲1664都幾吸引，亦有其他啤酒汽水。想食甜品，有專人即製甜品，格仔餅，棉花糖，焦糖燉蛋都有得食。…查看更多

呢間人氣豆乳店，今次帶嚟多款泰式口味新品。除咗食物，連帶裝修都有泰式元素。麻糬泰奶豆乳茶結合泰國紅茶與濃香豆乳，帶茶香而不帶苦澀，上面有焦糖脆餅，又有鹹香的芝士奶蓋，中間仲有麻糬，層次非常豐富。泰乳芋圓豆花豆花加入泰奶，茶香奶滑，加埋鹹味芝士奶蓋，帶來味蕾享受。Lotus餅同芋圓，前者脆口，後者口感煙靭，食完好有飽肚感。打拋豬木棉豆腐木棉豆腐口感綿密，打拋豬肉碎有獨特的泰式香辣味，兩者同時入口令本身高質嘅木棉豆腐昇華。酸辣豬頸肉粢飯粢飯加入泰式酸辣汁，估唔到咁有驚喜。酸辣豬頸肉香氣撲鼻，加埋其他配料，咬落充滿層次，比到你粢飯嘅新體驗。…查看更多

今年7月嘅大阪之旅已經對無限嘅雞白湯拉麵有深刻印象。番到香港就收到香港首間分店開業嘅消息，當然再回味一下。同好多過江龍拉麵一樣，餐廳座位不多，要避過排隊，可能六點前大家未收工先可以直入。特製和牛牛骨白湯拉麵佢哋最出名嘅牛骨湯，真係日本店嘅原味道，質感奶白濃稠卻不膩，啖啖牛骨精華。拉麵彈牙又掛汁，碗邊嘅薄切牛營造出豐富豪華嘅感覺。牛骨麻辣叉燒拉麵喜歡麻辣拉麵就不容錯過，一樣用上牛骨湯，加上辣椒和香料，赤紅的麻辣湯，辛麻刺激，加上拉麵掛汁，連帶舊叉燒都係麻辣至上。特製和牛丼飯日本食拉麵常常有拉麵配丼飯 combo，呢度一樣有。啖啖嫩口和牛，撈埋蛋汁更討好，性價比唔錯。想飲嘢佢哋有日本直送橙味梳打同提子梳打。…查看更多

圓方搵食都唔係間間高價，呢間食點心中菜，環境闊落，又夠光猛，令人感到飲茶一啲都唔老土。除咗點心，粥粉麵飯都可以食到。花膠撈麵望到咁大塊花膠都知咩料，加埋厚實冬菇，骨膠原同濃香醬汁伸延至撈麵，啖啖撈麵都令人回味。鳳爪排骨蒸飯傳統蒸飯點少得鳳爪排骨飯，放滿排骨鳳爪，排骨蒸得滑軟，鳳爪不肥膩又入味，加埋豉油，香噴噴。懷舊鮮蝦餃蝦餃皮薄身，通透，隱約見到飽滿嘅蝦肉。蒜蓉蝦春卷春卷皮脆，蝦肉爽口，配埋喼汁更好味。夏日百香青瓜蘆薈爽夏日百香酸甜解膩，青瓜蘆薈爽清爽又開胃。…查看更多

年尾不少節日，慶祝都要花不少心思。想有環境又有招呼，呢個星空餐廳應該幫到手。星空元素又有打咭位，有燈光，由餐廳佈置，到座位設計都花足心思，所以環境真係攞晒分。無論同老best慶祝生日，定情侶約會都非常合適。餐廳星空主題，室內環境難免較暗，佢哋都深明大家要打咭，所以準備埋打燈方便大家，而且店員招呼好，樂意幫大家影合照。基本入嚟都喺食套餐，已經有齊前菜主菜意粉甜品。送四隻生蠔，仲要係海膽生蠔同黑魚子醬生蠔。Apollo Staro難得入到嚟，即刻叫兩杯打咭飲品。星空環境最襯月球上的人，有太空人伴住呢杯熱情果主題嘅mocktail ; 或者藍色夢幻波波 cocktail 都好適合打咭。星空傳情晚餐香煎鵝肝配雜莓醬沒有過份嘅油膩，口感討好。一口同時享受入口即化既鵝肝，仲有香脆多士。炭燒和牛牛脷配青蔥醬和牛牛脷厚切，口感實在，炭燒和青蔥醬配合下更有風味。芝士蕃茄牛面頰手工寬麵寬麵有夠寬闊，口感煙韌，且掛汁能力十足，牛面頰軟腍，整體都有水準。意式燒乳豬配焦糖蘋果芥末籽蓉乳豬脆皮，肉嫩帶汁，以焦糖蘋果芥末籽蓉作平衡。炭燒M7澳洲和牛肉眼扒伴法式手工薯蓉和牛肉眼扒五成熟岩岩好，邊位有炭燒香，中間粉色肉嫩，手工薯蓉口感綿密。星座蛋糕（雜莓朱古力慕絲蛋糕）雖然係加錢甜品，但真係值回票價。火焰效果，煙燻效果，蛋糕蠟燭，有晒畫面，必定拍照留念。相機食完人再食，一樣有驚喜，香濃朱古力味同樣令人難忘。開心果巴斯克芝士蛋糕巴斯克芝士蛋糕口感軟滑，旁邊脆脆中間有開心果碎，食落有驚喜。…查看更多