hilda gunso的个人专页

放假約好耐冇見嘅胃民，兌現返得閒飲茶嘅承諾，飲奶茶凍檸茶都係茶啫就去西環呢間茶記聚一聚，食個下午茶又抵食又慳到家呢間嘅豬膶係招牌菜，下午餐嗌個出前一丁除咗腸仔，都有豬膶，超級爽彈，好有驚喜麵底好香麻油香，腸仔同麻香係絕配連焗豬扒飯都有得嗌，仲要好大兜，直頭可以當晚餐咁食埋飯底炒得好勻巡，豬扒夠嫩，蕃茄汁夠晒豐富，芝士都好夠好耐冇食公司三文治，一份都好夠份量，有四件三文治，件件都夾到好厚身，有蛋、蕃茄、蔬菜、火腿、芝士，感覺好新鮮，包烘得微脆嚟茶記一定唔少得西多士，邪惡又不失經典:)搽勻牛油同糖漿，切開有好惹味嘅花生醬，同金黃嘅麵包係完美組合下午茶餐有熱飲跟埋，呢度嘅奶茶仲得比例剛好，口感絲滑檸檬茶茶底夠濃，檸香都混合喺裡面跟A餐有紅豆冰送，好大嘅一杯，紅豆都煲得夠腍…查看更多

適逢中秋又重陽又盛，年尾零舍多屋企飯要食，呢間嘅節日套餐都好得，應酬到屋企人又不失美味，仲有條好grand嘅樓梯，俾港劇迷嘅長輩大大過吓電視劇癮打吓卡秋意開始起，主角當然係大閘蟹，套餐都有好多選擇，首先由冰鎮南非八頭鮮鮑魚打頭陣，仙氣飄飄，幽幽酒香，冰鮮彈牙之後就嚟料，兩隻約五両重嘅紫蘇蒸大閘蟹就登場，蟹公都有好多金黃嘅膏同蟹精撈埋一齊食，膏香滿口，齒頰留連食翅就成日聽，連蟹黃燴生翅點都要食一次，啖啖鮮濃金黃，啖啖有蟹有翅撈菜食都好特別，生拆蟹肉雲腿扒豆苗既有鮮香又有鹹香除咗蟹，招牌原隻脆皮皇子鴿都有喺套餐內，用刀一切外皮嗦嗦聲，肉香滿滿蟹粉小籠包勁大隻，成隻籠咁大，要小心咁食，真係啖啖肉會咇湯食蟹怕寒，套餐有甜品作結又有得驅風，夠薑汁九層糕好夠薑，口感好綿彈。黑糖薑茶更加薑，好夠辣但好暖胃另外嗌陳皮燒鵝伴陳村粉，都係呢度嘅招牌菜，有例牌嘅燒鵝放喺陳村粉上，吸盡鵝汁精華，鵝肉香噴噴又外脆內嫩，加$128意大利莫利塞（Molise）嘅Yara Rosso Molise紅酒，全Montcpulciano葡萄釀製，襯配呢味餸超夾秋夏更替，食吓蟹肉扒山水豆腐花，川香惹味不失山水柔情，滑溜無比勝瓜釀蝦滑擺盤好有意境，瓜嘅爽口同蝦嘅爽彈，加上百花打芡，雙重享受。茶水有好多茶種選擇，連龍井都有，消滯真係一流。今次餐前小食係花生，烘得啱啱好，body夠晒爽脆嚟緊冬至過年都唔使煩搵地方揀咩餐，老銅分店有限定鮑魚盛宴，下次嗌佢，位位都有鮑魚鵝掌，唔使嗌交。仲有盆菜外賣或者自取，屋企團年飯都可以加料…查看更多

難得過海，唔係下下都要食一般嘅西餐嘅，上環有間係阿根廷餐廳，聽起嚟夠晒特別There's an Argentine restaurant in Sheung Wan that sounds pretty special平時對阿根廷食乜嘢冇乜概念，就約埋胃民體驗吓I invited my friend to experience it together星期日佢地都有lunch set，有晒前菜、主菜、配菜同汽水This restaurant has a lunch set even Sunday仲有牛油加麵包，好鬆軟好綿that includes an appetizer, a main course, a side dish, a bread with butter體驗夠晒完整，汽水加晒冰凍冰冰，慢慢chill等住上菜and a soft drink前菜先嗌份牛肉餡餅，佢地整到好似巨型嘅煎牛肉餃，切開係香噴噴嘅牛肉，加上脆脆嘅外皮，點秘製辣醬食別具風味For appetizers, beef empanada seems like giant fried beef dumplings—when you cut them open, there's fragrant beef inside with a crispy outer shell. Dipping them in the secret spicy sauce gives them a distinctive flavor另一份就叫南美酸汁醃吞拿魚，係刺身嚟嘅，撈埋洋蔥絲同牛油果肉一齊食，連埋好酸嘅湯汁，非常開胃，啖啖都好清新The other dish was tuna ceviche, which is basically sashimi mixed with shredded onions and avocado, served with very sour broth. It was incredibly appetizing, with every bite tasting fresh and clean食完前菜仲有配菜，炸薯條唔需要點薯條食，有啲蒜蓉同蕃茜吊味，已經好夠南美風情The side dish “Provenzal” Fries had some garlic and Italian parsley for flavor, already giving off that South American vibe南美古早味粟米蓉亦係好有驚喜嘅菜式，佢唔係普通嘅粟米蓉，當中加咗香料，味道好香，猶如瞬間去咗南美高原咁The traditional South American creamed corn was also a surprisingly delightful dish. It wasn't just ordinary creamed corn; they added spices that made it very aromatic跟住到咗主角，阿根廷名物原來係牛扒，12安士嘅牛扒厚到不得了，話五成熟又真係煮到啱啱好The main course 12oz skirt steak was incredibly thick, and medium-rare was cooked just right—thick yet tender, extremely juicy厚身得嚟又好嫩口，汁流成河，極度juicy，點蔥茄醬一齊食，更加香口Eating it with tomato sauce made it even more flavorful另一份主菜都係牛扒，不過係酥炸嘅，切開脆脆嘅外皮，順紋擘開嫩紅嘅牛扒The other main course milanesa was a breaded and fried steak. When you cut through the crispy outer layer and pull apart the tender pink steak along the grain點返蔥茄醬食，加上面頭嘅芝士，層次好豐富，口感多重享受then dip it in tomato sauce with the cheese on top, the layers are so rich and the texture offers multiple levels of enjoyment…查看更多

元朗呢間日式丼飯好抵食，價錢夠經濟又夠晒大份先試佢地嘅招牌牛丼，加到最大碗，落單時仲問大胃要唔要加飯，真係好啱餓鬼去食牛肉即落單即燒，燒到火光熊熊，所以食落香噴噴，燒到勁香另一碗就全都要，有晒牛五花、牛舌同豚肉，同樣燒到好有鑊氣，啖啖炭燒香，肥瘦剛好，仲好有彈性，仲有溫泉蛋撈燒汁飯，大胃即刻旋風式清咗碗飯升級套餐唔使$10雞，就有碗麵豉湯、中華湯律同自由斟汽水除咗汽水，仲有檸檬茶同酸梅湯，飲完一杯又一杯，任飲唔嬲胃弟見大胃有溫泉蛋，佢又要加一粒落自己度，都係幾蚊粒仲可以加泡菜配肉食，過吓泡菜癮，加海苔試吓夾住啲飯同牛肉食，口感更特別炸蝦脆卜卜幾大條，裡面都好有蝦肉大胃見自己食咁多肉，就加入椰菜花畀自己，凍凍地咁食完原來口感更爽一見到炸蠔就忍唔住嗌，脆口得嚟蠔香都好出炸雞點醬食，肉質都好嫩炸餃子一樣都係脆身，餡料都好飽滿…查看更多

尖沙咀呢間日本料理，口碑好好適逢四周年有優惠，一於就食佢打頭陣嘅唔係普通沙律，而係高知縣產鰹魚沙律，有好多鰹魚刺身喺裡面，醬料好開胃仲有日本漬物三點，有紅酒蕎頭、醃蘿蔔同醃蒜頭，唔太好漬物嘅大胃通通清晒，因為真係好爽脆，酸酸地幾惹味跟住係小食唐揚日本雞軟骨，粒粒都大大粒，炸到好乾爽脆口，骨肉比例完美，點沙律醬一流和食就有美國安格斯牛扒，片片都好有肉香，以蒜片吊味，仲有蔬菜做side dish刺身有四款，包括拖羅、鰤魚、赤蝦同三文魚刺身切得激厚，啖啖鮮香油香，赤蝦有啲黑松露做點綴，同蝦嘅鮮味好夾壽司有八件，有海膽、拖羅、帆立貝、鯛魚、左口魚等時令壽司件件都勁鮮勁香，放入口香氣爆發，件件都咁正，大胃同胃民都煩緊每人食邊件好串燒有四串，分別係雞肉、豬頸肉 、冬菇同秋葵，雞肉燒得好有炭香味，豬頸肉口感勁爽，冬菇同秋葵火候都拿捏得好好仲有味噌湯，湯裡面有好多豆卜，湯底溫醇順口，唔會好鹹呢次甜品係蜜瓜，幾好肉地，爽口又好有水份…查看更多

嚟緊可能有三日足不出戶，放工當然要出去滾飽佢，去旺角呢間樓上火鍋店放題，咁咪唔使去盲搶餸囉呢間主打潮汕牛肉，大胃都係第一次食咋！一嚟就連埋潮汕牛骨湯上埋個牛肉圈，有晒唔同部位嘅牛肉，有吊龍、胸口油、雪花、五花趾同匙柄，有寫要淥幾多秒淥一陣就食得，比起平時食嘅牛肉好唔同，口感有彈性同埋實淨好多食完都可以再嗌，除咗潮汕牛肉，都有其他肉可以order，例如美國牛板腱、美國肥牛、西班牙五花肉、西班牙黑豚肉等等，都好新鮮，肉香好出跟餐有海鮮拼盤送，有鮮蝦、桶蠔、鮑魚同花甲，倒晒落去淥，超鮮香爽彈，蝦肉色澤金橙，蠔肉同鮑魚都好滑出面自助區任君馳騁，醬料區可以配自己嘅醬料，都好多選擇。仲有熟食區，有紫菜響鈴、炸物同熟嘅丸食，味道都唔錯仲可以落單叫藤椒爽魚皮凍、潮汕南乳炸雞翼手工咸蛋黃炸魚皮同即炸椒鹽炸丸，即叫即整熱辣辣出面嘅配料區琳琅滿目，有啲唔常見嘅配料都有，牛骨髓、雞子、竹笙、鴨血、有餡牛丸、手工餃子等等，個款睇落好靚仔新鮮，食完都會想攞多round仲有好多款手工肉滑可以試，有蝦滑、黑松露蝦滑、蟹籽蝦滑、墨魚滑同馬蹄墨魚滑，一次過食到咁多款，又嫩又彈牙，爽到痹呢度嘅飲品區好正，除咗一般啤酒同其他飲品，有自家製嘅港式奶茶、泡茶同涼茶，非常足料仲有紅酒白酒任斟，勁好飲，唔太好紅酒嘅大胃都飲咗好多雪糕區有唔同款式本土品牌雪糕，仲有大胃好耐冇食嘅格仔餅雪糕，回憶殺呀…查看更多

一離開月頭，大胃就化身糧尾指南，發掘到新蒲崗原來都係平民美食寶藏區呢間麵店睇落普普通通，但又好抵食喎佢地撚手菜似乎就係蝴蝶腩，係豬腩嘅一種，好似牛腩咁香口嗌豬雜麵嘅話，都有包埋蝴蝶腩，同時亦有唔同部位嘅豬雜豬膶好爽彈唔會沙，豬腸唔太肥好乾淨豬心好滑好彈牙，豬肚煲得夠腍河粉晶瑩吸味，又唔會散颼颼河粉如果算滿足，蠔仔泡飯更係大滿足咁嘅價錢，每𢳂一羹都有兩三粒蠔肉，仲要係大大粒，飯粒吸晒蠔湯嘅精華，加上芫荽同炸蒜更惹味呢間嘅大腸一啲都唔藞䕢，洗得既清潔又瘦身，唔會有好多肥膏，但留有大腸香味，用嚟炸更係肥卜卜，點醬食更加過癮:)又內臟又蠔咁，點都食返啲菜清一清，蠔油另上好細心，菜心份量幾多，烚到保持翠綠爽脆水吧都唔錯，檸茶份量好多，檸檬片都有多幾塊檸水都大杯，檸檬片都足料…查看更多

打風就唔好學人去睇海，其實食海鮮比睇海更開心落咗波就去太子呢間火鍋店滾一滾要食新鮮海鮮，有乜湯底好過清湯？話就話係清湯，都有唔少蕃茄、娃娃菜、粟米同豆腐等湯料，唔會寡又健康先配醬料，就等海鮮登場橫風橫雨食海鮮總係好有feel，呢間新推出深海龍躉海鮮拼盤，雖然因為打風，未有龍躉班頭腩不過都有蟶子頂上，都相當巨型，烚完啲肉都好大嚿本地龍蝦仔都唔仔呀，好大隻好多膏，啲肉勁有彈性。南非鮑魚一人半隻，都好大嚿肉，同樣好爽彈游水生蝦仲係郁郁吓，大胃都係快啲了佢殘生，新鮮烚熟即係真係超鮮味。仲有花甲，烚完即食都好鮮爽食完海鮮就食吓其他肉，一次過嗌四寶丸就唔使揀，有齊梅菜豬肉丸、鮮牛丸、手打鮮蝦丸同手打墨魚丸，手工製嘅質感好唔同，嗰種彈牙用機器都好難整到出嚟，肉香保留得好仲發揮到出嚟除咗一般粉麵，呢度仲有鍾華記生麵，開頭大胃都唔係好識淥佢原來係要一小柱咁淥兩至三秒，咁就食得，咁先食都嗰陣蛋香同爽口打住邊爐要飲竹蔗茅根，自己煲唔會太甜啱啱好，咁先下到火…查看更多

西九龍中心food court張櫈斜咁，都無阻晚市人潮因為真係好多平靚正嘅嘢食，其中呢間炸雞真係飽到你瀡唔到滑梯:)晚市依然有set，一個餐有成三大嚿炸雞，仲有飯同飲品好夠份量又夠平，出面好少有咁平嘅價今次試招牌芝士味，芝味濃郁，外皮好爽脆，雞炸得好乾身鎖汁，肉質好嫩另外一個餐就要蒜香醬油味，醬汁多到完完全全包圍住啲炸雞，超級香甜又唔會浸腍啲炸皮，滲入滑口雞肉超正跟餐有兩款飯可以揀，卡邦尼飯聽落好特別卡邦尼汁撈飯又幾得喎，飯底煲得唔錯，好快就食咗大半兜飯另外一款係安東雞飯，醬汁係啡啡地，似燉雞汁，送飯都幾惹味跟餐加廿幾蚊有薯條，仲要係有味嘅，粟米湯味最獨特，又真係有湯味，撈落薯條又幾夾狂熱味即係微辣BBQ味，食落香噴噴，份量仲好多，廿幾蚊好抵加平時年糕係煲熟佢嚟食，炸年糕就比較少見，跟餐加幾條試吓，試吓跟芝士炸雞撈，脆皮煙煙韌韌咁，口感都幾好咬口…查看更多

旺角呢間火鍋店都有sell椰子湯底，聽起嚟都幾特別嚟個二人套餐，唔使逐位計，咁就有大大煲椰子雞煲首先店員會搬五個好大嘅椰青嚟，倒晒落個煲度，完全以椰水做湯底，清甜程度難以置信等椰水湯底滾起，倒啲雞骨件落煲度熬熬到咁上下，再落啲脆皮雞喺煲度淥，淥一分鐘就食得肉質好嫩彈，所謂脆皮，唔係炸皮嗰種脆，而係皮肉爽脆嗰種呢個餐仲有鮑魚同蝦，鮑魚大大嚿冇花假用椰水烚超彈牙超嫩滑，椰水滾蝦同樣好正蝦肉唔會老，勁爽嫩多膏:)仲有六安士嘅手切安格斯牛小排，平時一碟價格不菲，呢個餐都包埋真係好抵，呢碟牛雪花平均，牛香油香足，肉質不俗當然菜亦唔少得，呢個餐都有包埋，一個菜籃有晒幾款菜，相當翠綠，食落嗦嗦聲好脆口，食肉獸食菜冇難度食椰子雞煲，飲椰青水好順理成章，呢個椰青好多肉好多水打住邊爐頸渴就梗㗎喇，特製柚子蜜原來係指size特製，夠晒補水…查看更多

五一黃金周出尖沙咀，怕逼所以走去漆咸道南嗰頭，人流鬆動啲仲有一間新開嘅墨西哥酒吧，撞正Happy Hour就入去chill吓食墨西哥菜一定走唔甩Taco，既然有手撕豬餡料揀就要試吓，店員會問我地想軟皮定脆皮，因為想食埋Nachos就揀軟皮軟皮質感都唔錯，夾住啲好清新嘅各類蔬菜同手撕豬，豬肉入味夠香唧青檸汁上去味道更係放大咗咗，點吓醬食層次會更豐富Nachos亦係墨西哥美食嘅代表之一，都可以揀配料組合今次揀雞肉，係烤肉嘅烹煮方法，同多醬多料多芝士嘅nachos亦好夾，仲有三種唔同嘅醬可以點嚟食有牛油果醬、忌廉醬同蕃茄辣椒醬，點食都唔會厭，送酒啱晒酒品選擇都好多，其中一杯揀咗Signature cocktail叫Raspberry Farm，勁香桑莓味，用龍舌蘭做基調，加咗青檸同蛋白加強口感層次，非常出色另一杯就試吓Classic啲嘅Tequila Sunrise，酒感較強，雖然加咗橙汁同紅石榴漿，但酸味為主，唔會有藥水味，反而幾醒胃:)…查看更多

新加坡呢間老字號都開到嚟香港，唔使再買機票，喺銅鑼灣先嘗為快，食吓佢乜料點都要嗌返個雞飯餐，佢地嘅雞飯非常嫩滑建議食埋雞皮，點豉油真係好正，辣醬同薑蓉都好有風味一餐包埋油飯同湯，湯有好多白蘿蔔喺底，油飯唔會太油，粒粒分明除咗白切雞，其他小炒都唔錯，lunch set價錢幾抵，一碟咕嚕肉好大碟，炒到好乾爽掛汁，跟碗白飯，煲得唔錯跟餐可以追加唔同小食，炸豆腐其貌不揚，實情勁嫩勁有豆香墨魚丸都係，大大粒好有彈性，點沙律醬食好正韭菜餃用嚟炸都好香口，仲有啲粉絲增加口感仲可以加盅燉湯，是日餐湯係蟲草花燉豬脊骨湯，真係好多豬肉同蟲草花喺裡面，冇呃秤蝦多士炸得勁靚仔，咬落勁脆口，蝦肉十足京都排骨王都可以追加，咁就可以一次過試埋，豬肉都好嫩好彈，芡汁夠花味加嘢飲有好特別嘅選擇，烏龍茶都有香印提子味，而且唔係甜，但就勁香醇胃弟要去水腫，都有自製薏米水，blend得好勻巡好smooth…查看更多

月頭已糧尾嘅大胃，會選擇同同事食米線，西環一樣有平選呢間嘅米線夠晒大碗抵食，唔想揀嘅大胃就揀寫住「秘製」嘅米線，豬扒炸得好入味焦脆，仲要好大塊，韭菜餃大大粒好香滑，夠晒足料米線配清湯都好夠味，份量完勝胃民全都要，就自選米粉揀想要嘅餸，魔鬼辣就算係小辣都唔惹小，小心辣親紫菜鯪魚卷整法好新穎，又脆又嫩好特別蠔仔𢳂咗好多，好似唔使錢咁啖啖肉。竹笙唔係薄切切，而係好粗嘅一卷卷，口感爽彈蓮藕魚餅都係呢度必食，勁大塊口感勁順滑豬手微煎有色澤，煲到質感好腍好吸味跟餐可以加啲錢嗌小食，酥炸雲吞都幾大粒，咬落脆卜卜，餡料就勁綿滑，內外有對比好正，點甜酸醬仲正呢間辣嘅菜式好出色，點都加份牛𦟌歎吓，一碟份量都好多，肉片紋理好靚，筋位夠彈，吸收到辣香，食到伸晒脷胃民仲加多碟片頭墨魚鬚，但呢碟就係酸辣，有自家製嘅醃菜，辣到入味嘅片頭同墨魚鬚，好嫩滑彈口，同辣味好夾辣到咁，點都要嗌嘢飲，紅豆冰都算好解得辣大胃就要杯檸檬可樂，仲可以揀zero，解辣消暑都係好啱…查看更多

行喺熙來攘往嘅彌敦道，就入去呢間越南餐廳:)醫吓肚避吓雨，儲定能量入秋見隔離檯三個男仔些牙一大碗火車頭麵，size真係好巨大胃就同胃民兩條友挑戰吓，麵底有好多啖啖索湯，料有兩份有肥牛、牛𦟌、牛丸、牛腩、札肉等啲肉都好香口，唔會淡茂茂唧啲青檸汁，即刻變成第二種美味胃民話想食法包，就嗌咗佢地嘅招牌法包試吓，麵包烘得好脆身，包住菜蔬同札肉，乾濕度平衡到，連法包都唔會乾噌噌米紙卷係大胃想食又好耐冇食嘅美物，呢度一碟米紙卷剪成四份，每份好大卷滿滿菜蔬、米粉同蝦肉，煙韌又爆餡，點魚露好香口冇諗過連飲品都整得咁足料，牛油果沙冰真係必嗌，胃民飲咗一啖就唔想讓畀大胃，啖啖勁香牛油果之餘，面頭仲鋪咗好多牛油果肉粒除咗越式飲品，連冰鎮奶茶都有得嗌，真係用一大碗冰鎮住一杯奶茶，冰唔會融到溝淡奶茶香，保留原汁原味…查看更多

嚟銅鑼灣一位唔使一嚿水就有得賣醉，忘卻工作上嘅煩惱，抵玩呢度最爽嘅係，一個大雪櫃任係拎酒勁多種類嘅sake任君選擇，悉隨樽便由純米酒到勁辛口嘅sake都有，任斟唔嬲三粒鐘，作為酒鬼嘅大胃勁開心刺身拼盤好精緻，刺身有三文魚、油甘魚同赤蝦，勁鮮味，蝦有大量嘅膏。至於壽司有深海池魚、間八、赤鯛、三文魚、左口魚邊同蟹籽，嚿嚿都鮮香十足，送sake一流嗌生冷嘢，都要嗌啲小食送吓酒，呢度嘅鮟鱇魚肝，比坊間更可口在於，用醋點綴，令魚香鮮香更加鮮晴甜蝦用嚟炸都冇聽過，原來都幾有肉地，而且鮮味不減反增，外脆內嫩呢度串燒都係必嗌，而且好出色，牛舌燒得相當有彈性，唧咗檸檬汁更能突出肉香。宮崎豚肉同樣爽口，肉香油香俱備，果然係出身有名生蠔喺夏季嚟講都好時令，大胃當然唔會錯過，用大量嘅蒜蓉提味，配合滑溜多肉嘅蠔肉，大快朵頤明太子飯團嘅色水真係好明太子，咬落有鹹香，飲酒前先食非常適合呢度連Shabu Shabu都有，牛肉雪花仲要勁靚100g其實都好夠食，淥喺湯底都好吸味:)煲裡面有大量蔬菜同粉絲，夠晒豐富…查看更多