Foodiefishhk的个人专页

位於寶琳地鐵站對出，招牌霓虹燈紅紅綠綠好易認，店內環境闊落企理。當晚7點已經全場爆滿，雖然忙到踢哂腳，但每位職員態度都好友善！午市晚市款式一樣咁多，而且加$21仲有是日餐湯＋沙律＋甜品，超抵食！🫕是日餐湯（雜菜羅宋湯）一上枱已經聞到濃濃番茄香！入面蔬菜多到誇張：番茄、紅蘿蔔、洋蔥、西芹、椰菜全部大大舊味道煮到夠濃夠甜酸，真係會為左碗湯再嚟食🥗沙律沙律菜新鮮，麻醬再多少少就更理想整體都幾fresh🍳鐵板煙三文魚飯 $88鐵板系列必試！上枱仲「滋滋」聲煙三文魚煎到外微焦內嫩滑，油香撲鼻飯底仲有飯焦，超香口好加分如果有得加太陽蛋或者芝士就更完美！🥘三層芝士鮮茄焗豬扒飯 $64豬払超大件又軟淋，完全唔鞋口鮮茄汁酸甜得宜，三層芝士有鹹香滋味仲有好多炒蛋混入飯度，呢個質素同份量真係值得🥤凍朱古力 +$3飲品款式算多，濃度夠，唔會淡mou mou🍓草莓沙冰 $12特飲杯身超大，冰沙細緻唔會太甜酸酸甜甜好解膩🍰甜品（榛子摩卡蛋糕）甜品有幾款揀（榛子摩卡蛋糕、柚子芝士蛋糕、朱古芝士蛋糕、抺茶蛋糕）今次試榛子摩卡，一層蛋糕一層cream蛋糕鬆軟濕潤，cream唔會太膩下次想試埋柚子芝士！總結：強烈建議寶琳街坊都嚟支持下呢間新開茶意！環境舒服、服務貼心、食物質素高、價錢合理，鐵板系列同焗飯超正，羅宋湯更加係隱藏MVP！放工經過一定入嚟試，絕對唔會失望～…查看更多

觀塘有兩間新之食，今次我哋去嘅係喺裕民坊公共運輸交匯處旁邊。有街坊飯堂嘅感覺，款式多到暈，米線、粉麵、飯都有，價錢都算親民。🍜 酸辣雜錦米線 $59湯底酸香撲鼻，辣度中下份量超多，有滿瀉嘅米線仲有多種配料，包括鹿茸菌、酸菜、芽菜、油豆腐、雲耳、木耳、豆卜主食亦可以揀扎肉、牛肉等等我就想試下糖醋骨，一碗有四大舊肉質軟淋入味，糖醋味偏酸身如果再甜多小小就更完美整體一碗落肚超滿足🍜 油渣東坡肉上海麵 $57見到好多街坊都叫油渣麵我又想試下東坡肉肥瘦均勻，又軟又入味完全唔膩油渣脆卜卜冇臭油味，香氣融入湯內上海麵係粗身款，偏硬身有咬口，一啖麵一啖肥膏，邪惡但抵食🥟 煎餃子雙拼 $40有豬肉餡同韭菜餡餃子底煎到金黃香脆豬肉餡咬落去有小小肉汁韭菜餡就相對爽口附送泰式甜辣醬，但老實講唔沾都已經好好食單食更顯餃子原味▫️總結：店內光猛企理，街坊味濃，款式多份量夠，仲要係開二十四小時！無論係附近返工要OT嘅同事，定係住喺度嘅街坊想食個宵夜，都值得過嚟試吓㗎！…查看更多

餐廳位於銅鑼灣登龍街地下，地點夠方便。店內內籠乾淨，蒸菜款式都幾多，價錢親民，而且仲有多款老火湯。🐟蒸陽乾魚 $38一碟有五大舊，魚肉厚實表面撒咗辣椒粒同蔥花，味道帶微微辣味🥓鄉里臘肉 $48臘肉切成厚片，色澤深紅帶油光表面有少許辣椒碎點綴，肉片都算肥瘦均勻蒸後臘肉油脂微微滲出，咸香味同米飯好夾🐮小炒黄牛肉 $48牛肉粒都算多，配上茜芹辣椒不過同小炒皇口感好唔同🥬蒜茸时蔬 $12呢個價錢呢個份量，性價比超高娃娃菜本身有種清甜，加上蒜茸更惹味🍚泰國香米飯 $6粒粒分明嘅泰國香米，米粒飽滿鬆軟入口軟糯帶甜總結:放工唔想煮飯，有時兩餸飯又太油唔想食，兩個人叫幾個菜加飯，平平地$100左右搞掂都唔錯。…查看更多

WM Café & Bar 位於鑽石山荷里活廣場2樓，空間寬敞，枱同枱之間距離適中，整體感覺清新舒適，店員服務態度同效率都唔錯。🐑澳洲烤羊架伴牛乾菌意大利飯 $168羊架有兩大舊，完全冇羊騷味意大利飯有咬口，粒粒分明整體擺盤乾淨賣相不錯🍝蟹膏海鮮墨魚意大利粉 $138墨魚意粉mix蟹膏都係一個幾新鮮嘅配搭海鮮份量都幾多，蝦仲有兩種添🍰開心果巴斯克芝士蛋糕 $58甜品我覺得幾唔錯有淡淡開心果嘅味道口感軟滑又唔會太過流心🥖法包薄餅每枱都會送一件法包薄身脆口，味道酸酸甜甜總結：估唔到晚市人流都幾多，今次我哋係散叫，其實佢哋有Dinner Set，會抵啲。另外見到隔籬枱叫咗龍蝦pizza同龍蝦意粉賣相更加吸引，（應該係Lobster Set for 2）都會想下次試下。…查看更多

陳儀興牛什粉麵座落喺旺角煙廠街，店舖周圍人流不斷，基本上每張枱都坐滿咗人，翻枱率亦高。牛脆骨河粉牛脆骨屬於比較罕見嘅部位，都算係呢間店嘅亮點之一食落去脆爽有嚼勁，口感有啲似雞軟骨河粉夠滑，加小小辣椒油後更添層次自製鮮蝦雲吞幼麵幼麵有細微嘅鹼水味，加啲醋後味道更平衡雲吞粒粒大皮薄餡靚，蝦同豬肉嘅比例恰到好處炸魚皮炸魚皮大大塊脆卜卜，浸一浸落個湯度再食就剛剛好腐乳通菜份量出乎意料地多，通菜翠綠鮮嫩夠爽口腐乳帶點鹹香味道唔會過重炸墨魚條外層金黃，內裏彈牙有嚼勁墨魚味道非常濃，呢個小食值得一試紅豆冰紅豆份量多到好似食緊紅豆沙咁，甜度適中羅漢果茶帶有甘苦嘅雙重味道，味道清新但後勁略苦總結：想快又唔想將就，陳儀興係一個好選擇，而且除咗牛脆骨仲有崩沙腩、牛沙瓜等熱門菜式，都好多人叫嫁。…查看更多

曾三仙米線空間夠闊落，冷氣充足，喺炎熱嘅夏天食熱辣辣嘅米線唔洗驚會食到出汗。店員會主動推薦同介紹食物，整體感覺不錯。冒烤鴨米線 $64湯汁濃郁帶有鴨肉嘅香氣，入面有六大舊鴨肉湯底係冒菜嘅湯汁，酸辣中又帶出蕃茄嘅鮮甜對比平時食開嘅米線層次更豐富鴨肉入味唔乾柴，米線吸咗湯汁後更加香濃藤椒三仙米線 $60配料豐富湯底濃郁，只麻不辣內裏嘅「三仙」代表九樣配料包括鵪鶉蛋、肉絲、竹笙，木耳、午餐肉、蟲草花、豬肝、番茄同黃花菜湯底嘅藤椒香氣同食材嘅鮮味完美融合磁粑油條 $18油炸鬼夾住麻糬，表面撒上白糖同芝麻賣相有吸引力。咬落去脆卜卜，內裏嘅麻薯軟糯香甜油炸嘅香氣同白糖嘅甜味混為一體，熱辣辣時食更顯風味鍋巴士豆 $22真係意想不到嘅好食調味酸酸甜甜，好似糖醋骨咁薯仔帶有焦香唔會太膩我自己個人嚟講最鐘意呢個小食，簡單卻有驚喜紅糖冰粉涼蝦 $9幾特別嘅甜品，涼蝦增添不同口感紅糖嘅甜味同冰粉嘅冰涼混為一體，食落去清新解麻冰糖山楂凍 $10甜味偏濃，帶有輕微嘅酸味底下仲有好多啫喱百香茉莉茶 $10甜味較重，茶味都好濃（我會覺得少甜更好）總結：曾三仙米線質素真係意想不到，環境舒適冷氣足，店員服務貼心，食物同價錢嘅平衡做得幾好。整體令人回味，會考慮再嚟試下其他菜式。…查看更多

「酒屋 La Maison Du Sake」 雖空間細小，但裝潢精緻有特色，店內有一張 L 型吧枱，每次有熟客入店，都會坐係呢張吧枱同老闆近距離交流，當問到老闆有咩清酒推薦，佢都會耐心介紹同分享，氣氛同服務態度絕對係一項亮點。唯一小小不足可能係座位數量有限。五花腩串燒 $22五花腩肥瘦相間燒得恰到好處，表面帶有輕微焦香咬落唔乾柴，有小小肉汁同油香滲出肥膏部份軟滑而不膩，味道簡單卻純正燒雞泡魚乾 $48即叫即燒嘅雞泡魚乾熱辣辣金黃惹味食落去軟硬度適中，帶出濃郁煙韌嘅口感香氣四溢，令人食到停唔低，送酒更係一流酒屋炸雞軟骨 $48雞軟骨大舊得嚟，仲炸得香脆內嫩咬落去外層脆卜卜，內裏軟骨帶有嚼勁油膩感唔重，整體性價比高海老天婦羅烏冬 配地獄辣湯底$68除咗小食之外，主食烏冬都好多人叫海老天婦羅香脆可口唔油膩，烏冬夠彈牙湯底標榜「地獄辣」但實際微辛唔算太辣，反而有開胃嘅效果唐揚炸雞烏冬 配豚骨湯底 $68大大舊香脆嘅唐揚炸雞烏冬同樣令人滿意吸滿豚骨湯底嘅濃厚鮮味，湯內仲有蛋絲同昆布增添層次烏冬同樣彈牙，湯底同炸雞嘅油香融合得宜同海老天婦羅烏冬相若，兩者各有風味，適合唔同口味嘅客人清酒由於我地唔多飲清酒，老闆特意推薦咗 天之戶・吟泉・純米酒 同 ZAO純米吟釀 兩款清酒，兩款都順滑易入口。天之戶相對甜潤入口柔和，適合初試清酒嘅人；ZAO則帶有微微辛口，配上店內熱辣辣又好味嘅小食，可以話天衣無縫總結：酒屋 La Maison Du Sake 作為一間居酒屋，酒精同小食嘅平衡做得相當出色。清酒選擇豐富，老闆嘅推薦服務加分，小食熱辣辣即叫即整，質素穩定，無論係五花腩串燒嘅油香，定係燒雞泡魚乾嘅煙韌口感，都令人回味。主食亦性價比高。特別一提係餐廳有 $248 兩小時清酒放題（下午4點至8點，最遲8點入座），如果想同朋友食完飯再有下場，呢度都係一個唔錯嘅選擇。整體嚟講，絕對值得再訪。…查看更多

又一平民價錢米芝蓮享受推介。麥記係我同同事經常去嘅餐廳之一，無論係中午高峰期定晚餐時間，門口總會見到有人等位，足見佢嘅人氣同口碑。難怪可以連續十年獲得米芝蓮推介。點心套餐（10隻鍋貼＋酸辣湯）$62酸辣湯好足料，有超多木耳同豆腐酸味相對突出，辣味亦適中鍋貼底焦脆，咬落去外皮酥香內裏嘅餡料新鮮多汁，必點之一豬扒擔擔麵 $57擔擔麵湯底濃稠香濃，非常吸引芝麻同花生嘅味道好強烈，麵條彈牙有嚼勁每一啖都有種食緊沾麵嘅滿足感豬扒都有五至六塊，肉質軟嫩份量唔少麻辣撈麵 $32呢個算係一個驚喜之選麵條上蓋滿肉碎，帶有咸香同微麻嘅感覺辣味爽口又唔會太霸道，麵條本身夠 Q 彈呢個價錢一試無妨小籠包 $32一籠四隻，SIZE唔算細一咬開湯汁即刻流出淡淡嘅肉香同湯汁混為一體增添咗一啲清新感總結：麥記美食真係稱得上平靚正。無論係鍋貼、擔擔麵、麻辣撈麵定小籠包，味道同賣相都令人滿意，價錢抵份量夠。平時我會叫小雲吞擔擔麵套餐，仲有三隻鍋貼，加支豆漿，飽肚又滿足。…查看更多

House FiftyEight 嘅環境真係唔錯，可以揀坐室外或內。夜晚係戶外望住外面嘅城景，感覺好relax，尤其係有啲微風吹過時就更加有氣氛。而室內空間夠大，檯同檯之間嘅距離夠寬，唔使擔心會同隔離一枱嘅人「撞枱腳」。另外仲有飛鏢機，一邊食飯一邊睇波一邊玩樂，氣氛超正。海膽海鮮撻 ($168)上面有滿滿嘅海膽、魚子醬、帶子、吞拿魚蓉同三文魚籽顏色豐富賣相加分海膽嘅質感滑溜又creamy，入口即刻化開魚子醬增添咗一啲鹹香同細膩嘅口感帶子同吞拿魚蓉則提供不同嘅咬口同層次感黑松露野菌長薄餅 (11吋) ($148)一出場，濃郁嘅黑松露香氣已經充滿咗整個枱面有黑松露薄片作點綴，賣相極具誘惑力薄餅嘅餅底薄而脆，咬落去唔會太硬入面嘅黑松露醬同野菌完美融合，成件事好earthy 芝士同蕃茄醬嘅搭配亦都恰到好處，唔搶味又補充咗一啲酸甜令人食到停唔到口西班牙橡果黑毛豬鞍 ($228)份量真係有誠意，一大塊厚實嘅豬鞍，表面烤得焦香配上菠蘿同小粒蕃茄，顏色鮮艷得令人食慾大增豬肉質地結實又唔鞋口，咬落去有啲汁，帶出天然嘅肉香加埋菠蘿食落去更鬆軟，口感更加立體波士頓龍蝦忌廉扁意粉 ($258)今次嘅亮點之一，大大隻龍蝦賣相有氣勢龍蝦肉飽滿又彈牙，忌廉汁濃郁得可以掛喺意粉上面每一口都帶出豐富嘅奶香，味道唔會太鹹意粉嘅硬度亦好合我意，al dente 嘅忌廉醬汁完美融合，食落去有滿足感Passion Sunset ($98)呢個 mocktail 真係值得推薦，橙紅色調好有夏日感覺入面除咗百香果仲有芒果、菠蘿、檸檬汁，味道酸酸甜甜再加小小Soda，有啲氣泡所以感覺冇咁甜Mocha ($42)飲落順滑得嚟又不失咖啡嘅苦韻，奶香同巧克力嘅味道融為一體鍾意Mocha 嘅一定啱飲總結：House FiftyEight 唔係我第一次幫襯，之前同同事farewell 同約上司食飯都係揀呢度。環境得體，食物又唔錯，無論係聚會定係商務飯局，都能夠應付到唔同需要。…查看更多

今日就嚟到成業工業大廈地下嘅Four O Five Coffee & Eatery，樓底幾高地方唔細，檯與檯之間相對密集。雖然唔似Cafe咁寧靜，但對於情侶約會或朋友聚會都好合適。特別係一大班人可以揀坐大房，叫做有獨立空間有返啲私隱度。估唔到晚市人氣都幾旺，9點都仲有客入座食甜品，氣氛熱鬧。🦐虎蝦帶子意粉 $138我個人好滿意呢個意粉，特別係個醬汁蕃茄汁底酸酸甜甜，非常開胃意粉煮得啱啱好，有小小煙韌嘅口感兩隻虎蝦超大隻有蝦膏，帶子軟淋入味🦀蒜香蟹肉意大利粉 $138巨量嘅蟹肉絕對係一大賣點裏面唔係碎蟹絲，而係完整一舊蟹肉配料有翠肉瓜、菇同大量蒜片增添層次同香氣雖然外觀看似清淡，但其實都幾濃味🍫香濃海鹽朱古力梳乎厘班戟 $138即叫即制嘅梳乎厘班戟好加分班戟鬆軟得嚟又軟綿綿，切開時仲聞到好濃嘅蛋香上面有超多OREO碎，仲有朱古力醬雙重嘅濃郁再加少少海鹽中和甜味，唔會覺得膩🍋‍鹹檸柚子沙冰 +$24呢個沙冰有種中西合璧嘅感覺鹹檸味道明顯突出，帶有淡淡柚子嘅清香，冰沙質地細膩，飲落清涼解渴🥭芒果菠蘿沙冰 +$24芒果同菠蘿嘅香甜完美融合，果味濃郁係大人小朋友都鍾意嘅味道冰沙滑溜又唔冰硬總結：餐廳食物質素唔錯，真係幾適合同朋友聚會。唯一小小缺點係晚市人多時要等位，等位出面有啲焗，建議早啲去。…查看更多

餐廳裝修精緻，環境寬敞舒適，工作人員服務好好。加上有包廂適合一大班朋友或家庭聚會。豔影大蝦厚多士（六件） $268賣相吸引，有大隻又彈牙嘅蝦同厚實嘅多士食落去完全唔油膩，熱辣辣又脆卜卜好加分檸檬醬汁取代傳統沙律醬，酸酸甜甜加倍開胃醉蝦（五隻） $128醉蝦個頭唔細，仲有蝦膏添肉質紮實爽彈，帶一股淡淡嘅甜味公子牛肋排 $398份量驚人，肉腍得嚟帶小小油脂一拎起條骨，肉鬆軟到自然鬆脫配上大量香濃嘅蒜蓉同醬汁，味道層次豐富奶湯雲吞煲 $148雲吞非常大粒，一煲八粒真正皮薄餡嫩，鮮味十足個人覺得算抵食，四個人分享都得總結：張公子環境寬敞優雅，服務一流，適合節日同親朋戚友嚟聚一聚。…查看更多

Im Aroi，意思係「又飽又好味」，餐廳真係名副其實！雖然店舖細細，但晚市依然人氣爆棚，坐滿哂人。正宗泰式烤魚(燒烏頭) $168烏頭大條厚肉，魚身經過鹽焗處理魚肉有淡淡香茅同檸檬葉香食落清新開胃，泰式風味十足酸辣豬頸肉生菜包 $108豬頸肉爽彈又入味微微嘅酸辣調味唔會過濃生菜新鮮翠綠，咬落去「嗦嗦」聲爽脆嘅口感同肉嘅柔軟形成完美配搭泰式海鮮炒飯 $78海鮮有蝦、魷魚、青口等，新鮮又彈牙飯底微微濕潤，係泰式炒飯嘅特色洋蔥嘅甜味同蛋嘅香氣好加分泰式炒粉絲 (配牛肉) $73炒粉絲有鑊氣，乾爽彈牙配搭多款新鮮蔬菜，顏色鮮艷又養眼蔬菜嘅清甜更係增添層次仲有好多牛肉，炒得恰到好處串燒拼盤3串 $49肉質唔會太乾，仲保留到小小肉汁沙嗲醬味道濃郁，蘸住食好正可以就咁叫3串試下味都唔錯Im Aroi 環境熱鬧，食物用心製作，服務貼心，雖然要等位但係值得嘅！…查看更多

原來呢間自家製韓國刀削麵부자칼국수，係李家集團旗下嘅餐廳。李家炸雞就食得多，呢間位於尖沙咀嘅韓式刀削麵就真係第一次嚟。雖然店舖坐位唔多，但環境乾淨舒適，坐位安排得宜。入面人流穩定，特別係晚飯時間，點餐同上菜效率高，放工約朋友聚餐都幾適合。🍝炸醬麵 $78炸醬麵份量十足，仲要超多醬料醬汁較濃同有些少甜味，入面有好多肉粒同洋蔥麵條好彈牙，同醬汁撈勻一齊食唔會過膩🍜牛骨湯刀削麵 $78牛骨湯清香又鮮甜，刀削麵Q彈又有咬口（同炸醬麵嘅麵條唔同嫁）入面仲有六塊牛展，口感軟熟幾唔錯🥟雙拼餃子 $58雙拼餃子真係亮點，好鬼大隻一籠有兩隻豬肉餃同兩隻泡菜餃豬肉餃稱得上皮薄餡靚，有肉汁之餘仲有粉絲增添口感點埋醋味道瞬間提升不過我最鐘意都係泡菜餃，辣味十足滿滿嘅泡菜咬落去非常爽脆總結：放工約朋友嚟食刀削麵都唔錯，性價比高，麵條都有唔同款式，不過淨係隻大泡菜餃都值得嚟食多次。…查看更多

餐廳到8－9點都仲有好多人嚟食雞煲，氣氛熱鬧。店內冷氣足夠，食雞煲時唔使出汗，仲有自助調味料區，炸蒜、沙茶醬、蔥等等都有齊哂。睇得出餐廳對食材品質有要求，唔新鮮嘅食材絕對唔會出，特別係海鮮類如龍蝦、鮑魚、蟶子、帆立貝要提前預訂。🥘豐鍋招牌麻辣雞煲（半隻） $178呢個雞煲係用咗10年花雕酒－咸享雕皇炒出嚟，酒香清新帶小小甜味，加上有好多配料調味，味道層次好豐富。雖然只叫半隻雞，但份量真係唔少，食落夠飽，我叫咗小辣感覺剛剛好，麻同辣味會隨住時間越嚟越濃，連洋蔥同蒜頭都入味到不得了，特別好食。🧆十優狀丸 $108呢個真係必點，入面五款丸各有特色：黑松露墨魚丸有陣陣黑松露香氣，蝦丸彈牙到不得了，墨魚丸味道濃郁，黑墨丸爽滑過癮，鯪魚丸超腍。每款兩粒，兩個人剛剛好可以試哂唔同款，每款我都好滿意。🐮頂級雪花肥牛 $118肥牛嘅紋理好靚，肥瘦相間，肉質嫩滑又唔算油膩。🐷豬頸肉片 $88用蝴蝶刀法片出嚟嘅豬頸肉，薄啲又大塊啲，食落去口感更軟嫩。🫔自家制響鈴 $59即叫即炸嘅響鈴同市面賣嘅確實好唔同，熱辣辣又酥脆，淥完之後仲保持脆口，咬落去有種滿足感。🍜稻庭烏冬 $30呢款幼身嘅稻庭烏冬係我至愛，彈牙得嚟又滑溜。🥬唐生菜 $36菜新鮮到不得了，葉片一啲都無爛，顏色翠綠。總結：餐廳整體食物質素高，除咗麻辣雞煲仲有其他款式，例如花雕藥膳雞煲亦好吸引，希望下次有機會經過再試，值得期待！…查看更多

呢間中華料理餐廳外牆掛住幾塊米芝蓮必比登推介嘅獎，未食之前已經好期待，入到去見到餐廳嘅裝修融合中式傳統同現代嘅風格。店員服務態度好親切，落單快手同埋都會問下客人對於食物嘅意見。山東煎餅歯牛肉卷大蔥 $218呢道夏日限定菜以薄而軟嘅煎餅皮為基底，卷入豐富嘅配料包括嫩口嘅牛展、微酸嘅山楂條、清香嘅大蔥、脆卜卜嘅麻花條仲有蝦米、紅菜頭根同埋超級好食嘅鹹鹹辣辣剁青椒醬配料層次分明，一啖食起上嚟有多重口感嘅享受特別係剁青椒醬嘅味道突出，直頭想買一樽撈飯食櫻花蝦麻醬秋葵 $68麻醬帶出濃濃嘅香氣，配上清爽嘅秋葵加上大量櫻花蝦，食落去清新又唔失滿足感韮菜鍋貼 $58外皮煙韌得嚟最底有一層薄薄嘅脆脆，咬落去好有口感內餡有肉汁滲出，食得出韮菜嘅清香同肉嘅鮮甜黃魚石鍋淮山麵 $118石鍋熱辣辣滾起，成個體驗加哂分上面有一整條小黃魚，湯底係奶白色嘅不論係用鼻定口都感受到魚嘅鮮甜小黃魚雖然多骨，但魚肉都算滑嫩淮山麵口感似米粉但更Q彈缸鴨狗玫瑰桂花湯丸 $48酒香突出，湯丸內裡有香濃嘅芝麻餡，甜度適中整體有淡淡玫瑰同桂花香，作為今餐嘅結尾好滿意香水表舅父 $38飲品名幾搞笑，入面有香水檸檬、青提子、茉莉花茶同蜜糖爆珠味道清新酸甜，甜度比例會多小小香茅檸檬薏米水 $34入面有冬瓜、檸檬片、薏米、香茅同冰糖味道清新又健康，薏米份量都幾多仲好有嚼口冬瓜甜甜地中和咗酸味，飲落去解渴又養生總結：餐廳環境幾有特色，服務親切食物質素高，特別係山東煎餅同湯丸特別推薦，值得一試！…查看更多