plutoyuyu的个人专页

菜品不錯生蠔新鮮 配既紅白酒都不是次品蜆意粉略咸 稍為失手Pizza不錯西班牙脆脆係一兜上 慢慢不黎食值得一提 佢地既侍應係踢一腳郁一下你唔可以話佢地唔幫你 但佢地唔會對你做多餘既事例如正正經經上菜 但見到你食完既生蠔唔會收走例如落完單唔會收番餐牌照樣亂放左係枱面然後上菜會避開餐牌；例如用開瓶器開完玻璃樽既蓋 會照放番係枱面 唔知留比我地做咩；只要你唔好要求服務，其實呢間野唔錯；食物不錯，環境不錯，價錢都唔會好離譜。我會再番去幫襯的。…查看更多

今日朋友介紹去呢間餐廳食一去到 有一男一女職員係門口整緊棟門我入去坐低左佢地入黎個陣打開左棟門，令到外面食煙既客人啲煙味飄曬入黎呢下已經好反感。然後叫左杯latte 其實唔差，另外主食叫左個羊架意粉，佢係set黎，跟左碗湯，個女職員完全無講今日既餐湯係咩，不過fine.飲左兩啖個湯 哇 咸到痴線好似放左10勺湯粉未搞暈咁。然後個羊架又瘦又奀，其實我唔係百幾蚊要你比最靚既羊我，但冰鮮羊架啲肉都多過你呢隻羊呀大佬，唔係比啲咁既質素呀嘛。跟住叫左個小食拼盤，好似話個雞翼係佢地招牌，一食落去....普通到不行；個薯條配黑松露醬，大佬你個醬點睇到係黑松露呢，加幾粒草叫黑松露呀？個醬連沙律醬都稱不上呀！然後個雞粒，食落就知，係唔知邊到買既冰鮮雞粒，佢同炸洋蔥既粉醬都厚到痴線。呢盤我都無乜點食過，打包左，打包唔係因為好食，只係因為唔想浪費。我朋友食既我無試過我就唔點評，但呢餐比左差唔多$600，完全唔值囉，我甚至覺得不被尊重，如果無心整野食不如改做酒吧啦，反正隔離枱全部都係叫酒飲，唔好侮辱食物啦好嗎。真係食到好嬲，我同非常有禮貌既男侍應反映呢件事，其實餐廳都知野食偏咸，但點解唔改呢？我打呢篇食評，係因為啲野真係好難食，每一樣都係我真金白銀比錢，以事論事。…查看更多

難得黎到西營盤好似附近都無咩特別野食見到呢間餐廳好評都幾多 啲相望落都唔錯就去試下個晚大約7點到餐廳完全無客但仲叫我地坐啲逼迫亟亟既二人位.我叫左個300蚊既壽喜燒成鍋上到黎得一渣梅梅爛爛既娃娃菜兩舊豆腐同幾舊仔冬菇冬菇唔係比原塊都真係唔係太對得住間餐廳既格局啦🙃佢呢兜野 我自己野個壽喜燒汁 再加蔬菜 肯定靚過佢兜野.個牛小排同個湯係唔錯既但都係唔值呢個價.另外佢仲有加一服務費我想講佢唯一既侍應行行企企又唔識拎碗拎匙羹比人成程係咪都要逼我用唯一提供既筷子🙄.總之就無下次同吉野家比野食又唔係好食好多但起碼吉野家食完會飽肚先但呢間野既價錢係吉野家既5倍.最後淨係得張核核突突既相因為完全無意慾影佢啲野食…查看更多

假期出到黎旺角比呢間餐廳既名吸引到睇食評又ok咁就入左去食假期既晚市得一兩枱客叫左兩個套餐一個酸菜魚唔酸 得個辣字 唔麻但魚塊好大舊 呢個要讚另外叫左個金湯雞配飯個飯真係嬲 淋到好似粥咁本來想叫佢換米粉但最後怕吐口水 無叫到佢換.呢間餐廳坐得都無話好唔舒服不過都係香港餐廳既幣病無客都淨係比張好窄既2人枱你.另外呢間餐廳係收加一但入到去 水都無杯個兩個待應淨係識得係門口傾計真係令人好惱火.如果講應援gathering呢間係唔錯既選擇但你話想食好少少食好味少少呢間就不入流…查看更多

今日路過呢間餐廳 坐低幫襯左叫左10蚊既腸粉 一隻雞髀 同一碟豉油王炒油麵腸粉都幾抵 但好食就真係談不上雞髀正常但豉油王炒油麵超fail唔熱+無乜味順帶一題個後生既男職員態度不是太好串串共咁都幫襯得不是太愉快～…查看更多

係Kk day買左任食生蠔set：【買一送一優恵】5道菜＋無限任食生蠔豪華盛宴｜日本宮城生蠔/法國諾曼第生蠔/澳洲哥芬灣｜保證回本｜全日供應每轉生蠔上菜時間平均15-20mins餐廳要求食完先可以落單生蠔係無可能回本既同埋第一輪全比日本生蠔 話因為係廚師發板 唔肯定會出邊款問完侍應之後既round數先有2隻非日本生蠔唔敢想像如果無問佢 佢會唔會成程都比日本生蠔真實既生蠔又細隻又薄肉食到第5 round 叫侍應再上生蠔個陣女侍應表示限時完左（但個陣未夠2個鐘）經理表示 餐廳「不嬲」都會早15分鐘停order生蠔但我指出餐廳order前無同客人講 Kk day亦無提及呢樣野經理支吾以對包個五道菜入面 餐湯似湯渣似中湯唔應該出現係米芝蓮團隊既餐廳當中個威靈頓牛柳 唔係實心 仲有啲類似肉碎既物體完全Fail豬鞍就似大家樂一哥焗豬扒飯既淨豬扒比錢個陣同經理反映食物質素（我原意只係想比意見 唔係要求佢更換）經理表示食物問題要當下提出 會作出更換 餐廳似乎無諗住去解決問題 食物出現咩問題 係咸左定點其實我唔係第一次幫襯呢間餐廳上一次經驗唔錯先再揀呢間餐廳慶生但今次感覺服務態度同食物水平都唔太掂令人非常失望…查看更多

啲野食唔差但性價比奇低啲杯全部都細size黎一杯開心果latte $58普通野 去邊間都係咁既味但58蚊就真係貴左啲然後最出名既千層蛋糕我一啖都食到落肚 細舊到.最重要最重要係完全無service 就咁扔低每一樣野就走仲要唔係放係你前面唔好講服務其實就無乜禮貌.另外間鋪啲位好少坐高腳凳係完全唔舒服啲枱又細張唉.間鋪太細唔太通風廚房就係隔離無遮無擋肯定會惹到味係啲衫到.綜觀黎講性價比奇低No next time…查看更多

見openrice咁多好評專登過黎食架～～～叫左兩個brunch set叫左杯凍美式咖啡 垃圾過街邊大佬一間cafe黎講 唔會咁普通既咖啡都難飲掛 完全接受唔到另一個餐就叫凍檸茶茶底濁既 第2個失望.個pizza同意粉不過不失.環境黎講個冷氣開到勁大好快就吹到啲野食凍曬.但整體性價比不高食得都唔開唔建議！！！！…查看更多

晏畫去到門口淨係得張happy hour menu要入去問佢 先知仲有散叫menu可以嗌啲侍應感覺已經好似唔想do咁叫野食個陣啲侍應又無禮貌成個experience 都好差係好差好好好好差！！！！其他唔憂做可以唔開門 可以落場的…查看更多

琴日專登同男朋友去呢間餐廳諗住黎巴嫩菜好特別 順便拍下拖啦～.入到去訂左枱 比左豆潤咁細既枱後面係喇叭 嘈到呢然後話想換後面啲梳化位（黎到梗係想同咁靚既裝修影相打卡架啦係咪先）職員就話梳化位有人訂左枱（香港地依家閑日鬼會full booking咩唔好玩啦）咁算啦 最後調左去前面既梳化位哇 熱到呢 唔知係冷氣唔夠定對住廚房我無諗過要係一間中價位既餐廳要一邊食飯一邊開自己風扇Btw 比張咁細既二人枱 我都想放長雙眼睇佢放得落幾多野食 最後咪又係要combine多張比我地 都唔知為乜.然後叫野食第一道菜係茄子蓉Moutabal最驚艷係佢個麵包 好辣手好軟熟真係好好食 我追加左一份第二道菜係香烤八爪魚 grilled octopus 哇 一條鬚加啲鷹嘴豆賣$198 性價比不高.第三道菜係中東經典慢燉羊腿Lamb shank 盛惠$248就係一條多肉羊腿 係真係燉到好淋既 味道一般.跟住叫左兩個甜品Kunefe蜂蜜芝士焦糖餅 and lebanese French toast with brioche黎巴嫩法式多士Kunefe 係特別既 都值得試下而個多士係好食既但感覺似係西多士加乳酪咁細舊 咁就成舊水仲要味道無話好特別.另外飲品方面叫左個Arabic mint tea個薄荷味超級超級濃 唔差 隻杯又靚.同埋叫左杯signature cocktailHibiscus sour 杯野$128只係杯好飲啲既凍飲無平時飲cocktail個種驚喜總括黎講 比左成千蚊有咁既經驗真係好失望食完你問我黎巴嫩菜係咩口味 我諗應該係清淡如果係抱住會有啲好新奇既味道過黎 應該會失望因為每樣野食味道都好普通 難食又唔係 好食又唔係濃味又唔係 淡味又唔係 特別又唔係反正又入門口到走個刻 成個experience 都唔係好好綜觀成程 比呢個價錢有咁既體驗我係有少少失望既…查看更多

難食到想問候佢祖宗十八代馳名係邊到啲牛腩鞋過鞋底一碗就收70憑咩行過路過唔洗入去試啲丸仲腥腥地你普通唔緊要最嬲係賣到咁貴真心難食唯一係個牛丸好少少可唔可以反省自己咩質素 對唔對得住個價錢…查看更多

見到OpenRice咁多好評想去試魚蛋河同牛腩叫左個崩沙腩成50蚊垃圾過普通牛腩 完全咬唔開.叫左份炸魚皮賣成30蚊炸到黑蚊蚊憑咩賣咁鬼 完全唔值呢個價.腐乳通菜正常.魚蛋河正常.無必要去試呢間番工或者頹食可去失望透…查看更多

之前食過一次今日lunch再去食依家用QR code點餐其實個系統係有少少問題 幾枱都唔識點點解唔優化左個系統再令出黎用感覺有啲擾人食餐飯都要搞咁多野.同埋張QR code貼係枱面好核突影相想避開佢都難成件事low class左好多.就快食完個陣啲侍應就會行過黎呢樣要唔要個樣要唔要其實好煩一來我仲有少少未食完二來感覺好似趕人走咁.到我食完個陣啲侍應就即刻收曬啲野然後張枱空盪盪個陣個場坐得4成人好似想比我坐多陣都唔得好大壓力.總結黎講今次個feeling好差應該無下次…查看更多

琴晚諗住慶祝一下過左個試收工先打電話去book枱同request生日畫盤我想要隻一男一女既獅子 whatever咩樣呢個要求有啲抽象 所以都無咩特別idea但我知道成品一定係靚既因為我係OpenRice既comment睇過啲作品.去到野食都好高汁，普通甜品都100分！！！.炸物拼盤好酥脆有三款醬 一啲都唔寡淡.豬肋骨啖啖肉！薯條多到好似唔洗錢咁.避風塘軟殼蟹意粉好食既，但略嫌分量有啲少.甜品焦糖燉蛋外型100分就唔洗提個燉蛋原來以為係普通野又唔係wo~唔會太死甜 又香香地口.呢間餐廳星2夜晚去 都坐到8成枱係現今既香港黎講算優秀咁相信落左唔少苦功例如畫盤既師傅絕對唔可以失去佢！！同埋值得一讚既係畫盤隻碟好輕，呢個小巧思要加分令人可以拎黎拎去影相見過有啲甜品碟重到hihi.最後比少少comment兩個男仔侍應們可以主動幫手影下相...畢竟個畫盤靚成咁同埋餐廳可以提供即影即有服務唔好話10蚊 20蚊我都肯買好想將個畫盤永遠留低 想錶起佢…查看更多

見open rice有成500個好評咪搵日收工去左試叫左個2人餐有飯有魚有肉黎左個飯先個飯普普通通然後黎個魚個魚就唔差既之後黎個肉個肉其實係應該黎送飯因為個肉好多汁但個飯一早食曬上菜既次序有啲反智同埋個份量都唔夠2個人食都完全唔飽我一個人都食得曬.然後去到間鋪講真就唔多人既香港地依家有鬼餐廳會大排長龍咩個侍應就同我地講進食90分鐘個侍應西口西面好似唔憂做咁.Ok fine～又係香港比智商稅食飯同埋間餐廳有啲逼 望落感覺好亂…查看更多