siuvia的个人专页

是日出銅鑼灣整頭 決定夜晚同frd子附近搵食，呢間CAFE網上好多人介紹 最後無令我地失望🥰🥰，揀左窗邊位 可以邊睇180度維港靚夜景 邊嘆晚餐，埋單人頭都唔使$200，必定要再訪炭燒雞肉芝「胖」麵 $138片片雞肉帶有濃濃煙燻香氣，細嫩有口感 厚薄得宜，意粉拌入少少炸蒜而唔係掛滿汁果種 入口彈牙爽滑又唔膩，加洋蔥絲令成個意粉滲出點點清新氣息自選飲品 & 自選招牌甜品 SET+$88宇治金時班戟 (原$78)成個甜品好多層次 造型美美的，Pancake是少少厚身的日式班戟 軟軟的充滿蛋香，一層一層的隔住紅豆雪糕+抹茶小蛋糕+大福+濃郁抹茶醬，小驚喜:::原來碟邊啡色圈唔係碟款 而係朱古力畫碟😆芒芒甘露 (原$42)濃郁的芒果x順滑椰奶泡泡，又滑又creamy，仲食到粒粒芒果肉蝶豆花香梨汁 $42每次見蝶豆花飲品就一定點，清透的粉藍色真係好吸引，梨汁果味清新 那甜度是輕輕而自然的Tiramisu $68Tiramisu輕盈綿密，造型滿滿玩味 的確 將Tiramisu放入雪糕筒一齊食又是另一回事，除此之外 仲撒了少少脆脆米花在旁，多種配置 增加多種口感*主食+set真心抵玩*店面採用灰色主調 乾淨俐落，簡約風格令整體充滿現代感同擴大空間感，坐得舒服*場內比較多2人座位，2人以上 卜枱會好D*窗邊位是無敵(OpenRice建議提供單據)…查看更多

港島區有多間分店 終於開到黎大圍，是夜游完水9:00pm搵宵夜食，即刻諗起佢大圍新開店，佢地豬扒同米綫都出名 不過我就第一次食，呢個鐘數都枱枱滿 同keep住有新客入，店面大約6張小枱 每張可坐4人果種阿一豬扒旦酸辣米綫 $55豬扒有3大件 炸得脆面而鬆化，調味得麻香麻香的，叫左中辣 辣度以辣菜脯的份量決定 菜脯醃製得到位紅豆冰 跟餐免費紅豆煮得香甜綿密，奶都夠濃郁唔會水水水⚠️第1個測運氣位出現⚠️紅豆只佔整杯的1.5~2cm，當我稍稍攪兩下 幾乎失去紅豆蹤影，當以為店家個紅豆冰係咁時....隔離兩枱兩杯都係目測3.5~4cm…睇黎我運氣一般古法手撕雞紅薯粉 $48手撕雞軟腍 唔柴唔痴牙 無乜雞味 仲有少少骨未起乾淨，叫左BB辣 不過都係隨手放辣菜脯 食唔到咁辣就唯有自己剔走⚠️第2個測運氣位出現⚠️當我好滿意自己個粉時，發現另一枱既雞絲多到係一個小山丘.......再次證實我運氣一般凍柚子蜜 跟餐+$3個分量比例係做得唔錯，夠味又唔會太甜，無特別點少冰 都唔會比爆冰*食物飲品製作時有個standard會好D，我唔太介意廚房依心情調配，如果我是既得利益者的話*自由揀辣度 自己控制辣度*雖然keep住多人又主食酸辣野，但個環境乾爽企理，唔會出現一陣味同黐立立情況*店員姐姐態度幾殷勤…查看更多

位於HomeSquare IKEA出入口前，諗住食完飯去行吓，6點到店...已經坐滿人，門口有得拎飛仔排隊 第2張枱就到我哋，都幾多街坊過嚟食🔸四色貝刺身丼 $88馬刀貝+北寄貝+小貝柱+帆立貝丼除咗4種貝之外 仲有火灸三文魚，幾種貝刺身好新鮮 醋飯底味道都調得唔錯，實物上枱時 個丼竟然砌返同menu一樣(通常日本先做到) 小驚喜 🔸特選刺身盛 (+$35)蝦+北寄貝+三文魚+油甘魚 4款，價錢唔貴，感覺成個餐豐富咗🔸蘋果梳打 (+$15)富士蘋果清爽嘅甜味+梳打泡泡 好解渴refresh，仲放左新鮮蘋果薄片同粒粒🔸濃厚三重開心果雪糕 (+$18)雪糕口感係輕輕淡淡嘅，而開心果醬同開心果碎味道就極香濃，最後我將所有開心果碎一粒不剩食晒🔸鹽蔥厚切牛舌丼 $85 (+$18 升級定食)鹽蔥是真惹味 加上蛋黃拌飯 溫滑咸香，厚切牛舌成粒粒 是全熟狀態，定食可選果茶 淡淡果味 唔會好甜，仲有漬物同黑糖小甜品🔸北海道濃厚芝士薯餅 $12外層鬆脆 炸得透徹 唔會有油回滲情況，炸物師傅手勢唔錯*收+1服務費*QR code落單*每枱都有小水瓶 方便自斟*日式木系裝潢 座位乾淨闊落，坐得舒服…查看更多

*食物不過不失 走深圳食店風格*食飯期間發生的小插曲 都幾影響用餐體驗*無+1服務費*提供蓋印卡比客人儲印仔 換優惠*QR code落單*免費續麵，食物份量足 唔續麵都好夠飽同frd子大埔圖書館借完書，行過超級城搵食 一過林村河天橋就見到佢地，環境都唔錯 望落都乾淨，下午18:50  店家坐滿5成，除左有2人卡位 仲有自修位同小圓枱，座位組合幾彈性🔸燒雞套餐 $88當歸豬骨湯麵 配 衣藻低脂麵湯底好濃郁當歸味 質感似豆乳般厚，入口便是明顯預製湯底，麵無乜特別味 質地似准山麵爆汁脆皮燒鴨 (另+$7)食緊大隻炸乳鴿既味同感覺，皮香厚肉 肉唔算嫩滑但都唔柴，同碟附上微微辣青醬同辣椒粉，可再食🔸黑塌菜滷肉拌飯餐 $65是大大碗滷肉飯，黑塌菜唔係平時食開既口感/味道，可以一食🔸原味椰漿椰漿厚滑得宜，椰汁味夠🔸陳皮檸檬特飲無打開個杯蓋睇，飲落有檸檬味 唔會太甜飲品跟餐 唔使+錢，特飲一杯杯準備好 存放雪櫃(OpenRice建議提供單據)…查看更多

呢排多左到元朗區做野同事介紹石崗呢間印度菜小店唔算偏 旁邊有巴士站/油站不過除左附近居民/ 工作/ 行山人士一般應該唔會經過既位置今次同事車我地去lunch店外就係停車場 幾方便有Lunch set提供送汽水或印度奶茶4個人點左......BBQ燒烤雞肉配烤餅 $65雞肉燒得微微焦香入口依然JUICY嫩嫩的每一件都充滿獨特香料味大概是店家的印度配方濃烈而唔會反感薯仔菠菜正宗咖哩配烤餅 $65薯仔同菠菜都煮得半溶化同咖哩融合一體比另一碟咖哩多一份蔬菜既香甜口感亦更濃稠有驚喜 要試咖哩雞肉配烤餅 $65正常發揮個人更喜歡食薯仔印度炒公仔麵(牛肉) $58好似食緊牛肉版既煙肉經調味 偏乾身 有咬口 切得細細粒入口咬開 油脂輕輕滲出成啖麵都充滿牛肉咸香除左牛肉 仲有少少蛋白粒同菜絲一齊炒成盆烤餅一齊上都幾震撼烤得好香 夠乾身 唔會成手油趁熱食 手撕脆脆的烤餅沾上咖哩一齊食 好味*餐紙都有小心思*店內一直播住印度MV應該係店主個人喜好(因為會見到佢轉歌)我就覺得幾有氛圍感*店員姐姐識聽少少中文不過講英文或者指菜牌會更好*無+1服務費*小店式食店「點菜後無單，食完直接去收銀位比錢 都無單」*真心覺得要再去…查看更多

在新加坡係出名既米芝蓮食店，第一次已經係幾年前同爸爸新城市食，果次叫左個喇沙 成張枱咁大碗，今次同frd子過黎補生日飯，比機會佢發辨天天海南雞 (中) $169無骨雞處理得好乾淨(最怕食雞有碎骨) 雞皮肉偏白 皮薄而爽口，表面淋左一層清清薄薄的醬汁 隨附三色醬料 沾晒3隻醬一齊食更點睛雞油飯(碗) $23飯粒粒分明 油香而不膩，飯底有調味 香料味亦會一口一口咀嚼時滲出黎，好鐘意個油飯 淨食飯都夠滿足豬肉骨茶小火鍋 $159有豬/牛兩款口味 揀左個傳統豬骨，用小火鍋上枱 有點氣勢吧😆湯底帶有微微辣感同回甘 香濃惹味而唔重藥材味，肋排大大舊 燉得夠腍爽彈牙 唔會柴，仲有好多配料: 貢丸/豆卜/菇/滷蛋，另外有一碟米粉拼芽菜一齊上，料足豐富 比預期大份新加坡檸檬鳳爪 $69比平時食既辣鳳爪清新不帶刺感 多左一份輕輕的南洋香味，做開胃小菜一流，上枱時有仙氣出 睇見造型都開胃酥炸椒鹽豆腐 $49口感似一口size的臭豆腐 外鬆脆內嫩嫩的，炸得透徹乾爽唔會回滲油，加椒鹽再沾少少帶酸的醬汁一齊食 咸香回味又有食慾，小食來說是不錯的選擇龍眼冰 $29豆花恐龍美祿 $39新加坡菜必點的恐龍美祿 甜美濃郁朱古力的表面鋪一層美祿粉，啜既時候mix滑滑豆花一齊入口 是甜品級美味*茶位@$10 / 收+1服務費*以藍色為主調 半開放式店面*原來新加坡菜比想像的多元化…查看更多

是日觀塘上完training 就同同事附近搵個dinner，店面分左兩個區域 一邊以2-4人小枱為主 另一邊空間大D 仲有8人大枱 好彩早左少少6:30到埗 當時都仲有好多位 不過大部分都被BOOK了，下次再黎都係BOOK定位穩陣D🍝帶子海鮮喇沙意粉 $148海鮮部分放了一堆小貝柱同3隻大大帶子，喇沙汁底有微微辣感而唔會太大辣度 對我來說岩岩好 唔搶味又令成個意粉更惹味，用嫩蘆筍+橙色車厘茄做配菜，所有用料火喉控制都一流，呢個價錢竟然比到呢個質素 欣賞~🧀炸芝士拼盤 $58兩款芝士外層都炸得酥脆鬆化，一款是熱辣辣上枱可以玩拉絲的，第2款更軟滑 少少薯蓉感覺，點唔點蛋黃醬都夠好味 (如果係啤酒小食就無敵)🦑炸魷魚配芥末籽蛋黃醬 $78店員姐姐未放低已經聞到香味，魷魚炸得透徹岩岩好，輕薄炸衣已經帶有調味，本身惹味又香脆 沾少少芥末籽蛋黃醬更正，食晒小碟醬🧇藍莓香印伯爵茶糯米窩夫 配椰子雪糕 $96溫溫的窩夫 外脆內煙韌，伯爵茶醬濃郁creamy，加上少少半融化椰子雪糕 個味又幾夾，藍莓同香印提子都係juicy又酸甜酸甜的，成個配搭好好層次 新鮮之餘又唔會甜膩，雪糕除左椰子 仲有幾個味道揀🍑蜜桃乳酪碎冰 $54佢地都幾多特色飲品 仲有得看圖識食  抹茶/咖啡全部造型都超美的，不過是日想要fruity，Slush打得細滑 入口蓬鬆夠味又唔會太甜，上層仲加左少少真果肉碎*全程QR code落單*收+1服務費*用餐時間100分鐘*店面勁多店員哥哥姐姐 招待同上菜都超有效率*真！所有實物都比menu圖片更吸引，食物做得好有誠意 值得再訪(OpenRice建議提供單據)…查看更多

差唔多次次到北角上training都會食佢🔸鹽焗胗肝雞飯 $61相係點左少飯mode 原飯量對我來說太大份 胗+肝+雞既份量都唔少加起來夠覆蓋成個飯面雞汁流落白飯度 更香口雞咸香嫩滑 又有雞味 又夠多不過略見多骨 同埋斬得細細件有個沙薑附上 唔沾都已經好好味雞肝粉滑無腥味 仲有種濃郁肝香味雞胗爽口 易咬開唔會硬硬*整個店面充滿老香港感覺*午市時間超多人 一個人去少不免要搭枱*雞飯唔跟餐 野飲收正價 (我無點到)*撞正星期一 or 二仲可以+$17飲到菜乾豬肺湯😍*收8達通*除左招牌雞飯 仲有好多其他選擇…查看更多

成個氛圍感同平時泰國餐廳有D唔同，佢更似泰國夜市酒吧餐廳 多一份自然隨心的relax，喜歡佢地小店的格局 坐得舒服唔局促 仲有室外位置 吹吹風泰式肉碎生菜包 (豬) $98好多人都讚既生菜包無令我失望，一上枱...估唔到份量咁多，香辣鹹酸的平衡都做得唔錯，淨食肉碎=中辣程度 亦湧出炒香既金不換味，當用生菜包住一拼入口 所有味道就變得岩岩好了，而且層次上更多左一個鮮爽 咖哩羊架 (紅咖哩) $198紅咖哩是香辣中帶甜甜的 濃郁得黎唔會太刺激，羊架燉得腍 煎得香而無羊羶，咖哩本身香料味豐富 加上羊脂的獨特氣息 香氣更顯濃郁，最鐘意佢個配菜！煮熟的茄子 軟軟的掛滿咖哩汁 泰式薄餅 Thai Roti $25同印度薄餅大不同，煎得外脆內軟 少少糯糯而不膩，我平時多數跟Nutella/朱古力甜食 今次試跟咖哩做主菜 效果又幾好喎帶子他他柚子沙律 $88質感嫩滑的帶子經輕輕的醃裝提鮮 混和微微酸酸甜甜柚子肉 平衝又醒胃芒果糯米飯伴椰子雪芭 $108覺得椰子雪芭更似椰子雪糕 入口綿密細滑 椰子味香濃而甜度岩岩好 被驚艷到 (懷疑佢地用真椰殼上雪糕，糯米飯上淋少少椰漿 配上高甜度芒果一齊食 正！ Green Apple Smoothie $58以為佢係一杯水果沙冰.....其實佢係一大杯刨冰，雖然佢係king size 我都用小匙成杯食晒Lemon grass ginger honey $48入口清香，飲完之後喉嚨全身都暖暖的 好舒服，感覺係健康草本飲品 佢地沖得好自然 杯中有原香茅同薑絲，除左蜂蜜 再無其他額外糖味*收+1服務費*所有食物份量都比想像的來得多*愈夜愈多人...6點幾過去仲有好多位 7點幾就full house(OpenRice建議提供單據)…查看更多

同frd子想搵個地方慢慢食野 傾下計 第一時間諗起中菜廳，香馥樓燒味出名好食 佢地有4人餐同2人餐menu 有魚有蝦有翅 十分豐盛的同下單姐姐傾傾下先知有Hidden item -「夏日二人套餐」可以食到燒味 仲有得試下其他精緻野「夏日二人套餐」$500前菜拼盤提供左2份4款小食🔸酸薑皮蛋凍🔸墨魚子燻流心蛋🔸陳醋海蜇頭🔸黑豚肉蓮藕餅每款小食在菜單上都是可獨立點選的菜式，每樣一件 一次過試到4款 欣賞呢個操作，個人最鐘意酸薑皮蛋凍 微微辣而酸甜酸甜的子薑配合皮蛋獨有的鹼水味 整體好夾 而且雪凍食更清新QQ開胃紫砂功夫燉湯是日燉湯係海螺頭雪梨乾燉雞，用紫砂壺上 有個小小爐一邊烘著 keep住保溫 (真! 連個壺柄都是熱熱的 上菜姐姐溫馨提示要小心燙手)，斟落中式小茶杯 慢慢一口一啖的飲，湯水清甜而不膩 好岩最近入秋飲，佢地應該係不時轉換湯水脆皮燒鵝皇燒得皮脆肉嫩 鵝油迫晒出黎 肉保持到肉汁無流失，醃料入味而唔搶味 每一口都是滿滿的鵝香湧出黎金勾蒜蓉蒜勝瓜勝瓜清甜軟滑，除左金銀雙重蒜香 每一件都放左蝦乾一齊蒸 仲多左份海鮮鮮味*茶位@$20*服務主動而細心的，見到我地無茶 會主動過黎加水加茶*座位上安排左好多小枱 適合2~4人嘆中菜(OpenRice建議提供單據)…查看更多

TERA個Pancake出晒名，想試試佢地打造既另一食店「禪」，門面用左橙白紙燈籠作掛飾 原色木系為店主調 環境靜雅簡約座位多數係2-4人 仲有吧枱自修位🦐濃蝦汁湯烏冬 $128西日fusion風格的湯鳥冬，汁底帶有濃郁蝦味 口感輕滑唔會太厚稠 每條烏冬都掛上一層適中厚度的蝦汁，拌上少少蔥絲 更添風味同清爽升級定食 $28 配沙律 / 枝豆 + 飲品點左杯Mocha💟紫薯芋泥麻糬 $138一份有3件梳乎厘班戟 每件都滲出濃郁蛋香，麻糬皮Q彈煙韌 有淡淡米香，班戟+麻糬+芋泥一啖入口 味道口感都好夾🥭楊枝甘露刨冰 (期間限定) $108除左班戟 仲有另一個吸睛之選 - 刨冰，楊枝甘露係期間限定款 就試佢，刨冰上有紅柚肉+海鹽芝士奶蓋，芒果汁滲透了碎冰內，冰中心放左芒果肉+芒果啫喱+小丸子，店家仲準備左一份芒果汁 比喜歡再濃D既客人自由加，雖然就咁已經好夠味 不過我都加晒😆*白咖哩賣相好吸引 不過是夜主攻甜食，留待下次再試*7點full house 建議訂位*新城市睇完戲 有戲飛有9折(OpenRice建議提供單據)…查看更多

未入店 門面已經感受到氛圍感，同成條街個格調好唔同店內小吊燈照著胡桃木主色調 昏黃柔和而溫暖 一件一件小小日式懷舊飾品與擺設，營造出滿滿昭和感經典日式牛肉醬汁蛋包飯 $86一上枱已經被滑蛋奄列吸引住 店員姐姐溫馨提示要盡快食 唔好擺太耐😆一刀切下...嫩嫩滑蛋向兩邊緩緩傾瀉而下 直至完全覆蓋炒飯面，好似拍緊日本飲食節目咁 做到個效果，炒飯本身好香牛味而唔會太濃烈 配滑蛋食令成啖飯更香滑，微微茄汁酸酸味 令成個飯無膩感紅酒燉牛肋條 $88汁底不論口感或是味道都比蛋包飯的牛味更濃稠，牛肋條燉得夠晒軟腍入味，紅酒汁配白飯一流升級套餐 +$27配是日餐湯: 粟米濃湯 + 前菜 及 飲品日本蜜瓜梳打 跟餐+$8 (原價$28)加配雪糕球 +$10有驚喜！淡淡蜜瓜味滲出，唔係日本果種極甜 反而係清爽refresh感覺凍焙茶鮮奶 跟餐+$18 (原價$43)濃郁焙茶底帶有獨特焦糖氣息 加鮮奶令口感更厚更滑，微微甜的*收+1服務費*做到日本既感覺同味道 欣賞~❤️*店約20個座位*7:00到店 門外有兩枱客排緊隊8:00左右食完走 都仲有幾枱客排緊建議提早少少QR code排定隊*唯一美中不足係隔離枱個女仔太興奮 佢勁大聲地向同枱男仔講自己野，我被動地聽晒(OpenRice建議提供單據)…查看更多

同frd子到Airside睇頭文字D，行過B1時見到佢地display櫃 即時心心眼😍個芭菲好吸引frd子去東京大阪成日食 是日本人氣的，weekday下午未到6點 已經坐8成滿，除左喫茶同嘆芭菲，佢地仲有日系主食提供💚凍抹茶牛乳白玉紅豆 $48經典組合: 抹茶+紅豆+白玉，點左少甜...抹茶就是要狠狠喫出它的回甘，而加入了牛乳 令每一口都更豐厚，配合甜香的綿密紅豆同軟糯軟糯白玉，口感或是味道層次也是豐富的🤎凍焙茶牛奶白玉焙茶雪糕 $52無特別要求少甜但都無乜甜味 混和半融化雪糕令整杯茶添上微微甜，原本已經幾香的焙茶底更香滑濃郁🐟鮭魚昆布絲柚子胡椒茶漬飯 $88暖胃選擇，用上了鰹魚湯 主打一個清爽的風味，鮭魚碎入口有微微香烤氣息，個柚子胡椒是點精之選 清新既鹽味+胡椒香提鮮成個飯🦐海老蕃茄豆乳烏冬 $128醬汁底濃郁滑順 質感一流 每一條烏冬可以均勻的掛上，可能因為用左豆乳為主 竟然食到尾都唔會膩，海老鮮味似龍蝦鮮 唔係一個可以自己複製既味道🤎焙茶生朱古力芭菲 $98甜品時間 心心念念的主角登場，是焙茶的大集匯，一上枱已經看上了焙茶生朱古力同大大焙茶雪糕球(茶飲時已體驗它的魅力)，生朱古力入口是甘甘的 當甘味消失時便是濃郁的焙茶塊在口中慢慢化開，仲有脆脆片...焦糖鮮忌廉...焙茶啫喱...日本牛乳軟雪糕令所有配料完美混和🖤黑芝麻蕨餅芭菲 $88芭菲除左抹茶同焙茶 仲有黑芝麻口味，揀左另一個好喜歡的元素「蕨餅」做配搭，整體會溫柔的滲出黑芝麻味，來了一個變調*點左茶飲+芭菲，感覺好似食左4個甜品咁 大滿足!*有Set dinner可選*自助水*裝潢走日系簡約風*店員哥哥細心的~問起有咩推介時 好有耐性向我講解🫶🏻(OpenRice建議提供單據)…查看更多

frd子話有神秘活動約我出筲箕灣，原來想上龍脊行山，呢排成日黃紅黑雨交替，所以我即時狠狠拒絕 變成筲箕灣搵食，揀左位於小商場形薈的「一家」，由2023開始連續3年係米芝蓮必比登推介餐廳座位闊落 環境舒服(乾淨企理很重要) 可以慢慢嘆茶，裝潢走懷舊路線豉椒炒蟶子 $198蟶子隻隻有肉 爽口彈牙 新鮮~ 師傅炒得幾有鑊氣 一上枱已經好香紅油抄手(5粒) $68紅油香辣偏甜而不膩，薄皮抄手再加蒜泥 包滿醬汁入口，惹味的 口水雞 $88辣油是少辣口味 主要是充滿麻椒香 再加上少少麻醬 汁底一流，雞件嫩滑嫩滑的一家三絲伴冷麵 $108大大份，附上一碗芝麻醬 (唔夠的話可以再添)，清爽不油膩 夏天食呢個唔錯，個人太喜歡口水雞個汁底 用個汁再拌一拌 正！缸鴨狗玫瑰桂花湯丸 $48即時上網check先知缸鴨狗=寧波湯丸，是夜黑芝麻口味的喔，除左經典桂花酒釀的配搭外，再加上少少乾玫瑰花，添了絲絲少女氣息溫文爺爺 $40椰子芝士雲+伯爵茶+海底椰芝士奶蓋有少少yogurt味，淡淡的伯爵茶中加入了椰果同少少椰絲，有D甜品feel紅卜卜堂妹 $34士多啤梨+荔枝+蔓越莓+汽水雖然係紅色 不過唔係藥水味🤣，喜歡它自然的酸酸甜甜+bubble，refresh又令成餐飯有個變調*茶介 @$8*收+1服務費*菜式選擇都幾多 除左經典上海菜式，仲有新派果茶*店員姐姐們感覺好有人情味 見佢地會同熟客仔傾計*位置好近巴士總站同MTR(OpenRice建議提供單據)…查看更多

同屋企人食飯多數都會揀中菜，媽媽今晚出TST接收工 帶我黎食尚苑，佢話平時會約frd黎呢度飲茶 今次第一次食晚市菜式選擇都幾多....海鮮 點心 小菜 燒味 素食 甜點，仲有抵食孖寶北京烤填鴨(半隻) $258鴨皮烤得鬆化油香，每件鴨皮都會有少少鴨肉同在，口感上多了鴨肉的軟嫩，配上青瓜+京蔥更是減膩 同時突出鴨油酥香  六頭鮑魚扣鵝掌(位) $188汁底惹味 濃稠掛菜但又唔會太杰，鵝掌軟軟黏滑的 入口一啜 骨肉分離，口腔是滿滿膠原，如果加多兩隻花菇 我可以食到一大碗白飯竹笙花膠灌湯餃 $48晚餐想飲啖湯又唔想一大窩，上湯做得幾好，味清香而不膩 零味精，灌湯餃應該係自家菜 大大隻皮薄 足料多餡而調味到位，即蒸 用料都是誠意，點心質素在線 欣賞~ 難怪媽媽平時黎飲茶懷舊芝麻卷 $38每次見menu有芝麻卷都一定點，用金箔點綴一下 懷舊又靚靚，成為是夜甜品部分流心蛋白杏仁茶 $68原來係放左半熟蛋白，令口感輕巧的杏仁茶多了一份濃滑感，溫溫糖水~ 在燥熱的夏天潤一潤 來個中式糖水ending *茶介@$18*服務唔錯，服務員姐姐會主動幫手加茶，唔係加水 而係茶壺幫你fill茶*除左一般用餐區域，仲有VIP房可以book。驚喜發現：舞廳！for國標舞志同道合BOOK枱食飯同互相切磋，不過就members only，有專屬場地....國標舞者們一定好enjoy*可幫忙keep酒(OpenRice建議提供單據)…查看更多