SueC_85的个人专页

今日同朋友食Lunch，傾下偈，大家都不約而同想嚟呢度食火鍋，呢度嘅Lunch Set 四個半鐘頭任食，環境又大又舒服，服務又好！我哋揀咗LV2 Prime Grade美國牛肩胛+西班牙無激素豬肉片。藥膳養生花膠雞湯底好滋養；另外仲揀咗椰子雞湯，牛肉片放落窩，好快就變粉色，入口軟滑绵绵，仲啖啖椰香，慢慢嘆真係好正！而無激素豬肉片入口細嫩又健康。配菜方面雖然唔係揀咗好多款式，但都好有質素，其中嘅魚柳大舊又超滑；帆立貝鮮味無窮。最後嘆埋杯雪糕真係Perfect！飲品方面，佢哋嘅自家製桂花烏龍茶，清香怡人，深得我心。…查看更多

今日去尖沙咀買嘢，路經呢間充滿老香港懷舊特色嘅麵店，就入去食麵。麵店嘅侍應姐姐做嘢非常勤快，值得一讚。見餐牌上麵食主要配虎蝦雲吞，陳皮鯪魚球，同埋骟牯牛肉三種款式食物； 另外調味架上面仲夾咗張卡仔，係介紹柱侯牛展麵。牛肉蝦籽撈麵：勁多蝦籽呀，每啖麵都充滿蝦籽嘅香氣, 麵底好大份，粗面同幼麵都咁爽口；骟牯牛肉大大塊，又夠足料，入口軟滑有肉汁，配埋鮮甜味甘嘅上湯食，正。淨雲吞：勁大粒，虎蝦肉質彈牙，皮靚餡靚，好快ko，真係招牌！油菜：芥蘭青翠味甜，點蠔油食一流。真係高質麵店，一定Encore !!…查看更多

前晚同親友飯聚。呢度嘅主打係食炭火風味烤魚，可以跟返自己嘅口味加唔同嘅配菜；仲有雞煲，烤物，小食，甜品等以供選擇。Order咗酸菜豆花烤魚，服務員建議咗我哋揀筍殼魚。肉質鮮嫩，口感清甜綿密。豆腐，酸菜，芽菜，洋蔥，青瓜，芫茜等配菜提升芳香，有夠足料；薯粉爽滑，加上秘製湯底，真係好食。蟲草花膠炒雞煲，香噴噴，花膠入味又彈牙，不過就略嫌雞肉有啲"鞋"。炸雙皮奶，外皮金黃，外脆內滑，點沙律醬食，Yummi 。蒜香牛油燒扇貝，蒜同牛油嘅香提升扇貝嘅鮮味，香氣撲鼻，肉質豐盈；而燒生蠔就做緊特價，大大隻好抵食。而飲品方面，竹蔗茅根，青檸梳打，咸檸七，龍鳳檸樂，為晚餐增添氣氛。要讚下呢度嘅服務員超級好，服務非常周到！…查看更多

今日喺旺角買完嘢，經過呢間舖見到啲人圍住同影相，係買港式小食同重慶酸辣粉；咁我都去襯下熱鬧，買外賣返屋企慢慢嘆。腸粉燒賣魚蛋：咖哩魚蛋好香，燒賣豐盈，仲有軟滑嘅腸粉，加埋混醬同芝麻，令人一口接一口。碗仔翅+生菜魚肉：足料嘅碗仔翅，湯汁濃郁；配搭埋清爽嘅生菜同軟滑嘅魚肉，係美味嘅享受。韭菜豬紅大腸：多而香濃嘅韭菜，爽滑嘅豬口，入味嘅大腸，湯底味道恰到好處，啱曬鍾意重口味嘅人。重慶酸辣粉：呢個係店員鼓勵我試下嘅，由於我唔食得辣，佢幫我調配咗微酸同麻嘅湯底，夠香夠特別；除咗揀嘅餸菜(豬皮，蘿蔔，牛柏葉，生菜)之外，配菜嘅芫茜，花生，酸菜同肉碎都好多，仲有滑滑嘅麵條，食落好有層次感同風味。呢一餐，特色，美味，價錢親民。…查看更多

尚好記清湯牛腩尖沙咀柯士甸道西3號香港西九龍站售票大堂B1樓WEK B1-4號舖今日搭高鐵返香港, 就去咗尚好記買外賣返屋企同屋企人一齊食。店舖有牛腩，丸類，担担麵，咖哩飯，油菜小食同秘製湯等，以供選擇。呢度Order咗之後本身都係打包畀你拎走，喺店舖附近嘅座位食又得，拎走食又得。清湯牛腩幼麵：打開個蓋就見到好多舊牛腩，又夠多蔥粒，肥痩適中, 入口夠滑, 幼麵又夠爽身。紫菜三寶丸河：有魚蛋，墨魚丸，同牛丸，鍾意佢嘅魚蛋，又香又彈牙，紫菜湯亦都好香，河粉掛湯食口感好，食完暖笠笠。菜肉雲吞上海麵：雲吞大大粒，菜同肉嘅比例恰到好處，配上海麵食好有風味。仲有就係魚皮非常非常鬆脆，浸唔浸湯食都咁好食。…查看更多

今日路經呢度，就決定試下買外賣返屋企做晚餐。兩個服務員都非常nice，喺我有選擇困難症嘅時候，建議我可以試下“清真肉食Pizza”，呢度每款食物都係即order即場製作，分工非常之有默契。雞塊：非常酥脆肉嫩，有三種顏色嘅特色醬，加埋一齊食更添風味。烤雞肉卷配薯條：雞肉嘅份量有好多，配埋蔬菜同埋秘製醬汁，真係皮薄餡靚，令人回味無窮。而薯條無論係點茄汁或者係特色醬都一樣好食。清真肉食Pizza: 見服務員將啲材料鋪到好厚，果然係真材實料，有雞肉，肉腸，同埋啲酸味配料，最後仲加咗特色香料，風味滿滿，果然冇介紹錯。土耳其餐，值得Encore!…查看更多

今日同朋友喺銅鑼灣渣甸坊附近行街，見到lee間裝修簡潔得嚟又充滿日式風味嘅拉麵店🍜，於是就決定入去開餐😊！真係稱得上係隱世嘅拉麵店👍，日式手搓麵底嘅淡麗醬油拉麵，麵條咬落有彈性，口感佳。腩肉叉燒肥瘦均勻，入口軟滑而不膩。個湯底先至係精髓，色澤清，非常鮮味；加埋京蔥，菠菜，筍等配菜一齊食，感覺好正😚。至於濃郁味噌拉麵就湯底如其名，每啖都係超濃嘅味噌味道，配合爽滑嘅拉麵，又另有一番風味，真係兩隻湯底都超班！小食方面，炸可樂餅外皮酥脆，裏面係牛肉餡，配合獨特醬汁，I like😌。而炸雞皮餃子，係日式店舖裏面第一次嘗試，包住雞肉嘅金黃色雞皮呈餃子状，外脆內餡豐富。呢度真係每樣都好好食🤤令人至身於日本拉麵小店當中，非常滿足！！…查看更多

今日同friend去黃大仙，經過呢間cafe，窗明幾淨，亮堂舒適，就入去食lunch同埋嘆返杯咖啡！泰式炒豬肉配酸種多士：豬肉碎帶好輕微辣又唔會搶喉，散發住洋蔥，芫茜，同蔥香，配合沙律菜同埋皮脆內軟嘅酸種多士，呢種咁新鮮嘅泰式配搭，好特別，味道出奇地配合，Good!無激素雞胸肉配煙三文魚沙律：有黑椒點綴嘅雞胸肉，入口軟滑，煙三文魚色澤好靚，質感厚實，點綴嘅小紅茄非常青甜，沙律菜嘅醬汁味道配搭得好好，Fresh又健康！Mini窯燒瑪格麗Pizza：餅底薄脆，羅勒葉，番茄醬同芝士融合滑順，滋味非常。窩夫配雪糕： 餅塊鬆脆，雪糕軟滑，配搭窩夫係完美嘅甜品。凍Mocha x2：超香濃！朱古力甜中和咗咖啡嘅苦澀，入口順滑，舒心。每款食物同咖啡都好出色，又enjoy咗美味嘅一餐！！…查看更多

上星期約咗friend去荷裡活廣場，經過呢間餐廳，望入去燈光柔和，又有綠植元素，感覺舒服，仲有啲萬性節嘅裝飾添，就一於入去食lunch。意式海鮮薄餅：有蝦，魷魚，八爪魚等，小紅茄係一個好靚嘅點綴，又可以中和芝士同埋海鮮嘅豐富感，薄餅底部酥脆，熱辣辣入口拉絲，充滿意式風情。澳洲和牛面肉燴意大利貓耳朵：和牛面肉豐腴，入口非常軟滑，貓耳朵軟韌度適中，配上香濃嘅番茄醬汁，非常醒胃！菠蘿椰奶特飮：椰奶嘅綿密同菠蘿嘅酸甜交溶，啖囉椰香，清爽可口。焦糖爆谷Latte：香氣濃郁，焦糖的甜味平衡咗咖啡嘅苦澀，入口絲絲順滑。喺個咁舒服嘅環境享用午餐，同朋友傾下偈，一樂也！…查看更多

今日同朋友去咗啟德AIRSIDE嘅“自己人”到食晏，店舖地方光猛開揚，侍應服務非常細心週到！小小梨子：擺盤好別緻，餡料係黑椒牛肉，咬落軟淋淋，味道調配恰到好處。鮮荔枝球菌：荔枝形狀做得維肖維妙，裏面有芝士同蝦粒，外皮脆口，餡料嘅配搭口感非常好。蟹粉芙蓉餃: 非常精緻嘅一款點心，外皮晶瑩通透，每口都滲透住蟹粉嘅鹹香。蟹粉拌麵：蟹粉同蔥油伴麵係分開上枱，放蟹粉嘅蟹型器皿造型可愛，蟹粉嘅鹹香同麵嘅蔥香直達味蕾，味道同配搭都係Perfect Match！百葉結栗子紅燒肉：濃濃嘅醬汁，栗子嘅甜，紅燒肉咬落軟滑，非常入味，又係一個好好嘅味道配搭。燉湯：黃皮燉鮑魚湯用黃皮嘅微酸帶出鮑魚仔嘅滋味，感覺特別。蟲草花紅棗燉烏雞湯，蟲草花香，加上紅棗嘅甜，配搭烏雞，女士飲用真係好滋補；擺放喺保暖器上面飲用，keep住暖笠笠。飲品：手打黃皮檸檬綠茶，飲品杯蓋上冒住煙嘅小茶壺真係吸引咗我眼球，黃檸檬皮嘅甘澀，入口清新。海鹽焦糖脆脆牛奶咖啡，香甜順滑。每款食物同飲品不論係賣相同味道都非常好，享受咗一頓美味嘅午餐，會再Encore！！…查看更多

今日去九龍城，朋友就帶咗我嚟呢間泰國餐廳食晏，店舖地方簡潔，泰國侍應親切有禮。我哋試咗個$388嘅套餐：冬陰功：有芫茜香葉，蕃茄，大蝦，菇等，完全唔覺得辣，嗰種酸度恰到好處，好醒胃。小拼盤：有春卷，魚餅，炸蝦餅，香芋卷，香葉包雞。每款配甜酸醬都好食，而當中嘅香芋卷都幾有特色，外脆芋香，係拼盤款式之中比較少見；另外香葉包雞塊，咬落嫩滑，仲散發出梛香，I like！泰式串燒：配搭特色醬汁，趁熱食真係非常風味。菠蘿焗飯：飯帶有菠蘿香，腰果，肉碎，菠蘿，蝦肉，每啖都口感豐富，味道好好！芒果糯米飯：芒果甜，糯米飯煙韌，加埋味道完美，又唔'漏'，真心要讚！仲有紅豆冰同龍眼冰為lee餐飯增添完滿。…查看更多

今日去friend屋企食晚飯， 行過見到“洪記糖水”呢間糖水舖，就買啲糖水去做手信。呢度除咗買糖水，仲有粢飯同埋韭菜餃等嘅小食。我本身好鍾意食有芋圓嘅甜品，所以就叫咗四款芋圓系列。芋泥紅豆仙草芋圓，係唔會失望嘅配搭，紅豆青甜，仙草爽滑，芋圓咬口煙韌。芒果西米桃膠芋圓同埋芋泥西米桃膠芋圓，呢兩款加咗桃膠，入口Q彈，感覺滋潤加倍，芒果甜，芋泥夠味，有埋西米同芋圓，口感美妙清爽。綜合芋圓芒果仙草，多種材料，顏色豐富，視覺同味覺嘅享受。鍾意lee幾款甜品唔係太甜，食完正餐再食都唔會好滯，係好好嘅飯後甜品！…查看更多

今日同朋友嚟咗銅鑼灣嘅張公館食晏，位於29樓嘅食肆，海景開揚，坐落零舍舒服！川式麻辣燒賣：微微嘅麻辣風味喺口中散發，嗰種香辣嘅層次，就算我本身唔食辣嘅都接受到。百花釀竹笙：清脆可口，口感清爽，適合鍾意清淡口味嘅食客。脆脆笑哈哈：腸粉皮包住酥脆嘅蝦肉，有落口感香脆，肉質鮮味。酥皮菠蘿叉燒包：酥皮鬆化，叉燒可口，甜味同鹹香層次感非常分明。魚翅灌湯餃：上枱嘅時候係keep住保溫嘅狀態，湯汁鮮，味，濃，入口難忘。魚翅濃郁，餃子皮薄餡靚，令人回味無窮！鐵板西班牙叉燒（半份）：用鐵板襯托叉燒好特別，外焦內嫩，配搭醬汁非常好食。生磨蛋白杏仁茶：淡淡香滑，順滑暖心。桂花五色糕：顏色靚，味道清香。鍾意呢度嘅環境，服務，食物精緻美味，茶壺亦都係keep住保暖，會encore！…查看更多

今日約咗朋友喺沙田行街，就先嚟咗國穂軒飲茶。酒樓有兩層，枱同枱之間有足夠空間，地方相當闊落，侍應服務殷勤週到。食物方面：蟹子鮮蝦燒賣皇，野菌鮮蝦菜苗餃，上當足料，裏面嘅蝦大大隻，相當彈牙，係高級水準！香煎蝦米腸，配甜醬同花生醬食非常香口。一口脆皮豆腐，外脆內軟滑，令人一口接一口。一份和風長春卷，裏面有沙律醬半住，又食到少少芥末嘅味道，味道特別得嚟又好食！XO醬炒蘿蔔糕，醬汁嘅比例恰到好處，配合煎香咗嘅蘿蔔糕非常惹味！菠蘿脆皮咕嚕肉，咬落肉感好好，掛汁食好開胃。同朋友飲下茶，傾下偈，呢度係個舒適嘅地方。…查看更多

今日嚟咗澳門呢間有西班牙菜同葡國菜嘅“唐吉柯德” 用餐，餐廳環境雅緻，服務一流。煮蜆：係經典嘅西班牙小食，每粒蜆肉都吸收咗白酒嘅風味，同白酒嘅香氣完美結合，鮮美多汁又帶洒香。烤羊架：色澤金黃，外焦內嫩，肉質口感豐富，調味料嘅運用非常好，羊肉嘅腥味被完全除去，香料嘅薰香令人垂涎，配菜有生菜青瓜同紅茄仔，清新嘅口感，中和羊肉嘅膩感。咖哩蟹： 一上枱已經香氣撲鼻，咖哩醬汁嘅濃郁，蟹肉嘅鮮嫩，係非常有異國風情嘅菜式，配合蒜蓉麵包嘅點綴，一試難忘。整體食物嘅質素好好，值得Encore！…查看更多