Serene_lam_lam's Profile

Aga 特級海鮮沙律❤️食材有 生菜，蟹肉，帶子，鮮蝦，麵包粒，芝士，煙肉。Dressing有三款醬汁選擇 柚子檸檬汁/黑醋欖油/Aga芥末乳酪。叫左個芥末乳酪真係好足料，落小小撈暈成碗沙律，令海鮮味道更加昇華，如果份量再多d就會更抵食❤️冬陰公海鮮天使麵❤️醬汁夠哂酸酸辣辣 好開胃。味道夠傳統，口感順滑，層次豐富。意粉夠哂al dente 同好掛汁，而且仲有鮮甜味美 豐富既海鮮配料，中意泰式風情既你一定岩哂❤️Aga 冬陰公大蜆 ❤️湯底好鮮甜 蜆係好大隻！食起黎肉嫩爽口 配上酸辣十足既湯底，勁惹味好開胃❤️…Read More

想靜靜地搵個地方小休小食，餐廳坐得幾舒服位置夠闊落。先嚟瞓沙律沙律醬有淡淡嘅芝士味，沙律菜食起上嚟好新鮮好fresh ，再嚟有個煎餃子外皮煎得香脆，入邊嘅餡都唔會話太細份，食起上嚟惹味可口😁到主角豚肉雖然較肥，但入口油脂感十足，食起上嚟好香口，而且佢仲有啲醬汁同洋蔥，夾埋一齊食都唔會話好鹹，仲有甜甜嘅味道😀最後嚟多份泡菜，都好夠辣！餐廳位置真係好方便，附近亦都有好多商場同舖頭可以行，絕對係方便之選…Read More

經歷完10號風球同黑雨，完全感受到赤柱係一個孤島，特別係超市啲嘢俾人搶晒，有開嘅餐廳又唔多😪唔似其他屋苑有都落街飲茶。呢間茶餐廳可能明白到市民嘅需要，非常良心地仲喺黑雨嗰日照常營業，而且食物選擇都唔局限於是嗰日初次光顧完之後耐唔中都有落去食晏。喺香港要搵好食嘅泰國菜已經唔容易，喺赤柱能夠有一間平靚正嘅泰國菜更加難，呢間「赤餐」簡直係我心中嘅泰國菜世一，茶餐廳價錢，正宗泰國菜餐廳質素！呢日夥計介紹左炸蝦餅冬陰功湯烏冬比我，兩件炸蝦餅口感彈牙，雖然炸過但感覺唔算好油膩。冬陰功湯酸辣度適中，而且唔算好鹹，好似出邊好少食到炸蝦餅配冬陰功湯烏冬呢個配搭，感覺都幾match!午市時段餐廳座無虛席，應該喺赤柱有相當嘅人氣！下次有機會再試吓佢其他食物…Read More

必收藏這朋友介紹盲點不踩雷串燒店⭐️！這間可以說是隱世餐廳，餐廳位於佐敦的小巷內，而且從店舖外完全看不出這裏提供串燒，它是咖啡廳的裝潢，早上供應的就是cafe食品，晚上才供應串燒。推開餐廳門，左邊是咖啡店的裝潢，右邊卻融合了串燒酒吧店的格局，一個空間兩種風格，非常有趣😃！串燒都有手廚師發辦～人均六百多，除了串燒還有主食，不過這次我們選擇了單點菜式，價錢合理，還可點上特色雞尾酒🍹😆強烈推薦以下幾款食物，超有驚喜！白鱔 $78外皮香脆而肉質不乾，而且沒有腥味👍🏻蒲燒鰻魚 $78燒過後仍保留香濃的鰻魚汁！一點也不乾～🐓雞肉棒棒 $58這好像是餐廳的招牌菜，最過癮是拌上日本蘭王蛋，提升了味道層次！廚師還給我遞上一碗白飯，這串燒拌飯一絕！三黃雞腿肉 $48用上本地雞，這個串燒經燒制後仍然保留肉汁，而且調味還不錯👍🏻純豚五花腩 $48雖然說是五花腩，但佢沒有那種肥膩感煙肉蠔卷 $48花了點手工製作，甜美生蠔卷上煙肉，咸香沒有蓋過蠔的鮮味，一口吃到兩種層次❤️麥樂雞這是我最喜歡的一款串燒，是餐單中沒有的，店員向我們介紹這一款食物，去骨雞翼中加入墨魚滑，除了看得出心機，味道亦非常匹配，絕對有驚喜⭐️🍹Cocktail也相當出色！我點了Yuzu creme brûlée，特別推薦女生點這個，酒精濃度不強，而且上面的芝士泡沫還有點絲絲甜🥰串燒雖然看似簡單，但在調味和設計上都得花點心思，這個絕對看得出廚師的心機👍🏻👏🏻…Read More

香港燒肉的餐廳可真多，但高質素的和牛燒肉卻不是隨處找到。強烈推薦這家隱藏於銅鑼灣鬧市中，來自日本而香港是海外第一家分店的日式和牛燒肉餐廳！說它隱藏，因為在這繁華鬧市中它仍然有一絕的景觀，曠闊的視野，眺望整個維多利亞公園，非常寫意。餐廳環境比其他更乾淨，沒有半點油漬，天花的燈飾令整體感覺更光亮和時尚。正值午餐時間，餐點選擇不花巧，馬上就選了一之藏和牛拉麵餃子定食和本舖A5和牛三寶盛盒。這拉麵不簡單！湯底用了牛骨調製，口感味道濃厚，滿滿的骨膠原，牛肉質感嫩滑，像是一碗日式高質牛腩麵。餃子加入了黑松露，一咬馬上爆汁！鎮店之寶和牛燒肉也沒有失望，三款油脂值不同的和牛味道分明，從最瘦吃到最油膩的，層次分明。一口白飯一口和牛，成就大滿足！定食配的湯品店員就用了魚骨淆煮，味噌中帶魚的鮮甜；茶碗蒸亦香滑，平衡了味濃的和牛油膩感。它可算是我吃過性價比最高的日式和牛餐廳，不來吃虧！…Read More

之前諗去邊度🎉慶祝轉工成功，就記起朋友推薦我呢一間餐廳，朋友知道我係🇬🇧英國讀書，而呢一間餐廳嘅菜式最大嘅特點就係混入左英國人對食物嘅態度同埋中式元素。餐廳位於📍上環，之前我對上環嘅認知就係得啲Cafe，原來係呢座大廈會有咁多隱世高級餐廳！餐廳嘅裝修好華麗同舒服，最令人記得佢一定係門口嗰幅手繪牆壁，裏面嘅bar位令成間餐廳氣氛提升左⭐️。講返食物🍤🍟🍛🍻🍾，睇佢餐牌嘅食物名都會覺得佢啲食物應該好特別，同一般中菜或者西餐唔同；我哋點左店員推介嘅幾款食物，而當中以下兩款✅絕對難忘！1️⃣蝦多士金黃色賣相絕對打卡，入口絕對難忘。蝦多士不油不膩，滿滿嘅芝麻經烘烤後香味迫人；除左面嘅大蝦，中間仲夾著蝦滑，都驚訝到我了！又要打蝦滑，又要釀入去，仲要炸，工序絕對唔簡單。呢個係真正嘅蝦-多-士！2️⃣炸魚薯條絕對係佢哋嘅招牌菜！特別係薯條原來可以沾咖哩汁，而且很搭！炸魚好鮮嫩，炸粉唔厚。就咁睇呢個餐好似未必夠飽，但係其實啲薯條絕對可以當正餐，正正亦都係英國人嘅食法！總括嚟講，我覺得呢間餐廳嘅性價比絕對高！以咁嘅食物質素同裝修，呢個價錢絕對親民，聽員工講佢哋第二日就有包場派對，我都覺得呢個場開party應該幾開心🥳…Read More

好多嘅事情總係意料之外，當第四波疫情完結，我哋穩定咗好幾個月以為生活可以盡量回復正常，誰不知第五波變異病毒突然嚟到，政府又突然之間暫停晚市堂食，一啲約咗好耐嘅朋友聚餐都要暫時擱置🥺呢日收工，心情已經唔算太好，又好攰唔想煮飯，好想食啲好嘢安慰下自己。咁啱IG見到之前食開嘅日本水產推出左外賣自取，二話不說買咗個二人餐返屋企同媽媽一齊食。十數件壽司加兩碗迷你嘅安格斯椰菜湯烏冬，我諗大食少少都會夠飽！以前食過堂食相當出色，外賣刺身壽司一樣有水準！當中帆立貝同埋吞拿魚更加係喜出望外🥰佢嘅質素同高級嘅廚師發板有得比！攞返屋企慢慢食，佢個包裝用咗保溫袋，令到質素唔會變得好遠。烏冬亦都分湯上，薄切安格斯牛放入口有即溶嘅感覺，脂肪比例多但分布平均😄唔使$400嘅價錢食到呢個質素，絕對係性價比高！…Read More

隨着公司搬咗去港島區，已經好耐冇去過尖沙咀食飯，臨近年尾飯局總係好多，今日約返個同事去厚福街嘅一間樓上鋪晚飯，佢嘅特色係以大麻素為主題。之前係第二到試過落咗大麻素嘅咖啡，老實說除咗貴都覺得冇乜特別感覺，所以其實今次去之前期望都唔係好大。上到餐廳，黑暗嘅環境加上霓虹燈裝飾，係比較新潮嘅酒吧feel；食物價錢都親民wo，而且感覺都特別。我都一如以往唔想諗，一於叫二人set。通常set嘅野食都會比較普通，方便廚房烹調，但今次呢餐確實震撼左我！由沙律到主菜，都feel到誠意十足。最欣賞佢嘅威靈頓三文魚，工序多唔再講，佢個皮脆之餘件三文魚都係係劣質貨，黃椒醬更加意外地好食，唔會有陣生生嘅椒味。廣島蠔闊條麵同樣出色，芥末忌廉汁係少有嘅配搭，唔膩但又好juicy，麵質軟硬合適，蠔鮮甜味美！簡單嘅甜品都有花心思擺盤，唔係比行貨蛋糕應酬客人。餐廳聲稱每道菜都加左大麻素，而我地點龍蝦湯亦都extra加左，味道當然無分別，不過食完之後感覺真係relax左，可能真係有一定放鬆作用🥰…Read More

近年香港真係越開越多Omakase餐廳，朋友介紹吓，今晚就嚟呢間新開嘅灣仔Omakase餐廳試吓。餐廳門口好夢幻，一入去就見到棵櫻花樹，塞入去餐廳唔算大，大概坐到10幾人，今次我哋叫咗$1580，15席料理嘅廚師發板。第一道上枱嘅係開胃前菜，跟住就到魚生。魚生有，伊佐木，北海道生蠔配金箔，深海池魚，北海道粒貝，平政魚，炭燒鯖魚，北海道毛蟹，炭燒鰹魚，炭燒拖羅。魚生非常新鮮，多數都唔需要再加豉油，因為師傅已經為你調咗味。特別推介嘅係生蠔，平政魚(其實即係貴價嘅油甘魚類)，幾款炭燒完嘅魚生都充滿油香，非常好味😋跟住輪到壽司，又金目鯛，北寄貝，三文魚，白蝦，馬糞海膽+大煆tempura，炭燒赤鯥，三文魚子，北海道白海膽。淨係海膽都有兩款俾你試，馬糞海膽加帶子Tempura非常香口，至於北海道八海膽就口感濃郁，味道較甜，各有特色。之後再上熱湯同埋甜品，甜品芝士豆腐係師傅自創出嚟嘅，非常值得一試。…Read More

自從冇得去旅行之後喺香港已經食咗好多次日本菜。上個星期夜晚去呢一間一定要讚一讚，佢性價比極高，每樣小食價錢20多元起，就算叫好多款式嘅食物人均都唔使$200。令我最喜歡嘅係佢嘅串燒，平時出邊食串燒嘅價錢係呢度嘅一倍，要食得飽可能每人要$300，佢呢度款式選擇多之餘仲好抵食。最鍾意佢嘅燒牛舌，入味又唔會好dry。其他串燒味道都係水準之上，唔會好油同燒到好老。另外佢個沙律我都覺得有誠意，一般去日本餐廳食沙律都係芝麻醬配一啲好頹嘅菜，佢用上沙律菜仲加埋流心蛋，見到花左心思。食呢類型嘅日式居酒屋一定要叫酒精飲品，我叫左鮮檸檬燒灼梳打，上枱就已經知佢係打卡必備，用咗差唔多一個檸檬做裝飾，啱啱開頭飲嘅時候酒精味會比較濃，後來啲冰融得7788就會變咗好香嘅凍檸水。餐廳面積細細，真係有種日式居酒屋嘅感覺；上菜速度快，價錢又合理，下次經過旺角，都要book mark住呢間餐廳👍…Read More

鼎爺出名煮嘢食了得，而好耐之前都知道佢嘅私房菜一啲都唔平，所以一直都未試過。最近佢嘅新餐廳進駐咗荃灣海之戀，餐廳主打年輕路線，食物以燒味為主，亦有其他菜式供應，每逢假日經過都會見到很多食客用餐。啱啱過咗嘅星期六，屋企冇人煮飯，我就提議不如試吓，價錢果然相對親民，食物類型亦都大眾化。點了數款店員推介的食物，質素確實有保證！👆温泉蛋四寶飯，燒味味濃好食，义燒鬆化，肉脂比例均勻，鵝嫰滑，燒腩皮脆，仲有沙律同飲品。.火熖义燒，賣相已經以特色取勝，鬆脆外層加上义燒面有蜜味，回味無窮。.白汁魚柳，最怕炸到油lum lum，但係呢度就冇咗呢個問題，表面金黃色，外脆魚內滑，魚肉仲要唔係好薄好碎嘅貨。.飲品同甜品嘅選擇可以媲美Cafe，我哋叫咗鮮果花茶，好抵只係28蚊，唔落蜜糖都好飲，水果嘅清甜仲可以消滯。鮮果窩夫係唔少人鍾意打卡嘅甜品，窩夫新鮮焗製，香脆微暖，放上生果生色不少！整體黎說，呢間算係一間親民嘅高質茶餐廳，價錢唔貴之餘仲坐得舒服，推介！…Read More

今日又黎到家喻戶曉既韓國街金巴利街食韓國地道美食，呢到出名多韓國人開既餐廳，而OPPA Coffee Bar Restaurant係最多人排隊既個一兩間。香港人真係好鍾意排隊食好野。我都唔輸蝕，一於加入排隊等位。係門口排左一陣就有得入去坐低嗌野食啦。店鋪環境比較細小，但兩個人都被安排坐四人枱，坐得好舒服。不過Lunch時段坐滿哂人，成間餐廳好嘈好熱鬧，適合一班朋友聚會多過情侶約會。 Menu有好多唔同種類既野食揀，野飲都有好多選擇，有好多樣都想試下。嗌左朋友好想試釜山特有嘅busan style紫菜包飯，馬鈴薯排骨湯，韓式炒粉絲同埋韓式蒸餃子。我哋點餐嘅時候特登用韓文，練習一下初學既韓文，個韓國oppa侍應一聽就明亦都冇落錯單。我哋當日仲見到好多人嗌熔岩芝士炒飯，見到職員會拎火槍嚟燒個飯，好似睇表演咁都幾有趣。另外仲有一個DIY嘅韓式章魚小丸子，我同朋友覺得好特別。 排骨湯嘅份量十足，入面總共有五舊大嘅排骨，仲有菜同薯仔，夠兩三個人分黎食。湯落左唔少辣椒粉去調味，夾埋排骨既精華好惹味。怕辣人士就要小心啦，因為怕辣係會飲到流鼻水嫁Busan style紫菜包飯我同朋友都冇諗過係成舊拎去炸，同我地想像中有啲出入，原來釜山人鍾意食炸物？ 面頭個兩舊炸到好似軟殼蟹咁既樣，其實係切到好長既蛋絲。呢個包飯係配埋一碟紅色既甜醬食既，第一次嘗試呢個食法好新奇😂個包飯包到好大舊，女生要一啖食哂佢係有啲難度，由於一啖過係好食啲，可以食到哂唔同既餡料，所以建議一定要一啖過咁食！入面有午餐肉、蛋、醃蘿蔔同菜，整體黎講味道唔突出。炸過既紫菜反而令紫菜味淡左。 唔想太熱氣太heavy，呢到仲有唔少比較清淡啲既菜式。呢個粉絲食落覺得餐廳廚房煮得唔錯喎！呢個比較濕既炒法，調味做得好，唔會過濃過淡，炒絲係好彈牙既質地。比較少見會加魚糕同三色椒係粉絲入面，味道係夾既👍🏼 仲有一個擺盤幾靚既韓式蒸餃子，完全係巨型size😂比平時超市買既個啲更加大粒，入面係豬肉同韮菜餡，原來同香港人鍾意食既餡料似乎冇咩差別。 食物有八成貼近韓國當地水準，環境帶到小店個種溫暖既感覺，店內仲有幾部電視無間斷播放韓星mv，仿佛去左一趟小旅行咁呀☺️☺️希望下次再去既話可以試埋熔岩飯同小丸子啦！…Read More

曾經係香港人最愛嘅台灣，因為一個疫情，大家好耐都冇得再去。鍾意台灣除左因為機程近，最重要嘅係多嘢食😛佢嘅滷肉飯、香腸、鹽酥雞... 每次去都必點 ，好彩香港都係一個國際化城市，唔同菜式都可以搵得到，就算係一個小社區，都同時存在唔同國家嘅美食。星期五嘅放工，去咗路德圍附近買外賣返屋企，揀咗呢間台式食店，見到個門口個牌寫住抗疫便當$65仲有兩款，經濟又抵食！另外，麵包控當然會試下佢哋嘅紫薯肉鬆多士，再買咗一個炸物拼盤。最欣賞佢嘅多士紫薯有味道得黎唔會好甜，甜配鹹嘅肉鬆，唔會覺得好突兀👍佢嘅抗疫便當雖然只係$65，但係望落好精美，兩個便當都夠三個人食，用紙盒裝溫度夠熱，同時亦都唔會焗到炸物淋曬。鹽酥拼盤啱曬心大心細嘅我四款炸物組成，甜不辣係我最鍾意嘅一樣，口感煙韌，味道又好似魚餅。炸物粉漿唔會好厚，調味適中。雖然晚市禁堂食，但係外賣嘅時候都感受到店員嘅親切熱情同埋禮貌。夜晚好多人都喺度買芋圓做甜品，下次一定會再試❤️…Read More

因為疫情已經有年半冇離開過香港，想念唔同地方嘅美食，日本菜、韓國菜、泰國菜、甚至係越南菜。旅行彷彿變成一件遙遠嘅事，大家都只能望梅止渴。記得封關前最後一個旅行，我拜訪咗越南，當地美食加入咗好多香葉，將食物嘅原味道帶咗出嚟， 香港好少有令人印象深刻嘅越南餐廳，早幾日上網搵到呢間，今日去試過不得不讚！呢間餐廳嘅食物以越南菜為基礎，加入fusion元素，我哋點左越南人最常食嘅湯金邊粉，驚見油炸鬼，仲配上佢哋特製嘅醬汁，湯底濃郁好味👍另外豬腩肉鍋巴亦都係有驚喜豬腩肉唔算係非常肥，鍋巴好香脆，配上微辣嘅千島醬，味道令人難忘。我哋叫咗個米紙pizza。Pizza底係炸到薄脆嘅米紙卷，上高放咗一啲香甜嘅臘腸粒，亦都係配上微甜嘅蛋黃醬，食落唔會好heavy，2個女仔都ko到。朋友未飲過越南咖啡，我介紹佢飲越南蛋咖啡。香濃嘅咖啡上面係一層香甜嘅焦糖燉蛋，飲嘅時候將兩者混合，咖啡濃郁唔苦，而且滑溜。雖然位於鬧市中，但係價錢係十分親民，環境舒適，裝修乾淨企理。疫情下，對於食我哋都要小心挑選，誠意推介…Read More

介紹返， 呢間係日本東京過江龍黎，主打係辣麻味嘅拉麵 辣係用特製唐辛子，而麻就係用山椒調製嘅香麻油順帶一提， 唔係特別鍾意食辣嘅朋友，呢間都好啱你食㗎， 我同朋友分別嗌咗增量叉燒(小辣小麻) ，同埋芫茜拉麵（唔辣唔麻）今時今日疫情嚴重，提供手機落單係指定動作啦，貼心位係佢仲畀埋圍裙你，等你唔使驚啲汁會彈落件衫度，可以冇後顧之憂咁樣享受美食。環境係open kitchen，間唔中見到啲猛火嘅火焰，都幾吸睛㗎👀我朋友好鍾意食青色食物，佢就嗌咗芫茜辣麻味拉麵，仲加咗啲玉米筍，芫茜多到嘩嘩聲食肉獸嘅我，當然係嗌咗增量叉燒喇,, 舊叉燒比起芫茜嗰個大咗成倍, 肥美軟腍，我諗應該係成日慢煮先做到呢個效果Overall 環境唔錯, 辣麻味好吸引，舊叉燒好令人回味，值得encore…Read More