咀刁公主's Profile

呢間西苑真係「巴鬼」，食物其實係ok嘅。爵士湯係好飲可惜嚿花膠好似魷魚咁硬，叉燒好食。不過重點係服務超差差差😤😤😤。收晚上10:30，但竟然9:45熄燈趕客走，真係不能夠相信今時今日重有d咁嘅餐廳酒樓， 唔怪得啲人要北上，因為人哋真係好服務到你唔好意思。 本來重打算搵日返嚟試佢嘅仙鶴神針，而家真係唔使諗。怕怕…Read More

同幾個朋友ladies night, 梗係要搵一間靚景打卡餐廳啦。 喺OpenRice 入面搵到呢間餐廳，見到幾特別，又係一間翻新嘅精品酒店入面，又就一於book呢間試吓。一去到餐廳就有Waitress同我哋細心地講解點樣用枱面嗰個香味𣕧揀Cocktail味道，有趣。 最後都係揀咗一個最大路嘅酸青瓜味，因為其他味有啲怪，例如鹹檸檬芝麻味好難想像放喺Cocktail入面係點嘅味道，好似唔係好啱Cocktail， 我哋幾個女仔每人叫咗一個各有特色嘅Cocktail係有驚喜，不過未必人人啱口味。 食物方面其實選擇唔係太多，所以如果要食一個正式晚餐，未必係一個好選擇。 我哋一開始叫咗個炸薯條餸酒，後尾再叫一個炸番薯條，炸甜薯條好食過炸薯條好多，大家有機會記得唔好叫錯。 另外叫咗一個炸雞窩夫好特別非常好食， 炸海鮮就盤普普通通， 不過呢度啲主食意粉價錢唔貴都算抵食，而且味道都十分好，尤其是個龍蝦闊條麵，龍蝦鮮味個汁都好有龍蝦汁味，而且一啲都唔貴，如果想食得飽肚一定係首選。 最後講返環境，大家book位記得request坐window seat 位, 另外佢喺最後尾有一個好似放咗喺窗台嘅一個打卡床咁，都幾特別，但係好似人人都瞓過晒我就怕有啲污糟冇入去影相污糟。（利申其實係乾淨嘅不過係我自己有少少潔癖啫）最後提返餐廳入面嘅洗手間係非常隱蔽，大家行到去一定要睇清楚，同埋其實個洗手間真係有啲黑。 最後埋單每人平均$600又飲又食高級打卡餐廳嚟講這個價錢都算是差不多。 下次有機會可以試樓上一層39樓間fine dine 餐廳相信景觀都一樣靚。 …Read More

其實呢間餐廳之前都食過兩次lunch, 已經錯得唔錯， 咁啱有朋友返香港又話想食泰菜晚餐，所以就book呢間試吓佢哋d晚餐啦。首先叫咗個香芒果青木爪柚子沙律， 味道正常可惜真係太少，再嚟個外脆內軟嘅紅磚豆腐👍🏼， 主菜真係不得不講吓隻酸辣脆皮手撕雞，好香嘅香茅味配上個皮脆到薯片咁嘅雞皮同一d都唔鞋嘅鷄肉，少少酸辣，－d都唔膩，絕配，好味👍🏼，重要其實半隻已經好大份，真正令人印象深刻回味。 另一主菜香烤筍殼魚，－樣皮脆肉嫩， 唔會烤過火， 配上酸辣汁更加將個魚鮮甜味帶出，我哋成條連個頭都食埋。 總括嚟講，我哋一至認𤔡呢間餐廳d餸菜係有驚喜， 重有好多餐牌入面嘅菜都想試， 個朋友已經約定臨走前再食多次。 …Read More

真心推介呢間素菜餐廳，幾個無做過廚嘅90後，好有heart去創業鑚研新派素菜(講真，食過再聽埋佢個做法你就知絕對係心機嘢，所以好多菜式都要預定). 餐廳無豪華嘅裝修，不過art加philosophy嘅概念，令人坐得好得好舒服，好平靜，食得好開心自在。當大家知道埋每道素菜背後嘅做法（大廚同d staff都好樂意去介紹每道菜）大家就會明白點解佢哋無做d set dinner同埋點解要之前訂定要食咩。真心希望大家可以去支持吓佢哋，4個年青人一腳踢run間餐廳已經唔易，無經驗無marketing n promotion concept, 重要預上疫情重爭緊銀行錢，未有錢賺過，背後真係要有幾多理念同幾有heart先可以頂住，佢哋都唔知可以重崖都幾耐，不過真心希望佢哋可以做落去。真心想推介同想多d人知道呢間餐廳去幫襯下，等佢可以做落去，如果平時d餐廳食完post兩張相厄吓like😝就算，有幾何寫咁大段嘢吖😅加油呀💪🏼💪🏼💪🏼…Read More

做飲食嘅最基本要求都做唔到-d食物唔熟就比客人食。9㸃幾ot 放工後已經攰到死，見佢話關10:30pm 米入去買左個煎蛋牛肉飯外賣囉，點知返到屋企义開d牛肉諗住食時發現塊牛肉餅入面重係紅色重係肉醬咁 ~ 未熟㗎😱😱😱。打番落去同佢講，佢話牛肉餅中間係咁紅色㗎，大佬呀，我夠知啦，你估我第一次食咩，最重要係入面重係一pat肉醬咁呀！但佢聽完竟然叫我自己蒸返熟佢而唔係換比我囉🙄，痴䤼㗎😡係米有病㗎，我自己要再煮過咁我又洗乜幫襯你買外賣呀，吹脹😑…Read More