tszhimm的个人专页

是日1305 諗住去試下呢間新開張既JK brother’s。首先去到門口已經好古怪，完全冇人帶位，等左5分鐘先有人傾住電話行過黎，企喺隔離一直傾電話冇理過我地，到收線先serve我地。咁佢問我地食邊個餐，咁講完我再問返佢係咪除左個牛唔同其他野食一樣，佢話係。入到去原來冇刺身食，所有野都係自己去拎，全部野都係急凍貨冇野係新鮮，包括牛肉都係。全程冇人理，咁我行到去海鮮區見到啲蝦同聖子，隔離仲有啲撈篩，就自己撈左幾隻返枱度食，到第二轉再攞，個職員衝埋黎搶走左個筒話：午市冇海鮮食….. 當堂著左火，首先我入黎果陣問左佢，第二由頭到尾冇人講解過有咩食，第三你去食自助餐/放題，見到食物隔離有筒有夾有撈篩你係咪expect係食物？已經嬲嬲地，行到去餐廳盡頭有兩間房，閂埋左間，應該係員工break房，行過出面勁大陣煙味，喺門隙中間見到有人食緊煙….. 痴線，室內禁煙好耐啦大佬！真心嬲，食到一肚氣，唔會再幫襯JK brother’s…查看更多

唔係成日黎上環呢邊 ，見呢間野裝修都ok 諗住試下。一入到黎，有個阿嬸問左我三次係咪堂食，我亦答左3次係，已經覺得唔對路。坐低哎左個四色便當（帶子，三文魚，三文魚子，海膽），黎到冇海膽唔出聲，自己換左做蟹肉。到我再哎一個海膽壽司先講話冇....咁我都無話可說，咁就照食，你哋有冇諗過食日本野個飯係熱？唔係暖暖地， 係熱到出煙.... 勁無奈.... 之後仲哎左個蔥吞魚軍艦（冇蔥，冇紫菜...無言），啲飯仲要一夾就散... 失敗。呢外哎左個油甘魚刺身（3片），師傅啲刀功... 我攞把扒刀應該都切得好過佢，啲邊全部唔齊口，油甘魚勁腥有血水，未解凍完，食左兩片頂唔順，放棄... 伏到一個點！…查看更多