為食小好奇's Profile

蘭芳園以前係茶檔，出名奶茶☕️係香港首創絲襪奶茶，茶味香濃，飲落絲滑，曾經係水滾茶靚嘅及香港故事代表☕️今日去飲，杯茶☕️多奶但茶味淡，比幾年前差好多，反而出咗有周邊產品🍪布袋及曲奇，但core產品keep唔到質素，現在只淪為遊客店🥲，裡面九成半都係遊客。老實講，無服務，坐得超迫😑，連杯茶都搞成咁，真係有愧於老字號個名。部分喺內地開嘅港式茶餐廳杯奶茶已經好過佢。真心失望，中環茶檔嚟講，好似勝香園仲keep到個質素。希望唔好咁快消失於時間洪流。好食指數😑回頭指數👎…Read More

呢間真係唔好俾社交平台知🤫，街坊生意屋苑商場得六張枱，無靚裝修，純賣味道，仍然原本以廿蚊足料🍜雲吞麵起家，後來花雕醉雞、蜆芥鯪魚球及豬頭肉都出咗名，人流不絕，座無虛席🫣。個鯪魚球🥢($30)真係外脆內軟👍👍👍👍👍，唔使出酒店或大牌子，蝦子撈麪配陪花雕醉雞🐓($59)或者豬頭肉都係luxury美食👍👍👍👍👍，牛腩同大腸面就一般水平😁老闆故事都係港人勵志故事，中學讀完書後創業，值得支持⚘️回頭指數👍👍👍👍…Read More

見咁多人介绍就試吓，點知超失望兼揾笨💥。餐牌無寫價錢，見餐牌寫個錦繡二人前刺身盛係推獎🎖，包括磯煮鮑魚、赤海老、拖羅、海膽、時令魚🐟及油甘魚腹就叫個試吓，點知同相差咁遠😑紫菜係腍嘅😒時令魚變咗係三文魚，拖羅係超多筋，侍應夠膽死同我講係前腹吞拿😤😤差好遠！！得油甘魚腹係正常，海膽勉強及格連加一收六百幾，完全唔值！斟過一次水咁大把，服務費六十，真係超趕客👿回頭指數:-100回水指數：👎👎👎👎👎…Read More

📣 终於試到半新開Ralph Cafe，唔使排長龍，但位置較小，十張枱都無，裏面展示好多品牌嘅服裝👗🧥，啱曬fans朝聖💫佢哋派出嘅月餅🥮做型仲好靚，可愛小熊公仔同復古電話亭裝飾，唔捨得開😍送禮收到會好開心飲品方面，咖啡☕️🍩$40起跳，take a way 摩卡50幾蚊，雖然朱古力好rich，但性價比都係peninsula cafe$40高好多☕️🍂間唔中可以一試，打下卡都ok回頭指數💫💫💫…Read More

最近有間由越南人主理嘅米芝蓮法包🥖大排長龍，話有越南風味，加埋本土材料，超人氣。其實越南法包的特色在於其香脆輕身的麵包、豐富多樣且地道的內餡，多元口味，好似呢間係巷仔內嘅法包店，麵包鬆脆，加埋沙嗲牛肉rib eye及酸甜醬汁，天熱食就爽晒！使乜排長龍🫶佢仲有叉燒及燒腩配料，夠晒地道口味😁但我都係較喜歡配傳統扎肉或者rib eye，配埋越南咖啡☕️差不多一百蚊埋單，唔算平，但幾好食，間唔時當午餐都ok回頭指數💫💫💫…Read More

尖沙咀韓國街出名食韓國嘢，俾我發現到中環都有一間由韓國人主理嘅食店🥢交錢合理200幾蚊有個2人餐🍛，可以揀兩個主食🍜一個小菜，前菜🥣同飲品🍵，質素都唔錯主食：🍽韓國鐵板牛肉飯：大碟多配料👍👍👍👍🍽蜆肉烏冬🍜，超鲜甜啊，烏冬夠咬口👍👍👍👍👍🍽小菜：炒牛肉，细碟但惹味👍👍👍👍🍽前菜：泡菜及腌菜🥂梅茶幾好飲開胃中上環晚餐呢個價錢幾好，回頭指數💫💫💫💫…Read More

200幾蚊喺香港食Omakase真係俾人話我吹水😑有圖有真相，佢喺尖沙咀開咗新分店，做緊推廣，下午食15品🍘招呼唔錯，待應以前喺酒店做，每道菜🍱都會好仔細咁解釋， 顧客體驗唔錯，間唔中都有明星嚟幫襯。15道菜包括🥢三文魚菜卷🥢前菜三道🍲鯛魚魚餃好爽口👍👍👍🥢白松露茶碗蒸🥢蝶豆花汁生蠔🦪🥢鯛魚刺身🥢一口帶子🥢蒜片鮑魚🥢鐵板和牛肉片👍👍👍🥢花膠麵豉湯🥣🥢三食壽司🍣鵝肝和牛同魚🥢雪糕🍦總括嚟講，食物質素對得住呢個價錢，環境唔錯，可以望到尖沙咀山林道外嘅園景，幾開揚輕鬆💓另外自己加錢配sake飲🍶大滿足超飽🥛…Read More

喺蘇豪區天橋底嘅urban roaster，聯乘香港出名本地氈酒白蘭樹下，重新裝修同易名，變身朝啡朝酒cafe，6點前賣自家品牌咖啡☕️，6點後就同埋酒I🍷🥃大部分cocktail 用白蘭樹下gin做基調，招牌egg tart🥧個杯外形似足蛋撻，裡面用gin酒同蛋酒等調劑，面頭焦糖化，果塊衣咬感同聞落去好有cream brulee 味道，但飲落去就有gin嘅fresh, 配tiramisu好夾，打卡都一流😁🍹THENCE YAKULT🍸:呢杯啱晒鍾意同creamy嘅朋友，有豆奶，cream，竟然襯到白蘭樹下gin，而且容易入口啱女仔🍽氈酒蟹肉意粉🍝:呢個必試，用氈酒烹調，樓主食落去有淡淡嘅酒香，將蟹肉提鮮😍意粉口感彈牙好食🍽Baby Carrot UCR咖啡香料牛腹肉 ：勿盡其用，用自家制咖啡粉醃製牛肉，口感嫩滑，而且啱啱好半成熟，配酒好夾，不過份量偏少，有啲唔夠喉環境方面，餐廳分兩層，下層有英式酒吧，夠晒soho feel，樓上裝修比較簡約，可以望到去大館嘅天橋，下次想試嘅lunch set，試吓佢嘅咖啡酒。🥢…Read More

來自大阪嘅人氣拉麵，即使係半山要上斜路都經常排長龍，入店已經聞到好香濃嘅魚湯🍜不自主流口水，日本主廚勁似TVB視帝張振朗😂😂🍽鯛沾麵期間限定✨️，一出場就有乾冰會出煙勁有儀式感同打卡，非常之面係粗麵，比較彈牙同埋闊邊，沾上超香濃鯛魚湯，加和牛長壽司，味蕾爆燈😋😋😋😋🍽鯛清湯拉麵:以為相對會失色，點知同樣出色，魚湯雖然顏色清淡，但飲落魚嘅鮮味反而更加突出，魚皮非常鬆脆索索聲，真係近期食過最好食嘅拉麵👍👍👍👍👍回頭指數💫💫💫💫💫…Read More

🍽鹹蛋黃軟殼蝦🦐($188)真係超好食，香濃蛋黃配超脆軟殼蝦成隻吞大滿足，又唔使剝殼整污糟手指👍👍👍👍👍🍽新加坡咖喱牛腩($168)份量大，肉夠腍入味，咖喱帶甜唔辣，俾埋印度薄餅連汁都清埋😋🍽沙爹雞肉串（$88）雞肉好嫩滑，配埋個花生沙爹醬好香，飲住杯🍸玫瑰精華($78)，粉紅酒📸打卡靚，味道同雞肉串，軟殼蝦及牛腩好夾🍷美祿馬丁尼($78)就似 tiramisu，做甜品一流🥂呢度係條街十字路口位，要上一層要花少少時間揾😁，仲有榴槤甜品食😊…Read More

呢個街市熟食中心好乾淨，食肆獨立有冷氣，顛覆對街市印象，仲有好多人幫襯，最多人叫蒜泥蒸半隻🦞龍蝦($68)👍👍👍👍或者手掌大嘅瀨尿蝦🤤但係每台只可以叫一份，即係半隻，有啲唔夠分，encore就要百幾蚊啦🍽個炸子雞皮脆肉嫩，要預訂先有👍👍👍👍👍🍽龍躉炒窩筍:唔食魚嘅我竟然將呢碟清曬😋，魚肉好彈牙，冇腥味，仲好有矱氣好入味👍👍👍👍👍見到隔離台少咗個海膽炒飯，好吸引，但係又係一種賣曬，7點半去到好多餸都賣曬，下次要早啲去🫢…Read More

成日以為呢間鋪頭系新開嘅合和酒店大廈，因為地址都有QRE，成日搞錯，上到嚟環境高級，啱曬約會，見到有幾台係慶祝生日，包括我在內😂😂老闆好細心，甜品係有畫碟，仲要見我哋到較細個冷氣，服務態度超級好👍👍👍👍👍呢度出名係食生蠔，當然要試吓，我哋叫咗個🍽seafood platter，做推介平日1至4嚟食，99蚊就有，真係超級抵，有生蠔，帶子青口，仲有日式磯煮鮑魚，呢個超好味🍽蠔湯:呢個係唔少人推介，我心諗會有幾好飲，點知真係好好飲，好香濃好滑，好似系由一打生蠔濃縮煲出嚟咁，呢個signature應該係我飲過以嚟最好飲，而且系食到成隻蠔👍👍👍👍👍🍽蟹肉牛油果醬塔黑魚子，魚子鋪滿曬面，非常慷慨，加埋奶油醬汁，放入口成件事好平衡，作為前菜係perfect👍👍👍👍🍽鮮海膽米型意粉：呢個份量十足，好濃郁嘅海膽味包圍口腔裡面，感覺食咗成版海膽，兩個人食超飽👍👍👍👍👍整體嚟講，呢度嘅格局係高級餐廳，上完一道菜，等你食完先上另一道菜，所以要預備充足嘅時間去享受美味嘅晚餐…Read More

之前酒店外墻做裝修冇嚟過，見佢完成咗可以上返嚟欣賞維港夜景🌅，但上到嚟人流明顯少好多，個場9點都係1/3满，係可以靜靜地同朋友傾吓計，cocktail幾特別打卡唔錯，同埋竟然有churro，個朱古力醬幾好食好滑👍可惜個場唔滿，都要啲客逼曬喺隔離一台，仲要10點半就關門，10點鐘就開始收嘢，好似逼你走咁，以前唔會咁趕客，收嘢嗰時仲同你講慢慢坐，而家啲service真係唔同曬，以前11點都滿場仲要排隊等入座，維港靚夜景仍在，但真係反映咗今時唔同往日，經濟差咗好多🥲🥲唔好再諗以前…Read More

見到kkday特價閒日晚上$178任食片皮鴨，酸菜魚🤤等三十種中菜三小時，手機自動落單好快上菜💡每位送一盅湯，味道還好片皮鴨席前切後任拎，皮肉分開，食幾round👍酸菜魚好食🐟魚好滑，仲有燒賣🥢出奇正，encore两次😂，咕嚕肉及炸蠔都值得推介飲品唔hea，紅白酒🍷，可樂🥤，韓國汽水🧃任飲，又有牛奶公司雪糕🍦🍽🥢飽住走🥂，加一及茶水每位約$230，免費泊車两小時，值得支持留港消費早茶$120幾任食四小時，真係唔知佢點賺，希望頂得住💪…Read More

之前幫襯淘大分店感覺良好，見到新聞話旺角分店裝修完重開，即刻帶埋屋企人嚟試順手慶生日，一早訂晒位，點知嚟到人頭湧湧，訂咗位都要咁機拎飛，仲要等20張，真係乜mood都冇晒，呢個真係要改善下，唔係要訂位嚟做乜嘢？😅入到去餐廳面積大環境唔錯，侍應服務都好周到，幫手倒廚餘非常之快啊，值得贊👍海鮮方面種類都多，除咗蜆嘅質素就一般，將一兜蜆及花甲放入花膠湯底煮，個湯底變咗微灰色，鬧起見到有黑色沙由微開口嘅蜆流出嚟，應該係吐沙時間唔夠，即刻叫侍應換咗個湯底😑其餘嘅蟹同蝦都好食，不過蟹嘅種類好似少過淘大分店，任撈嘅蟶子系細隻，想食酒樓大隻嗰啲要點熟食嘅蒜蓉蟶子，呢個推介好食👍👍👍👍旺角分店話特別在於有鱔片，切好咗嘅火鍋料，唔係新鮮劏，但係鵝腸，蠔同埋日本A5和牛都係好好食。呢度嘅飲品同甜品都多款過淘大，有啲仲係日本貨，例如啤梨酒唔錯，haagen dazs雪糕竟然有日本貨期間限定嘅焦糖燉蛋味同埋churro，有驚喜😁😁😁但就冇咗台灣嘅珍珠奶茶總括嚟講，300幾蚊食海鮮buffet都係抵，但要改善下啲蜆質素同埋入座安排。…Read More