mishga7的个人专页

好耐冇見個朋友，佢喺太古坊返工，就約佢收工喺附近食飯。佢提議「鏞鏞」，話呢度坐得舒服，方便傾偈。我哋平日夜晚去，餐廳氣氛好好，唔會太嘈雜，啱晒我哋慢慢食、慢慢傾。叫咗幾樣嘢食。個瑤柱賽螃蟹蛋白炒得好滑，加少少醋吊味，食落好鮮甜。再嚟個家鄉梅菜扣肉，呢個好惹味！個扣肉炆到好腍、好入味，幾乎入口即化，啲梅菜汁用嚟撈白飯真係一流。我哋仲叫咗個上湯浸時蔬，個湯好清甜，食完啲濃味嘢再食菜，感覺好舒服。成餐飯食得好滿足，同朋友傾偈傾咗好耐，侍應都冇催我哋。食物有水準，環境又好，係約人敘舊嘅好地方。…查看更多