kapo的个人专页

天氣好似有少少涼，最適合就係食一碗熱辣辣嘅湯麵🍜📌我好鍾意雞湯拉麵，感覺上無豬骨湯底咁肥😂📌野見拉麵提供3款湯底，分別係雞白湯、雞鹽湯同雞醬油🥳📌拉麵方便選用咗幼身拉麵麵條，我唔夠專業，不過認為係中細捲麵🥹📌因為減緊磅嘅關系，每一日都會計住自己可以食幾多卡路里，而呢碗雞鹽湯拉麵好適合我😋📌呢碗拉麵我選擇咗唔要叉燒，所以碗麵只見到有雞胸肉，而我額外加咗一份雞胸肉🐔📌每碗湯底都係師傅即刻盡碗盡碗加熱煮滾，放湯落碗嘅時候會加一羹油🥄📌拉麵呈上嚟嘅時候我試飲咗一啖湯，但係因為d湯係熱辣辣所以我唔小心焫親條脷，建議大家食頭幾啖拉麵嘅時候吹一吹先😌📌呢碗拉麵的確好啱我，不過下次食嘅時候我會叫佢落少d油同將d拉麵煮硬少少(純粹我個人喜歡硬麵)😌…查看更多

平時經過來一燙都坐爆人+排隊，難得星期六5點幾經過見到舖面有位就即刻試食。試嘅菜式就係4餸+紅薯粉, 餸嘅種類同車仔麵大同小異, 多嘅係麻辣燙常見嘅餸, 例如萵荀。我揀咗萵荀,火雞腎,鵪鶉蛋同本地名物陳皮魚蛋。辣度揀微辣，因為第一次食唔了解辣嘅程度幾闊, 如果太辣我食唔到就會浪費晒成碗麵。落完單後等咗幾分鐘就發現前後左右嘅客都等緊食麵, 我下意識就望個廚房究竟發生咩事, 眼見有個男人背住樓面洗野, 我諗大約過咗10分鐘後個男人面向樓面,我就見到佢無戴口罩, 個口好似噴咗d煙出嚟, 但係我又聞唔到香煙嘅味, 我即時係度諗我係咪眼花, 隔咗一陣就發現佢開始煮麵+出面, 個一刻我有d後悔想cancel張單走人, 但係我又真係好想試, 所以就繼續等我個麵。上麵嘅時候會連埋個盤上, 諗住開餐嘅時候發現有個膠袋, 起初以為個膠袋係放口罩, 但係我已經放咗係我個私家口罩盒, 所以我無理到。碗麵一到就望下d餸齊唔齊, 點齊之後就開始食, 結果碗麵嘅味道無令我失望。食到半路聽到有職員同d客講叫佢地將d用完嘅紙巾垃圾放入個膠袋入面, 我即刻就覺得派膠袋呢個動作好細心, 因為可以減少職員收碗收盤時掂到d紙巾嘅機會。總括然而, 係尖沙咀食呢碗55蚊嘅麵性價比都高, 如果廚師煮麵時戴口罩就完美😌…查看更多

第一次嚟食lunch就揀五品料理，我揀3熱2冷組合，其中對汁煮蟹肉大根充滿期待。上菜後第一時間試白蘿蔔。首先，個白蘿蔔太大個太高，得對筷子嘅時候唔知點樣係個小碟上面切開個蘿蔔食。其次，望一望個白蘿蔔表面見到好多勁粗嘅纖維，再望埋成個蘿蔔嘅圓切面發現成個纖維圈，我食嘅時候成口都係渣！學整日本菜一定會學如何處理白蘿蔔食材，最重要係知道要點處理纖維部分，最簡單就好似食蘋果去皮嘅處理方法去白蘿蔔表面，我好失望婆婆咖啡屋居然無處理。反映白蘿蔔有渣後侍應叫我揀另一款熱菜作補償。如果你問我抵唔抵食，我會答唔抵食，但係五品料理始終少有係香港日本餐廳出現，我覺得可以一試。…查看更多

今日係大角咀分店買咗一件栗子千層蛋糕, 栗子忌廉味好奇怪, d忌廉好似加咗栗子香油, 食唔到任何栗子應該有既味道, 食完第一啖之後已經想放棄, 強烈建議店主改善栗子忌廉既質素。…查看更多

身為馬灣島民已經幫襯咗一條米線幾年，佢地服務一向麻麻，但米線既味道就好岩我。近排係舖頭見到新面孔，佢地既服務令我另眼相看。一直以來我點親酸辣米線都走九菜，今日竟然問我要唔要走蔥，幫襯咗咁多年都未試過俾人問，突然覺得佢地好細心，希望佢地既服務繼續keep住落去味道方面咁多年都keep到個水準, 魚腐係必點配料，不過今次因應營養師要求所以改叫墨魚丸同雞肉。墨魚丸口感唔厚實，不過墨魚味重。雞肉好嫩滑，應該係雞脾肉，食唔出被”la”過既口感。價錢方面，今次碗酸辣米線(雞肉+墨魚丸)+一碟菜心，總共68蚊。雖然有少少貴，但係呢碗係有質素既米線，所以我覺得ok…查看更多

係雲貴川食米線年資已經有6年了,每一次我都會點豬潤,雞肉小窩小線,第一次食既時候就愛上了,可能係因為佢夠酸,而我就係愛酸之人,食得好開胃,但係日子耐了,就發現味道都淡左,到後期我都要加酸菜or酸汁,兩者分別在於前者要加錢後者唔駛XD到早兩個星期係澳州返香港,特別走去食米線,發現佢地既米線有好濃既米香味,正正我就唔太鍾意呢一陣味,不過總括而言仍然好味,請大家多多支持.不過我今次食有個小發現,就係如果1pm左右食豬潤既時候,豬潤既調味料可能未入味,3pm左右去食就入味了,晚上去就更加唔駛講. …查看更多

食過兩次...好好食...我最鍾意佢既酸辣湯,好好味...龍井蝦仁都好好食~唔錯~果度既環境都好好~好值得去食^^…查看更多