or#Tm65662503's Profile

20:11 入座；20:23上菜；20:40問我有無嘢加；20:50 比張單我埋？夠竟有幾心急收工？10點閂門？星期五放工想舒舒服服食餐飯姐，食唔夠半個鐘就問仲有冇嘢食加，無嘢食加啊？服務好到唔洗你叫埋單呀，自動遞埋單埋你呀！唔講以為自己阻住佢翻枱😂😂😂 夠竟有幾心急要收檔？啲野食就麻麻地，都真係唔會再幫襯 🤮小籠包皮厚，啲薑絲切到勁粗；上海粗炒真係勁咸，仲要唔熱！本身想加多個甜品，但都驚會中伏😵😵屯門應該仲有好多上海野選擇，唔洗食呢間阻住佢哋收工😊…Read More

大概4點幾入座，買咗兩份下午茶，西多士全份同炸雞翼配西多士。合共$66 嚟到西多士勁咸，兩份都好咸，好難食入口，咸到基本上食一啖要飲一啖水，同店員表示份野好咸，店員只係話：好咸？之後無再理我哋，不了了之，另外一位店員聽到就係到話可能炸完雞翼啲鹽仲係啲油到，再用返個個油炸西多所以咪咸，其實咁關客人咩事？姐係你都知咁做會咸咗？但可能佢地廚房趕住收工（收5點），店員無幫我地作出任何退換，感覺好差！！！唔會再幫襯！…Read More

依加先知億利個邊開左間新日式便當外賣店🫣同事食過佢哋嘅刺身飯話唔錯喎！！所以決定lunch去試下本身想買刺身飯的，但見到門口寫住期間限定有慢煮牛筋肉飯，好似好吸引🤩🤩仲要好平，49蚊😱 已經比佢吸引左了。我自己再加埋溫泉蛋$5。total 都係50幾。個飯本身跟埋一枝野飲架，但我自己就轉加可樂。個飯超多粒牛筋肉，而且煮得好嫩滑一d都唔韌，牛味都幾香又唔蘇，d肉真係比得好多，夠哂食，呢個價錢真心抵。溫泉蛋唔洗講啦，撈飯好好食🤤🤤🤤…Read More

同朋友慶祝生日揀咗嚟呢到食韓國野，本身見到蟹油蟹好似好吸引，所以叫咗一隻一齊食，但嚟到入面應該未解夠冰，食落有啲冰喺到，之後只好留返最尾先食。另外叫咗個海鮮湯，天氣凍飲呢個就岩哂，正正常常無乜得別，等哋用咗呢個飯嚟撈蟹蓋食，超好味，啲羔加埋飯食真喺每啖都令人好滿足。另外都叫咗個牛肋骨，呢個好肥，食落唔重牛味，個人唔太推介。總括嚟講，最欣賞喺醬油蟹，除咗佢未融好冰就比我哋呢一點，隻蟹本身就做得幾好味嘅。…Read More

兩個人叫咗兩個一人餐。重慶酸辣粉同涼拌麵加腩肉同手撕雞，再另叫抄手。酸辣粉叫咗小辣，好香味，喺我鍾意嘅味道。個粉亦煮得剛剛好，面質唔會太硬又唔會太淋。小菜腩肉都好大碟，好抵食，兩個人食都爭啲食唔哂。另外抄手都好入味。朋友叫咗手撕雞，都喺好大碟。所以性價比好高，又大碟又好食。埋單好似都喺二百蚊內，又好味又抵食，會再同朋友嚟食啊。另外店入面嘅姐姐都好好人，提點我哋啲辣好辣，唔好試中辣住，話唔夠可以再加，好細心。…Read More