micko_eatathk的个人专页

朋友約我去食越北，對上一次黎已經係大約一年前。好記得當時個生牛肉湯河既湯底頗出色，甚有越南本土食既味道，湯底清甜又清澈。但今次黎到令我十分失望，湯底唔算十分清，有少許渾濁（唔係污糟）；味道尚濃，只能稱為牛肉湯而唔係牛清湯。牛油雞翼亦失望，以前食果陣，咬落去既時侯，牛油香味同雞油脂香味一齊爆發，十分香濃。但依家感覺只係加左薄粉漿黎炸嘅雞翼，牛油味幾乎消失，脆口程度亦不及以前。海蜇小食，海蜇爽口嘅，但醬汁略少，整體感覺淡口。越式滴漏咖啡☕️上菜個刻已經聞唔到以前既咖啡香，印象中以前滴完有杯一半以上既份量。但今日一試，只有半杯唔夠既量。（圖中顯示已經係就滴完既時候）順帶一提，飲個下都仍然聞唔到太多咖啡味。蝦頭膏海鮮湯河，湯底似海鮮湯酸辣版多於蝦膏湯底，味道還好。店家如果想以蝦頭膏既味做湯底既膽，感覺如果配有一兩隻蝦，可能湯既味道會「蝦」啲？最後，全程食飯都有隻烏蠅飛黎飛去陪伴住，員工望住都當睇唔到。我明白員工係果一刻可能無咩可以做到，但換檯應該係可行既（當時仲有好多空檯），點解唔埋黎問下我地呢。。。…查看更多

lunch 食咩好？見幾多好評就黎試試先梗係試佢個餐先啦！蒜蓉多士，無諗過係有真。蒜粒粒嘅多士，望落啲蒜係焗到金黃色，仍然有濃烈蒜香味，多士係厚仲要即焗，好味😋炒蛋唔係勁滑個種，仍保番少許蛋汁，不過不失啦。沙爹牛麵，我本身係叫沙爹牛米，不過黎左就由佢啦，麵質仍然彈牙，有口感仲有少少掛到湯底添！牛肉味同大部分茶餐廳差不多。凍檸檬茶，嗯。。。還好啦，茶味不算很濃，但勝在檸味十足。我會再黎，試埋佢其他野。…查看更多

咁多人俾梗係黎試啦！麵線好味，無加很多調味料，但稠嘅程度同台灣食差不多，可以一啖接一啖咁食。併盤勝在每樣都試下，滷水味略為淡，可能多人時間碼夠，不過份量都ok牛肉麵，湯底濃嘅，全部蘿蔔都無渣同入味，啲牛肉煮到好腍，麵條都有少少掛湯，份量黎講就好鬼大份，一個女仔一定食唔哂。鹽酥雞就比較失望，咬落去無預期個種脆卜卜嘅聲，粉漿都係薄嘅，不過入面嘅雞肉爭啲，唔係滑個種質地，調味方面可以落重手啲同埋無辣味可以加。…查看更多

蕃茄湯底要好味係好難，又要有蕃茄又不能太清又唔可以淨用茄膏帶出黎。睇到呢間話用60個蕃茄煲嘅蕃茄湯底，試下先。先講湯底，飲落有帶蕃茄蓉，仲有蕃茄肉添！芝see 菇牛上海麵加炒蛋芝士喺菇牛同上海麵中間菇牛另外煮嘅，菇味好濃烈，建議食個陣連埋麵一齊食，因為味道偏濃同微鹹。芝士一塊喺中間我以為會熔哂，只係熔左少少，芝味比我期待嘅少。炒蛋蛋味夠，同埋有輕輕蛋漿喺入面，我覺得生熟剛好，不是很滑那種。鮮氣逼人通粉麻香墨魚滑，無色但入口有一陣微微嘅麻香，勁足料，一舊墨魚滑等於出面兩舊，好抵食。蝦同鮑魚都好新鮮。炸紫菜墨魚丸：紫菜味不算濃，墨丸質感似龍蝦丸，都有墨魚味嘅…查看更多

今次主題係海鮮為主dinner buffet 。蟹已經有好多種：麵包蟹/長腳蟹/三點蟹等等值得一讚嘅係有專人夾俾你同埋唔會限你要幾多仲要每次都會同冰舖底，非常窩心。啲蟹腳好厚肉，平時一隻蟹腳頂多已經好少第二仲有肉食，呢款第三節都仍有少量蟹肉，新鮮嘅，甜嘅程度就視乎你好唔好彩啦麵包蟹好味。我太遲出擊，所以拎唔到啲蟹蓋食半邊龍蝦就每人每次半邊，鐘意食就要行多幾轉啦。呢個角度睇唔到，係勁多膏，不得了。我仲試埋青口，帶甜唔腥。小龍蝦就無試啦～冷盤又點少冷盤又點少得生蠔，今次係紐西蘭。睇落唔至好食，因為佢沖得好乾淨，唔單至係蠔殼，連少少海水味都無埋，食落竟然帶驚喜，有蠔嘅鮮甜，食埋第二隻連蠔嘅鐵銹味都出埋黎，每人每次限拎兩隻。今日係平日，所以唔駛等太耐，每轉都係7/8個人排。中間會有個限定時段有片皮鴨食，每人兩件，記住趁熱食，我太貪心去拎埋其他野所，凍左啲，片皮鴨無左脆嘅感覺。不過個醬好好食。刺身我覺得帶子同油甘魚最好食，三文魚一般味但勝在都帶度墊底同保持鮮味嘅。天婦羅無索索聲但都可接受。甜品corner值得一提，伯爵茶奶凍同白酒啫喱唔錯，好似成杯飲落去咁。…查看更多

佢重新裝修後第一次幫襯。餐牌唔同左，價格追番市價。光猛左好多。早餐竟然有黑松露炒蛋，唔駛諗就佢啦！先講飲品，茶走少甜。茶味相對比較淡，煉奶少甜黎講算多，不過我無全部攪勻，所以可接受。黑松露炒蛋：松露足夠令每啖蛋都有松露，咁嘅價錢份量無超多，炒蛋有蛋香，怕太生嘅呢個剛好蒜香多士：食落係即叫即知，未至於‘索索’聲但夠脆，蒜味濃茄牛通：色水好深嘅，有蕃茄喺上面，一般茄湯味無咩特別，牛肉味就無咩，只係覺得食緊舊肉，有薯仔嘅。…查看更多

黎左幾次東大街都食佢，今晚黎試試。開胃菜之選：比起平時出面食份量多好好，食極都仲有。平時只會夾哂啲鳳爪淨番之配菜。連埋紅蘿白同洋蔥一齊食有另一重風味。呢個辣度十足，只有少許甜味同酸味。鳳爪勝在夠凍，好耐之前喺第二間試過暖嘅（陰影面積極大）蒜蓉包鬆脆，係即叫即造。咖哩軟殼蟹。望落一啲蟹嘅踪影都見唔到，失望左一陣，食下食下，發現有至少兩隻軟殼蟹，好似食左好多咁。重點你隻軟殼蟹好厚肉，所以更加滿足。咖哩唔係辣個種，係帶甜嘅，所以唔食得辣嘅絕對要試一試。正正因為佢嘅甜，令蒜蓉包同佢非常夾，直情當醬咁搽上去食，好好味。食咁多間泰國菜從未叫過鹹肉炒菜類，今次就試炒椰菜苗。椰菜苗係新鮮嘅，如果再嫩啲就更好。至於鹹肉可能食唔慣，唔知正宗嘅鹹肉係咪都比較硬同柴，不過放入口仍帶油香，最後只可以遺棄。值得一提嘅係店員好有活力同笑容（戴住口罩都感受到）。每次上菜都會令人覺得好開心。好似上菜個時，先上蒜蓉包再上咖喱軟殼蟹個陣會話咖喱到左啦，呢個配蒜蓉包好味架（當時舖好多人，出面仲有客等緊位）！落單個陣亦無hard sell。仲要無加一。…查看更多

成日相機食先當然都要同你開心share 啦！食親泰國野只會諗起九龍城，今次終於唔駛去咁遠食泰國人主理嘅泰國菜啦！全舖少過10張枱，去到有心理準備要等一段時間，最近要去工聯會先有冷氣涼下。一睇門就知你無去錯啦青木瓜沙律：睇落以為無咩料到，食落有殺氣，只係食到少少辣嘅要有心理準備，不過非常開胃，食落‘索索’，好爽口。飯粒粒分明，食有菜粒嘅炒飯最怕啲菜踗哂，呢個嘅菜粒仍然爽身嘅，煮嘅時間剛剛好。以為無咩餸個陣，原來喺哂入面。…查看更多

本來下午一點已經食左個正式lunch，但素聞香港西區好多正野食，所以心血來潮想食多個「下午茶」去到暢和，見到係一間比較簡樸茶記風既鋪頭，有別一般麵檔會聞到陣陣鹼水味。本身未算好有期望，諗住食個豬雜米過下癮就算。點知呢個時侯俾我見到牆上貼咗一張印住藥膳醉雞，即刻心心眼落order！入正題。。。藥膳醉雞當歸味十足，而且酒味濃郁，相信酒既份量比坊間多，同時每一啖湯都飲到紅棗同圓肉帶黎既甜味。 藥味、酒味、甜味三者平衡得勁好，以味道黎講可以稱得上係最強藥膳醉雞。由於已經食咗lunch嘅關係，我食晒成碗米已經好飽，飽到胃痛嗰隻，但個湯真係非常之好飲，我都忍唔住一啖一啖咁飲落去，一路痛一路飲、一路痛一路飲。。。一句講晒，唔試你會後悔。至於豬雜米，相對地會比較失色，但都係好出色嘅，豬膶厚度同熟度剛好，喜歡食豬膶既人一定收貨；豬腰既尿騷味已經處理到最好；其他雜位都非常乾淨，配合清爽帶鮮既湯頭，作為下午茶十分合適。 （我本人係朋友果碗度每樣都食左啲，主力都係食番藥膳醉雞果邊）仲有杯紫薯奶茶，本來以為係噱頭嘢，點知佢味道同口感都混合得唔錯，成件事係好夾嘅，唔會有一方偏重咗而導致口味錯配，值得一試。…查看更多

同事生日黎呢間慶祝，湯係南瓜忌廉湯，好好味，不算很‘杰’那種，奶味不是很重。我好鐘意食薯條，特別係粗版薯條，佢做到皮仍然係脆嘅，薯仔味夠！如果呢個時候有肉醬芝士撈埋就好啦！主菜：青口好好味呀！個青口好鮮係腥味，可能因為海鮮關係，白汁相對平時食開嘅淡同稀，不過講配個洋蔥一齊食反而成個菜色清新左。份量剛好甚至對女仔黎講未必食得哂添，至少唔會令你有意猶未盡嘅感覺。會俾多個碗方便你放殼，不過啲座有啲窄，枱與枱之間好逼。…查看更多

辛苦完一個上晝，當然要食好少少。試左成日想食嘅黃金雞飯，包裝賣相幾簡潔。窩心設計，開蓋個陣唔會整污糟手。雞飯上面係酸嘅紅蘿蔔，偏食嘅我本身想夾去哂佢，見佢咁多，姑且試一條啦為免獲利回吐，連埋飯食應該好啲掛，竟然覺得幾好味。紅蘿蔔無出面食開個啲酸到盲都開眼。可能因為酸味，紅蘿蔔味好輕，反而覺得好食。個飯唔算好油，如果係想要泰國油飯，呢隻係另類選擇？配埋佢個source好食好多。雞好滑，雞味不算太重。…查看更多

太耐無出街覓食，趁住開番晚市，一定要支持下。今次試試佢外賣先！成日聽人講佢好好食，竟然係無食評。本身想試個威靈頓牛，晏晝三點已經訂哂，想試下記住早啲打去落單。因為太耐無食同好心急想食，唔記得影哂全部野食。今次叫左至愛parma ham 薄餅，上面竟然有火箭菜。pizza 芝士味好濃parma ham每塊pizza 都有，連埋火箭菜一齊更夾，中和左芝士嘅腬（漏）。仲叫左牛加薯蓉，薯蓉好滑，仲有芝士味添！因為我地叫外賣，煮5成熟，送到黎就變左6/7成，非常窩心！另外仲加左件鵝肝，盒面個塊就係，好。大，塊。鵝肝睇落去以為佢好靭，食落又唔係，肝味夠濃，不過唔係滑嘅質感。牛係薄切，一共三塊，仲要每塊都係對摺左。跟餐個湯都好好飲，估係南瓜甘荀湯。唔食甘荀嘅都覺得好味。水牛城雞翼有別坊間可能用辣椒粉/油去提高辣嘅度，佢喺一開如調配醬汁嘅時候，已經將辣味比例調得好，食個陣有辣嘅味道唔會太嗆。平時跟餐飲品都係普通野，檸水驚喜嘅係用新鮮檸檬，唔會因為放喺杯入面而令飲品變澀。…查看更多

午市開番堂食就即刻黎去食呢個巨型魚柳包！之前黎食無食唔哂，今次午餐唔食就過黎。食嘅時間姐姐喺度清潔以為要收舖，好在仲俾叫埋，又驚唔夠飽，所以加8蚊奄列。上碟一刻真無好震撼。份魚柳大到。。。唔單至魚柳，個奄列都舖滿左成個碟。首先當然試左杯茶走先啦。聞落茶香唔算強，不過飲完一啖之後仍然有茶味在口入面！奄列同出面茶記差不多，無特別！重頭戲：魚柳包：對我黎講沒有雪味嘅魚柳已經好好，配埋個千島醬汁幾好。佢仲有生菜同蕃茄喺入面添！…查看更多

呢度夜晚主要包場攪音樂會/分享會。原來lunch係有野食，當然要試一試佢。份量唔算好多，如果男仔食可能唔夠飽。個豬手配合洋蔥同芥辣蛋黃醬好味。為左方便食佢將豬手撕成一條條，平時食豬手總有少部分過硬或乾，呢個完全無硬或乾身。沙律個汁好好味。smoothie 好沙，飲落唔會有碎冰，無真沙冰。不過好快溶，飲到一半變左汁。如果平時飲沙冰好怕太凍呢絕對要試，藍莓味相對重，所以會帶微酸，鐘意酸嘅我會再encore 啦！…查看更多

午餐去食飯，分別揀咗酸菜魚同埋口水雞套餐。既然個店名都用酸菜魚作招徠，一定要試一試啦。酸菜魚辣勁十足，但酸味偏向似醋酸味。魚肉尚算新鮮，如果厚薄度比較一致，口感會更好。個人評分：7/10反而口水雞十分令我印象深刻，四個字形容曬，香、麻、鮮、辣！四種元素都十分平衡，層次感十足，每一啖都係享受。而且雞既份量都唔算少，仲有少許青瓜墊底吸晒啲精華，配多碗白飯黎食都仲得！個人評分：10/10此外，套餐飲品推薦揀酸梅湯，識食辣嘅你一定知點解要咁揀…查看更多