fxfxfh的个人专页

一直都知鰂魚涌怪獸大廈新開咗間coffe shop，主打嘅-86°C Dirty好出名❄️今次特登係15:30嘅時間嚟，諗住唔洗等咁耐，點知都係好多本地人+遊客慕名而来👥可見有幾咁出名，建議想試嘅大家要做好排隊嘅心理準備☕-86°C Dirty Coffee基本上人手一杯，因為確實幾有噱頭，店主會將杯雪凍至少12個鐘，杯身結滿雪霜🧊再即場倒入濃縮咖啡，建議40秒內飲完⏱️先感受到「溫差層次」：頭兩啖係超濃espresso，飲到中間會開始滲出奶味，變得厚滑，凍啡同暖奶嘅交融係幾過癮嘅🍦焦糖餅乾北海道8.0除咗咖啡，呢到仲有雪糕同窩夫等等嘅小食，見佢哋牛奶雪糕都出名，所以嗌咗其中一款試，質地好軟滑，奶味確實好濃厚🥛配埋焦糖餅乾真係幾滿足…查看更多

成日想搵間性價比高嘅片皮鴨，well今次誤打誤撞食到嘅金公館終於食到高質片皮鴨，比較有驚喜係除咗京菜，仲有川、滬菜，一次過滿足到唔到口味，價錢上都公道，2個人食5道菜，連加一人均都係$260左右，好很不錯👍🦆烤北京填鴨｜半隻完全因為個賣相而嗌✨因為平時出面嘅片皮鴨成日都連住好厚嘅肉，但呢款唔係，好四方整齊嘅薄脆鴨皮，睇得出師傅刀功好好🔪！用餅皮包住青瓜絲、甜麵醬、蔥絲，鴨油香超足～🍤椒鹽鮮魷即炸夠香口🔥外脆肉彈，唔會粉厚過魷魚，欣賞佢係一口大細，唔會食得狼狽👍🐷紅油豬耳夠爽脆💥紅油麻香平衡，唔會死辣🌶️撈埋蔥絲好開胃🍜四川擔擔麵湯底濃郁有花生香🥜肉碎夠酥，麵質偏淋，辣度偏溫和，嗜辣者可能要自行加辣🌶️➕🐦貢椒乳鴿見星期一至五做緊優惠價$38即嗌💰皮脆肉嫩夠入味，鹹香抵食～必叫✨…查看更多

喺中環士丹利街嘅一間商業大廈1樓，估唔到匿藏咗一間川味麵店，唔係地膽真係唔會知呢間舖，餐廳主打川味麵類同小食餐廳環境乾淨企理，自己剔紙落單好方便，可以自選麻度辣度，仲可以配搭唔同套餐，主食+飲品+小食/甜品都係$98，性價比算幾高，今次試咗幾款招牌菜式🍜瘋狂牛肉麵湯底揀咗小辣小麻，番茄湯底天然清甜，唔係罐頭味，飲到蕃茄嘅原味精華，揀咗小辣小麻，味道層次更加突出，牛肉份量足，煮得軟腍入味🥢瘋狂豌雜麵見係招牌推薦同話烹煮工程複雜，所以先揀，豌豆煮到起沙，雜醬肉碎鹹香惹味，撈勻每條麵都掛滿醬汁，感覺乾撈嘅風味更加濃郁，更適合偏好重口味人士🥟鐘水餃係一口size，餃子皮薄餡靚，豬肉餡鮮味十足。重點係特調嘅紅油汁，麻辣中帶甜，唔會太嗆喉，反而更加開胃🥒蒜泥青瓜青瓜爽脆，蒜泥香味突出，加咗少少辣椒油提味，麻辣清爽兼備，作為前菜或者解辣都好適合🍧成都老冰粉食完辣嘢食多個甜品啱啱好，冰粉口感滑溜，配上紅糖水、花生碎同提子乾，甜而不膩，冰涼解辣…查看更多

放工想食個快靚正又暖笠笠嘅鍋物，首選一定係壽喜燒🍲 行經見一汁一菜出咗冬季新品壽喜燒幾抵食，$79起就有一個set，食材豐富+足料，食極都仲有😂😂男仔都一定會飽嘅節奏，重點係個set仲配咗流心溫泉蛋，蛋香同壽喜燒汁完美融合，口感creamy到爆，襯埋白飯一齊食，幸福感即刻max另外都有好多唔同款嘅定食set🤌🏻有輕盈沙律、日式主食、咖喱，環境行木系風格坐得舒服，食起嘢嚟都chill 啲🙂‍↕️…查看更多

為咗就嚟上映嘅《尋秦記》電影，呢排翻煲翻劇集，搞到個人成日寡人前、寡人後，有舖古代癮嘅結果，就係搵間富有古色古香嘅餐廳，aka九龍坎麻辣火鍋食個飯過癮😂主要貪呢到真係好古典feel✨一秒回到古代，門口仲有古裝俾大家影相打卡，仲有正宗四川牛油紅鍋，好很不錯👍湯底揀咗鴛鴦鍋🥘一個係🌶️四川麻辣鍋（揀咗中辣），一上枱就聞到椒香，唔會死辣、富有麻香層次分明；另一個係🥥椰子雞湯，好清甜～食物方面有6款肉類任食、海鮮放題，肉類幾高質，海鮮都新鮮，尤其蝦好鮮甜，推薦～餐廳配菜選擇都好多元，要特別讚抽風系統做得唔錯，食完成身冇陣火鍋味，而且坐得舒服👏…查看更多

呢餐飯完全體驗到真正高性價比嘅OMAKASE，有，我地揀咗晚巿嘅「焰月」Menu，一共有20樣食品🍱包括先付、季節刺身、手握壽司、手捲、吸物、時令果物，人均都係$980/位，師傅會細心逐一介紹菜式同埋食法，每一款都食到主廚嘅心思👨‍🍳✨呢點值得讚，因為太多樣，以下揀選最印象深刻的幾款👇🦀蟹粉豆腐本身以為芝麻醬會好搶味，但完來唔會。入口的確係芝麻醬味，但慢慢啲蟹粉味逼晒出黎，到最後食到好香好鮮甜嘅蟹粉味，意外地非常好食。🐟拖羅三文治用蘋果木煙燻大拖羅配赤身，有煙燻味同油脂香之餘，帶兩種唔同口感，面頭仲有沙甸魚乾脆皮，整體不錯。🌊海膽手卷用嘅係北海道馬糞海膽，味道非常鮮甜，海膽份量都唔少，但手卷本身細個，唔係好夠喉🐟炸鮟鱇魚非常厚肉，魚味鮮甜，雖然咁形容唔係幾好但真係好似一個pro max版嘅魚柳包入面嘅魚柳🍚鮑魚乾醬飯鮑魚滑嫩，鮑魚肝醬香濃，撈飯食一流…查看更多

如果將陳奕迅嘅歌變成一杯酒，會係咩味道？ 二務所就同環球音樂特別聯乘，推出咗官方聯名陳奕迅《恐與夢》系列，將陳奕迅嘅旋律，釀成一杯杯能夠品嚐嘅故事因為幾有gimmick，所以特登嚟飲翻杯，最後發現呢到唔單止係一間酒吧，仲係一個用味覺重溫音樂嘅空間，成個系列一共8杯，酒精濃度各有不同，普遍好易入口🍸《我們萬歲》好濃嘅士多啤梨味同埋乳酪味，甜味足，0酒精感，非常容易入口，最啱我口味嘅一款🎡《幸福摩天輪》斑斕基底味的酒，面頭仲有一層紅豆泡沫，從賣相到味道都很不錯，平衡感很好，同樣非常容易入口💃《致明日的舞》第一次飲到花生味的酒，花生味好突出，但仔細品嚐可以試到香蕉奶的味，比起飲品更似甜品，都係非常易入口🌍《當這地球沒有花》第一次飲聖木Gin酒，因為鍾意木調所以好想試下，飲落香味足，酒精感較濃，係偏辛口嘅cocktail🍗單骨雞翼、🍟黑松露薯條黑松露醬味道不錯，夠香濃，比較鍾意佢地嘅胡椒鹽咸味足，香口同埋送酒～而家買《FEAR and DREAMS》itunes專輯，仲送「恐與夢」啤酒杯盲盒～…查看更多

鰂魚涌轉角位稍稍地開咗間cafe，早排收工經過見仲開門+有2人dinner menu，就坐底同🐻生撐下枱腳，環境確實好唔錯，有小小摩洛哥風情嘅vibe🌵二人餐438起，包餐湯+牛角包🥐、前菜+主菜X2+熱飲☕，另外仲可以加配甜品🍰🍳明太子醬玉子燒蛋層濕潤，明太子醬鹹香帶微辣，幾開胃🍝櫻花蝦日本海膽扁意粉海膽鮮甜，份量都多，意粉好掛汁，每一啖都係大海嘅精華🥩牛肝菌安格斯封門牛柳配開邊大蝦叫咗5成熟，但上枱發現肉仲係好紅，幾乎係rare🥹食落係軟嫩、肉味都濃，但熟度可以再掌握得精準啲就更好；另外仲有2隻開邊蝦同粗薯條，份量非常澎湃🍰開心果巴斯克芝士蛋糕店員分享開心果甜品係餐廳人氣之選，所以嗌嚟試下，糕體唔係軟心個種，但依然好絲滑，第一啖開心果味好濃，有粒粒果碎增加口感，但後勁有啲過甜😖可能因為面層仲有開心果醬，建議配茶食用💚開心果椰子奶蓋飲品嚟講，呢杯算有驚喜✨奶蓋綿密細滑，開心果味好出，配埋椰子水好清爽，飲落唔會太甜，好refreshing🍮法式焦糖燉蛋燕麥奶好得意嘅配搭，味道香濃，口感Creamy，燕麥奶飲落輕盈，唔會太滯…查看更多

去韓國旅行個陣最有驚喜係麵類，個種口感真係好獨特，而且每一間嘅味道都唔同🥹係香港想過下口癮唯有搵間味道正宗嘅韓國餐廳，見🥢自家製韓國刀削麵係香港等一間賣韓國刀削麵嘅餐廳，一於試下味道係咪正宗😤🍜牛骨湯刀削麵湯底鮮甜清淡，唔會味精味，飲完都唔會口渴✨麵底偏硬身、掛湯，如果熟度平均啲就perfect～牛展不錯，口感中等偏咬口。值得一提嘅係份量超多，成個碗底都係麵，78蚊一碗真係幾有誠意👍🏻🦀辣海鮮刀削麵湯底唔會好辣，有少少似辛辣麵隻味但唔會味精feel，有少少濃同埋杰身，湯底非常掛麵🙌🏻麵底比牛骨湯果隻麵底稍幼，同樣份量超多。海鮮有蝦，蟹、蜆、青口、魷魚，乜都有啲滿足感MAX☺️價錢稍貴，如考慮性價比推薦牛骨湯🥟雙拼餃子非常極之咁大隻餃，淨係食兩隻都差唔多飽了🤣菜肉餃味道不錯，皮厚薄均勻，帶煙韌口感，餡料係普通菜肉餡，王道的味道更中🐻生口味，小女子就更愛泡菜餃，少少辣、泡菜酸味唔會好重，肉碎份量都比較多…查看更多

天氣一涼就心郁郁想打邊爐😂日式丼飯專門店 丼丼屋推出咗冬季限定鍋物，睇menu望落都吸引，最平只係$78，仲可以自己揀湯底、肉類、主食、飲品，性價比會否太高🤣🍲雙滿足鍋物定食｜牛五花、豬五花俾個份量嚇親😂因為超大份，上菜果陣鋪滿晒個煲🤣食起嚟真係滿足感MAX～牛肉同豬肉都高質，食落好嫩滑；壽喜燒湯底微甜帶醬油味，同啲肉襯到一絕。重點係用咗瓦煲保溫，湯底同餸都熱辣辣，非常適合天氣凍食～🍗雞腿肉鍋物定食份量同樣超足料，雞腿肉好嫩滑，相比牛肉同豬肉煮嘅時間需要長少少，但絕對值得等待，因為好嫩滑好juicy🤤配菜同雙滿足鍋物定食一樣，有2-3款蔬菜、菇類、豆腐，值得一提嘅係烏冬個非常大份，食到超飽🤰🏻🥢各式炸物另外仲叫咗幾款睇落好吸引嘅小食：酥炸魷魚同雞軟骨都唔錯，咸香酥脆；南瓜薯餅足料，中間仲有忌廉餡，又邪惡又滿足…查看更多

原來銅鑼灣永光中心都幾多高質餐廳，繼之前食過sake bar同韓國餐廳，今次又俾小女子搵到間幾抵食嘅居酒屋🇯🇵門口裝飾比較低調，一打開門發現別有洞天，微暗燈光+古典日式裝潢好有feel，特登揀坐吧台位置，睇住師傅明火即席燒制串燒真係好享受🔥要讚下抽風系統真係做得好好，坐咁近完全聞唔到油煙味👍🏻食物方面牛種類多啲，內臟款式都多，星期六至四9PM-10:30PM仲有夜食限定，串燒抵至$15/串，仲要啤酒買一送一🍻好有誠意～💚芫荽牛肉卷#芫荽控 必點，芫荽味都幾重下，同牛肉好夾，食落香口🥩牛肋條Juicy多汁，相對有咬口🐮橫隔肌叫咗蒜蓉同Wasabi兩款口味，肉質比牛肋條更加嫩滑，送啤酒一流🦀三色甲羅燒將蟹肉蟹膏同埋蟹籽焗過之後，配上蝦片同埋紫菜包住嚟食，滿足度高🦐海老燒大隻新鮮，肉質彈牙，殼嘅調味都足夠🧀芝士翠肉瓜大推！加咗拉絲芝士同埋蛋黃醬嘅邪惡版本，同多汁嘅翠玉瓜好夾🍡燒丸子本身以為就咁一嚿麻糬，原來入邊係有芝麻餡嘅，所以其實類似燒湯圓🍙燒飯團有幾款口味，揀咗三文魚，雖然三文魚味唔算好突出，但係紫菜烤到脆卜卜，而且香味都出晒嚟，配埋飯團食好正🐚日本北寄貝估唔到串燒舖頭都有刺身食，食得出肉質新鮮，完全唔會腥🥗生野菜沙律有幾款蔬菜條，可以配佢哋自家製嘅麵豉醬食，可以幫助解膩，很不錯…查看更多

唔講唔知原來銅鑼灣新燒鳥店，最特別嘅地方係採用好多熟成食材，除咗日本仲會用本地食材，真係幾吸引🙂‍↕️餐廳環境好乾淨，枱櫈完全冇油膩感，仲分咗吧台區，可以望住師傅即席燒制，勁有feel!!🐦熟成特上鴿皇胸腿肉肉質郁身但好嫩滑，鍾意佢燒到脆皮爆汁🐮特上厚切牛舌芯厚切夠哂咬口，簡單鹽燒已經好惹味🐟日本產鰻白燒一定要趁熱食，因為魚皮勁脆🐷本地活豬玻璃肉肥瘦勻循，食落好香口唔會過膩！🦆生燒熟成合鴨胸特登燒至7成熟，肉心仲係粉紅色，好香鴨油香🍗三黃手羽元外皮完全係金黃脆皮，食落好juicy唔乾身🎃有機南瓜沙律幾有驚喜嘅一道冷盤！南瓜軟糯香甜，配埋洋蔥、木魚花味道好清新，食落幾解膩🍢日本雞胸軟骨爽脆 x 有咬口，一啲都唔柴🌶️XO醬櫻花蝦枝豆兩個字：好很惹味，送酒真係一流(˶‾᷄ ⁻̫ ‾᷅˵)🍻🍳日式唐揚豆腐絕對係必點菜式之一，油炸過嘅豆腐好香口，再索埋湯汁勁滋味🍜特濃花膠雞白湯烏冬#雞白湯 愛好者必試，湯底好濃厚，味道偏向清新雞湯味，飲落好鮮～🍂日本銀杏甘甜帶微苦，係傳統居酒屋風味…查看更多

同Friend子出銅鑼灣行街順便食晚飯，行經皇室堡見環境幾靚就入去食個set dinner，環境方面真係無得輸，水晶燈、噴水池、花佈景、青花瓷，歐陸風滿滿，每個位都好靚好精緻✨老實講本身諗住食環境多過食味道🫣點知有意外收穫！🥗羽衣甘藍凱撒沙律好大盤而且新鮮，食落非常爽脆🦞招牌龍蝦湯龍蝦味好濃郁，而且口感creamy，配湯嘅餐包亦唔頹，新鮮焗起好酥脆🍝燒珍寶大蝦蝦汁手工闊面隻蝦真係大隻，肉質彈牙，手工麵掛滿醬汁，食落滿足🥩炭燒8oz安格斯平鐵牛扒叫咗五成熟，切開仲係粉紅色又多汁，伴碟嘅焗薯都好軟糯，仲有sour cream係中間🍰巴斯克蛋糕芝士味濃唔會過甜，不過食得出啱啱係雪櫃拎出嚟，中心位未解凍透切，如果可以再掌握下回溫時間相信會更好…查看更多

本身都聽過LE-TA-SU 一人一鍋呢個火鍋專門店，因為係日本都好出名下🤣 前排仲喺圓方開咗第4間分店，可想而之係香港都好爆紅💥 今次就特登去咗銅鑼灣Times Square分店，店內裝修真係好靚🌸，每個座位都好闊落，坐得舒服所以整個用餐體驗都非常好～特別鍾意佢係一人一鍋日式邊爐，對i人非常友好🤣🍊清爽柑橘醬油出汁套餐（期間限定）湯底係酸甜得宜嘅柑橘醬油做基底🍊，另外配咗四季橘俾大家自己落，味道好清新💚（但小心唔好煮太耐否則四季橘嘅核會變苦⚠️）另外附送美國安格斯牛板腱同牛肩胛肉🥩，非常嫩滑同濃郁牛味，一咬成口油脂香🤤，配埋清爽湯底整體食用感好輕盈～🇯🇵LE-TA-SU 套餐套餐有蔬菜盛合🥬同3款不同肉：澳洲純種和牛牛板腱🐄、北海道十勝豬五花腩🐖、牛舌👅，牛肉、豬肉都好嫩滑，牛舌口感脆。湯底飲得出到用咗大量鰹魚花🐟，係非常濃厚嘅日本風味，用嚟配烏冬真係好一絕🍜！🍦日本乳酪味軟雪糕覺得係絕對唔可以錯過嘅甜品！口感creamy、乳酪味重🥛，整體酸爽但都帶甜，食落好似日本Calpis嘅乳酸味💫…查看更多

呢間小店嘅厚牛舌芯成功吸引到小女子，好遠已經聞到香味，憑住呢股香味決定試下佢哋嘅出品🤣🍳和牛關西燒一上枱已經聞到好香🤤餅皮薄身包裹和牛片，咬落去滿口和牛油脂香💦加埋表層醬汁同木魚花=邪惡級滋味😈🧂鹽燒牛舌芯目測只係簡單鹽燒，但非常突出到肉香✨口感爽脆彈牙🍄黑松露和牛牛丸一咬開即爆汁💦松露香同和牛肉汁勁出，完全係 #瀨尿牛丸 嘅即視感😂🌿和牛芫荽餃子煎餃皮薄脆底，內餡keep住好juicy，芫荽味反而冇特別濃烈🍢壽喜燒金菇和牛卷和牛薄片裹住金菇，再配上壽喜燒汁輕燒🔥，牛肉油脂滲晒入金菇…查看更多