ccherin的个人专页

係旺角搵到呢間平靚正既餐廳食日本野✨鹽燒多春魚燒到脆卜卜，連骨食，鹹香帶焦香，魚春多到一咬爆晒出嚙，係送酒一流嘅小食。日本生蠔來自日本嘅蠔，肉質肥厚，海水味濃得嚟帶堅果或奶香嘅餘韻，口感Creamy。啪唧一聲啜落去，滿口鮮甜海水，係高級貨式。$78兩隻，叫半打仲有優惠價鹽燒三文魚鰭魚鰭位最肥，皮下脂肪超豐富。鹽燒到魚皮金黃香脆，似食緊魚油脆片，入面嘅肉好滑。三文魚蟹籽飯醋飯底鋪滿三文魚粒同爆汁蟹籽，加啲沙律醬。每啖都有魚生軟滑、蟹籽脆卜卜同醋飯微酸，口感同味道都好豐富，飽肚又滿足。三文魚海膽飯海膽味道濃郁，鮮甜帶海水味，質感似奶油咁滑。配清淡嘅三文魚粒同醋飯，正好平衡返。成張單由鮮甜（生蠔、海膽）到濃味（燒物、飯）都有，口感同味道層次好豐富，性價比高…查看更多

今晚同朋友喺大圍食串燒，間店氣氛幾好，坐得舒服。兩個人叫咗成枱嘢，樣樣都幾有驚喜！五花腩絕對係MVP，燒到金黃香脆，但一啲都唔乾，咬落去仲有肉汁爆出嚟，超正！新品魷魚🦑串一定要試，口感爽脆彈牙，調味香辣過癮，食到停唔到口。奧爾良雞肉串醃得好入味，肉質好滑錫紙花甲粉好有心思，上枱熱辣辣，花甲鮮甜無沙，粉絲索滿微微辣嘅湯汁，好食！雞全翼燒得啱啱好，外皮香脆，裡面肉嫩多汁。特級肥牛炒烏冬鑊氣十足，肥牛份量足，烏冬炒得好香，夠晒飽肚。其他串燒都好出色，台灣腸同墨魚丸係穩陣好味，秋葵同魚腐燒得保持到口感，雞軟骨香口有嚼勁，連午餐肉都燒得外脆內軟。整體來講，款式多，環境舒服，好適合同朋友一邊傾偈一邊享受串燒同啤酒！會再嚟幫襯，試埋其他海鮮！…查看更多

網購咗派對小食盒，但係同一款腸仔酥size可以差咁遠⋯真係有啲失望！Qc 可唔可以做得足啲？😖同埋啲數類超級油。成張牛油紙都已經濕到透哂，食完要飲好多熱水同埋熱茶，所以我唔係太鍾意網購俾咗錢先拎貨！但係無奈呢一款小食盒只係可以網購！…查看更多

今日去咗啟德體育園入面間越南餐廳🇻🇳，環境幾闊落，坐得舒服☺️。叫咗個2人套餐（$208）👥，份量都幾多下。生牛肉湯粉🍜個湯底好清甜，牛肉片薄切，浸一浸就熟，口感嫩滑。香茅豬扒煎得香口🔥，肉質唔韌，配埋撈檬個酸汁好開胃。安南米卷🌯皮薄餡多，入面啲蝦🦐同香葉好夾，點少少魚露已經好夠味。時蔬就係清炒菜心🥬另外加咗越式香茅雞翼🍗，有四件，外皮脆脆地，雞肉juicy💦，香茅味都幾出！飲品試咗椰汁珍多冰🥥，椰汁味濃，綠粉條幾有咬口；青檸梳打就比較fresh紫糯米花果乳酪🍯係驚喜！乳酪唔會太酸，紫糯米煙韌，加埋生果粒🍓同花蜜，口感好豐富✨。整體來講，食物質素唔錯，價錢合理💰，尤其香茅豬扒、雞翼同生牛河值得encore👍。服務都幾好，店員有禮貌🙏。如果行開啟德，呢間可以一試！…查看更多

呢間舖頭環境充滿懷舊味道，好有特色。一枱一凳都充滿兒時回憶☺️我叫咗糖心蛋豬軟骨意粉，豬軟骨夠淋好入味，糖心蛋有滷過🍳😍醬汁撈埋意粉出奇地夾！跟住黑椒雞扒烏冬，雞扒外脆內嫩，黑椒汁辣中帶甜，烏冬掛汁，食唔停口。😙😙小食XO醬煎腸粉係亮點！✨👏🏻腸粉mix XO醬煎邊脆口，👍🏼味道濃郁，份量剛好當小食100分。👍🏼甜品多金芒爆珠楊枝甘露🤩超推！！西米口感好特別，好有咬口，而且芒果肉好多，甜度適中～飲品紅豆絲襪奶茶，好順滑，紅豆香氣融入茶味，唔會太甜，😊而且好香茶味。整體菜式環境都特別，其他地方都比較少見到，仲可以由主食一路直落到食甜品！🙌🏻而且價格親民，十分推薦大家嚟試吓！！…查看更多

九町屋喺深水埗東京街，位置都幾易搵，就係長沙灣a1出口，一出就係 😂地點方便！今次叫咗幾款嘢食，街坊價錢，份量都夠飽肚。首先試咗雞軟骨小丸子串，一串兩粒，咬落去脆脆地，雞軟骨口感好正，唔會太硬，調味啱啱好，唔會太鹹，作為小食好開胃！✨照燒雞扒係另一款驚喜，雞皮煎到微微脆，雞肉嫩滑又多汁，照燒汁甜甜地，好入味，😘送飯一流。如果鍾意食濃味啲，呢個絕對唔會失望。香煎牛板腱定食跟咗飲品，😊我揀咗百香果綠茶，飲落清新解膩，百香果味突出。牛板腱煎得剛好，肉質軟腍，唔會韌，配埋多飯真係好滿足。定食仲跟咗湯同前菜，性價比高！👏🏻溫泉蛋燒肉片唔錯，燒肉片薄切，😍肥瘦適中，撈埋溫泉蛋同醬汁，撈飯真係無得頂。叫咗多飯，果然清晒！👏🏻…查看更多

叫咗個招牌英國威靈頓牛柳揀咗五成熟，切開見到粉嫩肉色，外面層酥皮焗得金黃香脆，入面個層有鵝肝醬，牛柳肉質超軟腍，仲keep到肉汁，超高質👏🏻👏🏻跟餐嘅酥皮忌廉湯都好正，😆上枱時熱辣辣，個酥皮焗到金黃色，脹卜卜好似頂帽仔咁蓋住個湯碗。湯底濃郁，酥皮酥脆👍🏼酥皮嘅牛油香同忌廉湯嘅滑溜一齊爆發，簡直係絕配！浸一浸湯食更加正！如果鍾意飲西湯嘅朋友，呢個酥皮忌廉湯絕對係必點之選✨德國蜜糖芥末燒豬手，份量十足！豬手外皮燒到脆卜卜，咬落去「咔」一聲，入面嘅肉卻係嫩滑多汁，蜜糖芥末醬甜甜地😋飲品方面，叫左凍檸檬茶同凍檸檬水，用蜜糖調味真係好正🥰。以呢個質素同份量嚟講，真係十分之好！下次再黎🤗…查看更多

今日同朋友去咗灣仔MUM MUM THAI試吓泰國菜，餐廳環境乾淨，座位舒服，食物幾有驚喜！❤️頭盤個青木瓜沙律好開胃，酸甜爽口，小小辣，好地道。😍跟住個泰式炒河粉！真心要讚😋😋我可以話佢係我喺香港食過最好食嘅✨✨！河粉炒得乾身又夠鑊氣，每條都均勻咁沾滿咗甜甜哋嘅醬汁，入口軟糯得嚟帶微微煙韌，仲有雞肉好嫩滑，整體味道平衡得啱啱好，唔會太甜亦完全唔油，真係食到停唔到口！必叫！😍串燒雞肉有三串，有兩個汁提供，海鮮酸汁好惹味，另外仲有個少少辣嘅汁；肉質燒得啱啱好，唔會乾爭爭。😙香蒜肉碎炒蛋🍳，蛋炒得滑溜，同蒜香肉碎撈勻嚟食，超級送飯！😝飲品方面，泰式綠奶茶茶味濃又唔會太甜，凍飲好解膩；青檸梳打就清新啲，有泰國風味！甜品試咗橙皮朱古力雪糕🍧味道有啲特別，橙皮清香同朱古力幾夾，再有啲脆餅碎做點綴，口感up 🆙 ！服務好，員工態度友善❤️ 仲有真泰國人！真係好正宗啊👏🏻為咗呢碟咁高質嘅泰式河粉，我已經諗定下次幾時再黎！…查看更多

喺佐敦有間「霜月居酒屋」，坐喺永安隔籬嗰條街，兩個人一路飲酒一路傾偈一路食🤗特選壽司盛-月，有成10款咁多，有勁正嘅大拖羅同中拖羅，入口即化；鰹魚同油甘魚魚味好濃；仲有兩款白身魚，清清哋幾好味。最驚喜係有牡丹蝦，鮮甜到不得了；帶子大大粒，海膽甘香唔腥，三文魚子爆汁咁滯。每件壽司都握得恰到好處，飯唔易散，魚生新鮮一啖一件，哇，滿足到唔識形容！我哋仲叫咗支「伯樂星」清酒嚟襯，好順喉，唔會好嗆，同壽司夾到絕。法國生蠔，必叫！仲買4送2😗蠔肉飽滿，一入口係陣陣海水鮮味，帶少少甜味，真係鮮到彈牙！餐廳仲做緊優惠，follow 社交平台就送啤酒一杯🫡間店個氣氛好好，好有日本居酒屋feel，暗暗哋幾有格調，同朋友傾偈一流👏🏻侍應都好友善。😊…查看更多

今日同朋友去咗一喜車仔麵，尖沙咀慶方落扶手電梯直行到尾轉右就係～🫡我哋嗌咗自選車仔麵，湯底揀咗佢哋嘅麻辣湯底+咖喱汁🤗咖喱汁好濃郁；而個麻辣湯底就真係不得了，麻得嚟又唔會太辣，香味好出，真係出面未食過咁正嘅味道！配料方面落足重本，黑椒牛丸咬落好彈牙，黑椒味好香；滷水糖心蛋煮得啱啱好，蛋黃流心，正！牛腩係必點，炆得夠淋又入味，啖啖肉好滿足；生炸雞扒大大塊，外皮脆口，肉質又唔會鞋。仲有佢哋嘅辣菜脯，係自己炒嘅，唔係出面買現成嗰啲，食落特別香口，加落碗麵度即刻提升咗成個層次！不過今次最令我印象深刻嘅係佢哋嘅銀針粉+雞湯！真係好好食啊～口感滑溜又彈牙，索晒啲湯汁，一啖接一啖咁食，完全停唔到口。一定要試吓加銀針粉，保證唔會失望！小食都相當出色！生菜魚肉好足料，魚肉好滑，湯底清甜，生菜又爽脆瑞士汁雞翼超香甜入味，真係忍唔住連汁都撈埋！仲有港式風味咖喱魚蛋，咖喱香濃帶少少辣，魚蛋彈牙，係正宗嘅香港風味…查看更多

今日晏晝去咗 大西洋火鍋，真心高質到嚇親😆🫕。我哋揀咗 鴛鴦鍋，一邊係濃郁嘅 花膠雞湯，膠質厚又甜；另一邊係超惹味嘅 重慶麻辣牛油鍋，香麻帶辣，一開煲就聞到牛油香撲面而來🔥。海鮮係今餐嘅最大亮點！🦞🦀🦪佢哋啲海鮮真係生猛到會郁嗰種，大閘蟹上枱仲係好新鮮，拆出嚟嘅蟹膏勁香；鮑魚爽口彈牙；生蠔又滑又鮮，完全冇腥味；大頭蝦仲要好甜，蝦頭仲可以落湯慢慢煮，啲蝦膏溶咗入湯，正到不得了🤤。除咗海鮮，肉類都超高質！🥩 安格斯牛板腱 嫩滑有肉香，厚薄適中，無論落麻辣定花膠雞都好味到爆🥩 牛胸油 落麻辣鍋超香，食到會上癮🐷 西班牙五花腩片 肥瘦分明，落花膠雞湯煮到滑到飛起，麻辣鍋又帶另一種香辣油脂味，兩邊都好食。另外，佢哋嘅 椰皇 真心正🥥❤️，椰香濃郁又清甜，飲一啖即刻解膩，完全係火鍋恩物。仲有重頭戲之一——榴槤！D24香濃軟糯，食完火鍋再食榴槤真係爽…查看更多

呢間餐廳真心有驚喜！ 😋性價比高！日本和牛150g油脂分布好靚，入口即化嘅感覺真係無得頂～🥩✨仲可以免費升級蟹黃飯添！頂级燒豚肉五花腩賣相好吸引，燒到個皮香脆同五花肉嘅油脂香完美結合，食落鹹香惹味～🔥 配埋個滑蛋包飯，個蛋滑到不得了，撈飯食真係一流！🍳💛兩杯飲品都好正，愛玉芒果奶昔香甜勁濃郁，仲食到爽滑愛玉～🥭🧋；百香果綠茶酸甜清新，好解膩！🍹煙三文魚沙律新鮮爽脆，三文魚煙燻味夠香，做前菜好開胃～🥗😍特別要讚個紫菜飯，飯粒分明加上紫菜香，同和牛好夾！👌 價錢係中環地段黎講真係好平，但食物質素真係不錯！服務同環境都唔錯，仲好貼心會俾埋一人一條圍裙！值得同朋友再encore！👏✨…查看更多

泰式菠蘿炒飯真係好有驚喜，炒飯乾身唔油膩，飯粒分明得嚟每粒都沾滿咖喱粉嘅香氣。有唔同層次嘅口感，食落好有滿足感！豬頸肉炒飯嘅豬頸肉絕對係亮點！有肉汁同嫩滑。個炒飯用咗少少魚露調味，鹹香得嚟好惹味，仲有鑊氣，好有泰國街頭風味。香葉辣椒炒牛柳粒，香葉同辣椒嘅配搭好霸道，入口先係香葉嘅獨特香氣，跟住辣味先慢慢滲出嚟，好過癮！木瓜絲炒律嘅醬汁調得好平衡，酸、甜、鹹、辣四味俱全，仲落咗少少花生碎同車厘茄，增加咗口感。木瓜絲切得好幼細，索盡醬汁，清新得嚟又好醒胃。龍眼冰唔會死甜，飲到龍眼肉嘅天然甜味，仲有好多龍眼肉可以食，好足料。泰式黑咖啡味道濃烈，帶少少炭燒嘅苦澀，飲完個口會有回甘，好地道嘅泰式風味。…查看更多

😋我哋叫咗兩款意粉：冬蔭公鳳尾蝦意粉🦐同麻辣牛肉忌廉汁意粉🥩🔥，再配埋飲品：玫瑰咖啡🌹☕️同芋頭鮮奶🧋，味道又特別又有驚喜！先講返冬蔭公鳳尾蝦意粉～一上枱已經聞到濃濃嘅香茅味🍋🌶️，湯底酸辣平衡得啱啱好，唔會太重口味。意粉煮得彈牙，每一啖都係滿滿冬蔭公風味！蝦隻隻新鮮又爽口🦐，配埋啲香菜更加開胃，食到成個泰式風情滿滿🇹🇭✨。至於麻辣牛肉忌廉汁意粉就係另一種享受～忌廉汁香滑濃厚，加上花椒麻香撲鼻，一啖落去又辣又香🔥。牛肉片切得薄但唔鞋口，吸滿忌廉同麻辣香氣，層次感豐富！意粉滑溜帶勁，食落又有少少辣勁令人上癮🤤飲品方面，玫瑰咖啡真係意外咁好飲🌹☕️～香氣細膩，入口有淡淡花香同微微甜味，唔苦唔膩。芋頭鮮奶🧋香濃綿滑，飲落有真芋頭味，唔係人工香精嗰種，配返麻辣意粉啱啱好中和辣勁😌。冬蔭公酸辣開胃、麻辣牛肉濃郁惹味、飲品又高質～無論你鍾意泰式定中式fusion，呢度都一定啱食！😋🍝🔥…查看更多

今日同朋友行開旺角，見到山東街有間幾得意嘅茶飲店，就去試下。店員態度都幾好，仲推薦飲品比我地！所以好快就落咗單😝我叫咗杯招牌茶走，可以揀少冰扣底，茶底幾香滑，奶同茶嘅比例啱啱好，唔會太甜，飲落好順喉，少冰嘅設定亦都唔會沖淡茶味，幾正！朋友就叫咗杯白桃烏龍，同樣少冰扣底，土佢話白桃味好出，好清新，同烏龍茶好夾，飲完成個人好refresh🤗另外我哋仲share咗件原味藍莓巴斯克蛋糕，40蚊。件蛋糕好濃郁，芝士味好香，面頭嘅藍莓醬帶少少酸，平衡返成件蛋糕嘅味道，唔會太膩，口感好滑，仲有流心👍🏼真係值得一試！總共消費91蚊🧋，呢間店嘅飲品同蛋糕都幾高質，價錢合理，位置又就腳🤭…查看更多