環境舒服寧靜，剛入到餐廳先至嚟落大雨，感恩上天待我不薄。
1
4
餐牌有中有西式選擇
麵包好脆，左邊番茄牛油，好食過右邊個舊。
生蠔海水味比較重嘅，加咗少少檸檬汁更加提鮮味，但美中不足係其中一隻有啲沙。
薄切牛仔柳
生牛肉有兩種芝士，嗰啲生牛肉食落口係好軟熟同埋冇一啲血腥味呀！配合一片片黑松露更加帶出咗肉嘅鮮味。 整個配搭得宜。
米紙卷
米紙卷入面有牛油果同青瓜絲，已經感覺好清新，入口感覺一致，紅菜頭粒有少少酸甜味道， 好味！輕輕切開米紙卷會覺得米紙卷有少少煙韌， 配埋面頭嘅三文魚同埋黑芝麻覺得好香。
香草西冷牛扒
呢個係比較失望嘅，因為牛肉煮得太熟，如果上面有層好似唔知係酥皮定一啲菠菜碎嘅物體包住，比較古古怪怪。
香煎匈牙利鴨胸
鴨胸完全冇韌嘅感覺，煮得恰到好處，只略嫌佢少肥，唔敢全部擺曬入口，伴菜甜美。
再有兩款小甜品
馬卡龍唔會甜，檸檬撻檸檬好出，酥皮脆。
綠茶蛋糕
綠茶蛋糕上有芝麻味，味道都幾特別，不過側邊嗰舊綠茶雪糕嘅綠茶味太過濃喇!有啲苦澀。
1
焦糖朱古力撻有焦糖味一啲都唔甜又唔會太膩，配咗熱情果醬，味道獨特，餅底都幾脆，側邊兩片朱古力片，有食緊麥提莎嘅感覺。
餐茶每位+$30
臨走嘅時候，經理仲同我哋講每兩個星期轉一次餐牌。
