影片
29-6-2025（Sun）朝，同老公喺翠华食完普通早餐后，就趁冇落雨，快快行去氹仔旧城区买手信，中途见到啲食肆都睇吓有咩轻食，嚟到呢间，见到啲嘢都好有特色，葡挞，猪扒包都有多种，又有特别嘅雪糕口味，又有鸡扒包，雪糕泡芙，多种饮品，琳瑯满目，有选择困难症嘅我，真系死得。原本睇中榴梿麻糬挞，但冇，因为已经唔系榴梿季节，老公就拣咗MOP46.00嘅雪糕泡芙，雪糕要豆浆味。咁我就拣MOP39.00嘅千层酥皮开心果蛋挞。见佢哋有凳，于是问可唔可以坐喺喥食？店员答可以。咁就坐低啦，首先豆浆味雪糕泡芙到嚟，见到系两个细嘅，唔系我哋想像，一个大大个。一食，豆浆味雪糕味道好够浓，唔太甜，泡芙皮嘅牛油唔够，亦唔够酥，有啲失望。3.8分而千层酥皮开心果蛋挞呢？都等咗一阵至有，呢个唔系好细个，食落，千层酥皮同样系唔够牛油，口感同味道就差咗，而个馅呢？开心果味道都正常嘅，而佢系淋喺葡挞上面，开心果浆都流𡁵出嚟，味道够，蛋浆本身唔太甜，一般。老公话上次四喜嘅好味啲（食评系2025年6月18日刊登嘅呢篇：https://www.openrice.com/zh/hongkong/review/y-%E5%A4%9A%E9%96%8B%E5%BF%83%E6%9E%9C%E5%91%B3%E7%94%A2%E5%93%81-e6089675）。3.8分
继续阅读
您可能会有兴趣的...