美麗華餐廳

澳門路環葡國菜🇲🇴📍美麗華餐廳今次去咗美麗華試咗幾款大路環人氣菜式，真係超級好味，推介比大家！🦪 廚師炒蜆（MOP 238）（9/10）  份量十足，蜆肉新鮮飽滿，醬汁惹味，每一隻蜆都掛滿香濃蒜蓉同香草味，完全冇沙，好乾淨。配埋麵包一齊點醬食，唔會漏晒咁正嘅精華。🥩 燒全條牛肋骨配薯條沙律（MOP 330） （9/10）  牛肋骨份量好大條，肉質夠嫩，燒得入味但唔會過鹹，啖啖肉非常滿足。薯條偏幼細，炸得香脆，好有驚喜！🍹 Red Sangria（MOP 70） （8/10）  一開始酒味好濃，之後等啲冰融咗啱啱好，好香水果味又清新。🍍 Pina Colada（MOP 68） （7/10）  椰香同菠蘿味平衡得好好，飲落順滑，有熱帶feel，夏天飲一流！🌟 總結  美麗華真係路環必試餐廳，無論係海鮮定牛肋骨，味道水準高，價錢合理，每個菜式份量都超大！！！強烈建議一家大細一齊去，下次再去澳門一定會再encore！…查看更多

今日跟朋友去澳門，食咗呢間正宗葡國菜，雖然位置係有啲偏遠，但水準高，好值得嚟試吓！⭐️廚師炒蜆 238Mop見到幾乎每台都有點，一上碟好大份！佢個汁超濃郁，超惹味（好重奶油味但又唔會膩），點包食超正！而且蜆嘅份量好多，無沙，每隻都掛到汁🤤⭐️燒全條牛肋骨伴薯條、沙律 330Mop份量又係超多！今次叫咗5成熟，食落牛味好濃郁，而且口感啱啱好，唔會好韌，雖然只係簡單調味，但已經好足夠！配埋伴碟啱啱出爐嘅薯條，一流！⭐️燒鱸魚 248Mop鱸魚大大條，表皮燒得香脆，肉質都算軟嫩，伴碟仲有好大舊嘅紅蘿蔔同埋薯仔😂一定飽！⭐️炸馬介休球 98mop我第一次食馬介休球😗原來佢係炸魚肉，好似食緊魚柳包嘅魚柳咁，幾香口，唔錯👍🏻📍美麗華餐廳 (黑沙海灘)黑沙海灘黑沙馬路…查看更多

趁朋友開車到黑沙海灘兜風，午餐決定試試在地開業多年的「美麗華葡國餐廳」。據說不少澳門朋友都推薦這裏的傳統葡菜。餐廳分室內與半露天兩區，藍白屋頂、格仔桌布、救生圈裝飾，滿滿海邊小酒館感覺。侍應全程以葡英粵三語穿梭，換碟添水手腳俐落，態度親切。我們兩個點了：‧ 蒜蓉包：麵包即烘即上，邊位微焦，蒜茸與橄欖油滲滿孔隙，外脆內鬆。‧ 招牌炒蜆：蜆肉肥美，白酒奶油汁加入芫荽及蒜粒，味道層次豐富；建議保留多點汁拌麵包。‧ 葡式燒乳豬：外皮烤得焦糖色，一咬喀嚓作響；豬肉依然保持水份，配以黑椒肉汁及炸薯條，份量足兩人分享。以黑沙景區而言屬中價，但食材新鮮、味道到位，加上海風與度假氛圍，性價比不錯。想遠離市區人潮，慢慢嘆正宗葡國菜，美麗華值得一訪。…查看更多

雖然地方位置比較遠 偏僻 但搭巴士都去到 冇想像中遠 。但真係好多人 我地都係有預先打電話book位廚師炒蜆 炒蜆差不多枱枱叫 非常大碟 勁多蜆 冇沙但size比較細可能不是季節 不過醬汁幾creamy 蒜蓉包 好多蒜蓉 好香 焗得脆 有8大塊 炸馬介休球 馬介休球好大粒 都脆 但略嫌吾夠香 比較多薯仔較少馬介休肉 燒八爪魚 一樣份量大 有炭燒嘅香味 每條八爪魚都大條幾軟淋。葡式燒乳豬 葡式燒乳豬每舊都大大舊 肉質非常滑嫩 豬皮少少脆口 又吾會有豬味 不錯…查看更多

次次嚟到澳門都想返嚟食，佢個廚師炒蜆真係好好食，今次星期六晚去到，真係full House，大家記得要預先訂位，最推介都係廚師炒蜆，幾乎每台都有點，佢個汁真係無敵好食，又濃厚又惹味，點包食一流，仲有好大碟，真係兩個人未必食得晒，另外嗌咗個八爪魚沙律同埋馬介休球，冇咩特別，沙律比較酸同埋多橄欖洋蔥。嘢飲嗌咗white sangria，幾好飲！因為所有食物份量都好大，我哋兩個人食到好飽好飽。廚師炒蜆真係好好食！馬介休球八爪魚沙律，個汁係醋汁，比較酸同埋多洋蔥同橄欖，仲有少少生菜坐室外個環境都好好，好有氣氛，而家又唔算太熱太凍，溫度啱啱好！OpenRice令我俾唔到五星好評，只能比一般，冇辦法～…查看更多

見到呢度comment幾好，一直都未試過，所以今次去咗。叫咗蜆，蒜蓉包，沙甸魚，牛肋骨，仲有馬介休球。先講咗好食嘅：-蜆加蒜蓉包👍🏻👍🏻👍🏻👍🏻👍🏻蜆夠多汁，惹味，蒜蓉包脆身味濃，點蜆汁一流。中規中矩：-沙甸魚，冇乜特別。不推介：-燒全條牛肋條 👎🏻👎🏻👎🏻，梳打粉牛肉，非常失望，可以不叫。-馬介休球，魚肉不多，好像薯仔球。環境OK，有氣氛。…查看更多

在一個平日的日子去到這個餐廳，沒有很多人，很快就可以入座，但是～～非常失望。1 已經不是客滿，上菜時間極慢，每一盤端上來的時候已經是和暖。2 味道偏鹹，可以說是重口味。3 要求一個小小的牙籤，重複又重複問不同的人才拿得到。請問為什麼會推薦這一間？👎👎👎在澳門要吃好的葡國菜真的很容易，隨便說海灣已經被它好得多，如果要特別一點可以去海軍俱樂部，容易入口一點可以去佛笑樓，正宗啲可以去舊葡京嘅葡國餐廳。一定不是這間🥶🥶🥶…查看更多

Consistently good quality food and friendly service. It’s becoming harder and harder to find quality cooking and fair prices in Macau for Macanese/ Portugese cuisine.Miramar has had always been a special meal for us when we visit regularly from Hong Kong.The caldo verde spinach soup, clams in white wine, crispy skinned pork, garlic bread, garlic prawns, cod fish balls, tripe with chorizo stew and curry crab really hit the spot.Reservations are a must. And request to sit outside to enjoy the sea breezes. don’t like the and dreadful tv inside the aircon dining room and I think the toilets need to be made more attractive and hygienic. …查看更多

For our final night on the island before heading home to GZ, the girlfriend fancies a western meal with beach front views. Jokes on her because by the time we got to Miramar it is pitch black and no beach views except the soft melodic sound of gentle waves. But, more jokes on her, because once we sat down, the decibel levels from other patrons pretty much drowned out whatever sound the melodic waves made. We were seated immediately and service was quick & efficient. The girlfriend ordered chef’s style clams & garlic shrimp, both were sauce heavy dishes. My only suggestion was no carbs. The dishes were delicious, with the chef’s clams being larger portion than expected. The garlic shrimp’s portion was consistent with what we are used to. …查看更多

美麗華餐廳  𝕄𝕚𝕣𝕒𝕞𝕒𝕣 ℝ𝕖𝕤𝕥𝕒𝕦𝕣𝕒𝕟𝕥🇲🇴澳門葡國菜餐廳 地點雖然比較偏僻不過咁啱喺我哋住嘅鷺環海天度假酒店隔離 夜晚過去食個晚飯再返酒店夠晒方便😁餐廳設有室外同室內座位 我哋夜晚去無訂位所以得室外位置 景色漆黑一片不過有啲海風同海浪聲都幾浪漫嘅😂如果想睇海景或者想坐室內建議大家先訂位或者選擇晏晝食午餐🍴廚師炒蜆 $198大大碟嘅炒蜆 蜆嘅份量仲係超多又唔會有沙重點係佢哋呢碟炒蜆嘅忌廉汁好creamy 濃稠適中 唔會太膩 真係超級好味佢哋餐前會比麵包 用呢個汁嚟沾麵包食真係食到停唔到口🤤牛肋骨 $220呢碟牛肋骨反而有啲失望望落去好似烤得好香 不過可能太過火啲牛好韌 完全好難咬落口 薯條反而新鮮即炸 好香脆鴨飯 $215葡萄牙傳統菜式 飯粒吸收鴨肉精華 鹹香美味醋伴豬耳 $98開胃頭盤 醋伴豬耳 咬入口清脆爽口 配搭啤酒🍻絕對係最佳配搭…查看更多

唔係講笑，呢一間葡國菜真係唔錯！一般來講對葡國菜嘅印象都好覺得唔係好特別唔好食，上次去澳門去氹仔嗰間木偶餐廳，都覺得唔係預期中咁特別！今次呢一間地方就格攝啲，如果唔係有澳門朋友揸車入到嚟，遊客搭車嘅話都幾唔方便。🏆首先講吓啲馬介休先，睇落去好似一坺嘢咁都唔知咩嚟咁，但係食落去啲魚肉有口感，仲有啲脆粉絲/配料喺入邊，加調味啱啱好。好難形容，但係嚟到一定要試！第二樣覺得好好食嘅就係個牛肋骨！整得好琳，而且生熟啱啱好！仲好食過五百幾蚊嘅和牛扒☺️令我想推介下佢啲甜品！Miramar Delight 同 Egg pudding最好食！…查看更多

📍#澳門 #美麗華餐廳#羊羊在澳門#羊羊去旅行今次介紹呢間係黑沙環餐廳，雖然係遊客先去嘅葡國菜餐廳，但是性價比幾高，咩都勁大碟🤑建議晚上去要先訂位，下午就可以一試walk in✌🏻由於比較偏僻，多數人都搭的士，但係易俾人兜路🚕另外餐廳前面咁啱有個巴士站，好快就搭到返威尼斯人個邊，仲勁過香港紅Van唔講笑🙂仲有小tips，枱上枝1.5L水要收$38，可以同佢講唔要，俾一壺熱水得了，入面勁大風好快凍💨✨Clam Chef Style $198勁大碟，好似香港啲雙餸飯店門口放個啲餸咁多😂睇咗其他人嘅食評都係忌廉汁，好creamy，但唔膩，可能因為有好多蒜🧄肉幾飽滿，亦都唔多沙、唔多空殻🤗🐙Seafood Soup $88好足料下，一撈上嚟好多雜錦海鮮🦐望落似蕃茄湯，不過食落又唔係，係好鮮甜嘅味😋份量都夠兩個人share😉🐟Codfish dreams (4pcs) $98馬介休波波仲唔係葡國菜代表😎肉眼可見好多魚肉混咗係薯仔入面，不過食落薯仔仲重味，似薯波🥔下次見到未必叫，利申未食過，可能未食過好味🤪🐖Grilled "PLUMAS" black pork $245燒黑毛豬肉，燒到有啲乾，又韌🫠個人不推薦，唔想再記起🥺🐖 Roasted suckling pig (portion) $248呢到燒豬好出名，全隻定豬髀要訂，Portion就可以即場落單😗食落暖暖地，皮都偏厚但脆，脂肪唔多，肉唔鹹唔柴，合格多少少🤏人均價錢－～$250(有加一)評分－回頭草指數（🍀🍀🍀🍀🍀滿分）食物：🍀🍀🍀環境：🍀🍀🍀🍀服務：🍀🍀🍀…查看更多

呢間餐廳提供傳統葡萄牙菜式🇵🇹設有室外同室內座位，更可以直接通往黑沙海灘🏖️💗八爪魚沙律 (MOP$118)呢個沙律嘅主角係超多八爪魚粒，柔軟得嚟又有咬口🐙搭配洋蔥、橄欖、蕃茜，簡單以醋，橄欖油同鹽調味，酸酸地夠開胃，清爽可口🥙💗廚師炒蜆 (MOP$188)廚師炒蜆份量超多，雖然蜆肉較小，但無沙都算幾好🐚個忌廉白酒汁先係重點，奶油香濃厚，裹滿所有蜆肉，將麵包沾入醬汁食真係一流，完全停唔到口🥖💗葡國燻黑豬火腿 (MOP$188)燻黑豬火腿風乾程度剛好，肉味鹹香🍖配搭爽脆清甜嘅哈蜜瓜，鹹鹹甜甜非常夾🍈💗炸馬介休球 (MOP$88/ 4隻）馬介休球炸得香脆，內𥚃綿密薯蓉夾集馬介休魚絲，但食落無想像咁鹹香🥔💗燒全條牛肋骨、伴薯條、沙律 (MOP$268)全條牛肋骨份量十足，預先起骨切片，牛肋肉粉嫩軟腍，牛味濃郁之餘，帶薄薄筋膜同細緻油花，仲食到濃濃炭燒香🐂配菜方面有炸薯條同田園沙律🍟💗葡式燒乳豬 、伴薯條、沙律 (MOP$240)乳豬先慢煮後烤焗，豬皮香脆鬆化，肉質軟腍嫩滑，充滿油脂香同肉汁🐖配菜方面有炸薯條同田園沙律🥗💗Fruit Punch (MOP$120/ ½ Jar)雜果賓治主要以多款新鮮水果、橙汁同梳打水調製而成，清新爽甜🍹…查看更多

澳門朋友介紹到這間美麗華餐廳吃正宗葡國餐，所以滿心歡喜及期待到達。到達時人群非常多，都是旅客。首先必食葡國燒乳豬，不知是否與落單waiter溝通不清楚，食物到達時，只有幾舊乳豬拼薯條，本身想order一隻豬，但因為出餐慢，所以都未能再下單。凍蝦，白灼蝦一碟，味道正常發揮。奶油炒蜆，奶油非常惹味，可惜一部份蜆吃到有沙，洗得不透徹。燒魷魚，略過熟，有點硬。最後是海鮮雜燴及海鮮意粉… 竟然湯底是一樣的，說實話湯底非常好味，因為充滿了海鮮精華，不過煮過的海鮮魚蝦蟹，全部已經過熟，非常乾，沒有味道。葡國雞，朋友直言沒特別不吃也罷，所以連照也沒有影… 白酒Sangria亦不太好喝，白酒底酒精味過重，生果亦太少…總括來說，如果說是正宗葡國餐廳有點名過於實，亦不值得山長水遠來到黑沙海灘這邊。…查看更多

名氣大但眼高手低，非常一般。香港是但搵間西餐都有呢個質素甚至更好🙏。仲話要早幾日book枱唔係會爆晒，真係too much喇，不了不了🫸・・・・・・・・・・・・・・・・・・・・🥣 薯仔蔬菜湯 MOP$45・味道：薯仔已經打晒入湯到，蔬菜都係茶同紅蘿蔔為主，正常啦就係想像到嘅蔬菜湯味道。・口感：因為薯仔打晒入湯到所以飲到一粒粒澱粉感haha🍲 廚師炒蜆 MOP$198・味道：蜆滑，都算鮮。個汁係少少白酒溝青汁咁，唔重味，不錯，算係成餐最好食嘅嘢～・口感：正常啦，蜆夠滑冇沙嘅。🥩 牛肋骨 MOP$220・味道：呢個就小kick喇，啲牛好韌又冇乜牛味，配料醬汁味為主，但都咬得開嘅⋯・口感：好韌呀🥶！！！🐟 馬介休 MOP$238・味道：啫係葡式鹹魚，呢款銀鱈魚嚟。作為白身魚嚟講唔夠油香，一般。・口感：唔夠滑喎，魚嘅前後食落都頗鞋口下😶‍🌫️🐷 燒乳豬 MOP$248・味道：8成肥：2成肉。就咁食個乳豬非常一般，點個醬就好小小囉，葡式麻醬咁，唔識形容，甜酸苦辣咩都唔係，小小鹹味吊下個乳豬咁。・口感：皮夠脆嘅。個薯條老實講，衰過M記😒，唔熱唔脆唔淋冇鹽，有一條食落仲苦嘅😱🐙 八爪魚沙律 MOP$128・味道：呢個都算係出色㗎喇，酸酸甜甜咁，不錯～・口感：巨量八爪魚而且好淋，咬兩嘢就散晒但唔係霉，🍞 附餐送麵包・味道：啲人都話好食，我覺得好一般喎。軟熟但冇乜包香，可能因為包已經係室溫冇整熱，點咗橄欖油食都一樣咁普通🥶。・・・・・・・・・・・・・・・・・・・・🤰性價比：中～🤰9衝度：可試～🤰結論：地理位置比較遠，唔係揸車/搭的都好難到，附近除咗沙灘都冇其他嘢了。呢間絕對係「試一次就夠」🙏・・・・・・・・・・・・・・・・・・・・…查看更多