波爾圖

日期：27-09-2025時間：下午五點十五分菜式：乳豬飯，八爪魚沙律，紅酒一杯總費：葡幣$369.6乳豬飯若是餐廳的特色菜，建議：豬皮可以鬆脆些；豬皮切勿太硬；豬肉味道整體處理可以豐富些並去除豬臊味較佳；伴飯的味道可以豐富些並帶豬油香味較佳。八爪魚沙律若八爪魚帶鮮味並切粒口感較佳；沙津汁味道豐富點可提升整體味道。察覺這店客人絡繹不絕，若食物及烹飪質素恆常檢視及提升，聆聽客人意見，就算面對競爭激烈的澳門飲食業，必定可以鶴立雞群，生意更上一層樓。…查看更多

好耐之前已經食過呢間餐廳，係一個朋友介紹俾我聽，佢話呢間餐廳好好食一定要試，聽佢講完試過一次之後真係食過返尋味😋😋所以今次又再嚟食多次🙂‍↕️呢間餐廳每次都好多人排隊，所以如果要食就應該要避開食飯時間🙂‍↕️-呢到每樣食物份量都超大份，食完好飽肚🥺雖然佢每樣食物都唔算好平，但真係好食🙂‍↕️如果想試多幾樣就最好叫多幾個朋友一齊share🤣因為真係樣樣都好大份葡式炭燒豬頸肉$83，豬頸肉以為得好少，點知有超多塊，塊塊都又大又厚🥺佢嘅調味好好食，好啱我🥺連薯角都好大舊油鴨髀飯超香，碗底有飯焦，撈埋一齊食超好食😋油鴨髀有好香鴨味，仲有啖啖鴨香，飯唔會太乾，好正！檸檬蜆都超好食，每啖都有好香嘅檸檬味，食落好fresh，蜆嘅份量都超多同埋無沙，入面既洋蔥令成碟野既口感有大大提升…查看更多

每次過澳門，總見波爾圖葡撻長長人龍，只為一嚐那令人垂涎的蛋撻！這款蛋撻由葡萄牙主廚手工精製，選用日本生食級夢王蛋，蛋香濃郁，口感滑順細膩；搭配法國頂級牛油打造的撻皮，酥脆香醇，令人一試難忘。無論排隊多久，這份澳門經典美食絕對值得！ 草莓蛋撻 🍓：酥脆撻皮配滑順蛋漿，草莓酸甜清新，好似春天喺嘴裡！• 藍莓千層蛋撻 🫐：千層撻皮超脆，藍莓酸甜搭蛋香，層次豐富，超滿足！• 芋泥麻糬蛋撻 🥔：芋泥香濃，麻糬Q彈，蛋漿滑順，東西方fusion嘅驚喜！• 波爾圖夢王蛋葡撻 🥮：經典之王！蛋漿濃郁絲滑，撻皮酥香，一試難忘！每款都好食，值得排隊！😋😋🙂🙂…查看更多

今天試了麵包雞和芝士蟹黃，麵包雞外酥裡嫩，醬汁誘人；芝士蟹黃綿密鮮美，超級過癮。但乳豬飯雖油脂香濃，有8塊之多，卻油膩膩口，且價格兩百多，性價比不高。。。。。。…查看更多

🇲🇴🍽️🐟性價比超高葡國菜✨晚市5:30開始，五點左右開始就會有人排隊，第一輪入唔到嘅話就起碼都要等多一個鐘，呢間餐廳不設訂位，想食嘅就早啲嚟排啦！🆗野菌海鮮忌廉湯 - $38睇落好多菇碎，野菌味香濃，不過冇一粒粒可以咬到嘅菇，同埋吾係幾覺有海鮮，但味道ok。✅葡式燒馬介休 -$188馬介休魚柳超大條，底下仲有原個薯仔墊底。葡式燒嘅煮法主要係用橄欖油煎，而馬介休係鹽醃嘅鱈魚，廚師煎得好好，皮脆肉嫩，魚肉鹹香十足。✅特色焗鴨飯 -$83呢個特色焗鴨飯都好經濟，飯粒有口感，三片鴨肉嘅味道都好香，煎得好好。飯裏面亦都有其他肉類。✅地道非洲辣雞 -$128呢個非洲雞非常值得一試，係隻好大嘅雞髀，鋪滿咗大量嘅醃料，包括蒜蓉、椰絲、辣椒粉，好惹味，甜甜辣辣。而雞肉亦都唔會好嚡，旁邊仲有沙律菜同埋薯角。薯角炸得香脆，而沙律菜新鮮配咗黑醋汁。✅芝麻麻糬葡撻 -$18呢款特色葡撻係佢哋自家製，個酥皮都幾鬆脆，切開會有流心嘅芝麻醬，裏面仲有麻糬增加口感，幾有特色，但係就會蓋過咗葡撻嘅蛋香味。…查看更多

呢間乳豬飯一直好出名，食飯時間成日都大排長龍，但都無阻我食乳豬嘅決心！食咗幾次之後，推介比同事食，一行十個人慶生，事前膽粗粗問可唔可以要全隻乳豬！老闆仔話做比你！結果當晚捧出嚟真係全場矚目😂連隔離枱都忍唔住過嚟問，可唔可以同隻豬影張相打卡。除咗乳豬之外，樣樣餸都好有水準，我自己最鍾意馬介休球同埋蜆，係食完一啖又一啖嘅水準👍🏻另外佢哋嘅蛋糕原來都係自家製，因為同事生日，同佢哋提早訂定蛋糕，有隱藏版芝麻巴斯克，唔係講笑個芝麻係香濃到喺個口爆開，連唔食芝士嘅朋友都話芝麻夠香！佢都食到！雖然唔想推介比大家，因為佢已經成日排長龍，但今次佢哋服務同食物都係水準之上，無辦法唔留個好評🙏…查看更多

閃遊澳門，行左一陣又食，想食葡國菜，趁早未係好多人去波爾圖，講起來有10年以上冇去，餐廳剛好閞門即有5位，之後好快就滿座，果然係人氣店。餐廳面積中等，裝潢有著葡國色彩，復古之感。餐牌，食物都好多選擇。葡式乳豬釀飯，$238，招牌必食，乳豬中件厚身，口感外脆肉嫩，有少少肥膏味道更香口，有入口即化之感，美味!釀飯味道酸酸甜甜好醒胃。葡式燒八瓜魚，$168，賣相不俗，八瓜魚口感太韌，味道普通。薯絲炒馬介休，$118，本物想食馬介休球，但見到薯絲又好奇試下，薯絲脆口薯味濃，味道鹹香但太油，普通。乳豬釀飯必食，服務態度幾好同坐得舒適，有機再食。氹仔舊城區地堡街泉福新村第1期第4座嘉開閣地下…查看更多

次次嚟澳門經過佢，都多數見到條龍，而呢條龍往往都會令我卻步，而今次竟然無「龍」梗係要入去試吓。女友口味特別又麻煩，睇嚟睇去個餐牌，都係二人餐算。「西餐」頭盤一定係湯，好鬼熱，好濃嘅蘑菇同忌廉味。呢碟係另加嘅炸馬介休球，食落第一感都係好鬼熱，食之前查過馬介休係魚類嘅嘢，隱約聽到隔離枱話係鬼佬咸魚，咬落去又唔覺有咸魚，或者係魚嘅感覺，反而我真係學黑白廚房咁，合埋對眼去感受下佢～我感覺似食緊酒樓飲茶嘅「芋角」入面嘅芋蓉咁，但呢度啲幼滑好多，好味。跟著係芝士焗生蠔～面頭層芝士恰到厚度，又估唔到下層有啲波菜，而生豪又好新鮮果隻～好食。羊架～外面小小鬆脆外層，羊肉肉質真係好嫩同羶，呢種羶味要真係鍾意食羊嘅至攪得掂，我女友就攪唔掂，我要啪三舊。海鮮意粉～辣辣哋有啲鮮味同味道特別。面頭係木糠，下面層奶油好硬，唔係咁啱我口味，二啖收手。整體而言，雖然打正係傳統葡國菜，但係好適合『唐人』口味 ，好欣賞佢哋每樣菜都「好熱」咁上枱，呢個香港嘅食肆真係要學習下。回頭度：8/10. 真係好食…查看更多

喺澳門覺得一定要食葡國菜，但係完全冇概念，所以就上OpenRice睇邊間好食😋 搜尋第一個彈出嚟嘅就係呢一間。去到之後其實都係跟住佢牆上面嘅推介食😂，整體黎講好ok！5個餸都唔伏！好食！🎊🎊 （個八爪魚🐙好正不過啲皮就靭啲）但係特飲就nono 玫瑰花糖漿 同 茉莉花糖漿🥴…查看更多

食物🥘一般，服務員面無表情趕客咁，一坐低就強調兩次用餐時間75分鐘，咁好生意嗎？非洲雞唔辣似沙嗲雞囉，蟹蓋還好，忌廉有啲甜囉不過不失，乳豬飯都算脆皮，最好食係咖哩牛尾嘅咖哩汁但牛尾煮唔夠軟，最後都係服務員面口差，完…查看更多

今次無時間做太多功課，就搵左最多人寫評論嘅餐廳去試，進入面裝修真係幾有葡國feel，好似外國啲餐廳咁，不過唔太新，可能開左好耐啦，不過感覺小迫，不過都可以傾到計葡國雞等你影完相店員會同你剪開，個包外脆內軟，點個汁一流個汁有啲椰香同幾濃郁，雞肉不過不失，唔算太嫩，又未去到鞋，可接受葡式烤乳豬推介，份量都幾大份，2-3個人share都得，乳豬份量都幾多，皮脆肉嫩，調味岩岩好，唔會太咸同唔算油，炒飯底炒得幾惹味…查看更多

波爾圖 (氹仔舊城區)📍氹仔舊城區地堡街泉福新村第1期第4座嘉開閣地下馬介休球炸鹹魚薯蓉波波粒粒都好飽滿淡淡鹹魚味好香口配啤酒一流5-6粒岩2個人share🤣7.7/10非洲雞巨量辣椒蒜蓉👍🏻重口味但同雞肉好夾肉質嫩滑沙律菜配黑醋油味道吾錯🤤炸薯角好香脆啖啖薯仔🥔7.9/10海鮮蟹肉燴飯燴飯超多配料：蝦、火腿、橄欖、蟹肉燴飯偏濕潤味道普通乳豬焗飯好食過呢個7.0/10✏️環境比較逼陝，勝在價錢抵食…查看更多

今次午餐時間過來避開繁忙時間，所以一入就有位了，餐廳其實唔大，午餐都限時75分鐘，奇怪得很🙄⭐️🍽脆炸馬介休球：新鮮炸、熱辣辣、鹹香鹹香好嘢味😋⭐️⭐️🍽檸檬白酒炒蜆：蜆飽滿大大隻、無沙，檸檬🍋加白酒吃起來清新，一點也不油膩，好吃到連湯都飲埋😅⭐️⭐️⭐️⭐️🍽葡式乳豬飯🐷：乳豬好大件，乳豬皮香脆，肉還有很嫩，必吃的👍🏻👍🏻⭐️⭐️⭐️葡國海鮮燴飯🥘：配料很豐富，有青口、蝦、蜆、八爪魚🐙、黑橄欖，很有葡國味道⭐️⭐️⭐️🍽葡式炭燒豬頸肉：厚厚兩大塊豬頸肉，有炭香味；薯仔連皮一齊炸，很香、很配豬頸肉👍🏻這餐廳價錢合理，雖然不是太正宗但味道絕不錯，交足功課，值得回頭😁…查看更多

🇲🇴🥢🥣澳門人氣葡國菜☑️葡國海鮮燴飯 - $138個飯用鐵鍋上，都幾大份，絕對夠兩個人食，好足料，有好多海鮮包括蜆、八爪魚、蝦仁、火腿，一隻大蝦，一隻青口，仲有大量蔬菜，包括蕃茄、青椒、洋蔥、芫荽。調味都唔錯，酸甜開胃，令人食到停吾到口。☑️葡式炭燒豬頸肉 -$83豬頸肉冇切成薄片，反而係成塊上，而且仲有兩塊，每塊都好厚身，燒得好靚，有孜然粉嘅味，個汁酸酸地幾好味，仲配左薯角同沙律菜☑️西西里忌廉煮蜆 -$138蜆嘅份量吾少，都冇沙，而且索汁。個汁幾creamy, 有大量嘅芫荽同埋洋蔥，調味吾錯。…查看更多

復活清明，全家又坐艇去馬交。酒店check in後，坐輕軌來到官也街，大家開始安排晚餐了!   茂利想食牛肉，小米想食葡菜。看到店門牛柳套餐有特價，再細看餐牌，價格合理，直接拎飛等位了。在角落的小圓枱就座，就要快快下單。葡國鹹豬手沙律  大大碟的蔬菜，鹹酸的透明沙律dressing幫助消化。 細細塊豬手不太鹹。脆炸馬介休球 剛炸起熱辣辣，外脆內軟，絲絲魚肉混在薯蓉裡，鹹度適中。懷舊鑊仔牛柳套餐   Pan fired Beef Tenderloin 有湯有肉有薯菜有甜品，可以解決選擇困難症。 Tenderloin牛仔柳中芯位仍是粉紅色，肉質嫩滑有牛味，單食已經很美味，沾上伴碟的黑椒汁更正。波爾圖污糟雞 Baked Chicken "Porto Style"看到店內黑板的廚師推介，還有手指公，所以試試。這個菜是最後上枱，熱辣辣剛焗起。除了半隻雞，瓜蕃茄葱頭原粒蒜菇，還有鷹咀豆紅腰豆八角桂皮黑水欖辣椒。清爽湯底鹹酸香辣，透著淡淡的孜然香。原隻燉煮的半邊雞肉嫩滑，鷹咀豆和紅腰豆軟綿綿容易咬，伴著鹹香湯底一起享用更美味。   充斥香料的雞湯底十分惹味，真的想把湯底喝光。來到最後，細看鍋底，真的很眼熟，真係好似Tajine鍋。十分懷疑這是摩洛哥塔吉燉雞，在此店就變做Porto Style。 甜品 : 木糠布甸   忌廉厚實密度高，入口粘稠痴脷痴上咢。並非入口即化的噴噴咀忌廉。 離去之時，店門仍有多人等候。果真很受歡迎。…查看更多