影片
#chuchu食在澳门📍 波尔图葡挞行开澳门见到超多人排队买呢间葡挞！即刻冲过去睇下，原来系葡萄牙主厨手工制作，千层酥脆到咬落有「咔嚓」声！💡 星期六日成日排长龙！建议早去！—————————————————————❣️ 波尔图梦王蛋葡挞 MOP$15镇店之宝！用左成本高好多嘅日本生食级梦王蛋，蛋香浓郁，食落滑lulu，夹埋外层好浓牛油香嘅千层挞皮，口感好丰富！.❣️ 草莓蛋挞 MOP$20新鲜草莓+卡士达酱酸甜平衡～挞底竟然keep到脆身！.❣️ 蓝莓千层蛋挞 MOP$20蓝莓酱好满🤪中间都有会爆出嚟，微酸果香中和甜腻感～.❣️ 可可千层蛋挞 MOP$26朱古力控必试🍫浓郁嘅朱古力馅+脆皮双重暴击！面头仲有啲朱古力豆豆！.💬 建议趁热食🔥—————————————————————不专业评分👅好味指数: 8/10 💰性价比: 8/10👍🏻推荐: 8/10 —————————————————————🏡地址: 波尔图葡挞 (新桥(三盏灯/白鸽巢))新桥(三盏灯/白鸽巢)关前正街44-A号金胜大厦地下A1号舖🕑营业时间: 11:30 - 22:00
继续阅读
关前正街系新马路附近一条充满历史嘅街道，两旁有传统嘅商舖同特色小食，吸引游客探索。呢度发现一间新派舖挞，老板系做左好多年葡挞嘅葡国人，即刻好想试。听讲平时都系好长龙，今次无人排队系因为依家系闲日3点。首先都系睇下餐牌先欣赏下啲挞最后买左6个唔同味道黄金比例原味蛋挞 $15呢个系店员极力推介，用左$8一只可以生食嘅梦王蛋，比平时$1一只成本高好多，水份比平时少，蛋香足够，都做到滑溜效果。加埋外面好多牛油香嘅千层挞皮，难怪唔需要传统葡国香料肉桂粉都咁够味。咬一啖见到特别绵密丸久小山园熟成抹茶千层挞 $26少少绿茶味，叫清香；浓味就会变成苦，呢度就系苦𠮶种。但系呢种苦保留蛋香，但平衡外皮牛油嘅腻，加埋装饰嘅糖粉少少嘅调味，原来咁正。葡萄牙波特酒千层蛋挞 $24蛋浆里面加入波特酒，有提子嘅果香同香甜，酒精消失晒。所以另设滴管，食用前注入，咁就会有蛋香、果香同酒香，出面一定无得卖。草莓宝石千层蛋挞 $20水果味真系要摊冻，原来士多啤梨嘅酸甜味，比较清爽，同外面嘅千层挞皮系几夹，另外有鸡蛋增加口感系唔错。蓝莓圆舞曲千层蛋挞 $20蓝莓味甜啲，无咁清爽，用落蛋挞度，反而味道融合啲，但如果只打算食一个挞，都系唔建议食果味。手工芋泥麻糬千层蛋达 $25呢款系最后一款食，外层好香甜，以为系紫薯，其实系芋头，所以做得相当绵密。咬落去有麻糬，感觉烟韧，不过呢个最多只可以食半个，唔系就会太饱。合计 $130
继续阅读
呢间波尔图葡挞真系唔错！葡萄牙主厨手工制作，每口都食到用心。挞皮用法国顶级牛油，酥脆香浓，入口即化；再配上日本生食级梦王蛋，蛋香浓郁又滑顺，口感细腻。无论系抹茶、波特酒、开心果定朱古力口味，都好有层次，份量唔大但够精致，啱晒下午茶时光。😋买左呢四款葡挞食！真系精致又有特色❤️1) Matcha Mille-Feuille Egg Tart抹茶味浓郁，带微微苦甜，层层酥脆挞皮配滑顺蛋浆，好有日式风味2) Port Wine Mille-Feuille Egg Tart用波特酒入味，芳香独特，甜而不腻，酒香同蛋香完美融合3)Pistachio Mille-Feuille Egg Tart开心果香浓郁，口感丰富，微脆的层次带出坚果天然甘甜4) Chocolate Mille-Feuille Egg Tart朱古力味香滑浓厚，挞皮酥香，甜度适中，系朱古力控嘅至爱。每款都用日本生食级梦王蛋同法国顶级牛油打造，滑顺又酥脆，好正！😋
继续阅读
去开澳门，又点可以唔去呢间咁出名嘅葡挞店🤣餐厅由葡萄牙主持手工制作去到可能都要排一阵队先至买到芋泥麻糬蛋挞$25芋泥绵密仲有颗粒感，中间麻糬拉丝，唔会太过甜，层次感好足！开心果蛋挞 $26粒粒开心果好实在，内馅有脆颗粒，开心果控必选！！波尔图梦王蛋葡挞 $15用日本生食级梦王蛋，蛋香浓到爆，口感幼滑，15蚊有呢个质素，性价比爆登传统葡挞$12 经典款从来都唔会令人失望，新鲜出炉热辣辣，酥皮脆、蛋香够，12蚊就食到简单快乐！
继续阅读
去澳门旅行，朋友极力推荐波尔图葡挞，话系葡萄牙主厨亲手整，用料唔马虎。去到见到真系有排队，心谂应该唔错，就买嚟试下。挞皮真系超酥脆，咬落去有「咔嚓」声，牛油香好浓但唔会腻，啱晒我呢啲唔钟意太重口味嘅人。蛋馅用梦王蛋，滑得嚟又够蛋香，甜度啱啱好，唔会死甜，食完都唔觉滞。蓝莓千层蛋挞有啲果香， 蓝莓酱不会太酸，配埋蛋馅几夹，层次感都几好。波特酒𠮶款就有啲惊喜，酒香淡淡地渗出嚟，唔会抢味，反而令成个蛋挞有啲成熟感，几有风味。总括嚟讲，波尔图葡挞真系有心机做，味道有特色又唔浮夸，值得一试，尤其系钟意蛋挞但又想试啲新口味嘅人。
继续阅读
您可能会有兴趣的...