影片
舖头面积比较细，价钱有少少贵，不过质素系好嘅。卜卜蚬：汤底系清汤加大量嘅蒜蓉 ，同一个熊仔造型嘅牛油。叫咗小辣，但系其实食落都冇咩辣。上到枱个造型好靓，打卡一流。睇住啲蚬慢慢卜卜地打开，好疗愈嘅感觉。蚬肉好鲜甜。因为汤底比较清，所以就食到蚬肉嘅清甜味，同埋比较浓郁嘅牛油味。另外佢舖头嘅豉油都比较甜，就算啲蚬点咗豉油，只会增添少少鲜味，而唔会太咸，系好味嘅。打边炉材料:顶级牛肋王：嚟到先知原来系牛肉粒，冇睇清楚。大部份牛肉粒都有牛筋，要煮得耐啲先会腍，否则牛筋嘅部份会好韧。牛肉味非常浓郁，系好味嘅。👌🏼美国牛小排：质地嫩滑。但系因为食咗牛肉粒先，味道会显得淡一啲，冇牛肉粒𠮶种牛肉味好浓郁嘅味道，但系质地系好嘅。😕西班牙猪腩肉：肥膏好多，正正常常冇咩特别。唔算特别鲜甜，少少韧。蜂巢冰豆腐：索晒鲜甜海鲜味嘅汤底，非常好味。👌🏼玫瑰虾滑：食落同普通虾滑冇咩分别，都系爽弹嘅，但系冇食到玫瑰味。另外黄芽白或者油麦菜都会索左汤底嘅鲜甜味同牛油味，好味。总结：少贵，但几高质。
继续阅读
今次去咗一间食肆食卜卜蚬，真系有惊喜！一上枱，个镬已经喺度「卜卜」声响，蚬壳慢慢打开，香味扑鼻而来。蚬肉肥美多汁，鲜味十足，搭配𠮶啲蒜蓉同红辣椒，微辣中带香，好惹味。除咗卜卜蚬，仲叫咗个海鲜拼盘。有虾、肥牛、鲍鱼、虾滑等，样样都新鲜。虾肉弹牙，肥牛纹理靓，鲍鱼口感烟韧，虾滑滑溜溜，食落超满足。环境都几好，坐得舒服，服务员态度唔错，上菜速度都几快。价钱都几合理，性价比高。整体嚟讲，呢间店嘅卜卜蚬同海鲜拼盘真系值得一试，下次会再嚟食其他嘢。
继续阅读
依家一直book mark咗终于嚟澳门有机会试人气トト蚬 黄金时段一定要book位因为好多人。佢哋最出名就系系卜卜蚬火锅同好可爱嘅熊仔公仔。熊仔公仔溶化咗之后会变成火锅嘅汤底 念佢哋卜卜蚬火锅几出色每只蚬都好大只又厚肉胀卜卜，都几新鲜。汤底有大量嘅蒜蓉几香 又唔会话太浓味。另外佢哋嘅牛肉都质素吾错 特别嘅墨鱼滑，非常之弹牙。
继续阅读
去亲澳门都必定会去帮衬👍可以预先订咗，预留食材为咗熊啤啤卜卜蚬😋😋本人系蚬怪，超级钟意食贝类完全冇沙好鲜甜，有劲香牛油蒜蓉香草味另外个乳鸽BB超级好食，必点完全好有味，新鲜即炸烧粟米有意外惊喜，估唔到咁食都好食之后仲可以叫菜打边炉，款式多，够新鲜👍👍👍去澳门嘅都可以试试喔😊5个人去人均消费都系$200超值之选
继续阅读
【食游澳门】旺德福 - 好味又可打卡！卜卜蚬煲真系无得输！个煲造型劲得意，见到熊仔开始跌落个汤底到我仲尝试救佢。个沙白阵又排得好靓，打卡一流。味道方面，加左蒜蓉，牛油，小小辣椒，食落微辣好好味，冇沙。如果冇开嘅沙白，最后佢会主动捞起再换d新既放落㶽。乳鸽都系一绝！d皮好脆，肉嫩多汁又够香，咸度岩岩好！另外有牛小排，肉嫩好滑都系推介。再放杂菜，有娃娃菜，生菜同菜心，放汤都好甜。环境干净，地方唔算大但坐得舒服。服务态度好好，主动帮你搅下未熟既沙白，又帮客人落墨鱼滑落个汤度。食品同服务都非常满意。最好打定电话去book位。
继续阅读
您可能会有兴趣的...