平昌

营业中

休息中

我想平昌BBQ呢個名對大家來講一啲都唔陌生，都會經常去食，而我自己亦都係一試再試，忠實嘅擁躉。一行入去餐廳，已經聞到好香嘅BBQ味道，我哋今次叫咗個世子御饍，可以選擇嘅食物會比較多啲，同埋高級啲。有蝦，有扇貝，有帶子，仲有各式各樣韓國熟食，款式種類繁多，一定會啱你胃口。最估唔到係連醬油蝦都有得食，因為佢嘅製作繁複，同埋成本都比較高，所以好多餐廳都唔會有得俾你任食。肉類方面亦都有好多選擇，包括有唔同部位嘅豬肉，牛肉同埋雞肉，食材都非常新鮮，肉類全部唔會變咗黑色咁樣，都係鮮紅色。而且份量都唔會話因為任食所以特登縮細，絕對充滿誠意，件件都係厚切。除咗燒烤嘅生食物之外，仲有好多熟食可以選擇，例如有韓國好出名嘅水冷麵，炸雞，拌麵，石鍋飯等等，仲有我最鍾意食嘅炒粉絲，可以話食物方面一應俱全。而且店員大部份都係韓國人，佢哋會話俾你聽韓國人係點樣去食，當中大家都有傾有講，服務好親切。所以整體來講，係一間非常之唔錯嘅BBQ餐廳，亦都係我食完再食嘅原因，不單止價錢相宜，而且地點就腳，平時收工同朋友去食飯嘅一個非常不錯選擇！