影片
更多
2021-07-24
68 浏览
👧🏻👧🏻👧🏻👧🏻難得去到有咁多好嘢食嘅荃灣，唔食盡佢真係對唔住自己。今次👧🏻就同朋友去咗一間幾靚嘅美式漢堡店 - B.O.T.H. by Texas Burger，店舖嘅環境好寬敞，枱與枱之間有足夠嘅空位，唔會好迫好好坐。晚飯時間去都幾多人排隊，如果想食就建議大家book定枱先啦。😊 ✧✧✧✧✧✧✧✧✧✧✧✧✧✧✧✧✧✧✧✧ 1) 羅文生菜合桃沙律🥗 HK$98依個合桃沙律深得👧🏻身為沙律達人嘅朋友歡心，合桃唔會有過多嘅調味，加上少少鹹嘅鯷魚，配埋有沙律醬嘅菜同麵包脆粒都真係好難會唔好食。😋分量亦非常充足，相信三四個人share都冇咩問題，細食嘅朋友食完都已經覺得有啲飽。🤣 😍賣相：🌕🌕🌕🌗🌑😋味道：🌕🌕🌕🌕🌑 2) 卡爾谷煙燻車打牛肉漢堡🍔 HK$138一送到黎其實有啲擔心會食唔曬，因為漢堡入面塊牛望落都幾厚下，仲要附送埋👧🏻最中意嘅薯條🍟，正常人食完一定夠飽。一食入口已經覺得佢地塊牛肉好好味，好juicy爆曬汁又有肉味，仲要佢地唔會煮到全熟，塊patty入面仲有少少粉色，真係唔錯。👍🏻再配上帶有煙燻味嘅車打芝士同微辣嘅chipotle mayo醬，真係令👧🏻食到停唔到口。🤤而薯條方
難得去到有咁多好嘢食嘅荃灣，唔食盡佢真係對唔住自己。今次👧🏻就同朋友去咗一間幾靚嘅美式漢堡店 - B.O.T.H. by Texas Burger，店舖嘅環境好寬敞，枱與枱之間有足夠嘅空位，唔會好迫好好坐。晚飯時間去都幾多人排隊，如果想食就建議大家book定枱先啦。😊
✧✧✧✧✧✧✧✧✧✧✧✧✧✧✧✧✧✧✧✧
1) 羅文生菜合桃沙律🥗 HK$98
依個合桃沙律深得👧🏻身為沙律達人嘅朋友歡心，合桃唔會有過多嘅調味，加上少少鹹嘅鯷魚，配埋有沙律醬嘅菜同麵包脆粒都真係好難會唔好食。😋分量亦非常充足，相信三四個人share都冇咩問題，細食嘅朋友食完都已經覺得有啲飽。🤣
😍賣相：🌕🌕🌕🌗🌑
😋味道：🌕🌕🌕🌕🌑
2) 卡爾谷煙燻車打牛肉漢堡🍔 HK$138
一送到黎其實有啲擔心會食唔曬，因為漢堡入面塊牛望落都幾厚下，仲要附送埋👧🏻最中意嘅薯條🍟，正常人食完一定夠飽。一食入口已經覺得佢地塊牛肉好好味，好juicy爆曬汁又有肉味，仲要佢地唔會煮到全熟，塊patty入面仲有少少粉色，真係唔錯。👍🏻再配上帶有煙燻味嘅車打芝士同微辣嘅chipotle mayo醬，真係令👧🏻食到停唔到口。🤤而薯條方面，分量好足夠，脆得黎又唔會太乾，配埋個漢堡一啖漢堡一啖薯條咁食，👧🏻就覺得好滿足啦。😍
😍賣相：🌕🌕🌕🌕🌑
😋味道：🌕🌕🌕🌕🌑
3) 核果奶蓋班戟🥞 HK$118
食到甜品嘅時候，朋友已經飽到投曬降，得返👧🏻一個再戰，所以👧🏻就揀咗佢地嘅班戟黎試。一黎到就已經覺得個班戟好正，班戟被奶蓋覆蓋，奶蓋🍼上面有灑上一啲肉桂粉同核桃粒，班戟上面仲有少少生果做裝飾。班戟好鬆軟好動L，食落好有空氣感仲帶有啲蛋香🥚。本身有啲怕淋喺班戟上面嘅核果奶蓋會好甜，但食落又唔會太甜，配埋班戟一齊食真係唔錯。😚落單嗰陣店員有同👧🏻講個班戟要等大概15分鐘，👧🏻估應該係因為佢地啲班戟係即叫即整嘅，如果大家想食又唔想等嘅話就記得預返時間⏱叫定先啦。
(朋友影依張相嘅角度，👧🏻都唔係好明，仲要實物係靚好多架。😭)
😍賣相：🌕🌕🌕🌕🌗
😋味道：🌕🌕🌕🌕🌑
總括黎講，👧🏻食咗咁多樣冇話食到啲咩係特別驚豔亦都冇食到啲咩伏嘢，佢地嘅嘢食都算係有一定嘅水平，所以👧🏻諗大家應該點叫都唔會失望嘅。☺
✧✧✧✧✧✧✧✧✧✧✧✧✧✧✧✧✧✧✧✧
✨整體評分✨（5分滿分！）
🏠環境：🌕🌕🌕🌕🌑
🤵🏻服務：🌕🌕🌕🌕🌑
💲抵食：🌕🌕🌕🌕🌑
💯總分：🌕🌕🌕🌕🌑
➖➖➖➖➖➖➖➖➖➖
🍽 B.O.T.H. by Texas Burger 🍽
📍 荃灣大壩街4-30號荃灣廣場3樓337號舖
☎️ 37052955
张贴
