喺12樓有一個隱蔽嘅門口，向左轉就會到達
樓上Cafe裝潢，我坐個位有啲暗
邪惡包 $76用生菜一塊將燒鵝肝同兩粒燒帶子包住
一啖就食完。鵝肝嘅味，將帶子味蓋過，算好味，但價錢略貴。
蟹肉忌廉餅 $38只有忌廉，沒有蟹肉，唔知有無好似X小巧咁犯商品說明條例，咁重忌廉浪胃送酒應該無咁易醉
李小龍卷 $68炸蟹鉗青瓜卷，上面有少許caviar
味道唔太濃，不過不失，我唔鍾意食濃味野
海膽 $65抵食海膽，用呢個價錢過下口引唔錯，老實一定唔夠貴價海膽creamy同新鮮，但算係誠意之作
原條石鍋鰻魚飯 $118最有匠心都算係呢個飯，先在外層塗上鰻魚汁，用石鍋嘅溫度令有鰻魚汁嘅飯變成飯焦，饅魚都好大條。
美中不足係返抵唔係炒飯底亦都唔係日本米。
黑馬王子 $58 其實係可口可樂加雪糕嘅黑牛，無敵組合，唔會失手。
熱檸檬果茶 $28有檸檬味嘅即沖飲品，我比較嘴刁，想要新鮮檸檬多過即沖橘子飲，對我來講有啲太甜
