The Place

入住酒店全景貴賓豪華客房，包入lounge同早餐，12歲以下小朋友可以跟隨大人免費享用午餐。酒店客人安排左三個時段入座，8:15am到達，大約3分1滿。食物選擇算適中。中、西、日、印度各有少少，最特別有即榨果汁。熟食整體味道正常，中式有粉麵、粥、點心、小籠包、煎蘿蔔糕。印度有簿餅、炒飯。西式有egg station、腸仔、煙肉大路野。另外有日式冷麵。座位空間ok，唔會同隔離枱太近。9:00am前都唔太多人，排果汁都係幾個。9:30pm離開時門口有一條人龍排隊入座。