影片
更多
2021-08-16
4921 浏览
暑假一家人去staycation, 雙人房$2200左右包自助早餐及自助晚餐。之前有睇過食評，普普通通所以期望唔大，自助晚餐分兩段時間，我食20:00呢一段。熱葷：香草新薯+忌廉薯，兩款薯仔我覺得爭d，有d似攞嚟擺既多過比客食（我目測冇人夾過新薯）焗鱸魚柳/三文魚柳，普普通通合理味道忌廉什菌長通粉，偏淡，長通粉超硬（比平時可食用既更硬），煮得唔夠身燴什菌牛肉，不覺不失蒸魚，冇特別印度咖哩雞，算好食燒鴨叉燒油雞，中規中矩花膠炆冬茹，合理味道什菌扒菠菜，好淡炆豬手……可試可不試揚州炒飯/伊麵燒烤：雞亦，羊架，蝦，牛仔腸，味道亦只能講合理，羊架太熟燒肉：燒牛肉，嫩，pink水準之上燒豬鞍，嫩，比燒牛肉更好食，可惜出左一大條之後冇再出（可能因為食20:00，冇再燒多一條，出完就冇）成餐自助餐最好食係呢條有骨燒豬鞍燒雞，冇試…… 望落去一般跟燒肉既烤蔬菜，幾好食，烤黃茄子同黃椒好好食燒汁，黑椒汁，辣茄汁同另一款汁都好好味刺身壽司，自助餐普通野沙律吧，菜類沙律選擇少，唔吸引Cold cut：凍牛好好食，個醃三文魚都唔錯凍海鮮：龍蝦，蝦，青口，文蛤，翡翠螺，普普通通甜品：選擇唔多，Apple cr
之前有睇過食評，普普通通所以期望唔大，自助晚餐分兩段時間，我食20:00呢一段。
熱葷：
香草新薯+忌廉薯，兩款薯仔我覺得爭d，有d似攞嚟擺既多過比客食（我目測冇人夾過新薯）
焗鱸魚柳/三文魚柳，普普通通合理味道
忌廉什菌長通粉，偏淡，長通粉超硬（比平時可食用既更硬），煮得唔夠身
燴什菌牛肉，不覺不失
蒸魚，冇特別
印度咖哩雞，算好食
燒鴨叉燒油雞，中規中矩
花膠炆冬茹，合理味道
什菌扒菠菜，好淡
炆豬手……可試可不試
揚州炒飯/伊麵
燒烤：
雞亦，羊架，蝦，牛仔腸，味道亦只能講合理，羊架太熟
燒肉：
燒牛肉，嫩，pink水準之上
燒豬鞍，嫩，比燒牛肉更好食，可惜出左一大條之後冇再出（可能因為食20:00，冇再燒多一條，出完就冇）成餐自助餐最好食係呢條有骨燒豬鞍
燒雞，冇試…… 望落去一般
跟燒肉既烤蔬菜，幾好食，烤黃茄子同黃椒好好食
燒汁，黑椒汁，辣茄汁同另一款汁都好好味
刺身壽司，自助餐普通野
沙律吧，菜類沙律選擇少，唔吸引
Cold cut：凍牛好好食，個醃三文魚都唔錯
凍海鮮：龍蝦，蝦，青口，文蛤，翡翠螺，普普通通
甜品：選擇唔多，Apple crumble合格，麵包布甸都幾好，食落軟身唔太甜，哈記雪糕
麵檔：
幾款丸，菜，粉麵，不吸引
湯：
青紅蘿蔔，合理味道
什菌忌廉湯，好濃好香什菌味，比較清，但就唔夠忌廉味
自助餐唔包飲，但有兩個飲野既package，我覺得幾抵，汽水+果汁任飲$80+1，紅白酒（約5款）任飲$120+1，我地幾個男仕，都叫左紅白酒任飲，都幾好飲，隻有汽白酒好正，我覺得飲左幾杯就翻本。
如果係比錢去食自助餐，就真係唔抵既，因為選擇少，又唔係太吸引。
但係計番二千多d, 去住一晚，包早晚自助餐，我覺得完全係接受以內。自助早餐都係中規中矩，八點半前去食唔需要排隊，九點後就大排長龍。（早餐限時一個鐘）
张贴
