牛大人台灣火鍋吃到飽 (瓊華中心) (已搬遷) 新店位置

牛大人人真係去親間間，每一次嚟到都一定有人排隊，今日星期六等咗10分鐘就有位，超級高興。今次都係嗌我最喜愛SRF黑牛同牛肩肉。嗌左大量嘅蝦同蜆肉，蝦又大隻又鮮甜，蜆肉肉質實的的，加埋一齊做個海鮮湯，真係又回本又滋味。另外就係海帶同芋頭牛丸，食落去好爽好新鮮，未必個個鍾意食芋頭，但係咬落去牛丸入面軟林林，口感絕對唔會比和牛丸輸蝕。平時少食辣同埋內臟，但今次試咗朋友推介嘅鴨血，鴨血嘅質感幾好，又唔會好腥，加上辣味已經浸咗入湯底，味道幾好味。湯底揀咗養生鍋，好多蟲草同杞子紅棗龍眼肉等等，個湯底都好好味最後非常推介大家放棄食雪糕做甜品，如果揀豆腐花仙草，可以將頭先食火鍋於口中嘅熱辣辣感覺，即刻消除晒，口腔非常舒服，而且豆腐好滑，加埋糖水、紅豆以及冬瓜粒，超級好食。