第三站

今日嚟到旺角金雞廣場上面一間好有英倫風格特色的cafe食午飯，佢地既裝修間格，飾物擺設猶如置身英國嘅餐廳一樣。我點左一個午餐加兩個小食，第一個小食係墨西哥肉丸，肉丸香脆彈牙，肉味香濃，再配上特製嘅蕃茄醬油，再喺肉丸上鋪滿芝士，芝士嘅味道，再加上蕃茄醬嘅香濃，係一個非常開胃小食。第二個小食係洋蔥圈，洋蔥圈炸到金黃色外脆內軟，配上特製嘅醬料，突顯到洋蔥嘅鮮味。最後到主角出場，黑松露帶子鮮菌會意大利飯，意大利飯軟硬適中，帶子僅熟，鮮味盡出，再加上黑松露嘅味道，配搭鮮菌，好味非常，絕對值得大家來試一試。